اعاجاي-التاي تورابى   ›   اقپارات ايدىنى   ›   سۋرەتتى حابارلار

1ـ مامىر دەمالىسى كەزىندە ايماعىمىزداعى ارقايسى كورىنىس ورىندارىندا ساياحاتشىلاردىڭ اياعى ۇزىلمەدى

  التاي گازەىتنىڭ ءتىلشىسى حۋ جۇنشيۋ حابارلايدى. 1 ـ مامىر دەمالىسى كەزىندە ايماعىمىزداعى ءارقايسى كورىنىس رايوندارىندا ساياحاتشىلاردىڭ اياعى ۇزىلمەدى. ايماقتىق مادەنيەت ـ دەنەتاربيە، راديو ـ تەلەۆيزيا جانە ساياحات مەكەمەسىنىڭ ساناعىنا قاراعاندا، 5 ـ ايدىڭ 1 ـ كۇنىنەن 4 ـ كۇنىنە دەيىن ايماعىمىز قابىلداعان ساياحاتشى سانى 288 مىڭ ادامعا (رەتكە) جەتىپ، ۇقساس مەزگىلدەگىدەن %127؛ ساياحات جالپى تۇتىنۋى 330 ميلليون 212 مىڭ يۋانعا جەتىپ، ۇقساس مەزگىلدەگىدەن %137.2 ارتقان.

  جەرءجانناتى قاناس ساياحاتشىلاردىڭ ارمانداعان جەرىنە اينالدى. 5 ـ ايدىڭ 1 ـ كۇنى قاناس كورىنىس رايونى 10 مىڭعا جۋىق ساياحاتشى قابىلدادى. شاندۇڭدىق ساياحاتشى باي يانان تىلشىگە بىلاي دەدى: «قاناس كورىنىس رايونىندا ءبىر جىلدىڭ ءتورت ماۋسىمىن باستان كەشىرگەندەي بولدىم. بۇل جەردەگى قارلى تاۋ، جاسىل جايلاۋ، تابيعي تاۋ گۇلدەرىنىڭ بارلىعى ٴتىل جەتكىسىز كوركەم ەكەن. ٴتورت ماۋسىمى بەينە سۋرەت سياقتى». قابا اۋدانىنداعى اققايىڭ كورىنىس رايونى «تابيعاتقا جاناسىپ، اقاۋسىز ەرجەتەيىك» دەگەن تاقىرىپتا اتا ـ انالار مەن بالالاردىڭ دالا سەيىلى قيمىلىن وتكىزىپ، كوپتەگەن ساياحاتشىنى باۋرادى.

  كوركەم كورىنىستەردى فوتو كوزىنە ٴتۇسىرۋ، سۋرەت سىزۋ قاتارلىلار كوپشىلىكتى كوركەم كورىنىستەردەن ٴلاززاتتاندىرسا، كوكتوعاي اۋدانىنداعى حالىقتىق مادەنيەت قيمىلى ورتالىعىنداعى «التاي تاۋى» اتىنداعى بايگە كوپشىلىككە وزگەشە اسەر بەردى. بايگە الاڭىندا شاباندوزدار تۇلپارعا قامشى باسىپ، ات جالىندا ويناسا، كورەرمەندەر قول سوعىپ قوشامەت ٴبىلدىردى. ٴداستۇرلى دەنەتاربيە جارىسى بالۋان، ات ونەرى، قول قارىمىن سىناسۋ قاتارلى جارىس تۇرلەرى دە ساياحاتشىلاردى وزىنە باۋرادى. لياۋنيڭنان كەلگەن ساياحاتشى ۋاڭ مىرزا تىلشىگە: «كوكتوعاي اۋدانىنىڭ كورىنىسى كوركەم بولىپ قالماستان، توڭكەرىستىك تاربيە بازاسى دا بار ەكەن، ات بايگەسى ادامدى وزىنە ەرەكشە باۋرايدى» ـ دەدى.

