اعاجاي-التاي تورابى   ›   اقپارات ايدىنى   ›   سۋرەتتى حابارلار

ورنىقتىلىقتى قورعاۋ، شەكارانى كۇزەتۋ جاۋاپكەرشىلىگى مەن بورىشىن مىقتاپ يگەرىپ، بيڭتۋان رەفورماسىن تەرەڭدەتۋدى جانە وڭتۇستىككە قاراي دامىتۋدى ىلگەرىلەتۋ كەرەك

يوۋ چۋان شينجياڭدا تەكسەرۋ-زەرتتەۋ جۇرگىزگەندە بىلاي دەپ باسا دارىپتەدى

  5 - ايدىڭ 6 - كۇنىنەن 9 - كۇنىنە دەيىن جۇڭگو كوممۋنيستىك پارتياسى ورتالىق كوميتەتى شۋجيچۋىنىڭ شۋجيى، ورتالىق كوميتەت بىرلىكساپ ءبولىمىنىڭ باستىعى يوۋ چۋان شينجياڭدا تەكسەرۋ - زەرتتەۋ جۇرگىزدى. اۆتونوميالى رايوندىق پارتكومنىڭ شۋجيى چىن چۋانگو قاتىستى قيمىلدارعا قاتىناستى.  سۋرەتتى ءتىلشىمىز سۇي جىجيان تۇسىرگەن.

  شينجياڭ گازەتىنىڭ ءتىلشىسى ياۋ تۇڭ، لي ياڭ 5 - ايدىڭ 9 - كۇنى ۇرىمجىدەن حابارلايدى. 5 - ايدىڭ 6 - كۇنىنەن 9 - كۇنىنە دەيىن جۇڭگو كوممۋنيستىك پارتياسى ورتالىق كوميتەتى شۋجيچۋىنىڭ شۋجيى، ورتالىق كوميتەت بىرلىكساپ ءبولىمىنىڭ باستىعى يوۋ چۋان شينجياڭدا تەكسەرۋ - زەرتتەۋ جۇرگىزدى. ول مىنالاردى باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جانە شينجياڭ ءوندىرىس - قۇرىلىس بيڭتۋانىنىڭ قىزمەتى جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، بيڭتۋان رۋحىنا مۇراگەرلىك ەتىپ جانە ونى ساۋلەلەندىرىپ، جاڭا داۋىردەگى بيڭتۋاننىڭ ەرەكشە رولىن اناعۇرلىم ويداعىداي ساۋلەلەندىرۋ كەرەك. اۆتونوميالى رايوندىق پارتكومنىڭ شۋجيى چىن چۋانگو قاتىستى قيمىلدارعا قاتىناستى.

  يوۋ چۋان ىلگەرىندى - كەيىندى ءۇرىمجى، قاشقار، اقسۋ سياقتى جەرلەرگە بارىپ، بيڭتۋان ورگاندارىن، تۋان - الاڭداردى جانە ليان - دۇيلەردى ارالاپ جاعداي ۇعىسىپ، جوعارى، ورتا مەكتەپتەردى، كاسىپورىنداردى، اۋىل - قىستاقتاردى جانە الەۋمەتتىك اۋماقتاردى ارالاپ، اۋىل شارۋاشىلىق ءوندىرىس بازالارىندا، كەدەيلەردى سۇيەمەلدەۋدەن قامال الۋ نىساندارىندا جانە جۇمىسقا ورنالاستىرۋعا باۋلۋ قۇرىلىمدارىندا تەكسەرۋ جۇرگىزىپ، نەگىزگى ساتىداعى جۇمىسشى - قىزمەتكەرلەرگە، بۇقاراعا امانداستى ءارى اڭگىمە ءماجىلىستى باسقارىپ اشىپ، قاتىستى جاقتاردىڭ ۇسىنىس - پىكىرلەرىن تىڭدادى. ول بيڭتۋاننىڭ تاياۋ جىلداردان بەرگى ءتۇرلى قىزمەتتەردە قول جەتكىزگەن تابىستارىن تولىق تۇراقتاندىرىپ، مىنانى باسا دارىپتەدى: جاڭا داۋىردەگى بيڭتۋاننىڭ جاۋاپكەرشىلىگى مەن بورىشىن تەرەڭ ءتۇسىنىپ، ءدال يگەرىپ، ۇيىمدىق باسىمدىعى مەن جۇمىلدىرۋ قابىلەتىن جوعارىلاتىپ، ورنىقتىلىقتى قورعاۋ بارىسىندا شۇعىل جاعدايلارعا توتەپ بەرۋ جۇيەسى قۇرىلىسىن كەمەلدەندىرىپ، ورنىقتىلىقتى قورعاۋ، شەكارانى كۇزەتۋ رولىن ويداعىداي اتقارىپ، شينجياڭ قىزمەتىنىڭ باس نىساناسىن جۇزەگە اسىرۋداعى ماڭىزدى كۇشكە شىنايى اينالۋ كەرەك.

