اعاجاي-التاي تورابى   ›   اقپارات ايدىنى   ›   ماڭىزدى حابارلار

جۇڭگو مەن امەريكا قۇراما شتاتتارىنىڭ ەكونوميكا - ساۋدا سەلبەستىگىن ورىستەتۋى دۇرىس تالعام، الايدا سەلبەستىك جاساسۋدىڭ پرينسيبى بار

حالىق گازەتىنىڭ شولۋشىسى

  ”سەلبەسۋ ەكى جاققا ءتيىمدى، تىرەسۋ بارلىعىن زياندايدى“. جۇڭگو مەن امەريكا قۇراما شتاتتارى جونىنەن العاندا، سەلبەسۋ بىردەن - ءبىر دۇرىس تالعام، تەڭ يگىلىكتەنگەندە عانا، اناعۇرلىم جاقسى بولاشاققا جول اشۋعا بولادى.

  جۇڭگو مەن امەريكا قۇراما شتاتتارىنىڭ ەكونوميكا - ساۋدا كەڭەسىنە جۇڭگو جاق باستان - اياق وسكەلەڭ ءمان بەرىپ، ايرىقشا ادالدىق ءبىلدىرىپ، تەڭ مامىلە جاساۋ، ءوزارا قۇرمەتتەۋ نەگىزىندە، ءوزارا تيىمدىلىك جاساپ، تەڭ يگىلىككە كەنەلەتىن كەلىسىمگە كەلۋدى ءۇمىت ەتىپ كەلەدى. دەگەنمەن امەريكا قۇراما شتاتتارىنىڭ قويان بۇلتاققا سالىپ، بارىنشا قىسىم ءتۇسىرىپ، جۇڭگونىڭ امەريكا قۇراما شتاتتارىنا شىعاراتىن ونىمدەرىنەن كەدەن باجىسىن ۇستەمەلەپ الۋى جۇڭگو مەن امەريكا قۇراما شتاتتارىنىڭ كەلىسسوزىنە كولەڭكە ءتۇسىرىپ، كەلىسسوزدىڭ ناتيجەسىز بولۋىنا تىكەلەي سەبەپشى بولدى، مۇنىڭ جاۋاپكەرشىلىگى تۇگەلدەي امەريكا قۇراما شتاتتارى جاقتا. ءبىر جىلدان ارتىق ۋاقىتتان بەرگى جۇڭگو جاقتىڭ كەلىسسوزدى ىلگەرىلەتۋ پەيىلى مەن ىزگى نيەتى جۇرتقا بەلگىلى. قازىر جۇڭگو ەكونوميكاسى مەن امەريكا قۇراما شتاتتارىنىڭ ەكونوميكاسى تەرەڭدەي توعىسىپ وتىر. امەريكا قۇراما شتاتتارىنىڭ كەدەن باجىسىن ۇستەمەلەپ الۋى جۇڭگو حالقىنا ءتيىمسىز، امەريكا قۇراما شتاتتارى حالقىنا ءتيىمسىز، دۇنيە ءجۇزى حالىقتارىنا دا ءتيىمسىز. جۇڭگو مەن امەريكا قۇراما شتاتتارىنىڭ ەكونوميكا ساۋدا ماسەلەسىن لايقتى شەشۋى − بۇكىل دۇنيە ءجۇزىنىڭ ءۇمىتى، امەريكا قۇراما شتاتتارىنىڭ ارەكەتى دۇنيە ءجۇزىنىڭ ۇمىتىنە قايشى.

