اعاجاي-التاي تورابى   ›   اقپارات ايدىنى   ›   شينجياڭ حابارلارى

بۇكىل رايونىمىزداعى اۋىل - قالاشىق (ءمالى) ءتارتىپ تەكسەرۋ، باقىلاۋ - تەكسەرۋ كادرلارىن كەڭ كولەمدى باۋلۋ كۋرسى باستالدى

  شينجياڭ گازەتىنىڭ ءتىلشىسى لياڭ ليحۋا، ەرىكتى ءتىلشى ديڭ جىگاۋ 5 - ايدىڭ 13 - كۇنى ۇرىمجىدەن حابارلايدى. 5 - ايدىڭ 12 - كۇنى تۇستەن بۇرىن اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى بۇكىل رايونىمىزداعى اۋىل - قالاشىق (ءمالى) ءتارتىپ تەكسەرۋ، باقىلاۋ - تەكسەرۋ كادرلارىن ”ءتارتىپتى ءبىلۋ، زاڭ ۇيرەنۋ، قابىلەتتى ءوسىرۋ، ساپانى جوعارىلاتۋ“ جاعىنان كەڭ كولەمدى باۋلۋ كۋرسىنىڭ باستالۋ سالتىن وتكىزدى. اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ مەڭگەرۋشىسى ياڭ شين ماجىلىسكە قاتىناستى ءارى ءسوز سويلەدى.

  ءماجىلىس مىنالاردى باسا دارىپتەدى: ءتارتىپ تەكسەرۋ، باقىلاۋ - تەكسەرۋ كادرلارى ۇيرەنۋ ورايىن قاستەرلەپ، رايون، ايماق، اۋدان جانە شينجياڭعا كومەكتەسۋشى ولكە، قالالار دايىنداعان ۇيرەنۋ كۋرسى تۇعىرىنان پايدالانىپ، قاجىرلىلىقپەن ۇيرەنىپ، كەڭ كولەمدى ءبىلىم الىپ، امالياتتان كوبىرەك وتكىزۋ كەرەك. ۇيرەنگەندەرىن، ويلاعاندارىن، سەزىنگەندەرىن امالياتتا تولىق پايدالانىپ، كولەمدى كۋرستى قىزمەت اتقارىپ، جاۋاپكەرشىلىكتى ادا ەتۋدىڭ تۇتاس بارىسىمەن ساباقتاستىرىپ، امالياتتان وتكىزۋ ارقىلى ساياسي دەڭگەيىن اناعۇرلىم ءوسىرىپ، پارتيانىڭ ادال قورعاۋشىسى، بۇقارانىڭ جان اشىرى بولۋ؛ امالياتتان وتكىزۋ ارقىلى ءتارتىپ پەن زاڭنىڭ تۇتاسۋىن اناعۇرلىم ىلگەرىلەتىپ، ”ءتارتىپ پەن زاڭدى بىردەي بىلەتىن“ مامانعا اينالۋ كەرەك. قاتاڭ ستيلگە شىڭدالىپ، ءتارتىپ اتقارۋ، زاڭ اتقارۋ سەنىمىن كۇشەيتىپ، حالىق ءۇشىن جاۋاپكەرشىلىك ارقالايتىن دۇرىس سالتتى جەتىلدىرۋ كەرەك. تەمىر سوقساڭ قۇرىش بول دەگەنگە تاباندى بولىپ، ۇقىقتى جۇرگىزگەندە توتەنشە ساق بولۋ، وزىنە ايرىقشا قاتاڭ تالاپ قويۋ، ادال دا تاباندى، جاۋاپكەرشىلىك ارقالاپ، مىندەتىن ادا ەتەتىن، تارتىپكە، زاڭعا بويسۇناتىن، پاك، كىرشىكسىز تاماشا وبراز ورناتۋ كەرەك.

  ءماجىلىس بەينە - ەكران فورماسىندا اۋىل - قالاشىقتارعا (مالىلەرگە) دەيىن اشىلدى. باستالۋ سالتىنان كەيىن، نازاردى باقىلاۋ، ءتارتىپ اتقارۋ، زاڭ اتقارۋ قىزمەتى جونىندەگى ساياساتتىق تۇسىنىك جاساۋعا شوعىرلاندىرۋ سياقتى ارناۋلى تاقىرىپتاعى ءتارتىپ پەن زاڭدى تۇتاستىرۋدىڭ 1 - مەرزىمدىك كولەمدى ساباقحاناسى ساباق باستادى، بۇكىل رايونىمىزداعى 10 مىڭنان استام ءتارتىپ تەكسەرۋ، باقىلاۋ - تەكسەرۋ كادرى كۋرسقا قاتىناستى.

  ۇعىسۋعا قاراعاندا، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى نەگىزگى ساتى كادرلارىن تاربيەلەۋدەن باستاپ كىرىسىپ، بيىل جىل سوڭىنا دەيىن بۇكىل رايونىمىزداعى ءار دارەجەلى ءتارتىپ تەكسەرۋ، باقىلاۋ - تەكسەرۋ كادرلارىنىڭ ءبارىن كۋرسقا قاتىناستىرۋدى جۇزەگە اسىرادى ەكەن.

جاۋاپتى رەداكتور: ءاننا اكىمقان قىزى
  • كوكتوعاي: شاعىن قالاشىقتاعى كوپ حيكايا
  • ورنىقتىلىقتى قورعاۋ، شەكارانى كۇزەتۋ جاۋاپكەرشىلىگى مەن بورىشىن مىقتاپ يگەرىپ، بيڭتۋان رەفورماسىن تەرەڭدەتۋدى جانە وڭتۇستىككە قاراي دامىتۋدى ىلگەرىلەتۋ كەرەك
  • ساياسي ارقىلى ساقشى قوسىنىن قۇرۋدان، رەفورما ارقىلى ساقشى قوسىنىن قۇدىرەتتەندىرۋدەن، عىلىم - تەحنيكا ارقىلى ساقشى قوسىنىن گۇلدەندىرۋدەن، ساقشى قوسىنىن قاتاڭ جونگە سالۋدان جازباي، پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋ كەرەك
  • ايماقتىق اۋا رايى ستانسياسى بوراننان ساقتانۋدىڭ سارى ءتۇستى ساقتىق سيگىنالىن تاراتتى