اعاجاي-التاي تورابى   ›   زاڭ-تارازى   ›   عىلىمي ماقالالار

ۇلتتاردىڭ ۇلى ىنتىماعىن بەكەمدەپ، دامىتىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ قۇرىش قورعانىن سوعايىق

اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى شاۋكەت يمىن

  ۇلتتاردىڭ ۇلى ىنتىماعى ءبىزدىڭ ىستەرىمىزدىڭ جەڭىسكە جەتۋىنىڭ نەگىزگى كەپىلى. شينجياڭ ماسەلەسىندە ەڭ قيىنى، ەڭ ۇزاققا سوزىلاتىنى، ءالى دە ۇلتتار ىنتىماعى ماسەلەسى. جۇڭگوشا سوتسياليزم جاڭا داۋىرگە ءوتتى، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشكەن جۇڭگوشا سوتسياليستىك شينجياڭ قۇرىپ، بۇكىل ەلدەگى ءار ۇلت حالقىمەن بىرگە جاپپاي دوڭگەلەك داۋلەتتى قوعام ورناتۋدا، ”قوس 100 جىلدىق“ كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا شينجياڭداعى ءار ۇلت حالقى، ءسوز جوق، جۇدىرىقتاي جۇمىلىپ، جۇڭحۋا ۇلتى ۇلى شاڭىراعىندا اعا - باۋىرداي ەتەنە بولىپ، ءبىر - بىرىنە قول ۇشىن بەرىپ، ءار ۇلت حالقىنىڭ وتاننىڭ تۇتاستىعىن، ۇلتتار ىنتىماعىن، قوعام ورنىقتىلىعىن بىرگە قورعايتىن قۇرىش قورعانىن سوعۋ كەرەك.

  باس شۋجي شي جينپيڭ بىلاي دەپ اتاپ كورسەتتى: ”ەلىمىز ءبىر تۇتاس كوپ ۇلتتى مەملەكەت. ۇلتتاردىڭ كوپ نەگىزدى، ءبىر تۇلعالى بولۋى اتا - بابالارىمىزدىڭ بىزگە قالدىرعان باعالى بايلىعى، سونداي - اق مەملەكەتىمىزدىڭ ماڭىزدى ارتىقشىلىعى“. شينجياڭ جۇڭگو تەرريتورياسىنىڭ ايرىلماس ءبىر بولىگى، شينجياڭداعى ءار ۇلت جۇڭحۋا ۇلتى شاڭىراعىنىڭ تامىرلاس مۇشەسى. ەلىمىزدىڭ وتە ۇزاق تاريحي سالقار كوشىندە شينجياڭداعى ءار ۇلتتى قامتىعان جۇڭحۋا ۇلتتارى وتانىمىزدىڭ كورىكتى وزەن - تاۋلارىن، ۇلان - بايتاق جەر - سۋىن بىرگە اشتى، ۇزاق جۇڭگو تاريحىن، شۇعىلالى جۇڭحۋا مادەنيەتىن بىرگە جاراتتى، ۇلى جاسامپازدىق رۋحىن، ۇلى كۇرەسكەرلىك رۋحتى، ۇلى ىنتىماق رۋحىن، ۇلى ارمان رۋحىن نەگىزگى مازمۇن ەتكەن جۇڭحۋا ۇلتى رۋحىن بىرگە جەتىلدىردى، ءار ۇلت ارالاس، كىرىگە قونىستانىپ، مادەنيەتتە ءبارىن تەگىس قامتىپ، ەكونوميكادا