اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

قىسقى وليمپيادا جارىسى ورايىن مىقتى يگەرىپ، قار ـ مۇز كاسىبىن دامىتايىق

  5 ـ ايدىڭ 11 ـ كۇنى ايماعىمىز «1000 كۇندىك سىرعاناۋ» قيمىلى ارقىلى قىسقى وليمپياداعا تىڭ تەبىنمەن دايىندالۋعا جۇمىلدىرۋ جينالىسى جانە بەيجيڭ قىسقى وليمپياداسىنا 1000 كۇن قالعاندىعىن شەگەرىپ ساناۋدىڭ باستالۋ سالتىن وتكىزىپ، بەيجيڭدە وتكىزىلەتىن 2022 ـ جىلى قىسقى وليمپيادا جارىسىنا كۇش قوسىپ، «ادامزاتتىڭ بايىرعى قار شاڭعى مەكەنى» اتىنىڭ تاريحى مەن بورىشىن ايگىلەدى.

  التاي __ دۇنيە جۇزىندەگى بايىرعى قار شاڭعى ٴوڭىرى، قار ـ مۇز سپورتى ەرتەدەن بار، قار ـ مۇز سپورتىن دامىتۋ جاعىندا بوگەنايى بولەك ابزالدىلىقتارعا يە. وتكەن عاسىردىڭ 50 ـ جىلدارىنان باستاپ، ايماق قار ـ مۇز سپورتىنىڭ جاتتىعۋلارى مەن جارىستارىن ۇيىمداستىرىپ، نەشە ۇرپاق ۇزدىك قار ـ مۇز سپورتى ساڭلاقتارىن تاربيەلەپ شىقتى، ولار مەملەكەتتىك جارىستاردا كوپ رەت ۇزدىك ناتيجەلەرمەن ورالىپ، شينجياڭ ءۇشىن، التاي ءۇشىن داڭق اپەردى. بەيجيڭدە جاڭجياكۋمەن سەلبەسىپ 2022 ـ جىلعى قىسقى وليمپيادا جارىسىن وتكىزۋ ۇقىعىن وتكىزىپ العاننان كەيىن التايدىڭ قار ـ مۇز سپورتى مەن قار ـ مۇز بايلىعى قايتالاي جاندانىپ، دۇنيەنى جالت قاراتتى.

  بۇگىنگى كۇنى التاي بەيجيڭ قىسقى وليمپيادا ۇيىمداستىرۋ كوميتسياسىنىڭ ۇگىت بولىمىمەن ءوزارا بارىس ـ كەلىس جاساپ، التايدىڭ جارتاس سۋرەتى، بايىرعى زامان تەرى شاڭعىلارى تۇگەلىمەن قىسقى وليمپيادا جارىسى كورمەسىنە ەنگىزىلەتىن بولدى. مىنە، بۇل التاي جونىنەن ىلۋدە ءبىر كەزىگەتىن تاريحي وراي. 2022 ـ جىلى بەيجيڭدە وتكىزىلەتىن قىسقى وليمپيادا جارىسىنىڭ دامۋ ورايىن، شينجياڭنىڭ ساياحات كاسىبىنىڭ قاۋىرت دامۋ ورايىن مىقتى يگەرىپ، التايدىڭ بايىرعى قار شاڭعى مەكەنىنىڭ «بايىرعى زامان تەرى شاڭعىمەن شاڭعى تەبۋ» مادەني فاكتورىن قىسقى وليمپيادا ساحناسىنا كوتەرىپ، التايدىڭ وزىنە ءتان وشپەس داستانىن جازىپ قالدىرۋعا كۇش سالۋىمىز كەرەك.

  بەيجيڭدە وتكىزىلەتىن 2022 ـ جىلعى قىسقى وليمپيادا جارىسىنىڭ باستالۋ كۇنى تاياپ كەلەدى، ايماقتاعى ءار ۇلت كادر ـ بۇقاراسى ەلىمىز حالقىمەن بىرلىكتە وسى ءبىر ٴساليقالى جارىس قيمىلدارىن قۇتتىقتايدى.«1000 كۇندىك سىرعاناۋ» قيمىلى ارقىلى قىسقى وليمپياداعا تىڭ تەبىنمەن دايىندالۋ باس شۋجي شي جينپيڭنىڭ «300 ميلليون ادام قار ـ مۇز سپورتىنا ات سالىسۋداي»نۇسقاۋ رۋحىن ىشكەرىلەي دايەكتىلەندىرۋ بولىپ قالماستان، جالپى حالىقتىق دەنە شىنىقتىرۋ مەن جالپى حالىقتىڭ سالەمەتتىلىگىن ىشكەرىلەي توعىستىرۋدىڭ ناقتىلى شاراسى. بەيجيڭ قىسقى وليمپياداسىنا 1000 كۇن قالعاندىعىن شەگەرىپ ساناۋ ورايىندا «جەر ءجانناتى __ قاناس، قارلى مەكەن __ التاي» ايگىلى ماركاسىنىڭ ىقپال قۋاتىن ۇزدىكسىز جوعارىلاتىپ، التايداعى ءار ۇلت بۇقاراسىنىڭ قار ـ مۇز سپورتىنا ات سالىسۋداعى قىزعىندىلىعىن ارتتىرىپ، اۆتونوميالى رايوننىڭ قار ـ مۇز سپورتى مەن قار ـ مۇز كاسىبىنىڭ ۇشقان قۇستاي دامۋىنا كۇش قوسۋىمىز كەرەك.

