اعاجاي-التاي تورابى   ›   اقپارات ايدىنى   ›   سۋرەتتى حابارلار

شي جينپيڭ مەن پىڭ لييۋان 2019 - جىلعى جۇڭگو بەيجيڭ دۇنيە جۇزىلىك باۋ - باقشا كورمەسىنە قاتىناسقان شەتەل جاقتىڭ باسشىلارىمەن جانە ولاردىڭ جۇبايلارىمەن بىرگە باۋ - باقشا كورمەسىن ەكسكۋرسيالادى

  4 - ايدىڭ 28 - كۇنى مەملەكەت ءتوراعاسى شي جينپيڭ مەن حانىمى پىڭ لييۋان بەيجيڭ يانچيڭدە 2019 - جىلعى جۇڭگو بەيجيڭ دۇنيە جۇزىلىك باۋ - باقشا كورمەسىنە قاتىناساتىن شەتەل جاقتىڭ باسشىلارىمەن جانە ولاردىڭ جۇبايلارىمەن بىرگە باۋ - باقشا كورمەسىن تاماشالادى.  سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن

  شينحۋا اگەنتتىگىنىڭ 4 - ايدىڭ 28 - كۇنى بەيجيڭنەن بەرگەن حابارى (تىلشىلەر ليۋ حۋا، پان جيە). مەملەكەت ءتوراعاسى شي جينپيڭ مەن حانىمى پىڭ لييۋان 4 - ايدىڭ 28 - كۇنى بەيجيڭ يانچيڭدە 2019 - جىلعى جۇڭگو بەيجيڭ دۇنيە جۇزىلىك باۋ - باقشا كورمەسىنە قاتىناسقان شەتەل جاقتىڭ باسشىلارىمەن جانە ولاردىڭ جۇبايلارىمەن بىرگە باۋ - باقشا كورمەسىن تاماشالادى.

  گۇيرۇي كولىنىڭ جاعالاۋىنا ورنالاسقان دۇنيە جۇزىلىك باۋ - باقشا كورمەسىنىڭ جۇڭگو سارايى مەيىرگە تولى جاقسىلىق نىشانىنداي تاۋ - سۋ اراسىندا جارقىراپ جاتىر.

  كەشكى ساعات 7 شاماسىندا، شي جينپيڭ مەن حانىمى پىڭ لييۋان جۇڭگو سارايى 1 - قاباتىنىڭ باستاڭعى زالىندا شەتەل جاقتىڭ باسشىلارىن جانە ولاردىڭ جۇبايلارىن قارسى الدى. كوپشىلىك بەيجيڭ دۇنيە جۇزىلىك باۋ - باقشا كورمەسىنىڭ تاقىرىپتىق فيلمىن بىرگە كوردى ءارى جاسىل لەپكە تولى دۇنيە جۇزىلىك باۋ - باقشا كورمەسىنىڭ تاقىرىپتىق تامنىڭ الدىندا توپتىق سۋرەتكە ءتۇستى. شي جينپيڭ مەن حانىمى جانە شەتەلدىك قوناقتار جۇڭگو سارايىنىڭ حۋابەيدەگى، باتىس سولتۇستىكتەگى 10 ولكە، رايون، قالا كورمە رايونىنا كىرىپ، ءار جەردىڭ ەرەكشە وسىمدىكتەرى مەن اسەم باۋ - باقشا ونەرىن تاماشالادى. بەيجيڭ كورمە رايونىنا كىرگەندە، الدىدان گۇل - گۇل جايناعان بايىرعى بەيجيڭنىڭ تورتكىل اۋلاسىنىڭ ىرىس قاقپاسى كورىندى، يحىيۋاننىڭ ءتىرى مادەني ەسكەرتكىشى گۇل تۇبەكتە وسىرىلگەن بايىرعى ءدارشىنى مەن قاقاعان سۋىق تومەن تەمپەراتۋراعا ءتوزىمدى جاڭا ءونىم راۋشان گۇلى باقشاشىلىق ونەرىن جالعاستىرۋ مەن جاڭالىق اشۋدىڭ كۋاسى بولدى. شانشي كورمە رايونىندا ”ستەرەولدى سۋرەت، ءۇنسىز ولەڭ” دەگەن تاماشا اتاققا يە تۇبەكتىك كورىنىس ونەرىنە قوناقتار تاڭداي قاعا ءتانتى بولدى. شينجياڭ جۇڭگوداعى ۇزاق ۋاقىتتان بەرى اتى ايگىلى ”جەمىس - جيدەك مەكەنى“، شينجياڭ كورمە رايونىنىڭ ەسىك الدىندا كورسەتىلگەن ۇلكەن اناردىڭ ءدانى ءموپ - ءمولدىر بولىپ تولىسىپ، بىتە قايناسىپ، جۇڭگوداعى ءار ۇلت حالقىنىڭ تىعىز ىنتىماعىنا سيمۆول بولىپ تۇر. حۋبەي كورمە رايونىندا كورسەتىلگەن ”تۇبەكتىك كورىنىس پاتشاسى“ جۇپتاسىپ وسەتىن ەرەن اعاشى جۇڭگونىڭ تۇبەكتىك كورىنىسىنىڭ ەرەكشە ايبىنىن ايگىلەدى.