  جەمەنەي اۋدانى مەن شىڭگىل اۋدانى كەدەيلىكتەن ارىلتۋدان قامال الۋ تابىسىن اناعۇرلىم بەكەمدەۋ ٴۇشىن، ەرەكشە بايلىق ابزالدىلىعىنان پايدالانىپ «ارحەولوگيا + ساياحات» ارقىلى جەرگىلىكتى ورىن ەكونوميكاسىنىڭ دامۋىنا جەتەكشىلىك ەتتى. جەمەنەي اۋدانىنىڭ قويتاس كورىنىس رايونى «شينجياڭدى ارالاپ، ادامزاتتىڭ بايىرعى جۇرتىن كورىپ، جەمەنەي ساحارا بالبال مادەنيەتىنەن ٴلاززاتتانايىق» دەگەن تاقىرىپتا قويتاس ۇڭگىرى بايىرعى جۇرتىنىڭ سىرىنا ٴۇڭىلىپ، ادامزاتتىڭ بايىرعى جۇرتىن كوزدەن كەشىرۋ قيمىلىن وتكىزدى. سول كۇنگى قيمىلعا شينجياڭنىڭ ٴىشى ـ سىرتىنان 1000 نەشە ساياحاتشى قاتىناستى؛ شىڭگىل اۋدانى «بايىرعى جۇرتقا ساپار» اتتى عىلمي زەرتتەۋ ساياحات قيمىلىن ورىستەتتى، ساياحاتشىلار اتقا ٴمىنىپ شوشاداعى جارتاس سۋرەتتەرىن كورىپ، ساحارا مادەنيەتىن كوزدەن كەشىرىپ، شىڭگىل اۋدانىنداعى مەتوريت تاس سارايىن تاماشالادى. ساياحاتشى ليۋ شىلي تىلشىگە بىلاي دەدى: «ادامزاتتىڭ 40 مىڭ جىلدىڭ الدىنداعى جۇرتىن تاماشالاپ، ٴبىلىمىم كوبەيدى».

  بۇدان تىس، ايماعىمىز تاعى گۇل ـ شوپتەردى، قۇس تۇرلەرىن تاماشالاۋ، فوتو كوزىنە ٴتۇسىرۋ قاتارلى قيمىلداردى جالعاستى ورىستەتتى. ۇعىسۋىمىزشا، بيىل ايماعىمىز «ساياحات كاسىبىن نەگىزگى تۇلعا ەتىپ، 1 ـ كاسىپتى جەتەلەۋ، 2 ـ كاسىپتى سۇيەمەلدەۋدە» تاباندى بولىپ، جازعى ساياحاتتى كۇش سالا دامىتىپ، ەكولوگيا ماركاسىن، كورىنىس ٴتۇيىنى ماركاسىن قۇرىپ، قىزمەت وتەۋدى كۇشەيتەدى، قار ـ مۇز ساياحاتىن اشىپ، جىلقى شارۋاشىلىعىن دامىتىپ، اس ـ سۋ مادەنيەتىنە ٴۇڭىلىپ، قاتىناس تورىن جاقسارتادى، التايدىڭ كوركەم كورىنىسىن دۇنيەگە ايگىلەپ، جۇڭگوداعى ەڭ تاماشا ساياحات نىسانالى جەرىن، دۇنيە ٴجۇزى دارەجەلى قار ـ مۇز سپورت نىسانالى جەرىن كۇش سالا قۇرىپ، شينجياڭدى ساياحات ەكونوميكاسىندا قۋاتتى رايون ەتىپ قۇرىپ شىعۋعا التايدىڭ ۇلەسىن قوسادى ەكەن.

جاۋاپتى رەداكتور: ءاننا اكىمقان قىزى
  • كومەكتەسكەن ولكەلەردىڭ كوڭىلىنەن شىعايىق
  • الدا ايماعىمىزدىڭ تەمپەراتۋراسى كورنەكتى جوعارىلايدى
  • شي جينپيڭ مەن پىڭ لييۋان 2019 - جىلعى جۇڭگو بەيجيڭ دۇنيە جۇزىلىك باۋ - باقشا كورمەسىنە قاتىناسقان شەتەل جاقتىڭ باسشىلارىمەن جانە ولاردىڭ جۇبايلارىمەن بىرگە باۋ - باقشا كورمەسىن ەكسكۋرسيالادى
  • شي جينپيڭ 2019 - جىلعى جۇڭگو بەيجيڭ دۇنيە جۇزىلىك باۋ - باقشا كورمەسىنىڭ اشىلۋ سالتىنا قاتىناستى ءارى ماڭىزدى ءسوز سويلەدى