اعاجاي-التاي تورابى   ›   اقپارات ايدىنى   ›   سۋرەتتى حابارلار

2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرى دوڭگەلەك ۇستەل باسشىلار ءماجىلىسىن وتكىزدى

شي جينپيڭ ءماجىلىستى باسقاردى ءارى ءسوز سويلەدى

  4 - ايدىڭ 27 - كۇنى 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرى بەيجيڭدەگى يانشي كولى حالىقارالىق ءماجىلىس ورتالىعىندا دوڭگەلەك ۇستەل باسشىلار ءماجىلىسىن وتكىزدى. مەملەكەت ءتوراعاسى شي جينپيڭ ءماجىلىستى باسقاردى ءارى باستالۋ ءسوزىن سويلەدى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  ءماجىلىس سەلبەسۋ ورتاق تانىمىن ۇيىستىرىپ، سەلبەسۋ ۇستانىمىن بايىتىپ، سەلبەسۋ بەتالىسىن جوبالاپ، سەلبەسۋ ءتۇيىنىن ايقىندادى
  ۇلاستىرۋدى، تۇتاستىرۋدى ىلگەرىلەتىپ، ساياساتتاردى ۇشتاستىرۋدى كۇشەيتىپ، جاسىل جانە باياندى دامۋدى جەبەۋدى باسا دارىپتەدى

  وسى كەزەكتى تالقى مىنبەرى سىرتقا ءبىر ايقىن سيگنال تاراتتى: ”ءبىر بەلدەۋ، ءبىر جول“دى بىرگە قۇرۋدىڭ دوستار شەڭبەرى بارعان سايىن كەڭەيدى، جاقسى سەرىكتەر بارعان سايىن مولايدى، سەلبەستىك ساپاسى بارعان سايىن جوعارىلادى، دامۋ بولاشاعى بارعان سايىن جاقساردى. جۇڭگو ءار جاقپەن بىرگە وسى كەزەكتى جوعارى دارەجەلىلەر تالقى مىنبەرىندەگى ءتۇرلى ورتاق تانىمداردى ويداعىداي تياناقتاندىرىپ، ”نازىك سىزبا“ بەدەرلەۋ رۋحىمەن ”ءبىر بەلدەۋ، ءبىر جول“دى بىرگە قۇرۋ سەلبەستىگىنىڭ تەرەڭدەۋىن، ناقتىلانۋىن، نىق قاداممەن الىسقا جەتۋىن، جوعارى ساپالى دامۋىن بىرگە ىلگەرىلەتىپ، اناعۇرلىم كوركەم بولاشاق اشۋدى قالايدى.

 شينحۋا اگەنتتىگىنىڭ 4 - ايدىڭ 27 - كۇنى بەيجيڭنەن بەرگەن حابارى (تىلشىلەر سۇن ي، ما جويان). 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرى 4 - ايدىڭ 27 - كۇنى بەيجيڭدەگى يانشي كولى حالىقارالىق ءماجىلىس ورتالىعىندا دوڭگەلەك ۇستەل باسشىلار ءماجىلىسىن وتكىزدى. 40 مەملەكەت پەن حالىقارالىق ۇيىمنىڭ باسشىلارى دوڭگەلەك ۇستەل باسشىلار ماجىلىسىنە قاتىناسىپ، ”’ءبىر بەلدەۋ، ءبىر جول‘دى بىرگە قۇرۋ، كوركەم بولاشاق اشۋ“ نەگىزگى تاقىرىبىن ارقاۋ ەتىپ، ۇلاستىرۋ - تۇتاستىرۋدى ىلگەرىلەتۋ، ساياساتتاردى ۇشتاستىرۋدى كۇشەيتۋ، سونداي - اق جاسىل جانە باياندى دامۋدى جەبەۋ سياقتى كەڭەستىك تاقىرىپتار جونىندە ىشكەرىلەي پىكىر اۋىستىرىپ، كەڭ كولەمدى ورتاق تانىم قالىپتاستىردى ءارى بىرىككەن مازمۇندامانى ماقۇلدادى.

