اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماقتىق اكىمشىلىك مەكەمەسى مەن اۆتونوميالى رايوندىق گەولوگيا كەن بايلىعىن اشۋ مەكەمەسى ستراتەگيالىق سەلبەستىك تىلەكناماسىنا قول قويۋ سالتىن جانە وقۋعا قارجىلاي كومەك بەرۋ سالتىن وتكىزدى

  التاي گازەتىنىڭ ٴتىلشىسى جۇڭ چۇنچۇن حابارلايدى. 5 ـ ايدىڭ 10 ـ كۇنى ايماقتىق اكىمشىلىك مەكەمەسى مەن اۆتونوميالى رايوندىق گەولوگيا كەن بايلىعىن اشۋ مەكەمەسى ستراتەگيالىق سەلبەستىك تىلەكناماسىنا قول قويۋ سالتىن جانە وقۋعا قارجىلاي كومەك بەرۋ سالتىن وتكىزدى. اۆتونوميالى رايوندىق گەولوگيا كەن بايلىعىن اشۋ مەكەمەسى پارتگرۋپپاسىنىڭ شۋجيى، ورىنباسار مەكەمە باستىعى سۇن بين، ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ٴۋاليى قادەن كابەن ۇلى قول قويۋ سالتىنا قاتىناستى، ايماقتىق پارتكومنىڭ مۇشەسى، اكىمشىلىك مەكەمەسىنىڭ ۇنەمىلىك ىستەرگە جاۋاپتى ورىنباسار ٴۋاليى چىن بو قول قويۋ سالتىن باسقاردى.

  سۇن بين بىلاي دەدى: «التاي ايماعىنىڭ تابيعي بايلىعى مەن ورىن ابزالدىلىعى كورنەكتى، ەلىمىزدەگى ماڭىزدى ەكولوگيالىق فۋنكتسيالىق رايون، سولتۇستىك شينجياڭداعى تابيعي ەكولوگيا بەلدەۋى، ‹تاۋى التىن، سۋى كاۋسار› دەگەن اتاعى بار. ەكى جاق ستراتەگيالىق سەلبەستىك تىلەكناماسىنا قول قويىسقاننان كەيىن نازاردى التاي ايماعىنىڭ ەكولوگيالىق وركەنيەت قۇرىلىسىنا اۋدارادى، بۇل ماڭىزدى ەكولوگيالىق ٴوڭىردى جونگە سالۋدى ىلگەرىلەتۋدە، جاڭا تۇردەگى ساياحات گەولوگيا بايلىعىن اشۋدا تەرەڭ ىقپال جاسايتىن بولادى. اۆتونوميالى رايوندىق گەولوگيا كەن بايلىعىن اشۋ مەكەمەسى دارىندى، تەحنيكا، ماتەريال قاتارلى جاقتارداعى ارتىقشىلىعىن شىنايى ساۋلەلەندىرىپ، ىشكى بايلىق قايناردى بىرىكتىرۋ ارقىلى سىرتقى جاقتان شەكارا اتتاپ توعىسىپ، كوپ سالالى، كەڭ ٴورىستى، تەرەڭ ساتىلى اۋىس ـ كۇيىستى ىلگەرىلەتىپ، التاي ايماعىن عىلمي، جۇيەلى گەولوگيا قىزمەت وتەۋىمەن قامدايدى».