  «1000 كۇندىك سىرعاناۋ» قيمىلى ارقىلى قىسقى وليمپياداعا تىڭ تەبىنمەن دايىندالۋ قيمىلى التايدىڭ قار ـ مۇز سپورتى مەن قار ـ مۇز مادەنيەتىن ايگىلەۋمەن قاتار، التايداعى ءار ۇلت حالقىنىڭ 2022 ـ جىلى بەيجيڭدە وتكىزىلەتىن قىسقى وليمپيادا جارىسىنا دەگەن كوكەي تەستى ارمانى مەن تاماشا تىلەگىن ايگىلەدى. بۇدان كەيىنگى 1000 كۇندە ايماق پارتيا ورتالىق كوميتەتىنىڭ، مەملەكەتتىك كەڭەستىڭ قار ـ مۇز سپورتىن بار كۇشپەن ورىستەتۋ جونىندەگى تالاپتارىن دايەكتىلەندىرىپ، تياناقتاندىرىپ، «ادامزاتتىڭ بايىرعى قار شاڭعى مەكەنىن» نەگىزگى جەلى ەتىپ، بايىرعى زامان قار شاڭعى مادەنيەتىن جالعاستىرىپ، ساۋلەلەندىرىپ، مەملەكەت دارەجەلى كاسىپتىك شاڭعى تەبۋگە جاتتىقتىرۋ بازاسىن بەلسەنە قۇرىپ، التايدى جوعارى دەڭگەيلى قار شاڭعى تەبۋدەگى كوزدەۋلى جەر ەتىپ قۇرىپ شىعۋمەن قاتار، وليمپيادا قار ـ مۇز جارىسى تۇرلەرىن ويداعىداي ۇستىنە الىپ وتكىزۋ جوباسىن مۇقيات جاساپ، التايدى جالپى حالىق شاڭعى تەبەتىن ورىن ەتىپ جاراتىپ، بۇقارانىڭ قار ـ مۇز سپورتىنا بولعان قاجەتىن ۇزدىكسىز قاناعاتتاندىرىپ، جالپى حالىقتىڭ قار ـ مۇز سپورتى قيمىلىنا بولعان قىزعىندىلىعى مەن قار ـ مۇز سپورتىنا ات سالىسۋ جىگەرىن ۇزدىكسىز شىڭداۋ كەرەك.

  جۇڭگوداعى قارلى مەكەن التاي شار تاراپقا قۇلاشىن كەڭ جايۋدا. التايدىڭ قار ـ مۇز سپورتى مەن مادەنيەتىن بەتكە الىپ، ايماقتىڭ قار ـ مۇز سپورتى مەن «سپورت + ساياحات» كاسىبىنىڭ دامۋىن ۇزدىكسىز جەبەپ، «ادامزاتتىڭ بايىرعى قار شاڭعى مەكەنىنىڭ» جۇڭگوداعى، ونى دەسەڭىز، دۇنيە جۇزىندەگى قار ـ مۇز سپورتى وڭىرىندىك ىقپالىن ۇزدىكسىز كەڭەيتۋگە بىرلىكتە قۇلشىنايىق. ساپالى قار ـ مۇز بايلىعىمەن قار ـ مۇز ءىرى رايونىن جاراتۋداي سەنىم جانە بەكىممەن، التايدىڭ قار ـ مۇز كاسىبىن ويداعىداي دامىتىپ، 2022 ـ جىلى بەيجيڭدە وتكىزىلەتىن قىسقى وليمپيادا جارىسى ءۇشىن كۇش قوسىپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن، جۇڭگوداعى قار ـ مۇز سپورتىنىڭ دامۋى ءۇشىن تىڭ ۇلەس قوسايىق.

جاۋاپتى رەداكتور: ءاننا اكىمقان قىزى
  • كوكتوعاي: شاعىن قالاشىقتاعى كوپ حيكايا
  • ورنىقتىلىقتى قورعاۋ، شەكارانى كۇزەتۋ جاۋاپكەرشىلىگى مەن بورىشىن مىقتاپ يگەرىپ، بيڭتۋان رەفورماسىن تەرەڭدەتۋدى جانە وڭتۇستىككە قاراي دامىتۋدى ىلگەرىلەتۋ كەرەك
  • ساياسي ارقىلى ساقشى قوسىنىن قۇرۋدان، رەفورما ارقىلى ساقشى قوسىنىن قۇدىرەتتەندىرۋدەن، عىلىم - تەحنيكا ارقىلى ساقشى قوسىنىن گۇلدەندىرۋدەن، ساقشى قوسىنىن قاتاڭ جونگە سالۋدان جازباي، پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋ كەرەك
  • ايماقتىق اۋا رايى ستانسياسى بوراننان ساقتانۋدىڭ سارى ءتۇستى ساقتىق سيگىنالىن تاراتتى