  جۇڭگونىڭ مەملەكەت ءتوراعاسى شي جينپيڭ ءماجىلىستى باسقاردى. حان جىڭ قاتىناستى.

  4 - ايداعى يانشي كولى جاعالاۋى، قوناقتار مەن دوستار جينالدى. تۇستەن بۇرىن ساعات 10 مولشەرىندە ماجىلىسكە قاتىناساتىن شەتەل جاقتىڭ باسشىلارى جانە حالىقارالىق ۇيىمداردىڭ جاۋاپتىلارى ىركەس - تىركەس جەتتى. شي جينپيڭ ولارمەن ءبىر - بىرلەپ قول الىسىپ، ءوزارا امانداستى.

  تۇستەن بۇرىن ساعات 10نان 30 مينۋت وتكەندە شي جينپيڭ دوڭگەلەك ۇستەل باسشىلار ءماجىلىسىنىڭ باستالعاندىعىن جاريالادى.

  شي جينپيڭ باستالۋ سوزىندە بىلاي دەپ اتاپ كورسەتتى: تۇڭعىش كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرى وتكىزىلگەن 2 جىلدان بەرى، ءبىز بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىن نەگىزگە الىپ، ساياساتتاردى بايلانىستىرۋدى، قۇرىلعىلاردى ۇلاستىرۋدى، ساۋدانى ىركىلىسسىزدەندىرۋدى، قارجىنى اينالىمعا سالۋدى، حالىق تىلەگىن توعىستىرۋدى جاپپاي ىلگەرىلەتىپ، دۇنيە ءجۇزى ەكونوميكاسىنىڭ ارتۋىنا جاڭا قوزعاۋشى كۇش ۇستەدىك، بۇكىل الەمدىك دامۋعا جاڭا كەڭىستىك اشتىق. ءبىزدىڭ جوعارى دارەجەلىلەر تالقى مىنبەرىن تاعى دا وتكىزۋدەگى ءۇمىتىمىز ءار جاقپەن بىرگە ”ءبىر بەلدەۋ، ءبىر جول“دى بىرگە قۇرۋدى تەرەڭدەتىپ، ناقتىلاندىرىپ، ءار ەل حالقىن اناعۇرلىم ويداعىداي باقىتقا كەنەلتۋ.

  − ءبىز ءار جاقپەن بىرگە، سەلبەسۋ ۇستانىمىن كەمەلدەندىرىپ، ”ءبىر بەلدەۋ، ءبىر جول“دى جوعارى ساپادا بىرگە قۇرۋعا كۇش سالۋدى كۇتەمىز. بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىن ناقتى تياناقتاندىرۋ؛ اشىق، جاسىل، كىرشىكسىز بولۋ ۇستانىمىن نەگىزگە الىپ، جوعارى ولشەمدى بولۋعا، حالىق تۇرمىسىنا ءتيىمدى بولۋعا، باياندى بولۋعا تالپىنۋ؛ بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىنىڭ ”ءبىر بەلدەۋ، ءبىر جول“دى بىرگە قۇرۋمەن توعىسۋىن قولداپ، ەكونوميكانى ارتتىرۋدى، قوعامدى دامىتۋدى، قورشاعان ورتانى قورعاۋدى ءبىر تۇتاس جوسپارلاپ ىلگەرىلەتۋ كەرەك.