  جۇڭگو سارايى ”تولاسسىز تىرشىلىك، اسەم جۇڭحۋا“ ۇستانىمى بويىنشا، جۇڭگو ەكولوگيالىق مادەنيەت كورمە رايونى، ولكە، رايون، قالا باۋ - باقشا كاسىبىنىڭ جەتىستىكتەرى كورمە رايونىنا، باۋ - باقشا تۇرىندەگى جوعارى مەكتەپتەر مەن عىلمي زەرتتەۋ ورىندارىنىڭ كورمە رايونىنا، بەيزاتتىق مادەني مۇرا گۇل شانشۋ ونەرى كورمە رايونىنا ءبولىندى، ول “تىنىستاي الاتىن“، ”جانى بار“ جاسىل قۇرىلىس.

  شي جينپيڭ مەن قۇرمەتتى قوناقتار قىزىعا تاماشالاپ، قىزۋ شۇيىركەلەستى. شي جينپيڭ بىلاي دەپ اتاپ كورسەتتى: جۇڭگو سارايى قويۋ وڭىرلىك مادەنيەتتى ايگىلەپ، كورىكتى باۋ - باقشا حيكاياسىن اڭگىمەلەپ، جۇڭگونىڭ ەكولوگيالىق وركەنيەت قۇرىلىسىنىڭ جەتىستىكتەرىن جيناقتاپ، بىزگە تاماشا باۋ - باقشانى تاماشالاتىپ قانا قالماستان، جۇڭگو مەن دۇنيە ءجۇزىنىڭ جاسىل تۇرمىسقا تالپىنۋ، دامۋدىڭ جەتىستىكتەرىنەن بىرگە يگىلىكتەنۋ ۇستانىمىن دا ايگىلەدى.

  شەتەل جاقتىڭ باسشىلارى جۇڭگونىڭ ەكولوگيالىق وركەنيەت قۇرىلىسى قول جەتكىزگەن دامۋ جەتىستىكتەرى مەن باعىبانداردىڭ جەتىك شەبەرلىگىن قايتا - قايتا القاپ، جۇڭگومەن اۋىس - ءتۇيىستى، سەلبەستىكتى ونان ارى كۇشەيتىپ، سان قيلى تاماشا مەكەندى بىرگە قۇرۋدى ءۇمىت ەتەتىندىكتەرىن ءبىلدىردى.

