اعاجاي-التاي تورابى   ›   مادەنيەت ارناسى   ›   دەنساۋلىق

ۇزاق ۋاقىت وتىرىپ قىزمەت ىستەيتىندەر مويىننىڭ اشىپ اۋىرۋىنىڭ الدىن قالاي العانى ءجون

  كومپيۋتەردىڭ جارىققا شىعۋى وسىزامانعى قىزمەت ىستەۋگە  كوپ  قولايلىلىق تۋدىرعانىمەن قىزمەتكەرلەر  اراسىندا كۇن بويى كومپيۋتەرگە تەسىلىپ ۇزاق وتىرۋدان كوز، قول، مويىن، يىق، جوتا قىزمەتى تۇگەلدەي زاقىمعا ۇشىراۋ احۋالى بارعان سايىن مولايۋدا. اق جاعالىلار، مويىن ومىرتقا اۋرۋىن تەك مويىن عانا جايسىزداندى دەپ جالاڭ ويلاماۋ كەرەك. بىرلىكتە مويىن ومىرتقا اۋرۋىنىڭ ۇقساماعان تيپىنە جانە قالاي الدىن الۋ كەرەكتىگىنە نازار اۋدارايىق.

  مويىن ومىرتقا اۋرۋىنىڭ تۇرلەرى

  نەرۆ ٴتۇبىرى تيپى : مويىن، يىق، جوتا اۋىرادى نەمەسە سىزداپ ينە شانشىعانداي نەمەسە كۇيگەندەي اۋىرادى .

  جۇلىن تيپى: كلينيكاداعى ەڭ اۋىر ٴتيپ سانالادى. بۇندا اياق ۇيىپ، بۇلشىق ەت دارمەنسىزدەنىپ ، اياق الىسىنىڭ ورنىقسىزدىعىنان «ماقتا باسىپ جۇرگەندەي سەزىم» پايدا بولادى، ٴتىپتى كىشى دارەتكە وتىرۋ كەدەرگىگە ۇشىراپ، دارەتكە وتىرۋى دارمەنسىزدەنىپ، قول-اياعى سالدانادى .

  ومىرتقا ارتەريا ٴتيپى: باستى بەينەلەرى نەگىزىنەن باس اينالۋ، باس اۋرۋ، جۇرەك اينۋ، قۇسۋ، قۇلاق شىڭىلداۋ ت . ب. كوبىنەسە مويىن ومىرتقا بەلگىلى ٴبىر ەرەكشە كۇيدە تۇرعان كەزدە وسىنداي قۇبىلىستار پايدا بولادى .

  سيمپاتيكالىق نەرۆ ٴتيپى: باستى بەينەلەرى جۇرەگى قوبالجۋ ، تاماعى قىسىلۋ، تىنىسى تارىلۋ، قان قىسىمى جوعارىلاۋ، كوپ تەرلەۋ.

  مويىن ومىرتقا اۋرۋى : بەينەلەرى مويىن وڭاي شارشايدى، ۇزاق ۋاقىت كىتاپ وقۋعا، جازۋعا، تەلەۆيزور كورۋگە بولمايدى، تاڭەرتەڭ تۇرعاننان كەيىن مويىنى سىرەسىپ، قيمىلى جانسىزدانادى نەمەسە قيمىلداعاندا داۋىس شىعادى .

  ارالاس ءتيپ : جوعارىداعى ەكى ٴتۇرلى نەمەسە ەكىدەن ارتىق بەينەسى بولادى.

  مويىن ومىرتقا اۋرۋىن وپەراتسياسىز ەمدەۋ

  كوپ ساندى ادامدار مويىن ومىرتقا اۋرۋىن سالماقتى، وپەراتسيا جاساپ ەمدەۋگە تۋرا كەلەدى دەپ قارايدى، ٴبىراق، ٴىس جۇزىندە تەك % 10 ناۋقاستىڭ وپەراتسيا جاساپ ەمدەۋلۋىنە تۋرا كەلەدى، كوپ ساندى ادامداردىڭ وپەراتسيا جاساتپاي-اق ەمدەلۋ ارقىلى اۋرۋدى باسەڭدەتۋگە نەمەسە جازىپ الۋىنا بولادى.

   مويىن ومىرتقا اۋرۋىنان ساقتانۋدىڭ 4 ٴتۇرلى امالى

  1. وتىرىستى رەتكە سالىپ مويىندى ارەكەتتەندىرۋ

  مويىندى بوس ۇستاپ ، جانعا جايلى تابيعي بەينەنى ساقتاۋ، باستى قيسايتپاي ۇستاۋ، يىقتى قومداماۋ كەرەك . اڭگىمەلەسىپ ، كىتاپ وقىعاندا الدىعاتۋرا قاراپ، ومىرتقانىڭ تۇزۋلىگىن ساقتاۋ كەرەك.

  2 . باسىتى كوتەرىپ ايعا كوز تاستاۋ

  ۇزاق ۋاقىت جاقىن ارالىقتا ءبىر نارسەگە قادالۋ، اسىرەسە باسىن تومەن قاراتقان كۇيى قادالۋ مويىن ومىرتقا مەن كورۋ قۋاتىنا ىقپال جاسايدى. ءبىراز ۋاقىت وتكىزىپ، باستى كوتەرىپ الىسقا جارىم مينۋت شاماسىندا قاراۋ كەرەك.

  3. جاقسى جاستىقتى تاڭداپ ۇيىقتاۋ

  جاستىق وتە بيىك ، وتە قاتتى نەمەسە تىم تومەن بولسا بولمايدى، مويىندى جاستىققا تيگىزۋ ٴارى ٴسال شالقايىپ جاتۋ كەرەك.

  4. سۋىقتان، ىلعالدىقتان، زاقىمدالۋدان ساقتانۋ

  سۋىق، دىمقىلدان ساقتانۋ، اسىرەسە تاڭەرتەڭ جۋىنعاندا سۋىق تيۋدەن ساقتانۋ كەرەك.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى
  • شي جينپيڭ 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ اشىلۋ سالتىنا قاتىناستى ءارى ارقاۋ ءسوز سويلەدى
  • الداعى ءۇش كۇندىك اۋا رايىنان الدىن الا مالىمەت
  • شي جينپيڭ حالىق تەڭىز ارمياسى قۇرىلعاندىعىنىڭ 70 جىلدىعىن قۇتتىقتاۋعا ارنالعان تەڭىزدەگى پارات قيمىلىنا قاتىناستى
  • ”ەرتىس بويىنداعى ءبىرىنشى قىستاق“تىڭ باقىت جىرى