اعاجاي-التاي تورابى   ›   اقپارات ايدىنى   ›   ماڭىزدى حابارلار

شي جينپيڭ ۋادە بويىنشا ساۋد ارابياسىنىڭ پاتشاسى سالمانمەن تەلەفوندا سويلەستى

  شينحۋا اگەنتتىگىنىڭ 5 - ايدىڭ 8 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 5 - ايدىڭ 8 - كۇنى ۋادە بويىنشا ساۋد ارابياسى پاتشالىعىنىڭ پاتشاسى سالمانمەن تەلەفوندا سويلەستى.

  شي جينپيڭ بىلاي دەپ اتاپ كورسەتتى: جۇڭگو جاق جۇڭگو مەن ساۋد ارابياسىنىڭ جان - جاقتى ستراتەگيالىق سەرىكتەستىك قارىم - قاتىناسىنىڭ دامۋىنا وسكەلەڭ ءمان بەرەدى، ساۋد ارابياسىن ”بىر بەلدەۋ، ءبىر جول“دى بىرگە قۇرۋدى ىلگەرىلەتۋدەگى ماڭىزدى سەلبەستىك سەرىگى سانايدى. جۋىق جىلداردان بەرى، مەن مارتەبەلى پاتشامەن بىرگە ءوزارا ساپارلاۋدى ءساتتى جۇزەگە اسىرىپ، جۇڭگو مەن ساۋد ارابياسى قارىم - قاتىناسىنىڭ جاپپاي قارىشتاپ دامۋىنا جەتەكشىلىك ەتتىك. بيىل 2 - ايدا پاتشا مۇراگەرى مۇحاممەد جۇڭگوعا ساپارلاي كەلدى ءارى جۇڭگو مەن ساۋد ارابياسى جوعارى دارەجەلى بىرىككەن كوميتەتىنىڭ 3 - رەتكى ءماجىلىسىن وتكىزىپ، سۇبەلى ناتيجەگە قول جەتكىزىپ، ەكى ەلدىڭ ءار سالاداعى اۋىس - ءتۇيىسىن، سەلبەستىگىن ىشكەرىلەي ىلگەرىلەتۋگە تىڭ قوزعاۋشى كۇش ۇستەدى. جۇڭگو ساۋد ارابياسىنىڭ جۇڭگونىڭ وزەكتى مۇددەسىنە جانە باسا نازار اۋدارىپ وتىرعان ىستەرىنە ساياتىن ماسەلەلەردە وبيەكتيۆ، ءادىل تۇرعىنى جاقتاعاندىعىنا ريزالىق بىلدىرەدى، ساۋد ارابياسى جاقتىڭ مەملەكەتتىڭ يەلىك ۇقىعىن، حاۋىپسىزدىگىن، ورنىقتىلىعىن قورعاۋ جولىنداعى قۇلشىنىستارىن تاباندىلىقپەن قولدايدى، ساۋد ارابياسى جاقتىڭ ەكونوميكانىڭ تيپىن وزگەرتۋىن ىلگەرىلەتىپ، اناعۇرلىم زور دامۋدى جۇزەگە اسىرۋىن قولدايدى. جۇڭگو جاق ”ءبىر بەلدەۋ، ءبىر جول“دى بىرگە قۇرۋ باستاماسىن ساۋد ارابياسىنىڭ ”2030 بولاشاق جوسپارى“مەن ستراتەگيالىق جاقتان ۇشتاستىرۋدى كۇشەيتۋدى، ەكى ەلدىڭ ەنەرگيا قاتارلى ءتۇرلى سالاداعى ناقتى سەلبەستىگىن ىلگەرىلەتۋدى قالايدى. جۇڭگو جاق ساۋد ارابياسىنىڭ جۇڭگو مەن اراب ەلدەرىنىڭ قارىم - قاتىناسىن، جۇڭگو مەن ءىسلام ەلدەرىنىڭ قارىم - قاتىناسىن ىلگەرىلەتۋ جولىنداعى قۇلشىنىستارىنا ريزالىق بىلدىرەدى. جۇڭگو جاق ساۋد ارابياسىنىڭ 2020 - جىلعى 20 ەل توبىنا ءتوراعا ەل بولۋ مىندەتىن اتقارۋىن قارسى الادى جانە بەلسەندى قولداۋ كورسەتەدى، ساۋد ارابياسى جاقپەن سايكەسۋدى، سەلبەسۋدى كۇشەيتىپ، 20 ەل توبىنىڭ كوپ جاقتىلىقتى قورعاۋ، اشىق دۇنيە ەكونوميكاسىن قۇرۋ، الەمدىك ەكونوميكانى وڭاۋدى كەمەلدەندىرۋ جاعىندا اناعۇرلىم زور ۇلەس قوسۋىن بىرگە ىلگەرىلەتۋدى قالايدى.

  سالمان مىنالاردى ءبىلدىردى: جۇڭگونىڭ 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىن ءساتتى وتكىزگەندىگىن قىزۋ قۇتتىقتايمىن، مۇنىڭ حالىقارالىق دامۋ سەلبەستىگىن جەبەۋدە ماڭىزدى رول اتقاراتىندىعىنا كامىل سەنەمىن. ساۋد ارابياسى مەن جۇڭگو ءوز ەلدەرىنىڭ دامۋىنا جانە دۇنيە ءجۇزىنىڭ بەيبىتشىلىگىنە، ورنىقتىلىعىنا كۇش سالىپ كەلەدى. ساۋد ارابياسى جاق ساۋد ارابياسى مەن جۇڭگونىڭ جان - جاقتى ستراتەگيالىق سەرىكتەستىك قارىم - قاتىناسىن تەرەڭدەتۋگە باسا ءمان بەرەدى، جۇڭگونىڭ دامۋدا ءتىپتى دە زور ناتيجەگە قول جەتكىزۋىن ءۇمىت ەتەدى، جۇڭگونىڭ ءار دارەجەلىلەرىمەن بارىس - كەلىستى جيىلەتۋدى، ەكى ەلدىڭ ءار سالاداعى سەلبەستىگىن ىلگەرىلەتۋدى، ەكى ەلگە جانە ەكى ەل حالقىنا اناعۇرلىم جاقسى قىزمەت وتەۋدى، سونىمەن قاتار، شىعىس ازيا مەن باتىس ازيا ءوڭىرىنىڭ سەلبەستىگىن جەبەۋدى قالايدى. ساۋد ارابياسى اراب ەلدەرىنىڭ جانە ءىسلام دۇنيەسىنىڭ جۇڭگومەن دوستىق سەلبەستىك قارىم - قاتىناسىن ۇزدىكسىز جەبەۋگە ۇلەس قوسۋدى قالايدى.

 

جاۋاپتى رەداكتور: ءاننا اكىمقان قىزى
  • ايماقتىق اۋا رايى ستانسياسى بوراننان ساقتانۋدىڭ سارى ءتۇستى ساقتىق سيگىنالىن تاراتتى
  • 1ـ مامىر دەمالىسى كەزىندە ايماعىمىزداعى ارقايسى كورىنىس ورىندارىندا ساياحاتشىلاردىڭ اياعى ۇزىلمەدى
  • كومەكتەسكەن ولكەلەردىڭ كوڭىلىنەن شىعايىق
  • الدا ايماعىمىزدىڭ تەمپەراتۋراسى كورنەكتى جوعارىلايدى