  شي جينپيڭ مەن حانىمى پىڭ لييۋان شەتەلدىك قوناقتارمەن بىرگە كورمەگە قاتىناسقان مەملەكەتتەردىڭ ۋنيۆەرسال كورمە رايونىنا كەلدى. ولار رەتىمەن كامبودجا، چەحيا، جيبۋتي، قىرعىزستان، بيرما، نەپال، پاكيستان، جاپونيا، سينگاپور جانە تاجىكستان گۇلدىكتەرىن تاماشالادى. 10 ەلدىڭ گۇلدىكتەرى وزدەرىنىڭ مەملەكەت گۇلدەرىنەن، ەرەكشە گۇلدەر جوباسىنان قۇرالىپ، ءار ەلدىڭ ايگىلى گۋمانيتارلىق كورىنىسى مەن جاراتىلىستىق كورىنىسىن ايگىلەپ، دۇنيە جۇزىلىك باۋ - باقشا كورمەسىنىڭ دۇنيە ءجۇزى حالىقتارىنىڭ دوستىق اۋىس - ءتۇيىسىنىڭ، ادام مەن تابيعاتتىڭ جاراسىمدى بىرگە تۇرعاندىعىنىڭ سالتاناتتى جينالىسى ەكەندىگىنە سيمۆول بولدى. شەتەلدىك قوناقتار جۇڭگو جاقتىڭ وتاعاسى ەل رەتىندە، ءار ەلدىڭ كورمەگە قاتىناسۋىن زور كۇشپەن قولداعاندىعىنا العىس ايتىپ، بەيجيڭ دۇنيە جۇزىلىك باۋ - باقشا كورمەسىنىڭ تولىق تابىستى بولۋىن تىلەدى.

  وسىدان كەيىن شي جينپيڭ مەن شەتەل جاقتىڭ باسشىلارى ”دوستىقتىڭ جاسىل القابىن بىرگە جەتىلدىرۋ“ سالتىنا قاتىناستى.

  بەيجيڭ دۇنيە جۇزىلىك باۋ - باقشا كورمەسىنىڭ قۇتبەلگىلەرى ”شياۋمىڭحۋا“، ”شياۋمىڭيا“ بولىپ جاسانعان جاستار مەن ورەندەردىڭ قاۋمالاۋىندا، شي جينپيڭ مەن پىڭ لييۋان شەتەل جاقتىڭ باسشىلارىمەن جانە ولاردىڭ جۇبايلارىمەن بىرگە دالاداعى كوگالعا شىقتى، ولاردى قولدارىنا جۇڭگو مەن شەتەلدەردىڭ تۋىن جانە بەيجيڭ دۇنيە جۇزىلىك باۋ - باقشا كورمەسىنىڭ تۋىن ۇستاعان ەرىكتىلەر ەكى جاقتا تۇرىپ قارسى الدى. شي جينپيڭ مەن شەتەل جاقتىڭ باسشىلارى كوگالدىڭ ورتاسىنداعى ءتۇپ - ءتۇپ شيفۋ تاس الما اعاشتارىنىڭ جانىنا كەلىپ، كۇرەكپەن تۇبىنە توپىراق سالدى ءارى اعاش شەلەككە سۋ الىپ كوشەتتەردى سۋاردى. ”دوستىقتىڭ جاسىل القابىن بىرگە جەتىلدىرۋ“ سالتىنا قاتىناسقان جۇڭگو مەن شەتەلدىڭ باسشىلارى بىرگە ەستەلىك سۋرەتكە ءتۇستى.
 ديڭ شۋەشياڭ، ياڭ جيەچى، حۋ چۇنحۋا، حۋاڭ كۇنميڭ، ساي چي، ۋاڭ ي، جاۋ كىجى قاتارلىلار جوعارىداعى قيمىلدارعا قاتىناستى.

جاۋاپتى رەداكتور: ءاننا اكىمقان قىزى
  • شي جينپيڭ 2019 - جىلعى جۇڭگو بەيجيڭ دۇنيە جۇزىلىك باۋ - باقشا كورمەسىنىڭ اشىلۋ سالتىنا قاتىناستى ءارى ماڭىزدى ءسوز سويلەدى
  • 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرى دوڭگەلەك ۇستەل باسشىلار ءماجىلىسىن وتكىزدى
  • شي جينپيڭ 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ اشىلۋ سالتىنا قاتىناستى ءارى ارقاۋ ءسوز سويلەدى
  • الداعى ءۇش كۇندىك اۋا رايىنان الدىن الا مالىمەت