  − ءبىز ءار جاقپەن بىرگە، سەلبەسۋ ءتۇيىنىن ايقىنداپ، جان - جاقتى ۇلاستىرۋدى، تۇتاستىرۋدى كۇش سالا كۇشەيتۋدى كۇتەمىز. نازاردى نەگىزدىك قۇرىلعىلاردى ۇلاستىرۋعا، تۇتاستىرۋعا ۇزدىكسىز شوعىرلاندىرىپ، زەردەلى جاساۋ، سيفرلى ەكونوميكا سياقتى الدىڭعى سالالارداعى سەلبەستىكتى تەرەڭدەتىپ، دامۋعا جاڭالىق اشۋ ارقىلى دەم بەرۋ ستراتەگياسىن اتقارىپ، بازاردى اشىق ۇستاۋدى كەڭەيتىپ، ساۋداعا جانە قارجى قوسۋعا قولايلى بولۋ دەڭگەيىن جوعارىلاتىپ، كوپ نەگىزدى قارجى قۇراۋ جۇيەسىن جانە كوپ ساتىلى كاپيتال بازارىن قۇرىپ، گۋمانيتارلىق اۋىس - ءتۇيىستى كەڭ كولەمدە ورىستەتىپ، اناعۇرلىم كوپ حالىق تۇرمىسى سەلبەستىگى نىساندارىن اتقارۋ كەرەك. جان - جاقتى ۇلاستىرۋدى، تۇتاستىرۋدى تۇلعالاپ، نەگىزگى قۇرىلىسقا جەتەكشىلىك ەتۋ، كاسىپتەردى شوعىرلاندىرۋ، ەكونوميكانى دامىتۋ، حالىق تۇرمىسىن جاقسارتۋ جالپىلىق اسەرىنىڭ قالىپتاسۋىن ىلگەرىلەتۋ كەرەك.

  − ءبىز ءار جاقپەن بىرگە، سەلبەسۋ مەحانيزمىن كۇشەيتىپ، ۇلاستىرۋ، تۇتاستىرۋ سەرىكتەستىك قاتىناسىن كۇش سالا ورناتۋدى كۇتەمىز. اشىق الەمدىك ەكونوميكانى قۇرۋدى بىرگە ىلگەرىلەتىپ، قورعانىمپازدىققا قارسى تۇرىپ، ”ءبىر بەلدەۋ، ءبىر جول“دى بىرگە قۇرۋدى ءار ەلدىڭ دامۋ ستراتەگياسىمەن، وڭىرلەردىڭ جانە حالىقارانىڭ دامۋ كەڭەستىك تارتىبىمەن ۇزدىكسىز ۇتىمدى ۇشتاستىرىپ، سەلبەسە ونىمدىلىكتى ارتتىرىپ، اناعۇرلىم كوپ ەلدەردى جانە كاسىپورىنداردى ىشكەرىلەي ات سالىسۋعا ىنتالاندىرىپ، ورتاق مۇددە ۇلەسىن كەڭەيتۋ كەرەك. كوپ جاقتىلىق رۋحىن نەگىزگە الىپ، ”ءبىر بەلدەۋ، ءبىر جول“دى بىرگە قۇرۋ مەحانيزمى قۇرىلىسىن تىڭعىلىقتى ىلگەرىلەتىپ، ءار سالاداعى ناقتى ىستەر سەلبەستىگىنە بەرىك كەپىلدىك ازىرلەۋ كەرەك.

