اعاجاي-التاي تورابى   ›   اقپارات ايدىنى   ›   ماڭىزدى حابارلار

شي جينپيڭ ازيا وركەنيەتتەر سۇحباتى جينالىسىنا قاتىناسادى ءارى ارقاۋ ءسوز سويلەيدى

  شينحۋا اگەنتتىگىنىڭ 5 - ايدىڭ 9 - كۇنى بەيجيڭنەن بەرگەن حابارى (تىلشىلەر پان جيە، ۋ يۋە). ورتالىق كوميتەت ۇگىت ءبولىمىنىڭ ورىنباسار باستىعى، مەملەكەتتىك كەڭەس اقپارات كەڭسەسىنىڭ مەڭگەرۋشىسى شۇي لين 5 - ايدىڭ 9 - كۇنى مەملەكەتتىك كەڭەس اقپارات كەڭسەسىنىڭ اقپار جاريالاۋ ماجىلىسىندە ازيا وركەنيەتتەر سۇحباتى جينالىسىنىڭ 5 - ايدىڭ 15 - كۇنى بەيجيڭدە سالتاناتپەن اشىلاتىندىعىن، جۇڭگونىڭ مەملەكەت ءتوراعاسى شي جينپيڭنىڭ جينالىستىڭ اشىلۋ سالتىنا قاتىناسىپ، ارقاۋ ءسوز سويلەيتىندىگىن ءارى قاتىستى قيمىلدارعا قاتىناساتىندىعىن جاريالادى.

  ۇعىسۋعا قاراعاندا، وسى رەتكى جينالىستىڭ نەگىزگى تاقىرىبى − ”ازيا وركەنيەتتەر اۋىس - ءتۇيىسى، ءوزارا ۇلگى الۋ جانە تاعدىرلاس ورتاق تۇلعا“، اشىلۋ سالتى، تەڭ دارەجەلى بولىمشە تالقى مىنبەرى، ازيا مادەنيەت سالتاناتى، ازيا وركەنيەت اپتالىعى قيمىلى سىندى 4 ۇلكەن بولىكتى قامتىپ، قاتىستى 110 نەشە ءتۇرلى قيمىلعا سايىپ، ازيا وركەنيەتىنىڭ الۋان ءتۇرلى، باي مازمۇندى باۋرامدىلىعى مەن جۇڭحۋا وركەنيەتىنىڭ قويۋ قاتپارىن تولىق ايگىلەيدى.

  شۇي لين بىلاي دەدى: جينالىس كامبودجا، گرەتسيا، سينگاپۋر، شريلانكا، ارمەنيا، موڭعۇليا قاتارلى ەلدەردىڭ باسشىلارىن، بىرلەسكەن مەملەكەتتەر ۇيىمىنىڭ وقۋ - اعارتۋ، عىلىم، مادەنيەت ۇيىمى قاتارلى حالىقارالىق ۇيىمداردىڭ جاۋاپتىلارىن جينالىسقا قاتىناسۋعا ۇسىنىس ەتتى. ازياداعى 47 مەملەكەتتىڭ، سونداي - اق ءوڭىر سىرتىنداعى باسقا مەملەكەتتەردىڭ ۇكىمەت ءمانساپتىلارىنان جانە مادەنيەت، وقۋ - اعارتۋ، كينو - تەلەۆيزيا، اقىلماندار قويماسى، اقپارات قۇرالدارى، ساياحات سياقتى سالالاردىڭ ۋاكىلدەرىنەن جالپى 2000نان استام ادام جينالىستىڭ اشىلۋ سالتىنا جانە بولىمشە تالقى مىنبەرىنە قاتىناسادى.

