اعاجاي-التاي تورابى   ›   زاڭ-تارازى   ›   مەملەكەت زاڭى

ساۋدا مينيسترلىگى: بيىل الدىڭعى جارىم جىلدا شەتەل قارجىسىنىڭ ەنۋىنە رۇقسات بەرۋدەگى شەكتەلگەن سالالاردىڭ جاڭا تىزىمدىگى جاريالانادى

  شينحۋا اگەنتتىگى، 4 - ايدىڭ 29 – كۇنى، بەيجيڭ (تىلشىلەر ۋاڭ يۇيشياۋ، يۇي جياشين). ساۋدا مينيسترلىگىنىڭ ورىنباسار مينيسترى، قوسىمشا حالىقارالىق ساۋدا كەلىسسوزىنىڭ تەتە ۋاكىلى ۋاڭ شوۋۋىن 4 - ايدىڭ 29 – كۇنى بىلاي دەدى: ساۋدا مينيسترلىگى قاتىستى تاراۋلارمەن اقىلداسىپ، شەتەل ساۋداگەرلەرىنىڭ قارجى قوسۋىنا رۇقسات ەتۋدىڭ شەكتەلگەن سالالار تىزىمدىگىن اناعۇرلىم ازايتىپ، شەتەل قارجىسىنىڭ بازارعا كىرۋىنە رۇقسات ەتۋ كولەمىن كەڭەيتۋگە قۇلشىنىپ وتىر، بيىل الدىڭعى جارىم جىلدا شەتەل قارجىسىنىڭ ەنۋىنە رۇقسات بەرۋدەگى شەكتەلگەن سالالاردىڭ جاڭا تىزىمدىگى جاريالانادى.
 

  ۋاڭ شوۋۋىن سول كۇنى وتكىزىلگەن اقپار جاريالاۋ ماجىلىسىندە بىلاي دەدى: ساۋدا مينيسترلىگى قاتىستى تاراۋلارمەن بىرگە ءبىرقىدىرۋ شارا قولدانىپ، شەتەل ساۋداگەرلەرىنىڭ قارجى قوسۋ ورتاسىن جاقسارتادى. شەتەل ساۋداگەرلەرى قارجى قوسۋ زاڭى مەملەكەتتىك حالىق قۇرىلتايىندا قاراپ ماقۇلداندى، كەلەر جىلى 1 – ايدىڭ 1 - كۇنى رەسمي كۇشكە يە بولادى.
 

  ساۋدا مينيسترلىگى سايكەستى زاڭ - ەرەجەلەردى زەرتتەپ جاساپ، مەڭگەرۋگە بولاتىن ناقتى ەرەجەلەردى قالىپتاستىرىپ، ورنىقتى، جاريالى، مەجەلى جانە ءادىل باسەكەلى بازار ورتاسىن جاراتۋعا قۇلشىنىپ وتىر. مىسالى، شەتەلدىڭ ءبىلىم مەنشىك ۇقىعى يەسىنىڭ زاڭدى ۇقىق - مۇددەسىن قورعاۋعا كەپىلدىك ەتىپ، تەحنيكانى زورلىقپەن وتكەرمەلەۋدى تيىپ، ساۋدا قۇپيالىعىن قورعاۋدى كەمەلدەندىرمەك. ساۋدا مينيسترلىگى تاعى شەتەل ساۋداگەرلەرى قارجى قوسقان كاسىپورىنداردىڭ ارىز - شاعىم قىزمەت مەحانيزمىنىڭ رولىن اناعۇرلىم ساۋلەلەندىرىپ، شەتەل كاپيتالىمەن قۇرىلعان كاسىپورىنداردىڭ ارىز - شاعىمىنىڭ دەر كەزىندە ءبىر جاقتى ەتىلۋىنە كەپىلدىك ەتەدى.

 ۋاڭ شوۋۋىن بىلاي دەدى: ساۋدا مينيسترلىگى دامۋ جانە رەفورما كوميتەتىمەن جانە قاتىستى تاراۋلارمەن بىرگە شەتەل ساۋداگەرلەرى قارجى قوسقان كاسىپتەرگە شابىت بەرۋ تىزىمدىگىن جاساپ، كەيبىر ءىرى نىسانداردىڭ ەرتەرەك تياناقتانۋىن ىلگەرىلەتۋگە قۇلشىنىپ وتىر.

جاۋاپتى رەداكتور: ءاننا اكىمقان قىزى
  • شي جينپيڭ مەن پىڭ لييۋان 2019 - جىلعى جۇڭگو بەيجيڭ دۇنيە جۇزىلىك باۋ - باقشا كورمەسىنە قاتىناسقان شەتەل جاقتىڭ باسشىلارىمەن جانە ولاردىڭ جۇبايلارىمەن بىرگە باۋ - باقشا كورمەسىن ەكسكۋرسيالادى
  • شي جينپيڭ 2019 - جىلعى جۇڭگو بەيجيڭ دۇنيە جۇزىلىك باۋ - باقشا كورمەسىنىڭ اشىلۋ سالتىنا قاتىناستى ءارى ماڭىزدى ءسوز سويلەدى
  • 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرى دوڭگەلەك ۇستەل باسشىلار ءماجىلىسىن وتكىزدى
  • شي جينپيڭ 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ اشىلۋ سالتىنا قاتىناستى ءارى ارقاۋ ءسوز سويلەدى