  وسىدان كەيىن، دوڭگەلەك ۇستەل باسشىلار ءماجىلىسىنىڭ 1 - كەزەڭدىك، 2 - كەزەڭدىك، 3 - كەزەڭدىك ءماجىلىسى وتكىزىلدى. ماجىلىسكە قاتىناسقان باسشىلار ”ۇلاستىرۋدى، تۇتاستىرۋدى ىلگەرىلەتىپ، ارتۋدىڭ جاڭا قوزعاۋشى كۇشىن اشۋ“، ”ساياساتتاردىڭ ۇشتاسۋىن كۇشەيتىپ، اناعۇرلىم قويۋ سەلبەستىك قاتىناسىن سومداۋ“، ”جاسىل جانە باياندى دامۋدى ىلگەرىلەتىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى كەڭەستىك ءتارتىبىن تياناقتاندىرۋ“ سياقتى كەڭەستىك تاقىرىپتار توڭىرەگىندە كەڭ كولەمدە، ىشكەرىلەي پىكىر اۋىستىرىپ، ماڭىزدى ورتاق تانىم قالىپتاستىردى. ءار جاق نەگىزدىك قۇرىلعىلاردى ۇلاستىرۋدىڭ، تۇتاستىرۋدىڭ ەكونوميكانىڭ ارتۋىن تەزدەتۋ رولىنا وسكەلەڭ ءمان بەرىپ، جوعارى ساپالى قاتىناس - تاسىمالدى، قارجىنى، ەنەرگيانى، سيفردى، اقىل - پاراساتتى ۇلاستىرۋ، تۇتاستىرۋ تورىن قۇرىپ، دۇنيە ءجۇزى ەكونوميكاسىن ارتتىراتىن جاڭا قوزعاۋشى كۇشتى ۇزدىكسىز اشۋدى ءۇمىت ەتتى. ءار جاق تۇگەل ”ءبىر بەلدەۋ، ءبىر جول“دى بىرگە قۇرۋ سەلبەستىگىن تۇعىر ەتىپ، ساياساتتاردىڭ ۇشتاسۋىن ۇزدىكسىز كۇشەيتىپ ءارى ءتۇرلى سالاداعى سەلبەستىك بارىسىندا تياناقتاندىرىپ، بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىنە باستان - اياق تاباندى بولىپ، اناعۇرلىم قويۋ سەرىكتەستىك قاتىناس ورناتۋدى قولدادى. ءار جاق جاسىل جانە باياندى دامۋدى قولدادى، ءبارى ”ءبىر بەلدەۋ، ءبىر جول“دى بىرگە قۇرۋ بارىسىندا دامۋدى باعدار ەتۋگە تاباندى بولىپ، بايلىق ۇنەمدەيتىن، قورشاعان ورتاسى جاراسىمدى اناعۇرلىم كوپ سەلبەستىك نىساندارىن ورىستەتۋدى قولداپ، ”ءبىر بەلدەۋ، ءبىر جول“دى بىرگە قۇرۋ بۇكىل الەمنىڭ دامۋ ىستەرىن قولداۋعا، اسىرەسە، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرۋعا بەلسەندى ۇلەس قوسادى دەپ قارادى.

