اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

«ايماعىمىزدىڭ 8- كەزەكتى جاستار مەدالىنىڭ يەگەرى» ساۋلەتتىڭ ىزگى ىستەرى

  قاراپايىم اۋىل- قىستاق وقىتۋشىسى ساۋلەت تولەقان قىزى وقىتۋشىلىق قىزمەتىن تىڭعىلىقتى ىستەۋمەن بىرگە قينشىلىعى بار وقۋشىلارعا بار پەيىلىمەن كومەكتەسىپ، شىنايى سۇيىسپەنشىلىك باعىشتادى. «4- مامىر مەدالى يەگەرلەرىنىڭ» ىزگى ىستەرى تانىستىرىلاتىن ارناۋلى حابارىمىزدا بۇگىن ساۋلەت تولەقان قىزىنىڭ ىزگى ىستەرىمەن تانىساسىزدار.

  مەن ساۋلەت تولەقان قىزىمىن، 2013- جىلى 9- ايدا بۋىرشىن اۋدانى شۇڭقىر قالاشىعىنىڭ كۇنتۋعان قىستاعىنداعى باستاۋىش مەكتەپكە ەرەكشە وقىتۋشى بولىپ كەلدىم، مەكتەبىمىزدەگى وقىتۋشى- وقۋشىلار حانزۋ، قازاق، ۇيعۇر، تاتار قاتارلى كوپ ۇلتتان قۇرالعان، بەرەكەسى جاراسقان ۇلكەن وتباسى.

  مەن مەكتەبىمىزدەگى بالالاردى ەرەكشە جاقسى كورەمىن، ولار وتە سۇيكىمدى، اقكوڭىل. وزىمدە ەكى بالانىڭ اناسىمىن، قىزمەتىم قاربالاس، قىزمەت ورنىم ۇيدەن الىس بولعاندىقتان وتباسىمداعىلارمەن باس قوساتىن ورايىم وتە از، مەكتەپتەگى بالالاردى ەرەكشە جاقىن تارتىپ تۇرامىن، وتباسىندا قينشىلىعى بار بالالارعا شامامنىڭ كەلىسىنشە كومەكتەسەمىن.

  2014- جىلى 3- ايدان باستاپ ورتا- باستاۋىش مەكتەپ وقۋشىلارىنا جانە داشۋە وقۋشىلارىنا، قوعامداعىلارعا مەيىر- شاپاعات كورسەتۋ قىزمەتىنە بەلسەنە اتسالىستىم، جەكە ءوزىم 20 نەشە مىڭ يۋاننىڭ زاتىن جانە اقشاسىن جىلۋعا اتادىم، 2014- جىلى 6- ايدان باستاپ قوعامدا مەيىر- باعىشتاۋ، جىلۋ اتاۋ قيمىلدارىن ورىستەتتىم، قوعامداعى ىزگى نيەتتى جانداردى ۇيىمداستىرىپ، سولارمەن بىرگە 30 نەشە رەت مەيىر- شاپاعات كورسەتۋ قيمىلىن ورىستەتىپ، قينشىلىعى بارلارعا جىلۋعا اتاعان زاتتار مەن اقشانىڭ قۇنى 60 مىڭ يۋاننان استى.

  قىزمەتتەسى شۇي جياڭپيڭ: ءار جىلى 6- ايدىڭ 1- كۇنگى بالالار مەرەكەسىندە ول تۇتاس مەكتەپتەگى 149 وقۋشىعا مەيىر باعىشتايدى، ول نەگىزگى ساتىداعى قىزمەتكەرلەرگە اي سايىن بەرەتىن 200 يۋان قوسىمشا قاراجاتتى مەكتەبىمىزدەگى ءبىر جەتىم بالاعا بەرىپ تۇردى.

  قىزمەتتەسى كۇلزات: ساۋلەت مۇعالىم شىنايى ءىس- ارەكەتى ارقىلى جاس وقىتۋشىلارعا ۇلگى بولدى، بىزدە ودان ۇيرەنىپ قينشىلىعى بارلارعا كومەكتەسەمىز.

  مەن قينشىلىعى بار اناعۇرلىم كوپ بالاعا جالعاستى كومەكتەسەمىن، كومەككە يە بولعان بالالاردىڭ بورىشتىلىق سەزىممەن قۇلشىنا ۇيرەنىپ، بەرەكە- بىرلىكتى نىعايتىپ، كەلەشەكتە قوعامعا اقىل- پاراساتى مەن كۇش- قۋاتىن ارنايتىنىنا سەنەمىن.

جاۋاپتى رەداكتور: ءاننا اكىمقان قىزى
  • ايماقتىق اۋا رايى ستانسياسى بوراننان ساقتانۋدىڭ سارى ءتۇستى ساقتىق سيگىنالىن تاراتتى
  • 1ـ مامىر دەمالىسى كەزىندە ايماعىمىزداعى ارقايسى كورىنىس ورىندارىندا ساياحاتشىلاردىڭ اياعى ۇزىلمەدى
  • كومەكتەسكەن ولكەلەردىڭ كوڭىلىنەن شىعايىق
  • الدا ايماعىمىزدىڭ تەمپەراتۋراسى كورنەكتى جوعارىلايدى