  ”جينالىس ازيانى تياناق ەتىپ، دۇنيە جۇزىنە بەت الىپ، ازياداعى ءار ەلدى تۇگەل قامتيدى ءارى دۇنيە جۇزىندەگى ءارقايسى وركەنيەتتەرگە قۇشاق اشىپ، بارلىعىن قامتىپ تاتۋ - ءتاتتى بولۋ، بىرگە العا باسۋ سىندى وركەنيەت ۇستانىمىن ايگىلەدى“، - دەدى شۇي لين، ول ازيا وركەنيەتتەر سۇحباتى جينالىسى سىندى تۇعىر ارقىلى ازياداعى جانە دۇنيە جۇزىندەگى ءار ەل حالىقتارى جاراتقان وركەنيەت جەتىستىكتەرىنە ىشكەرىلەي مۇراگەرلىك ەتۋدى جانە ونى اسقاقتاتۋدى، سونداي - اق تۇرلىشە مەملەكەت، تۇرلىشە وركەنيەت اراسىنداعى ءوزارا اۋىس - ءتۇيىستى، ءوزارا ۇلگى الۋدى اناعۇرلىم جاقسى جەبەپ، ادامزات وركەنيەتىنىڭ دامۋىن، العا باسۋىن ونان ارى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ءۇمىت ەتتى.

  ازيا وركەنيەتتەر سۇحباتى جينالىسى بيىل 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنەن، بەيجيڭ دۇنيە جۇزىلىك باۋ - باقشا كورمەسىنەن كەيىن، جۇڭگو وتكىزگەن تاعى ءبىر ماڭىزدى ديپلوماتيالىق قيمىل، بەلگى سيپاتتى مانگە يە حالىقارالىق سالتاناتتى باس قوسۋ، ول ازياداعى جانە دۇنيە جۇزىندەگى ءار ەل وركەنيەتتەرىنىڭ اۋىس - ءتۇيىسىن، ءوزارا ۇلگى الۋىن اناعۇرلىم ىلگەرىلەتىپ، ارتىقشىلىقتى قابىلداپ، كەمشىلىكتى تولىقتاۋ بارىسىندا ورتاق العا باسۋدى جۇزەگە اسىرادى.

  شۇي لين بىلاي دەدى: جينالىستا ءار جاقتىڭ ورتاق تانىمىن ۇيىستىرۋ نەگىزىندە، قاتىستى جينالىس حۇجاتتارى جاريالانىپ، جينالىس قول جەتكىزگەن قوماقتى جەتىستىكتەر كورسەتىلەدى. سونىمەن بىرگە، اقپارات قۇرالدارى، اقىلماندار قويماسى، ساياحات، كينو - تەلەۆيزيا، مادەنيەت مۇرالارىن قورعاۋ سياقتى سالالاردا ءبىر قىدىرۋ كوپ جاقتى، ەكى جاقتى دارىپتەمەلەرگە، كەلىسىمدەرگە قول قويىلىپ، ءبىر توپ كەلەلى نىسان جەتىستىكتەرى مەن زەرتتەۋ باياندامالارى جاريالانىپ، جينالىس جەتىستىكتەرى تياناقتاندىرىلىپ، وركەنيەتتەردىڭ اۋىس - ءتۇيىسىن، ءوزارا ۇلگى الۋىن ىلگەرىلەتۋدىڭ ناقتى، شىنايى شارالارى شىعارىلادى.
 

جاۋاپتى رەداكتور: ءاننا اكىمقان قىزى
  • ورنىقتىلىقتى قورعاۋ، شەكارانى كۇزەتۋ جاۋاپكەرشىلىگى مەن بورىشىن مىقتاپ يگەرىپ، بيڭتۋان رەفورماسىن تەرەڭدەتۋدى جانە وڭتۇستىككە قاراي دامىتۋدى ىلگەرىلەتۋ كەرەك
  • ساياسي ارقىلى ساقشى قوسىنىن قۇرۋدان، رەفورما ارقىلى ساقشى قوسىنىن قۇدىرەتتەندىرۋدەن، عىلىم - تەحنيكا ارقىلى ساقشى قوسىنىن گۇلدەندىرۋدەن، ساقشى قوسىنىن قاتاڭ جونگە سالۋدان جازباي، پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋ كەرەك
  • ايماقتىق اۋا رايى ستانسياسى بوراننان ساقتانۋدىڭ سارى ءتۇستى ساقتىق سيگىنالىن تاراتتى
  • 1ـ مامىر دەمالىسى كەزىندە ايماعىمىزداعى ارقايسى كورىنىس ورىندارىندا ساياحاتشىلاردىڭ اياعى ۇزىلمەدى