  جۇڭگو مەن امەريكا قۇراما شتاتتارىنىڭ ەكونوميكا ساۋدا سەلبەستىگىن ورىستەتۋى ەڭ تاماشا تالعام، الايدا سەلبەستىك جاساسۋدىڭ پرينسيبى بار. جۇڭگو جاق كەلەلى پرينسيپتىك ماسەلەلەردە استە جول بەرمەيدى، مەملەكەتتىڭ وزەكتى مۇددەسىن جانە حالىقتىڭ ءتۇبىرلى مۇددەسىن باتىل قورعايدى، قاي - قاشان دا مەملەكەتتىڭ ار - نامىسىنان ايرىلمايدى، ەشكىم دە جۇڭگو ءوزىنىڭ وزەكتى مۇددەسىنە زيان جەتكىزەتىن زارداپ تارتادى دەگەن قيالعا سالىنباسىن. جۇڭگو جاقتىڭ كەلىسسوز وتكىزۋ قاقپاسى قاشاندا ايقارا اشىق، قاشاندا جۇڭگو مەن امەريكا قۇراما شتاتتارىنىڭ ەكونوميكا ساۋدا سالاسىندا كەڭ كولەمدى ورتاق مۇددەسى مەن كەڭ سەلبەستىك جاساسۋ ءورىسى بار، ورتاقتىقتارعا ۇمتىلىپ، پارىقتاردى ساقتاۋ، سەلبەستىك جاساسىپ، تەڭ يگىلىككە كەنەلۋ كەرەك دەپ ەسەپتەيدى. بۇل جۇرت تىلەگى. امەريكا قۇراما شتاتتارىنىڭ ءبىر باعىتتا ارەكەتتەنىپ، ساقتالعان ماسەلەلەردى ۇستامدىلىق، ناقتى ءىس ىستەۋ پوزيتسياسىمەن شەشىپ، جۇڭگو مەن امەريكا قۇراما شتاتتارىنىڭ ەكونوميكا ساۋدا بارىس - كەلىسىنىڭ ەكى ەل حالقىنا جانە دۇنيە ءجۇزى حالىقتارىنا اناعۇرلىم جاقسى باقىت اكەلۋىنە مۇمكىندىك جاساۋىن ءۇمىت ەتەمىز.

  دۇنيە ءجۇزى الۋان ءتۇرلى، الاۋىزدىق بولماسا دۇنيە ءجۇزى دە بولماق ەمەس. جۇڭگو مەن امەريكا قۇراما شتاتتارى ديپلوماتيالىق قارىم - قاتىناس ورناتقان 40 جىلدان بەرگى اماليات جۇڭگو مەن امەريكا قۇراما شتاتتارى سەلبەستىگىن ەكى جاقتىڭ ءتۇبىرلى مۇددەسى بەلگىلەگەندىگىن، از ساندى ادامداردىڭ ەركىمەن وزگەرمەيتىندىگىن، ەكى جاقتى قارىم - قاتىناستى ويداعىداي قورعاۋ جۇڭگو جاققا ءتيىمدى، امەريكا قۇراما شتاتتارىنا ءتيىمدى، بۇكىل دۇنيە جۇزىنە دە ءتيىمدى ەكەندىگىن دالەلدەدى. بەينە ءتوراعا شي جينپيڭ ايتقانداي: ”ەكى جاق ءوزارا قۇرمەتتەۋ، تەڭ مامىلە جاساۋ پرينسيبىنە بويسۇنىپ، ورتاقتىقتارعا تالپىنىپ، پارىقتاردى ساقتاۋعا، ورتاقتىقتاردى ۇيىستىرىپ، پارىقتاردى جويۋعا تاباندى بولسا بولعانى، اسا المايتىن اسۋ بولمايدى، جۇڭگو مەن امەريكا قۇراما شتاتتارى قارىم - قاتىناسىنىڭ ۇلكەن كەدەرگىگە ۇشىرۋىنان ساقتانۋعا بولادى“.

