اعاجاي-التاي تورابى   ›   مادەنيەت ارناسى   ›   دەنساۋلىق

كۇتىم بويىنشا 5 كەڭەس

  كۇن جىلىعان بويدا كوپشىلىگىمىزدىڭ قۋاناتىنىمىز راس. كوكتەم-جاز مەرزىمى ايەل زاتىن سۇلۋ بولۋعا شاقىرادى. ول وزگەرۋگە ناعىز قولايلى مەزگىل بولعاندىقتان، كۇتىم بويىنشا قولعا الۋ كەرەك بىرنەشە كەڭەس ۇسىنامىز.

  باسقا ماسساج جاساۋ

  وتىرعان كۇيدە جۇمىس ىستەۋ جانە از قوزعالىستى ءومىر سالتى حال-جايعا، ۇيقى ساپاسىنا، قان اينالىمعا تىكەلەي اسەر ەتەدى، سونىمەن قاتار دەنە ءمۇسىنى ماسەلەسىنە، باس اۋرۋعا، السىزدىككە جانە شاش تۇسۋگە اكەلەدى. سوندىقتان باسىڭىزعا ماسساج جاساۋدى باستاڭىز. بۇل پروتسەدۋرا جوعارىدا ايتىلعان ماسەلەلەردىڭ الدىن الۋعا كومەكتەسەدى. باس ماسساجىنا ۇيىقتار الدىندا 15-20 مينۋت ارناڭىز. ماسساجعا كىرىسپەس بۇرىن باس ماسساجىنىڭ تەحنيكاسىن، قاۋىپسىزدىك ەرەجەسىن زەرتتەپ الىڭىز. سودان سوڭ قولىڭىزعا بوساڭسىتاتىن ەفير مايىن تامىزىپ، اينانىڭ الدىنا وتىرىپ، ماسساجعا كىرىسىڭىز. ماسساج كەزىندە ۇيالى تەلەفونىڭىزدى دىبىسسىز رەجيمگە قويىڭىز. باس ماسساجى كەزىندە تەك ءوزىڭىز بولعانىڭىز جاقسى، سەبەبى ول سىزگە مەديتاتسيا سەكىلدى اسەر بەرەدى.

  زاقىمدانعان شاشتى قالپىنا كەلتىرۋ

  جاڭا شاش ۇلگىسى ــ ءوزىڭىزدى نەمەسە ءومىرىڭىزدى وزگەرتكىڭىز كەلگەندە ويعا ءبىرىنشى كەلەتەتىن نارسەلەردىڭ ءبىرى. تۇبەگەيلى وزگەرىس جاساۋ مىندەتتى ەمەس، شاش ۇشىن قيدىرتىپ، شاش ۇلگىسىن جاڭارتۋدىڭ ءوزى جەتكىلىكتى. ءۇي جاعدايىندا باس تەرىسىنە اسا ءمان بەرگەن ءجون، سەبەبى ونىڭ جاعدايى شاش قالىڭدىعىنا جانە ساۋلىعىنا تىكەلەي اسەر ەتەدى.

  اعزانى تازارتۋ

  اعزاڭىزدى ارىقتاتاتىن قاتاڭ ديەتالارمەن قيناعانشا دۇرىس تاماقتانۋعا كوشىڭىز. اعزاڭىزدى تىڭداپ ۇيرەنىڭىز. ءتاتتى تاعامداردى قۇرما، جاڭعاق نەمەسە ءتاتتى جەمىستەرگە اۋىستىرىڭىز. ەگەر اعزاڭىزدى تازارتۋ كەرەكتىگىن سەزسەڭىز، جاسىل كوكونىستەردى كوبىرەك جەۋگە تىرىسىڭىز. ءسى ءىشۋ رەجيمىن قالىپقا كەلتىرىڭىز. اعزاعا گازدالعان جانە ءتاتتى سۋسىندار زيان، سوندىقتان ولاردان باس تارتىپ، قاراپايىم سۋعا كوشكەن ءجون.

  سپورتپەن اينالىسۋ

  ءوزىڭىزدى جاڭا ادام رەتىندە سەزىنۋگە ارينە، سپورت كومەكتەسەدى. سپورتتىڭ سىزدەن اسا كۇش تالاپ ەتپەيتىن ىڭعايلى ءتۇرىن تاڭداڭىز. مىسالى، يوگا، پيلاتەس، سوزىلۋ ـــ سپورتتىڭ بۇل تۇرلەرى ادامدى دەنەسىمەن بايلانىس ورناتۋعا باعىتتالعان. ەگەر ارنايى جاتتىقتىرۋ ورىندارىنا بارۋعا ۋاقىت نەمەسە قاراجات بولماسا، ۇيدە كەسكىنگە قاراپ تا جاتتىعۋعا بولادى. قالاي بولعاندا دا، ۋاقىتىلى سپورت وزىڭىزبەن ماقتانۋعا جانە ءوزىڭىزدى جاقسى سەزىنۋگە ءبىر سەبەپ.

جاۋاپتى رەداكتور: ءاننا اكىمقان قىزى
  • كوكتوعاي: شاعىن قالاشىقتاعى كوپ حيكايا
  • ورنىقتىلىقتى قورعاۋ، شەكارانى كۇزەتۋ جاۋاپكەرشىلىگى مەن بورىشىن مىقتاپ يگەرىپ، بيڭتۋان رەفورماسىن تەرەڭدەتۋدى جانە وڭتۇستىككە قاراي دامىتۋدى ىلگەرىلەتۋ كەرەك
  • ساياسي ارقىلى ساقشى قوسىنىن قۇرۋدان، رەفورما ارقىلى ساقشى قوسىنىن قۇدىرەتتەندىرۋدەن، عىلىم - تەحنيكا ارقىلى ساقشى قوسىنىن گۇلدەندىرۋدەن، ساقشى قوسىنىن قاتاڭ جونگە سالۋدان جازباي، پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋ كەرەك
  • ايماقتىق اۋا رايى ستانسياسى بوراننان ساقتانۋدىڭ سارى ءتۇستى ساقتىق سيگىنالىن تاراتتى