اعاجاي-التاي تورابى   ›   اقپارات ايدىنى   ›   ماڭىزدى حابارلار

لي جانشۋ حانگو پارلامەنتىنىڭ باستىعىمەن كەڭەس وتكىزدى

  مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 5 - ايدىڭ 7 - كۇنى حالىق سارايىندا حانگو پارلامەنتىنىڭ باستىعى ۋىن شيشياڭمەن كەڭەس وتكىزدى.

  لي جانشۋ بىلاي دەدى : جۇڭگو مەن حانگو جاقىن كورشى جانە ماڭىزدى سەلبەستىك سەرىك. ٴتوراعا شي جينپيڭ مەن پرەزيدەنت ۋىن زاييننىڭ تىكەلەي جەتەكشىلىك ەتۋىندە، جۇڭگو مەن حانگونىڭ قاتىناسى ۋاقىتتىق قيىنشىلىقتاردى جەڭىپ، قالىپقا تۇسىپ، جالعاستى دامىپ كەلەدى، كەزەكتە ەكى ەل باسشىلارى كەلىسكەن ٴبىرقىدىرۋ ماڭىزدى ورتاق تانىمدار ٴونىمدى تياناقتانۋدا. جۇڭگو حانگومەن ٴار دارەجەلى، ٴار سالاداعى بارىس ـ كەلىستى ساقتاپ جانە كۇشەيتىپ، ٴبىر ـ ٴبىرىنىڭ وزەكتى مۇددەسى مەن كوڭىل ٴبولىپ وتىرعان كەلەلى ىستەرىنە قۇرمەت ەتىپ، ەكى جاقتى قاتىناستىڭ دامۋىنىڭ ٴوزارا سەنىمدىلىك نەگىزىن اناعۇرلىم بەكەمدەپ، جۇڭگو مەن حانگونىڭ ستراتەگيالىق سەلبەستىك سەرىكتەستىك قاتىناسىنىڭ ورنىقتى، باياندى دامۋىن بىرگە ىلگەرىلەتۋدى قالايدى.

  لي جانشۋ مىنالاردى باسا دارىپتەدى : تاياۋدا جۇڭگو 2 ـ كەزەكتى « ٴبىر بەلدەۋ، ٴبىر جول » حالىقارالىق سەلبەستىك جوعارى دارەجەلى تالقىسىن ٴساتتى وتكىزدى. ٴتوراعا شي جينپيڭ « ٴبىر بەلدەۋ، ٴبىر جولدى » جوعارى ساپامەن ورتاق قۇرۋ پرينسيبىن، ۇستانىمىن جانە نىساناسىن العا قويىپ، رەفورما جاساپ، ەسىك اشۋدىڭ ٴبىر قىدىرۋ كەلەلى شارالارىن جاريالادى، بۇل ٴار ەلدىڭ دامۋىنا اناعۇرلىم زور وراي اكەلدى. جۇڭگو مەن حانگو اشىق قامتىمدى سەلبەستىك ورىستەتۋدى باتىل قولدايدى. سىڭار جاقتىلىق، قورعانىمپازدىق باس كوتەرگەن جاعدايدا، ەكى ەل « ٴبىر بەلدەۋ، ٴبىر جولدى » سايكەستىرۋ سەلبەستىگىن كۇشەيتىپ، كوپ جاقتىلىق پەن ەركىن ساۋدا ٴتۇزىلىسىن بىرگە قورعاپ، حالىقارالىق ساياسي، ەكونوميكالىق ٴتارتىپتىڭ اناعۇرلىم ٴادىل، ۇيلەسىمدى باعىتقا قاراي دامۋىن ىلگەرىلەتۋى كەرەك.

  لي جانشۋ بىلاي دەپ اتاپ كورسەتتى : تاياۋ جىلداردان بەرى، جۇڭگونىڭ مەملەكەتتىك حالىق قۇرىلتايى مەن حانگو پارلامەنتى تىعىز بارىس ـ كەلىستى ساقتاپ، ٴبىر ـ ٴبىرىنىڭ ساياساتتىق تۇسىنىگى مەن ٴوزارا سەنىم ارتۋ جاعىندا ماڭىزدى رول ساۋلەلەندىردى. ەكى جاقتىڭ قويۋ دوستىق بارىس ـ كەلىستى ۇزدىكسىز ساقتاپ، زاڭ شىعارۋ، باقىلاۋ قىزمەتى تاجىريبەلەرىندە اۋىس - كۇيىستى كۇشەيتىپ، ەكى ەل قاتىناسىن تەرەڭدەتۋگە، حالىقتىڭ دوستىعىن نىعايتۋعا بەلسەندى ۇلەس قوسۋىن ٴۇمىت ەتەمىن.

  ۋىن شيشياڭ بىلاي دەدى : ەكى جاقتىڭ ورتاق قۇلشىنۋىندا، كەزەكتە حانگو مەن جۇڭگو قاتىناسى ورنىقتى دامۋ ارناسىنا ٴتۇستى، حانگو پارلامەنتى جۇڭگو مەملەكەتتىك حالىق قۇرىلتايىمەن دوستىق سەلبەستىك قاتىناسىن دامىتۋعا ٴمان بەرەدى، ەكى جاقتىڭ اۋىس ـ كۇيىسىن، تىلدەسۋىن تەرەڭدەتىپ، حانگو مەن جۇڭگو قاتىناسىنىڭ اقاۋسىز، ورنىقتى دامۋى ٴۇشىن كوپتەپ قىزمەت ىستەۋدى قالايدى.

جاۋاپتى رەداكتور: ءاننا اكىمقان قىزى
  • الدا ايماعىمىزدىڭ تەمپەراتۋراسى كورنەكتى جوعارىلايدى
  • شي جينپيڭ مەن پىڭ لييۋان 2019 - جىلعى جۇڭگو بەيجيڭ دۇنيە جۇزىلىك باۋ - باقشا كورمەسىنە قاتىناسقان شەتەل جاقتىڭ باسشىلارىمەن جانە ولاردىڭ جۇبايلارىمەن بىرگە باۋ - باقشا كورمەسىن ەكسكۋرسيالادى
  • شي جينپيڭ 2019 - جىلعى جۇڭگو بەيجيڭ دۇنيە جۇزىلىك باۋ - باقشا كورمەسىنىڭ اشىلۋ سالتىنا قاتىناستى ءارى ماڭىزدى ءسوز سويلەدى
  • 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرى دوڭگەلەك ۇستەل باسشىلار ءماجىلىسىن وتكىزدى