اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

«ادامزاتتىڭ بايىرعى قار شاڭعى مەكەنىنىڭ» تانىمالدىلىعىن ارتتىردى

ايماعىمىز «1000 كۇندىك سىرعاناۋ» قيمىلى ارقىلى قىسقى وليمپياداعا تىڭ تەبىنمەن دايىندالۋعا جۇمىلدىرۋ جينالىسى جانە بەيجيڭ قىسقى وليمپياداسىنا 1000 كۇن قالعاندىعىن شەگەرىپ ساناۋدىڭ باستالۋ سالتىن وتكىزدى

  التاي گازەتىنىڭ تىلشىلەرى لي چاڭدا، مەرەي حابارلايدى. باس شۋجي شي جينپيڭنىڭ «جالپى حالىق قار ـ مۇز سپورتىنا ات سالىسۋ كەرەك» دەگەن نۇسقاۋىنىڭ رۋحىن دايەكتىلەندىرىپ، تياناقتاندىرىپ، كادر ـ بۇقارانىڭ قار ـ مۇز سپورت قيمىلىنا ات سالىسۋ بەلسەندىلىگىن قوزعاپ، اقاۋسىز جۇڭگو جانە جالپى حالىقتىڭ دەنە شىنىقتىرۋ مەملەكەتتىك ستراتەگياسىنىڭ اتقارىلۋىنا دەمەۋ كورسەتىپ، قىسقى وليمپيادانى قارسى الۋدىڭ قويۋ رايىن قالىپتاستىرىپ، «ادامزاتتىڭ بايىرعى قار شاڭعى مەكەنىنىڭ» تانىمالدىلىعىن ارتتىرۋ ٴۇشىن، 5 ـ ايدىڭ 11 ـ كۇنى ايماعىمىز «1000 كۇندىك سىرعاناۋ» قيمىلى ارقىلى قىسقى وليمپياداعا تىڭ تەبىنمەن دايىندالۋعا جۇمىلدىرۋ جينالىسى جانە بەيجيڭ قىسقى وليمپياداسىنا 1000 كۇن قالعاندىعىن شەگەرىپ ساناۋدىڭ باستالۋ سالتىن وتكىزدى. اۆتونوميالى رايوندىق دەنەتاربيە مەكەمەسى پارتگرۋپپاسىنىڭ مۇشەسى، ورىنباسار مەكەمە باستىعى جۇرات قاسىم قيمىلعا قاتىناستى، ايماقتىق پارتكومنىڭ مۇشەسى، اكىمشىلىك مەكەمەسىنىڭ ورىنباسارٴۋاليى ۋاڭ جۇن ـ ان باستالۋ سالتىنا قاتىناستى ٴارى ٴسوز سويلەدى.

  ۇعىسۋىمىزشا، وسى رەتكى قيمىلدى ايماقتىق پارتكوم، اكىمشىلىك مەكەمەسى ۇيىمداستىرىپ، ايماقتىق مادەنيەت ـ دەنەتاربيە، راديو ـ تەلەۆيزيا جانە ساياحات مەكەمەسى، ايماقتىق وقۋ ـ اعارتۋ مەكەمەسى، التاي قالالىق حالىق ۇكىمەتى ۇستىنە الىپ وتكىزگەن.

  وسى رەتكى قيمىل «1000 كۇندىك سىرعاناۋ» قيمىلى ارقىلى قىسقى وليمپياداعا تىڭ تەبىنمەن دايىندالۋعا جۇمىلدىرۋ جينالىسى جانە بەيجيڭ قىسقى وليمپياداسىنا 1000 كۇن قالعاندىعىن شەگەرىپ ساناۋدىڭ التاي ايماعىنداعى دەنەتاربيە سپورت جارىس كورمەسى قيمىلىن تاقىرىپ ەتىپ، «ەرەسەكتەر گرۋپپاسىنىڭ، جاس وسپىرىمدەر گرۋپپاسىنىڭ دالالىق كەزەكپەن سىرعاناۋ جارىسى، باعىتتامالى دارالىق ۇيىمدىق جارىس، تاۋلى جەر ۆەلوسيپەد جارىسى (ايەلدەر گرۋپپاسى، ەرلەر گرۋپپاسى، ساڭلاقتار گرۋپپاسى)، كونكي تەبۋ، كورمە قيمىلى» قاتارلى جەلىلەس جارىس تۇرلەرىن وتكىزۋ ارقىلى قار ـ مۇز سپورتىن جالپىلاستىرىپ، بەيجيڭ 2022 ـ جىلعى قىسقى وليمپياداسىنا دەمەۋ كورسەتەدى.

  التاي «ادامزاتتىڭ بايىرعى قار شاڭعى مەكەنى». التاي قالاسى قاندىعاتى موڭعۇل ۇلتتىق اۋىلىنداعى دۇندىبۇلىك جارتاس سۋرەتتەرى قاتارلى تاريحي ىزدەر مەن قاتىستى مادەني مۇرالار 12 مىڭ جىلدىڭ الدىنداعى كونە تاس قۇرالدار ٴداۋىرىنىڭ سوڭعى مەزگىلىندە التايدا بايىرعى تەرى شاڭعى سپورتى بارلىققا كەلگەندىگىن اڭعارتادى.