  قادەن كابەن ۇلى بىلاي دەدى: «ايماعىمىز وسى رەتكى سەلبەستىكتى وراي ەتىپ، اۆتونوميالى رايوندىق گەولوگيا كەن بايلىعىن اشۋ مەكەمەسىمەن نىسان قارجىسىن ٴوتىنىش ەتۋ، نىسان سەلبەستىگى، دارىندىلاردى تاربيەلەۋ، گەولوگيالىق اپاتتاردان بىرلەسىپ قۇتقارۋ قاتارلى جاقتاردا ىشكەرىلەي سەلبەسىپ، مەحانيزمدە جاڭالىق اشىپ، ابزالدىلىقتى ٴوزارا تولىقتاپ، ٴوزارا تيىمدىلىك جاساپ، تەڭ يگىلىككە كەنەلۋدىڭ تىڭ پاراعىن جازادى. سونىمەن بىرگە، اۆتونوميالى رايوندىق گەولوگيا كەن بايلىعىن اشۋ مەكەمەسىنىڭ ارتىقشىلىعىن تولىق ساۋلەلەندىرىپ، كەن تاۋ ورتاسىن جونگە سالۋ، قالپىنا كەلتىرۋ، جەردى رەتكە سالۋ ـ وڭاۋ جانە بىلعانىشتى وڭاۋ، سورتاڭدانۋدى، شولەيتتەنۋدى جالپىلىق وڭاۋ قاتارلى جاقتاردا وسىزامانعى گەولوگيا تەحنيكاسىنىڭ تابىستارىنان پايدالانىپ، التاي ايماعىنىڭ وڭىرلىك ەكولوگيا جۇيەسىن جونگە سالۋ، قالپىنا كەلتىرۋ اياق الىسىن جەبەپ، التايدى اۆتونوميالى رايوندىق ەكولوگيالىق وركەنيەت قۇرىلىسىنان ۇلگى كورسەتۋ رايونى ەتىپ قۇرىپ شىعۋعا كۇش سالۋىن ٴۇمىت ەتەمىز».

  قول قويۋ سالتىندا شينجياڭ باۋدي ينجەنەريا قۇرىلىس شەكتى سەرىكتەستىگى التاي ايماقتىق 2 ـ تولىق ورتا مەكتەپكە 2 ميلليون يۋان وقۋعا كومەك بەرۋ قارجىسىن اتادى. قادەن كابەن ۇلى مەن سۇن بين ەكى جاققا ۋاكىل اتىنان كەلىسىمگە قول قويىستى.

  ۇعىسۋىمىزشا، وسى رەتكى كەلىسىم ەكى جاق سەلبەستىگىنىڭ تىڭ ساتىعا وتكەندىگىنەن دەرەك بەردى. ەكى جاق عىلمي جوسپارلاۋ، ٴبىر تۇتاس جوسپارلاپ تەڭ ٴمان بەرۋ، ساتى بويىنشا ىلگەرىلەتۋ، ٴوزارا تيىمدىلىك جاساپ، تەڭ يگىلىككە كەنەلۋ پرينسيبى بويىنشا ەكولوگيالىق وركەنيەت قۇرىلىسى، كەدەيلەردى دالمە ـ ٴدال سۇيەمەلدەۋ، لاستانۋدىڭ الدىن الۋ، اۋىل ـ قىستاقتاردى گۇلدەندىرۋ، ساياحات ىستەرىن دامىتۋ، ۇلتتار ىنتىماعى، سونداي ـ اق دارىندىلار قوسىنى قۇرىلىسى قاتارلى جاقتاردا ىشكەرىلەي سەلبەستىك جاسايدى.

جاۋاپتى رەداكتور: ءاننا اكىمقان قىزى
  • كوكتوعاي: شاعىن قالاشىقتاعى كوپ حيكايا
  • ورنىقتىلىقتى قورعاۋ، شەكارانى كۇزەتۋ جاۋاپكەرشىلىگى مەن بورىشىن مىقتاپ يگەرىپ، بيڭتۋان رەفورماسىن تەرەڭدەتۋدى جانە وڭتۇستىككە قاراي دامىتۋدى ىلگەرىلەتۋ كەرەك
  • ساياسي ارقىلى ساقشى قوسىنىن قۇرۋدان، رەفورما ارقىلى ساقشى قوسىنىن قۇدىرەتتەندىرۋدەن، عىلىم - تەحنيكا ارقىلى ساقشى قوسىنىن گۇلدەندىرۋدەن، ساقشى قوسىنىن قاتاڭ جونگە سالۋدان جازباي، پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋ كەرەك
  • ايماقتىق اۋا رايى ستانسياسى بوراننان ساقتانۋدىڭ سارى ءتۇستى ساقتىق سيگىنالىن تاراتتى