ءوزارا ارقا سۇيەپ، سۇيىسپەنشىلىكتە ءبىر - بىرىمەن ەتەنە بولىپ، ءبىر - بىرىمەن بىتە قايناسىپ، ەشكىم دە ءبىر - بىرىنەن ايرىلا المايتىن كوپ نەگىزدى، ءبىر تۇلعالى جاعدايدى قالىپتاستىردى. جۇڭحۋا ۇلتى مەن ءار ۇلتتىڭ قاتىناسىن وبرازدى تۇردە ايتار بولساق، ءبىر ۇلكەن وتباسى مەن وتباسى مۇشەلەرىنىڭ قاتىناسى؛ ءار ۇلت اراسىنداعى قاتىناس ءبىر ۇلكەن وتباسىنداعى تۇرلىشە مۇشەلەردىڭ قاتىناسى بولماق. جۇڭحۋا ۇلتى تاعدىرلاس ورتاق تۇلعا، ءار ۇلت تەك ءوز تاعدىرىن جۇڭحۋا ۇلتىنىڭ تاعدىرىمەن بىرگە تىعىز بايلانىستىرعاندا عانا، ونىڭ بولاشاعى، ءۇمىتى بولادى. ”جۇڭحۋا ۇلتى بەرەكەلى شاڭىراق، ءبىر نيەتپەن جۇڭگو ارمانىن سومداعان“. ءبىز ەلىمىزدىڭ ءبىر تۇتاس كوپ ۇلتتى مەملەكەت سىندى وسى نەگىزگى مەملەكەت جاعدايىن ەستە بەرىك ساقتاپ، جۇڭحۋا ۇلتىنىڭ كوپ نەگىزدى، ءبىر تۇلعالى جاعدايىن ۇزدىكسىز بەكەمدەۋ جانە تەرەڭدەتۋ سىندى وسى جالپى اۋقىمدى مىقتاپ يگەرىپ، ”ءبىر“ مەن ”كوپ“تىڭ ديالەكتيكالىق قاتىناسىن دۇرىس ءبىر جاقتى ەتىپ، ۇلتتار ىنتىماعى مەن مەملەكەت تۇتاستىعىن قورعاۋدى ءار ۇلتتىڭ ەڭ جوعارى مۇددەسى ەتۋگە تاباندى بولىپ، بىرگە ىنتىماقتاسىپ، كۇرەس جاساپ، بىرگە گۇلدەنىپ، دامىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىنباي كۇرەس جاساۋىمىز كەرەك.

  باس شۋجي شي جينپيڭ بىلاي دەپ اتاپ كورسەتتى: ”ۇلت ماسەلەسىن شەشۋدىڭ جۇڭگوشا دۇرىس جولى − جۇڭگو كوممۋنيستىك پارتياسىنىڭ باسشىلىعىنا تاباندى بولۋ نەگىزىندە، جۇڭگوشا سوتسياليزم جولىنا تاباندى بولۋ، وتاننىڭ تۇتاستىعىن قورعاۋعا تاباندى بولۋ، ءار ۇلتتىڭ بىردەي تەپە - تەڭدىگىنە تاباندى بولۋ، ۇلتتىق وڭىرلىك اۆتونوميا تۇزىمىنە تاباندى بولۋ جانە ونى كەمەلدەندىرۋ، ءار ۇلتتىڭ بىرگە ىنتىماقتاسا كۇرەس جاساۋىنا، بىرگە گۇلدەنۋىنە، دامۋىنا تاباندى بولۋ، جۇڭحۋا ۇلتى ورتاق تۇلعاسىنىڭ يدەيالىق نەگىزىن بەرىك ورناتۋعا تاباندى بولۋ، مەملەكەتتى زاڭ بويىنشا جونگە سالۋعا تاباندى بولۋ، ۇلتتاردىڭ ارالاسۋىن، ىشتەسۋىن، توعىسۋىن كۇشەيتىپ، ۇلتتاردىڭ تاتۋ - ءتاتتى ءوتۋىن، ءبىر جاعادان باس، ءبىر جەڭنەن قول شىعارۋىن، جاراسىمدى دامۋىن جەبەپ، تەرەزەسى تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسىن بەكەمدەپ جانە دامىتىپ، جۇڭحۋا ۇلتىنىڭ ۇلى گۇلدەنۋىن بىرگە جۇزەگە اسىرۋ“. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ۇلت قىزمەتى سالاسىندا ءبىر قىدىرۋ جاڭا ۇستانىمدى، جاڭا يدەيانى، جاڭا ستراتەگيانى العا قويىپ، ماركسيزمنىڭ ۇلت نازارياسىن جۇڭگوشالاندىرۋدىڭ جاڭا ءورىسىن اشىپ، ەلىمىزدىڭ ۇلتتار ىنتىماعىنىڭ، العاباسارلىعىنىڭ ساياسي، ەكونوميكا، قوعام، مادەنيەت جانە ءتۇزىم نەگىزىن كۇن سايىن تەرەڭدەتتى، بەكەمدەدى. ءبىز جاڭا جۇڭگونىڭ ۇلت قىزمەتىندە زور قارىشتاۋدىڭ جۇزەگە اسقاندىعىن، ەلىمىزدىڭ ۇلتتار ىنتىماعى، العاباسارلىعى ىستەرىندە زور ناتيجەگە قول جەتكەندىگىن، پارتيامىزدىڭ ۇلت نازارياسىنىڭ، ساياساتىنىڭ دۇنيە جۇزىندە زور باسىمدىققا يە ەكەندىگىن تەرەڭ تانىپ جەتۋىمىز، پارتيامىزدىڭ ۇلت نازارياسى مەن باعىت - ساياساتتارىنىڭ دۇرىس ەكەندىگىن، ۇلت ماسەلەسىن شەشۋدىڭ جۇڭگوشا جولىنىڭ دۇرىس ەكەندىگىن، ەلىمىزدىڭ ۇلتتار قاتىناسى جالپى جاقتان جاراسىمدى ەكەندىگىن تەرەڭ تانىپ جەتۋىمىز كەرەك، ”ءتورت سەنىم“دى بەكەمدەپ، ۇلت ماسەلەسىن شەشۋدىڭ جۇڭگوشا دۇرىس جولىمەن بۇلجىماي ءجۇرۋىمىز كەرەك. اسىرەسە، جۇڭگو كوممۋنيستىك پارتياسىنىڭ باسشىلىعى − ۇلت قىزمەتىنىڭ تابىستى بولۋىنىڭ ءتۇبىرلى كەپىلى ءارى ءار ۇلتتىڭ ۇلى ىنتىماعىنىڭ ءتۇبىرلى كەپىلى ەكەندىگىن تەرەڭ تانىپ جەتۋىمىز كەرەك. پارمەندى، قۋاتتى ساياسي باسشىلىق بولماسا، كوپ ۇلتتى ءبىر مەملەكەتتىڭ ىنتىماقتى، ءبىر تۇتاستىقتى جۇزەگە اسىرۋىن ويلاۋ مۇمكىن ەمەس. ءبىز جۇڭگو كوممۋنيستىك پارتياسىنىڭ باسشىلىعىنا مىزعىماي باتىل تاباندى بولساق عانا، ءارقانداي ادام، ءارقانداي ساياسي كۇش ءبىزدىڭ ۇلتتار قاتىناسىمىزعا ىرتكى سالا المايدى، ءبىزدىڭ ۇلتتار ىنتىماعىمىز، ءبىر تۇتاستىعىمىز ساياسي جاقتان تولىق كەپىلدىككە يە بولادى.

