اعاجاي-التاي تورابى   ›   اقپارات ايدىنى   ›   ماڭىزدى حابارلار

مەملەكەتتىك كەڭەس كەدەن باجى ەرەجەسى كوميتەتى حابارلاندىرۋ جاريالاپ، امەريكا قۇراما شتاتتارىندا وندىرىلگەن ءبىر ءبولىم يمپورتتىق تاۋارلاردان ۇستەمەلەپ الىناتىن كەدەن باجىسى مولشەرىن جوعارىلاتۋدى ۇيعاردى

  شينحۋا اگەنتتىگىنىڭ 5 - ايدىڭ 13 - كۇنى بەيجيڭنەن بەرگەن حابارى. مەملەكەتتىك كەڭەس كەدەن باجى ەرەجەسى كوميتەتى 5 - ايدىڭ 13 - كۇنى بىلاي دەپ حابارلاندىرۋ جاريالادى: 2019 - جىلى 5 - ايدىڭ 9 - كۇنى امەريكا قۇراما شتاتتارى ۇكىمەتى 2019 - جىلى 5 - ايدىڭ 10 - كۇنىنەن باستاپ جۇڭگودان يمپورت ەتىلەتىن 200 ميلليارد دوللارلىق تىزىمدەگى تاۋارلاردان ۇستەمەلەپ الىناتىن كەدەن باجى مولشەرىن %10تەن %25كە كوتەرەتىندىگىن جاريالادى. امەريكا قۇراما شتاتتارى جاقتىڭ بۇل شاراسى جۇڭگو مەن امەريكا قۇراما شتاتتارىنىڭ ەكونوميكا - ساۋدا قاجالىسىن ۋشىقتىرىپ، جۇڭگو جانە امەريكا قۇراما شتاتتارى ەكى جاقتىڭ كەڭەسۋ ارقىلى ساۋدا الاۋىزدىعىن شەشۋ جونىندەگى ورتاق تانىمىنا قايشى كەلىپ، ەكى جاقتىڭ مۇددەسىن زياندادى، بۇل حالىقارالىق قوعامنىڭ جالپى تىلەگىنە ۇيلەسپەيدى. كوپ جاقتى ساۋدا ءتۇزىلىسىن قورعاۋ، ءوزىنىڭ زاڭدى ۇقىق - مۇددەسىن قورعاۋ ءۇشىن، جۇڭگو امەريكا قۇراما شتاتتارىندا وندىرىلگەن ءبىر ءبولىم يمپورتتىق تاۋارلاردان ۇستەمەلەپ الىناتىن كەدەن باجىسىن رەتتەۋ شاراسىن امالسىز قولداندى.

  «جۇڭحۋا حالىق رەسپۋبليكاسىنىڭ سىرتقى ساۋدا زاڭى»، «جۇڭحۋا حالىق رەسپۋبليكاسىنىڭ يمپورت - ەكسپورت كەدەن باجىسى ەرەجەسى» سياقتى زاڭدار مەن زاڭ ەرەجەلەردىڭ جانە حالىقارالىق زاڭداردىڭ نەگىزگى پرينسيپتەرىنە ساي، پارتيا ورتالىق كوميتەتىنىڭ، مەملەكەتتىك كەڭەستىڭ بەكىتۋىمەن مەملەكەتتىك كەڭەس كەدەن باجى ەرەجەسى كوميتەتى مىنانى ۇيعاردى: 2019 - جىلى 6 - ايدىڭ 1 - كۇنى ساعات 0دەن باستاپ، بۇدان بۇرىن كەدەن باجىسى ۇستەمەلەپ الىنعان 60 ميلليارد دوللارلىق تىزىمدەگى امەريكا قۇراما شتاتتارى تاۋارلارىنىڭ ءبىر بولىمىنەن ۇستەمەلەپ الىناتىن كەدەن باجى مولشەرىن جوعارىلاتىپ، جەكە - جەكە %25، %20 نەمەسە %10 كەدەن باجىسى ۇستەمەلەپ الىنادى. وسىنىڭ الدىندا %5تىك كەدەن باجىسى ۇستەمەلەپ الىنعان تاۋارلاردان %5تىك كەدەن باجىسى ۇستەمەلەپ الىنا بەرەدى.

  جۇڭگو جاقتىڭ ۇستەمەلەپ الىناتىن كەدەن باجىسىن رەتتەۋ شاراسى − امەريكا قۇراما شتاتتارى جاعىنىڭ سىڭار جاقتىلىعىنا، ساۋدا قورعامپازدىعىنا قايتارعان جاۋابى. جۇڭگو جاق امەريكا قۇراما شتاتتارى جاعىنىڭ ەكى جاقتى ەكونوميكا - ساۋدا كەڭەسىنىڭ دۇرىس ارناسىنا قايتىپ، جۇڭگو جاقپەن بىرگە قۇلشىنىپ، ءبىر باعىتپەن العا ىلگەرىلەپ، ءوزارا قۇرمەتتەۋ نەگىزىندە ءوزارا تيىمدىلىك جاساپ، تەڭ يگىلىككە كەنەلەتىن كەلىسىمگە كەلۋىن ءۇمىت ەتەدى.

جاۋاپتى رەداكتور: ءاننا اكىمقان قىزى
  • كوكتوعاي: شاعىن قالاشىقتاعى كوپ حيكايا
  • ورنىقتىلىقتى قورعاۋ، شەكارانى كۇزەتۋ جاۋاپكەرشىلىگى مەن بورىشىن مىقتاپ يگەرىپ، بيڭتۋان رەفورماسىن تەرەڭدەتۋدى جانە وڭتۇستىككە قاراي دامىتۋدى ىلگەرىلەتۋ كەرەك
  • ساياسي ارقىلى ساقشى قوسىنىن قۇرۋدان، رەفورما ارقىلى ساقشى قوسىنىن قۇدىرەتتەندىرۋدەن، عىلىم - تەحنيكا ارقىلى ساقشى قوسىنىن گۇلدەندىرۋدەن، ساقشى قوسىنىن قاتاڭ جونگە سالۋدان جازباي، پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋ كەرەك
  • ايماقتىق اۋا رايى ستانسياسى بوراننان ساقتانۋدىڭ سارى ءتۇستى ساقتىق سيگىنالىن تاراتتى