  ماجىلىسكە قاتىناسقان شەتەل جاقتىڭ باسشىلارى جانە حالىقارالىق ۇيىمداردىڭ جاۋاپتىلارى ”ءبىر بەلدەۋ، ءبىر جول“دى بىرگە قۇرۋ باستاماسى قازىرگى تاڭدا، دۇنيە جۇزىندەگى ەڭ ۇلى ەكونوميكالىق سەلبەستىك باستامالارىنىڭ ءبىرى، مەملەكەتتەر ارا جانە وڭىرلەر ارا ۇلاستىرۋدى، تۇتاستىرۋدى ىلگەرىلەتۋگە پايدالى، ساۋدا، قارجى قوسۋ، نەگىزدىك قۇرىلعىلار قۇرىلىسى، باياندى دامۋ سياقتى سالالارداعى سەلبەستىكتى جەبەۋگە پايدالى، جەلى بويىنداعى وڭىرلەر حالقىنىڭ ءوزارا ءتۇسىنىسۋىن نىعايتۋعا پايدالى دەپ القادى. ماجىلىسكە قاتىناسقان باسشىلار ”ءبىر بەلدەۋ، ءبىر جول“دى بىرگە قۇرۋ سەلبەستىگىنىڭ 5 جىلدان استام ۋاقىتتان بەرى قول جەتكىزگەن قوماقتى ناتيجەلەرىن، سونداي - اق ءار ەلگە جەتكىزگەن ناقتى مۇددەسىن، حالىقارانىڭ دامۋىنا، سەلبەستىگىنە قوسقان ماڭىزدى ۇلەسىن بەلسەنە باعالادى. ماجىلىسكە قاتىناسقان ءار جاق جۇڭحۋا حالىق رەسپۋبليكاسى قۇرىلعان 70 جىلدان بەرى، ەكونوميكالىق، قوعامدىق دامۋدا قول جەتكىزگەن زور تابىستارىن قۇتتىقتادى. ولار مىنانى ءبىلدىردى: ءتوراعا شي جينپيڭنىڭ جوعارى دارەجەلىلەر تالقى مىنبەرىنىڭ باستالۋ سالتىندا سويلەگەن ءسوزى حالىقارالىق قوعامنىڭ اسا زور اڭىسىن قوزعادى، ءتوراعا شي جينپيڭ جاريالاعان جۇڭگونىڭ اتقاراتىن ءبىر قىدىرۋ كەلەلى رەفورما، ەسىك اشۋ شارالارى ەرەكشە بەلسەندى سيگنال تاراتىپ، ”ءبىر بەلدەۋ، ءبىر جول“دى بىرگە قۇرۋ سەلبەستىگىن جانە دۇنيە ءجۇزى ەكونوميكاسىنىڭ دامۋىن پارمەندى ىلگەرىلەتەدى. ءار جاق جۇڭگو جاقتىڭ وسى كەزەكتى جوعارى دارەجەلىلەر تالقى مىنبەرىن وتكىزۋ ءۇشىن جاساعان قۇلشىنىسىن بارىنشا القاپ، ءوز ەلدەرىنىڭ دامۋ ستراتەگياسىن ”ءبىر بەلدەۋ، ءبىر جول“دى بىرگە قۇرۋ باستاماسىمەن ءتۇيىلىستىرۋدى قالايتىندىقتارىن ءبىلدىرىپ، جۇڭگو جاقپەن بىرگە ”ءبىر بەلدەۋ، ءبىر جول“ قۇرىلىسىنىڭ اناعۇرلىم كوپ جەتىستىكتەرگە قول جەتكىزۋىن قول ۇستاسا ىلگەرىلەتىپ، دۇنيە جۇزىندەگى اناعۇرلىم كوپ حالىققا يگىلىك جەتكىزۋدى ءۇمىت ەتتى.

  تۇستەن كەيىن ساعات 4تەن 45 مينۋت مولشەرىندە، ءماجىلىس جابىلۋ كەزەڭىنە ءوتتى، ءار جاق «”ءبىر بەلدەۋ، ءبىر جول“دى بىرگە قۇرىپ، كوركەم بولاشاق اشايىق − 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرى دوڭگەلەك ۇستەل باسشىلار ءماجىلىسىنىڭ بىرلەسكەن مازمۇنداماسى»ن ماقۇلدادى.
 شي جينپيڭ جابىلۋ ءسوزىن سويلەگەن سوڭ، اعاش بالعا سوعىپ، دوڭگەلەك ۇستەل باسشىلار ءماجىلىسىنىڭ جابىلعاندىعىن جاريالادى.

  4 - ايدىڭ 27 - كۇنى 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرى بەيجيڭدەگى يانشي كولى حالىقارالىق ءماجىلىس ورتالىعىندا دوڭگەلەك ۇستەل باسشىلار ءماجىلىسىن وتكىزدى. مەملەكەت ءتوراعاسى شي جينپيڭ ءماجىلىستى باسقاردى ءارى باستالۋ ءسوزىن سويلەدى. □سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن

  وسىدان سوڭ، شي جينپيڭ جۇڭگو مەن شەتەل تىلشىلەرىن قابىلداپ، 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرى دوڭگەلەك ۇستەل باسشىلار ءماجىلىسىنىڭ جاعدايىن جانە باستى جەتىستىكتەرىن تانىستىردى. شي جينپيڭ مىنالاردى اتاپ كورسەتتى: ماجىلىسكە قاتىناسقان باسشىلار مەن حالىقارالىق ۇيىمداردىڭ جاۋاپتىلارى وسى كەزەكتى جوعارى دارەجەلىلەر تالقى مىنبەرىنىڭ باستى تاقىرىبىن جانە كەڭەستىك تاقىرىپتارىن ارقاۋ ەتە وتىرىپ ىشكەرىلەي تالقى ورىستەتىپ، سەلبەسۋ ۇستانىمىن كەمەلدەندىرىپ، سەلبەسۋ تۇيىندەرىن ايقىنداپ، سەلبەسۋ مەحانيزمىن كۇشەيتىپ، جوعارى ساپامەن ”ءبىر بەلدەۋ، ءبىر جول“دى بىرگە قۇرۋ جونىندە كەڭ ورتاق تانىمعا كەلدى.

  ءبىرىنشى، ءبىز ”ءبىر بەلدەۋ، ءبىر جول“دى بىرگە قۇرۋ سەلبەستىگىنىڭ قول جەتكىزگەن ىلگەرىلەۋشىلىگى مەن مانىنە بەلسەندى باعا بەردىك. ءبىز جاپپاي بىلاي دەپ قارادىق: ”ءبىر بەلدەۋ، ءبىر جول“دى بىرگە قۇرۋ − بىرگە گۇلدەنۋگە اپاراتىن وراي جولى. ”ءبىر بەلدەۋ، ءبىر جول“دى بىرگە قۇرعان 5 جىلدان بەرى، اسىرەسە، تۇڭعىش كەزەكتى جوعارى دارەجەلىلەر تالقى مىنبەرىنەن بەرى، ءار جاقتىڭ جۇمىلا قۇلشىنۋىندا، ”ءبىر بەلدەۋ، ءبىر جول“دى بىرگە قۇرۋ سەلبەستىگى العاشقى مەرزىمدىك تابىسقا قول جەتكىزىپ، ءار ەل جانە دۇنيە ءجۇزى ەكونوميكاسىنىڭ ارتۋىنا اناعۇرلىم كوپ كەڭىستىك اشىپ، حالىقارالىق سەلبەستىكتى كۇشەيتۋگە تۇعىر ازىرلەپ، ادامزاتتىڭ تاعدىرلاس ورتاق تۇلعاسىن قۇرۋعا جاڭا ۇلەس قوستى.

  ەكىنشى، ءبىز ”ءبىر بەلدەۋ، ءبىر جول“دى بىرگە قۇرۋ سەلبەستىك ۇستانىمىن بايىتىپ، جوعارى ساپامەن ”ءبىر بەلدەۋ، ءبىر جول“دى بىرگە قۇرۋعا كۇش سالۋدى ءبىر اۋىزدان قايتالاي دارىپتەدىك. ءبىز بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبى بويىنشا، اشىق، كىرشىكسىز، جاسىل دامۋعا جابال قولداۋ كورسەتىپ، قورعانىمپازدىققا قارسى تۇرامىز، جوعارى ولشەمدى، حالىق تۇرمىسىنا ءتيىمدى، باياندى بولۋ ۇستانىمىن امالياتتا ايگىلەۋگە، حالىقتى وزەك ەتكەن دامۋ يدەياسىنا تاباندى بولىپ، ەكونوميكا، قوعام، قورشاعان ورتا سايكەسە داميتىن جولمەن جۇرۋگە قوسىلدىق. ءبىزدىڭ ورتاق نىسانامىز − قول ۇستاسا قۇلشىنىپ، ءار ەلدىڭ ۇلاسۋىنىڭ، تۇتاسۋىنىڭ اناعۇرلىم ءونىمدى بولۋىنا، ەكونوميكالىق ارتۋدىڭ اناعۇرلىم پارمەندى بولۋىنا، حالىقارالىق سەلبەستىكتىڭ اناعۇرلىم تىعىز بولۋىنا، حالىق تۇرمىسىنىڭ اناعۇرلىم تاماشا بولۋىنا مۇمكىندىك جاساۋ.