  باس شۋجي شي جينپيڭ بىلاي دەپ اتاپ كورسەتتى: ”ۇلتتار ىنتىماعى ءار ۇلت حالقىنىڭ جانى، شينجياڭنىڭ دامۋىنىڭ، العا باسۋىنىڭ ءتۇبىرلى ىرگە تاسى ءارى ءبىر ميلليارد 300 ميلليوننان استام جۇڭگو حالقىنىڭ ورتاق ەركى“. شينجياڭ تاريحتان بەرى ءار ۇلت بىرگە اشىپ، گۇلدەندىرىپ جانە يە بولىپ كەلگەن جەر. ءار ۇلت شينجياڭدا ۇزاق مەزگىل ءوسىپ - ءونۋ، جىكتەلۋ، توعىسۋ بارىسىن وتكەرگەن، بارلىعى دا شينجياڭدى اشۋعا، گۇلدەندىرۋگە، قورعاۋعا ماڭىزدى ۇلەس قوستى. شينجياڭ ءارى شينجياڭداعى ءار ۇلتتىڭ مەكەنى، ونان دا ماڭىزدىسى، جۇڭحۋا ۇلتى ورتاق مەكەنىنىڭ قۇرامداس بولىگى. ”تيانشان قاراعايلارى تامىرلاس، شينجياڭ حالقى جۇرەكتەس“. ارالاسۋ، ىشتەسۋ، توعىسۋ − شينجياڭداعى ءار ۇلتتىڭ تاريحي تاماشا ءداستۇرى ءارى ەجەلدەن بەرى شينجياڭنىڭ ەكونوميكاسىنىڭ، قوعامىنىڭ، مادەنيەتىنىڭ دامۋىنىڭ، العا باسۋىنىڭ قوزعاۋشى كۇشى بولىپ كەلەدى. ۇزاق ۋاقىتتىق ارالاسۋ بارىسىندا، شينجياڭداعى ءار ۇلت جۇڭحۋا ۇلتى ۇلى شاڭىراعىنداعى باسقا دا مۇشەلەرمەن بىرگە ءوندىرىس جۇرگىزىپ، تۇرمىس كەشىرىپ، شەتتەن كەلگەن شاپقىنشىلىققا توتەپ بەرىپ، ۇلتتىق بولشەكتەۋشىلىككە قارسى تۇرىپ، وتاننىڭ تۇتاستىعىن قورعاپ، بەينەت پەن زەينەتتى بىرگە وتكەرەتىن، جاقسى - جاماندى بىرگە كورەتىن قارىم - قاتىناس ورناتىپ، جىر بولارلىق وتانشىلدىق داستانىن بىرگە جازدى. ءبىز جۇڭحۋا ۇلتىنىڭ ۇزاق ۋاقىت بىرگە كۇرەس جاساۋ بارىسىندا قالىپتاستىرعان تاڭداۋلى ءداستۇرىن قاستەرلەپ جانە ساۋلەلەندىرىپ، دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن بەرىك ورناتىپ، ”ءۇشتىڭ ءبىر - بىرىنەن ايرىلا الماۋ“يدەياسىن بەرىك ورناتىپ، مەملەكەت تانىمىن، ازاماتتىق تانىمدى، جۇڭحۋا ۇلتى ورتاق تۇلعاسى تانىمىن كۇشەيتىپ، ۇلى وتان، جۇڭحۋا ۇلتى، جۇڭحۋا مادەنيەتى، جۇڭگو كوممۋنيستىك پارتياسى، جۇڭگوشا سوتسياليزم جونىندەگى شىنايى مويىنداۋدى كۇشەيتىپ، ۇلتتار ىنتىماعىن كوزىمىزدىڭ قاراشىعىن قورعاعانداي قورعاپ، ۇلتتار ىنتىماعىن ءومىرىمىمىزدى قاستەرلەگەندەي قاستەرلەپ، تەرەزەسى تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسىن سانالىلىقپەن قورعاپ جانە دامىتىپ، ۇلتتار ىنتىماعىن بۇلدىرەتىن ءسوز - ارەكەت اتاۋلىمەن باتىل كۇرەس جاساپ، ۇلتتار ىنتىماعى گۇلىن تيانشاننىڭ وڭتۇستىگى مەن سولتۇستىگىندە ماڭگى جايقالتۋىمىز كەرەك.