  ايماعىمىز «التاي ايماعىنىڭ قار ـ مۇز ٴىرى رايونى جوباسىن» جاساپ، قار ـ مۇز سپورتىن، كاسىپتى جەدەل ىلگەرىلەتتى؛ التاي قالاسى گەنەرال تاۋى قار شاڭعى الاڭى، التاي قالاسى التىنتاۋ قارشاڭعى الاڭى، كوكتوعاي اۋدانى كوكتوعاي حالىقارالىق قار شاڭعى الاڭى سىندى ٴۇش ٴىرى مەملەكەت دارەجەلى كاسىپتىك قار شاڭعى جاتتىعۋ بازاسىن بەلسەنە قۇردى؛ جالپى حالىقتىڭ دەنە شىنىقتىرۋىنىڭ قىس ماۋسىمىنداعى نىسانىن جالپىلاستىرىپ، ورتا ـ باستاۋىش مەكتەپ وقۋشىلارىنىڭ اپتاسىنا ٴبىر رەت قار شاڭعى دەنەتاربيە ساباعىنا قاتىناسۋىنا كەپىلدىك ەتتى؛ قىس ماۋسىمىنداعى ٴتۇرلى جارىس تۇرلەرىن وتكىزدى.

  سونىمەن بىرگە، ايماقتىق پارتكوم، اكىمشىلىك مەكەمەسى «ادامزاتتىڭ بايىرعى قار شاڭعى مەكەنىنىڭ» جۇڭگونىڭ، دۇنيە ٴجۇزىنىڭ قار ـ مۇز سالاسىنداعى ىقپال قۋاتىن ارتتىرىپ، جۇڭگو قار ـ مۇز مادەنيەتىنىڭ دۇنيەدەگى ماڭىزدى ورنىن تىكتەپ، كوپشىلىكتىڭ بارلىعى قار ـ مۇز سپورتىنا ات سالىسۋداي راي قالىپتاستىردى.

  ايماقتىق پارتكومنىڭ مۇشەسى، اكىمشىلىك مەكەمەسىنىڭ ورىنباسار ٴۋاليى ۋاڭ جۇن ـ ان بىلاي دەدى: «بۇدان كەيىنگى 1000 كۇندە ايماعىمىز باس شۋجي شي جينپيڭنىڭ ‹قار ـ مۇز سپورتىن جاس وسپىرىمدەردەن باستاپ مىقتى يگەرۋ كەرەك› دەگەن ماڭىزدى نۇسقاۋىنىڭ رۋحىن باتىل دايەكتىلەندىرىپ، جاس وسپىرىمدەر قار ـ مۇز سپورتىن جالپىلاستىرىپ دامىتامىز؛ جالپى حالىقتىڭ قار ـ مۇز سپورتى مەن كوڭىل اشۋ قاجەتىن ۇزدىكسىز قاناعاتتاندىرىپ، التايدى جالپى حالىقتىڭ قار ـ مۇز سپورتىنداعى جيناۋ ـ جونەلتۋ ورتالىعى ەتىپ قۇرىپ شىعامىز؛ مەملەكەت دارەجەلى كاسىپتىك قار شاڭعى جاتتىقتىرۋ بازاسىن قۇرىپ شىعۋعا ىزدەنىس جاساپ، التايدى جوعارى دەڭگەيدەگى قار ـ مۇز نىسانالى جەرى ەتىپ قۇرىپ، جالپى حالىقتىڭ قار ـ مۇز سپورتىنا بولعان قىزعىندىلىعىن قوزعايمىز».

جاۋاپتى رەداكتور: ءاننا اكىمقان قىزى
  • كوكتوعاي: شاعىن قالاشىقتاعى كوپ حيكايا
  • ورنىقتىلىقتى قورعاۋ، شەكارانى كۇزەتۋ جاۋاپكەرشىلىگى مەن بورىشىن مىقتاپ يگەرىپ، بيڭتۋان رەفورماسىن تەرەڭدەتۋدى جانە وڭتۇستىككە قاراي دامىتۋدى ىلگەرىلەتۋ كەرەك
  • ساياسي ارقىلى ساقشى قوسىنىن قۇرۋدان، رەفورما ارقىلى ساقشى قوسىنىن قۇدىرەتتەندىرۋدەن، عىلىم - تەحنيكا ارقىلى ساقشى قوسىنىن گۇلدەندىرۋدەن، ساقشى قوسىنىن قاتاڭ جونگە سالۋدان جازباي، پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋ كەرەك
  • ايماقتىق اۋا رايى ستانسياسى بوراننان ساقتانۋدىڭ سارى ءتۇستى ساقتىق سيگىنالىن تاراتتى