  ءۇشىنشى، ءبىز بولاشاقتاعى ”ءبىر بەلدەۋ، ءبىر جول“دى بىرگە قۇرۋ سەلبەستىگىنىڭ تۇيىندەرىن ايقىنداپ، جان - جاقتى، كوپ سالاداعى سەلبەستىكتى كۇشەيتۋدى ۇيعاردىق. ءبىز قۇرلىقتاعى، تەڭىزدەگى، اۋەدەگى، ينتەرنەتتەگى ۇلاسۋدى، تۇتاسۋدى ۇزدىكسىز ىلگەرىلەتىپ، جوعارى ساپالى، باياندى، حاۋىپ - قاتەرگە ءتوزىمدى، باعاسى لايىقتى، سيىسىمدى، مۇمكىندىگى بار نەگىزدىك قۇرىلعى قۇرامىز. ءبىز كەڭ كولەمدە گۋمانيتارلىق اۋىس - ءتۇيىس ورىستەتىپ، حالىق تۇرمىسىنا قاتىستى اناعۇرلىم كوپ سەلبەستىك نىساندارىن اتقارۋعا قوسىلدىق. بارلىعىمىز ”ءبىر بەلدەۋ، ءبىر جول“دى بىرگە قۇرۋ سەلبەستىگىنىڭ دامۋدى باعدار ەتۋگە تاباندى بولۋىن قولدايمىز، الەمدىك دامۋ ىستەرىن، اسىرەسە، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرۋدى قولدايمىز، سونىمەن بىرگە، وركەندەپ كەلە جاتقان ەلدەردىڭ دامۋداعى كەدەرگىلەردى تالقانداۋىنا، الەمدىك قۇن تىزبەگىنە، كاسىپ تىزبەگىنە، قامداۋ تىزبەگىنە اناعۇرلىم ويداعىداي كىرىگۋىنە، سونداي - اق ونان پايداعا كەنەلۋىنە كومەكتەسەمىز.

  ءتورتىنشى، ءبىز دۇنيە جۇزىلىك ۇلاستىرۋدىڭ، تۇتاستىرۋدىڭ سەرىكتەستىك قارىم - قاتىناسىن ورناتۋعا كۇش سالۋعا جابال قولداۋ كورسەتىپ، سەلبەستىك مەحانيزمىن كۇشەيتەمىز. ءبىز ءار ەلدىڭ جانە حالىقارالىق ۇيىمداردىڭ ەكونوميكانى دامىتۋ باستامالارى مەن جوبالارىن ىشكەرىلەي ءتۇيىستىرىپ، حالىقارالىق زات جەتكىزۋ جانە ساۋدا ءىرى ارناسىن قۇرىپ، اناعۇرلىم كوپ مەملەكەتتىڭ ۇلاسۋ، تۇتاسۋ دەڭگەيىن جوعارىلاتۋىنا كومەكتەسەمىز. ءبىز كوپ جاقتىلىققا تاباندى بولىپ، جوعارى دارەجەلىلەر تالقى مىنبەرىن جەتەكشى، ءار سالاداعى كوپ جاقتى سەلبەستىكتى تىرەك ەتكەن سۇلباسىن قالىپتاستىرۋدى ىلگەرىلەتەمىز. ءار جاق جاپپاي بىلاي دەپ قارادى: ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرى − ماڭىزدى كوپ جاقتى سەلبەستىك تۇعىرى، جوعارى دارەجەلىلەر تالقى مىنبەرىن ۇدايىلاندىرىپ وتكىزۋدى قولدايمىز.

  بەسىنشى، ءبىز بارلىعىمىز ناقتى سەلبەستىكتى كۇشەيتۋدى قولداپ، اناعۇرلىم كوپ ناقتى جەتىستىكتەرگە قول جەتكىزەمىز. بۇل رەتكى تالقى مىنبەرىنە دايىندالۋ بارىسىندا جانە ونى وتكىزۋ كەزىندە، ءار جاق 283 ناقتى جەتىستىككە قول جەتكىزدى. تالقى مىنبەرى كەزىندە وتكىزىلگەن كاسىپورىنشىلار جينالىسى ونەركاسىپ - ساۋدا سالاسىنىڭ كوپتەگەن قايراتكەرلەرىن قاتىناسۋعا تارتىپ، جالپى سوماسى 64 ميلليارد دوللاردان استام نىسان سەلبەستىگى كەلىسىمدەرىنە قول قويدى. بۇل جەتىستىكتەر ”ءبىر بەلدەۋ، ءبىر جول“دى بىرگە قۇرۋدىڭ اعىمعا ۇيلەسكەندىگىن، حالىق قالاۋىنا بولەنگەندىگىن، حالىق تۇرمىسىنا ءتيىمدى بولعاندىعىن، دۇنيە جۇزىنە پايدالى بولعاندىعىن تولىق دالەلدەيدى.

  شي جينپيڭ مىنالاردى باسا دارىپتەدى: وسى كەزەكتى تالقى مىنبەرى سىرتقا ءبىر ايقىن سيگنال تاراتتى: ”ءبىر بەلدەۋ، ءبىر جول“دى بىرگە قۇرۋدىڭ دوستار شەڭبەرى بارعان سايىن كەڭەيدى، جاقسى سەرىكتەر بارعان سايىن مولايدى، سەلبەستىك ساپاسى بارعان سايىن جوعارىلادى، دامۋ بولاشاعى بارعان سايىن جاقساردى. جۇڭگو ءار جاقپەن بىرگە، وسى كەزەكتى جوعارى دارەجەلىلەر تالقى مىنبەرىندەگى ءتۇرلى ورتاق تانىمداردى ويداعىداي تياناقتاندىرىپ، ”نازىك سىزبا “ بەدەرلەۋ رۋحىمەن ”ءبىر بەلدەۋ، ءبىر جول“دى بىرگە قۇرۋ سەلبەستىگىنىڭ تەرەڭدەۋىن، ناقتىلانۋىن، نىق قاداممەن الىسقا جەتۋىن، جوعارى ساپالى دامۋىن بىرگە ىلگەرىلەتىپ، اناعۇرلىم كوركەم بولاشاق اشۋدى قالايدى.

  دوڭگەلەك ۇستەل باسشىلار ءماجىلىسى جابىلعان سوڭ، جۇڭگو ءتوراعا ەل رەتىندە، وسى كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ جەتىستىكتەر ءتىزىمىن جاريالادى.

  سول كۇنى تۇستە شي جينپيڭ ماجىلىسكە قاتىناسقان باسشىلارمەن جانە حالىقارالىق ۇيىمداردىڭ جاۋاپتىلارىمەن توپتىق سۋرەتكە ءتۇستى.
 ديڭ شۋەشياڭ، ياڭ جيەچى، حۋ چۇنحۋا، ساي چي، ۋاڭ ي، جاۋ كىجى، حى ليفىڭ قاتارلىلار جوعارىداعى قاتىستى قيمىلدارعا قاتىناستى.

جاۋاپتى رەداكتور: ءاننا اكىمقان قىزى
  • 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرى دوڭگەلەك ۇستەل باسشىلار ءماجىلىسىن وتكىزدى
  • شي جينپيڭ 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ اشىلۋ سالتىنا قاتىناستى ءارى ارقاۋ ءسوز سويلەدى
  • الداعى ءۇش كۇندىك اۋا رايىنان الدىن الا مالىمەت
  • شي جينپيڭ حالىق تەڭىز ارمياسى قۇرىلعاندىعىنىڭ 70 جىلدىعىن قۇتتىقتاۋعا ارنالعان تەڭىزدەگى پارات قيمىلىنا قاتىناستى