  باس شۋجي شي جينپيڭ بىلاي دەپ اتاپ كورسەتتى: ”حالىق تىلەگى ەڭ ۇلكەن ساياسي. حالىق تىلەگى بىزدە بولسا، ءار ۇلت حالقى قامال سوعا الادى. ۇلتتار ىنتىماعى، تۇپتەپ كەلگەندە، ادام مەن ادامنىڭ اراسىنداعى ىنتىماعى. كەمەنىڭ كۇشى جەلكەندە، ادامنىڭ كۇشى جۇرەكتە. ۇلتتار ىنتىماعىن كۇشەيتۋدە، ماڭىزدىسى، كوڭىل توعىستىرۋ، باسقالاردى دا وزىندەي ويلاپ، سىرلاس بولا ءبىلۋ كەرەك“. جۇڭحۋا ۇلتى ۇلى شاڭىراعىندا قاي كەزدە ىنتىماق، جاراسىمدىلىق بولسا، سول كەزدە مەملەكەت تاعدىرى كوركەيىپ، حالقى باقىتتى بولعان؛ قاي كەزدە بىلىقپالىق بولسا، سول كەزدە باسقالاردىڭ قورلاۋىنا ۇشىراپ، حالىق كۇيزەلگەن. بۇل ۇزاق ۋاقىتتىق امالياتتىڭ سىنىنان وتكەن اقيقات. ءبىز شينجياڭدى ىنتىماقتاستىرا ورنىقتىرۋدان جازباي، ۇلتتار ىنتىماعىن كۇشەيتۋدى ستراتەگيالىق سيپاتتى، نەگىزدىك سيپاتتى، ۇزاق ۋاقىت سيپاتتى قىزمەت رەتىندە ىستەپ، بىرتىندەپ كۇش سالىپ، ۇزاق ۋاقىت ەڭبەك ەتۋىمىز كەرەك. ۇلتتار ىنتىماعىنىڭ زاتتىق نەگىزىن ۇزدىكسىز بەكەمدەپ، ەكونوميكانىڭ، قوعامنىڭ اناعۇرلىم جاقسى، اناعۇرلىم تەز دامۋىن جەبەپ، دامۋدى حالىق تۇرمىسىن جاقسارتۋدا تياناقتاندىرۋ، جەرگىلىكتى ورىنعا تيىمدىلىك جەتكىزۋدە تياناقتاندىرۋ، ۇلتتار ىنتىماعىن كۇشەيتۋدە تياناقتاندىرۋ كەرەك. ۇلتتار ىنتىماعىنىڭ يدەيالىق نەگىزىن ۇزدىكسىز بەكەمدەپ، تۇتاس قوعامدا ۇلتتار ىنتىماعى ۇگىت - تاربيەسىن جاقسى ىستەپ، ۇلتتار ىنتىماعىن كۇندەلىكتى تۇرمىستا، قىزمەتتە، ۇيرەنۋدە تياناقتاندىرىپ، مەكتەپ تاربيەسىنىڭ، وتباسى تاربيەسىنىڭ، قوعامدىق تاربيەنىڭ ءار بۋىنىمەن، ءار جاعىمەن ساباقتاستىرىپ، ۇلتتار ىنتىماعىن جەبەۋدى ءاربىر ازاماتتىڭ سانالى ارەكەتىنە جانە قوعامدىق سالتقا اينالدىرۋ كەرەك. ۇلتتار ىنتىماعىنىڭ مادەنيەت نەگىزىن ۇزدىكسىز بەكەمدەپ، سوتسياليستىك وزەكتى قۇن كوزقاراسىن جەتەكشى ەتىپ، ۇلى جۇڭحۋا ۇلتى رۋحىن باستان - اياق ساۋلەلەندىرىپ، جۇڭحۋا مادەنيەتىن شىنايى مويىنداۋدى كۇشەيتۋ نەگىزىندە ۇلتتاردىڭ تاڭداۋلى مادەنيەتىن گۇلدەندىرىپ، دامىتىپ، جاسامپازدىقپەن كادەگە جاراتۋدى جانە جاسامپازدىقپەن دامىتۋدى جەبەپ، جۇڭحۋا ۇلتىنىڭ ورتاق رۋحاني مەكەنىن قۇرۋ كەرەك. ۇلتتار ىنتىماعىنىڭ قوعامدىق نەگىزىن ۇزدىكسىز بەكەمدەپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ۇزدىكسىز ويداعىداي ورىستەتىپ، كوپ ساتىدا، كوپ تاسىلدە، كوپ فورمادا ارالاسىپ، ىقپالداسىپ، ءار ۇلت كادر - بۇقاراسىنىڭ ورتاق ءوندىرىس، تۇرمىس جانە قىزمەت، ۇيرەنۋ بارىسىندا تۇسىنىستىكتى تەرەڭدەتۋىن، سۇيىسپەنشىلىكتى ارتتىرۋىن جەبەپ، بارىس - كەلىس جاساۋ، ءان ايتۋ، باس قوسىپ سىرلاسۋ بارىسىندا شىنايى سۇيىسپەنشىلىكتى بەينەلەپ، شىن نيەتتى ايگىلەپ، ساياساتتاردى ناقتى تياناقتاندىرىپ، قىزمەتتى ەگجەي - تەگجەيلى ىستەپ، ىستەردى بۇقارا رازى بولاتىنداي ەتىپ تىندىرۋ كەرەك. ۇلتتار ىنتىماعىنىڭ زاڭمەن جونگە سالىنۋ نەگىزىن ۇزدىكسىز بەكەمدەپ، زاڭ الدىندا بارلىق ادامنىڭ تەرەزسى تەڭ بولۋدان جازباي، ءار ۇلت بۇقاراسىن زاڭعا سەنىم ورناتۋعا، سانالى تۇردە زاڭ بويىنشا ءىس ىستەۋگە، مەيلى كىم بولسا دا زاڭنان اسىپ تۇسەتىن ەرەكشە ۇقىق بولمايتىندىعىن تۇسىنۋگە جەتەكتەپ، ۇلتتار ىنتىماعىن زاڭ ارقىلى كەپىلدەندىرۋ كەرەك.

  باس شۋجي شي جينپيڭ: ”ىنتىماق، ورنىقتىلىق − قۇت، بولشەكتەۋشىلىك، بىلىقپالىق − جۇت“، - دەپ اتاپ كورسەتتى. جۇڭگو − ءار ۇلت بىرگە قۇرعان مەملەكەت، وتاندى گۇلدەندىرۋ، وتاندى قورعاۋ ءار ۇلتتىڭ ورتاق بورىشى. ۇلتتىق بولشەكتەۋشىلىككە قارسى تۇرۋ، وتاننىڭ تۇتاستىعىن قورعاۋ مەملەكەتتىڭ ەڭ جوعارى مۇددەسىنىڭ تياناعى ءارى شينجياڭداعى ءار ۇلت حالقىنىڭ ءتۇبىرلى مۇددەسىنىڭ تياناعى. مەيلى بۇرىن، الدە قازىر بولسىن، شينجياڭدى وتاننان ءبولىپ اكەتۋ ”ءۇش ءتۇرلى كۇش“تىڭ وزگەرمەيتىن ساياسي نىساناسى، ونىڭ بولشەكتەۋ، ءبۇلدىرۋ ارەكەتى ەجەلدەن توقتاعان ەمەس. شينجياڭنىڭ ”ءۇش مەزگىل قاباتتاسقان“ جاعدايى تۇبىرىنەن وزگەرگەن جوق، بولشەكتەۋ مەن بولشەكتەۋگە قارسى تۇرۋ كۇرەسى ۇزاق ۋاقىت جالعاسادى، كۇردەلىلەسەدى، قيان - كەسكى بولادى، ءتىپتى، كەيدە توتەنشە شيەلەنىسەدى. ”ءۇش ءتۇرلى كۇش“تىڭ سايىسىن جەڭىلىسكە ۇشىراتپايىنشا، شينجياڭعا تىنىشتىق جوق، دامۋعا تاماشا ورتا دا جوق، ءار ۇلت بۇقاراسى تىنىش ءومىر، شات - شادىمان تىرشىلىك كەشە المايدى. ءار ۇلت حالقى، ءسوز جوق، قول ۇستاسىپ، كۇش قوسىپ، ءبىر