اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماعىمىز ساياسي كەڭەس جورالارى مەن ساياسي كەڭەس قىزمەتكەرلەرىن تاربيەلەۋ كۋرسىن وتكىزدى

  التاي گازەتىنىڭ ٴتىلشىسى مەرەي حابارلايدى. 5 ـ ايدىڭ 9 ـ كۇنى ايماعىمىز ساياسي كەڭەس جورالارى مەن ساياسي كەڭەس قىزمەتكەرلەرىن تاربيەلەۋ كۋرسىن وتكىزدى. ساياسي كەڭەس ايماقتىق قىزمەت كوميتەتىنىڭ مەڭگەرۋشىسى باقىت ينايات ۇلى باستالۋ سالتىنا قاتىناستى ٴارى ٴسوز سويلەدى. اۆتونوميالى رايوندىق ساياسي كەڭەستىڭ جورالارىنان، ىلە قازاق اۆتونوميالى وبلىستىق ساياسي كەڭەستىڭ جورالارىنان، سونداي ـ اق ايماقتىق ساياسي كەڭەستىڭ جورالارىنان، ساياسي كەڭەس قىزمەتكەرلەرىنەن 120 ادام تاربيە كۋرسقا قاتىناستى.

  وسى رەتكى تاربيە كۋرسىندا حالىق ساياسي كەڭەسىنىڭ قىزمەت جاۋاپكەرشىلىگىن ادا ەتۋ قۋاتى قۇرىلىسى، ۇسىنىس ـ جوبا قىزمەتىن قايتكەندە ويداعىداي ىستەۋ قاتارلى مازمۇنداردا ساباق بەرىلدى.

  ۇعىسۋىمىزشا، وسى رەتكى تاربيە كۋرسىنىڭ ماقساتى: ۇيرەنۋ اۋىس ـ كۇيىس ارقىلى ساياسي كەڭەس جورالارى مەن ساياسي كەڭەس قىزمەتكەرلەرىن حالىق ساياسي كەڭەسىنىڭ سيپاتىن ىشكەرىلەي ٴتۇسىنىپ، ساياسي كەڭەس قىزمەتىنىڭ باعىتىن، ٴادىسىن جانە جولىن تۋرا يگەرىپ، مىندەت جاۋاپكەرشىلىگىن ادا ەتۋ وي جەلىسىن ايقىنداپ، مىندەت جاۋاپكەرشىلىگىن ادا ەتۋگە بولعان بورىشتىلىق سەزىمدى، كوكەي تەستىلىك سەزىمدى كۇشەيتىپ، باعالى داڭقتى باتىلدىقپەن ارقالاپ، مىندەت بورىشىن ادا ەتۋدە ىسكەرلىك كورسەتۋگە جەتەكشىلىك ەتۋ جانە كومەكتەسۋ.

  تاربيە كۋرسىندا مىنالار اتاپ كورسەتىلدى: ۇيرەنۋدى كۇشەيتۋ ٴار دارەجەلى ساياسي كەڭەس ۇيىمدارى مەن ساياسي كەڭەس جورالارىنىڭ ساياسي كەڭەس قىزمەتىن ويداعىداي ىستەپ، مىندەت جاۋاپكەرشىلىگىن ادا ەتۋ ورەسىن جوعارىلاتۋىنداعى نەگىزگى ونەر. ساياسي كەڭەس جورالارى مەن ساياسي كەڭەس قىزمەتكەرلەرى وسى رەتكى كۋرستى وراي ەتىپ، ۇيرەنۋ تانىمىن اناعۇرلىم كۇشەيتىپ، ۇكىمەت ىسىنە ات سالىسۋ، ۇكىمەت ىستەرىن تالقىلاۋ امالياتى بارىسىندا ۇيرەنۋدى ۇزدىكسىز كۇشەيتىپ، ۇيرەنۋ مەن امالياتتى ۇشتاستىرىپ، قىزمەت تاجىريبەلەرىن ۇزدىكسىز قورىتىندىلاپ، ماسەلەگە تالداۋ جاساۋ، ماسەلەنى شەشىم ەتۋ قابىلەتىن جوعارىلاتۋ جاعىندا تىڭ ورەگە، ساياسي كەڭەس قىزمەتىن ويداعىداي ىستەۋ جاعىندا تىڭ ادىسكە، ساياسي كەڭەس قىزمەتىنىڭ تىڭ جاعدايىن اشۋ جاعىندا جاڭا وي جەلىگە قول جەتكىزىپ، ۇيرەنۋ تابىستارىن ٴىس جۇزىندىك قىزمەت ناتيجەسىنە اينالدىرۋى كەرەك.

  تاربيە كۋرسىندا مىنالار باسا دارىپتەلدى: ساياسي كەڭەس جورالارى مەن ساياسي كەڭەس قىزمەتكەرلەرى ايماقتىق پارتكومنىڭ، اكىمشىلىك مەكەمەسىنىڭ وزەكتى قىزمەتىن تىعىز توڭىرەكتەپ، حالىق بۇقاراسىنىڭ ٴتۇبىرلى مۇددەسىن كوزدە ۇستاي وتىرىپ، جالپى جاعداي تانىمىن ساياسي كەڭەس پەن جورالاردىڭ مىندەتىن ادا ەتۋ بارىسىمەن ساباقتاستىرىپ، پارتكوممەن، ۇكىمەتپەن يدەيا، نىسانا، قىزمەت جاعىندا تىلەكتەس بولۋ كەرەك. دەموكراتيالىق باقىلاۋدىڭ ٴونىمدى تاسىلىنە ىرىقتى تۇردە بەلسەنە ىزدەنىس جاساپ، قاتىستى تاراۋلاردىڭ قىزمەتتى جاقسارتۋىنا كومەكتەسىپ، ەكونوميكانىڭ دامۋ ورتاسىن ساپالىلاندىرىپ، اناعۇرلىم تىنىش، كورىكتى، باي ـ باقىتتى جاڭا التاي قۇرۋدا بەلسەندى رول اتقارۋى كەرەك.

جاۋاپتى رەداكتور: ءاننا اكىمقان قىزى
  • كوكتوعاي: شاعىن قالاشىقتاعى كوپ حيكايا
  • ورنىقتىلىقتى قورعاۋ، شەكارانى كۇزەتۋ جاۋاپكەرشىلىگى مەن بورىشىن مىقتاپ يگەرىپ، بيڭتۋان رەفورماسىن تەرەڭدەتۋدى جانە وڭتۇستىككە قاراي دامىتۋدى ىلگەرىلەتۋ كەرەك
  • ساياسي ارقىلى ساقشى قوسىنىن قۇرۋدان، رەفورما ارقىلى ساقشى قوسىنىن قۇدىرەتتەندىرۋدەن، عىلىم - تەحنيكا ارقىلى ساقشى قوسىنىن گۇلدەندىرۋدەن، ساقشى قوسىنىن قاتاڭ جونگە سالۋدان جازباي، پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋ كەرەك
  • ايماقتىق اۋا رايى ستانسياسى بوراننان ساقتانۋدىڭ سارى ءتۇستى ساقتىق سيگىنالىن تاراتتى