  يوۋ چۋان بىلاي دەپ اتاپ كورسەتتى: بيڭتۋاننىڭ رەفورمانى تەرەڭدەتۋىن تاباندىلىقپەن ىلگەرىلەتىپ، تۇبىرگە، نەگىزگە، ۇزاق ۋاقىتقا ساياتىن ماسەلەلەرگە ۇزدىكسىز كۇش سالىپ، دامۋ ومىرشەڭدىك كۇشىن جوعارىلاتىپ، اكىمشىلىك جۇرگىزۋ ونىمدىلىگىن كوتەرىپ، ماڭىزدى بۋىندارداعى تابىستار ارقىلى رەفورمانىڭ جالپى تۇلعادا ىلگەرىلەۋىنە جەتەكشىلىك ەتۋ كەرەك. بيڭتۋاننىڭ وڭتۇستىككە قاراي دامۋىن قولداۋ تەبىنىن ۇزدىكسىز ارتتىرىپ، بيڭتۋاننىڭ تاڭداۋلى ءداستۇرى مەن ءتۇزىلىس ارتىقشىلىعىن تولىق ساۋلەلەندىرىپ، قالىڭ كادرلار مەن بۇقارانىڭ وڭتۇستىك شينجياڭدى اشۋ، وڭتۇستىك شينجياڭدى گۇلدەندىرۋ، وڭتۇستىك شينجياڭدى ورنىقتىرۋ ىنتاسىن تاسقىنداتىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتى ونىمدىلىككە قول جەتكىزۋىنە شىنايى كەپىلدىك ەتۋ كەرەك.

  تارىم داشۋەسىندە تەكسەرۋ جۇرگىزگەن كەزدە، يوۋ چۋان وقىتۋشى - وقۋشىلاردى باس شۋجي شي جينپيڭنىڭ قاتىستى ماڭىزدى نۇسقاۋلارىنىڭ رۋحىن مۇقيات ۇيرەنىپ، دايەكتىلەندىرىپ، پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ سىندى دۇرىس وقىتۋ بەتالىسىن مىقتى يگەرىپ، شينجياڭنىڭ كەلەلى جاعدايىنا جانە بيڭتۋاننىڭ قۇرىلىسىنا قىزمەت ەتۋگە كۇش سالىپ، وقىتۋ ورەسىن ۇزدىكسىز جوعارىلاتىپ، وتاندى سۇيەتىن، شينجياڭدى سۇيەتىن، جاۋاپكەرشىلىك ارقالاپ، ۇلەس قوساتىن سوتسياليزمنىڭ قۇرىلىسشىلارى مەن ءىزباسارلارىن كۇش سالا باۋلۋعا شابىتتاندىردى.
 ورتالىق كوميتەت بىرلىكساپ ءبولىمىنىڭ ورىنباسار باستىعى شى جۇن، اۆتونوميالى رايون باسشىلارىنان سۇن جينلۇڭ، لي پىڭشين، پىڭ جيارۇي جانە بيڭتۋان باسشىلىق القاسىنىڭ مۇشەلەرى قاتارلىلار جوعارىداعى قيمىلدارعا جەكە - جەكە قاتىناستى.

جاۋاپتى رەداكتور: ءاننا اكىمقان قىزى
  • ساياسي ارقىلى ساقشى قوسىنىن قۇرۋدان، رەفورما ارقىلى ساقشى قوسىنىن قۇدىرەتتەندىرۋدەن، عىلىم - تەحنيكا ارقىلى ساقشى قوسىنىن گۇلدەندىرۋدەن، ساقشى قوسىنىن قاتاڭ جونگە سالۋدان جازباي، پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋ كەرەك
  • ايماقتىق اۋا رايى ستانسياسى بوراننان ساقتانۋدىڭ سارى ءتۇستى ساقتىق سيگىنالىن تاراتتى
  • 1ـ مامىر دەمالىسى كەزىندە ايماعىمىزداعى ارقايسى كورىنىس ورىندارىندا ساياحاتشىلاردىڭ اياعى ۇزىلمەدى
  • كومەكتەسكەن ولكەلەردىڭ كوڭىلىنەن شىعايىق