نيەتكە كەلىپ، ۇلتتار ىنتىماعىن جانە وتاننىڭ تۇتاستىعىن بىرگە قورعاۋ كەرەك. وتانشىلدىقتى وزەك ەتكەن ۇلت رۋحىنا مۇراگەرلىك ەتىپ جانە ونى ساۋلەلەندىرىپ، وتاننىڭ تۇتاستىعى مەن تەرريتوريانىڭ بۇتىندىگىن باتىل قورعاپ، وتاندى بولشەكتەيتىن زاڭعا قايشى قىلمىستى ارەكەت اتاۋلىعا باتىل قارسى تۇرۋ كەرەك. قىراعىلىقتى ارتتىرىپ، دۇرىس پەن بۇرىستى ايقىن اجىراتىپ، ”ءۇش ءتۇرلى كۇش“تىڭ سۇرقيا ءمانىن انىق تانىپ، باتىل تۇردە پارتيا مەن ۇكىمەتتىڭ توڭىرەگىنە ىنتىماقتاسىپ، لاڭكەستىككە قارسى تۇرىپ، ورنىقتىلىقتى قورعاۋدىڭ حالىقتىق شايقاسىن ويداعىداي جۇرگىزىپ، بىرلەسىپ قورعانۋدى، بىرلەسىپ تىزگىندەۋدى، جابىلا ساقتانىپ، جۇمىلا وڭاۋدى كۇشەيتىپ، زورلىقتى كۇش لاڭكەستەرىن ”كوشەدەن قاشقان تىشقاندى ۇر - ۇردىڭ استىنان الاتىن“ كۇيگە قالدىرۋ كەرەك.

  ءىس بەرەكەمەن بىتەدى، كۇش ىنتىماقتان تۋادى. ۇلتتار ىنتىماعىن قورعاۋ ءار ۇلت حالقىنىڭ تىلەگى. ۇلتتىق بولشەكتەۋشى كۇشتەر ۇلتتار ىنتىماعىن بۇلدىرۋگە قانشالىق سۇقتانعان سايىن، ءبىز ۇلتتار ىنتىماعىن سونشالىق كۇشەيتۋىمىز كەرەك. ءار ۇلت شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇدىرىقتاي جۇمىلىپ، ءبىر نيەت، ءبىر تىلەككە كەلەتىن بولسا، ءسوز جوق، ءارقانداي جاۋدى، ءارقانداي قيىنشىلىقتى جەڭە الادى، ءسوز جوق، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرا الادى، ءسوز جوق، جاڭا داۋىردە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازا الادى.


 

جاۋاپتى رەداكتور: ءاننا اكىمقان قىزى
  • شي جينپيڭ مەن پىڭ لييۋان 2019 - جىلعى جۇڭگو بەيجيڭ دۇنيە جۇزىلىك باۋ - باقشا كورمەسىنە قاتىناسقان شەتەل جاقتىڭ باسشىلارىمەن جانە ولاردىڭ جۇبايلارىمەن بىرگە باۋ - باقشا كورمەسىن ەكسكۋرسيالادى
  • شي جينپيڭ 2019 - جىلعى جۇڭگو بەيجيڭ دۇنيە جۇزىلىك باۋ - باقشا كورمەسىنىڭ اشىلۋ سالتىنا قاتىناستى ءارى ماڭىزدى ءسوز سويلەدى
  • 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرى دوڭگەلەك ۇستەل باسشىلار ءماجىلىسىن وتكىزدى
  • شي جينپيڭ 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ اشىلۋ سالتىنا قاتىناستى ءارى ارقاۋ ءسوز سويلەدى