  ەكونوميكا ساۋدا قاجالىسى جونىندە جۇڭگو جاقتىڭ تۇرعىسى قاشاندا ايقىن: ساۋدا شايقاسىندا ەشكىم دە جەڭبەيدى، جۇڭگو شايقاسۋدى قالامايدى، ايتسە دە شايقاسۋدان دا قورىقپايدى. جۇڭگو ەكونوميكاسىنىڭ ورنىقتىلىق بارىسىندا جاقسارۋى ۇلكەن اۋقىم، ءبىرىنشى توقساندا ەلىمىزدىڭ ىشكى ءوندىرىس جالپى ءونىم قۇنى سايكەس مەزگىلدەگىدەن %6.4 ارتتى، جوعارى تەحنيكالى جاساۋ كاسىبىنە، جوعارى تەحنيكالى قىزمەت وتەۋ كاسىبىنە قوسىلعان قارجى سايكەس مەزگىلدەگىدەن جەكە - جەكە %11.4 جانە %19.3 ارتتى؛ ىشكى سۇرانىس جۇڭگو ەكونوميكاسىنىڭ نەگىزگى تايانىشى بولىپ، بىلتىر تۇتىنۋدىڭ ەكونوميكانىڭ ارتۋىنا قوسقان ۇلەس سالىستىرماسى %76.2كە جەتتى. بىزدە بۇكىل جەر شارى بويىنشا ەڭ كەمەلدى كاسىپ جۇيەسى جانە ۇزدىكسىز نىعايىپ بارا جاتقان عىلىم - تەحنيكادا جاڭالىق اشۋ قابىلەتى، دۇنيە جۇزىندەگى كولەمى ەڭ ۇلكەن ورتاشا كىرىستەگىلەر شوعىرى، ءبىر ميلليارد 400 ميلليونعا جۋىق ادامنان تۇراتىن ۇلكەن بازارى، جەتكىلىكتى دامۋ يكەمدىلىگى، الەۋەتى جانە ەركىن قيمىلداۋ مۇمكىندىگى بار. اماليات بىزگە مىنانى ۇعىندىردى: جاعداي كۇردەلى، سايىس قاتاڭ بولعان سايىن، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنىڭ مىزعىماس تىرەكتىك رولىن سولعۇرلىم ساۋلەلەندىرۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ستراتەگيالىق تاباندىلىقتى ساقتاپ، ءسوزسىز جەڭىسكە جەتۋ سەنىمىن كۇشەيتىپ، زەيىن - زەردەنى شوعىرلاندىرا وتىرىپ، ءوز ىستەرىمىزدى ويداعىداي ىستەسەك بولعانى، ءتۇرلى حاۋىپ - قاتەرلەرگە، سايىستارعا ۇستامدىلىقپەن توتەپ بەرىپ، بارلىق قيىندىقتاردى، كەدەرگىلەردى جەڭە الاتىن بولامىز.

  (شينحۋا اگەنتتىگىنىڭ 5 - ايدىڭ 12 - كۇنى بەيجيڭنەن بەرگەن حابارى)

جاۋاپتى رەداكتور: ءاننا اكىمقان قىزى
  • كوكتوعاي: شاعىن قالاشىقتاعى كوپ حيكايا
  • ورنىقتىلىقتى قورعاۋ، شەكارانى كۇزەتۋ جاۋاپكەرشىلىگى مەن بورىشىن مىقتاپ يگەرىپ، بيڭتۋان رەفورماسىن تەرەڭدەتۋدى جانە وڭتۇستىككە قاراي دامىتۋدى ىلگەرىلەتۋ كەرەك
  • ساياسي ارقىلى ساقشى قوسىنىن قۇرۋدان، رەفورما ارقىلى ساقشى قوسىنىن قۇدىرەتتەندىرۋدەن، عىلىم - تەحنيكا ارقىلى ساقشى قوسىنىن گۇلدەندىرۋدەن، ساقشى قوسىنىن قاتاڭ جونگە سالۋدان جازباي، پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋ كەرەك
  • ايماقتىق اۋا رايى ستانسياسى بوراننان ساقتانۋدىڭ سارى ءتۇستى ساقتىق سيگىنالىن تاراتتى