اعاجاي-التاي تورابى   ›   مادەنيەت ارناسى   ›   دەنساۋلىق

تەرىنىڭ ەرتە قارتايۋىنا اكەلەتىن 8 ادەت

  ءمىنسىز تەرىنىڭ قۇپياسى دۇرىس ۇيقى مەن كۇنىنە ەكى ليتر سۋ ىشۋدە ەكەندىگىن ءجيى ەستيمىز. بۇل ەكى پۋنكت سىرتقى كەلبەتكە ادەۋىر اسەر بەرگەنىمەن، تەرى كۇتىمى پروتسەدۋراسى ونىمەن اياقتالماۋى كەرەك. تەرى جاستىعى ساقتالۋى ءۇشىن نە ىستەۋگە بولمايدى؟

   تەرىگە باكتەريالىق زاتتىڭ جاناسۋى

  ەكى بەتىڭىزگە جانە ەكى كوزىڭىزدىڭ ورتاسىنا بەزەۋ ءجيى شىعاتىن بولسا، وعا ۇيالى تەلەفونىڭىز بەن كوزىلدىرىگىڭىز سەبەپ. ءجيى قولدانىلاتىن زاتتاردا باكتەريالار وتە جىلدام تارايدى جانە شاڭ-توزاڭ جينالا بەرەدى. ال كوپشىلىك ۇيالى تەلەفون مەن كوزىلدىرىكتى انتيباكتەريالىق مايلىقپەن سۇرتە بەرمەيدى. تەرىڭىزگە جاناساتىن زاتتاردى زالالسىزداندىرۋدى ۇمىتپاڭىز. سونىمەن قاتار، قولىڭىزدى ءجيى سابىنداپ جۋىڭىز. جالپى قولىڭىزبەن بەتىڭىزدى ۇستاي بەرمەگەن ءجون. ايتپەسە، بەت تەرىڭىزگە بەزەۋ مەن قارا نۇكتە شىعۋ قاۋپى جوعارىلاي تۇسەدى.

   تاعامدىق شەكتەۋ

  سۇلۋلىققا مايلى، زيان جانە قانتى كوپ تاماقتى جەۋ كەرى اسەرىن بەرەتىنىن بىلەمىز. الايدا، تەرىگە كەي ارىقتاۋعا ارنالعان ديەتالار دا ءوز اسەرىن بەرۋى مۇمكىن. سەبەبى ارىقتاۋعا ارنالعان ديەتالاردىڭ كوپشىلىگىندە اعزاعا قاجەتتى دارۋمەندەر مەن مينەرالدار، پايدالى مايلار ەسەپكە الىنبايدى. سوندىقتان دۇرىس قۇرىلعان تاماقتانۋ ءمازىرىن تابۋ تەرى سۇلۋلىعى ءۇشىن ماڭىزدى.

   دۇرىس تاماقتانۋدىڭ التىن ەرەجەلەرى ىلعالداندىرماۋ

  قۇرعاق اۋا، تەمپەراتۋرا وزگەرىسى جانە دارۋمەن جەتىسپەۋشىلىگىنەن تەرى قۇرعاپ، قابىرشاقتانىپ، كەيدە قىشۋى دا مۇمكىن. مۇنداي جاعىمسىزدىقتى بايقاعاندا، ايەلدەر بىردەن تەرىنى جۇمسارتاتىن سكرابقا جۇگىنەدى. الايدا، سكرابتار ءبىر قولدانعاندا تەرىنى جۇمسارتقانداي كورىنگەنىمەن، ولار تەرىنى بۇل ماسەلەدەن قۇتقارمايدى. ونىڭ ورنىنا تەرىنى تەرەڭ ىلعالداندىرىپ (ىرىتكى، لوسون)، قورەكتەندىرۋدى قولعا الىڭىز. بولمەڭىزگە اۋا ىلعالداندىرۋشى قۇرال العان ءجون. سەزىمتال تەرىگە ارنالعان وتە جۇمساق قۇرالداردى عانا قولدانىڭىز.

   ءجۇزۋ

  حلور ەپيدەرميستەگى ىلعالدى ۇستاپ تۇراتىن ليپيد كەدەرگىسىن بۇزادى، سونىڭ سالدارىنان تەرى ىلعالسىزدانادى. ىلعالدىڭ جەتىسپەۋى تەرىنىڭ كۇڭگىرتتەنۋىنە، يىلگىشتىگىنىڭ تومەندەۋىنە، قارتايۋ پروتسەسىنىڭ جىلدامداۋىنا اكەلەدى. سوندىقتان سۋى وزون نەمەسە ۋلتراكۇلگىن قوندىرمامەن زالالسىزداندىرىلعان باسسەين تاڭداڭىز. ماكياجبەن جۇزبەڭىز، ءبىراق باسسەينگە تۇسپەس بۇرىن قورەكتەندىرەتىن كرەم جاعىپ الۋعا بولادى.

   بوياۋ جاققىشتاردى تازالاماۋ

  ماكياجعا ارنالعان قۇرالداردى ءجيى جۋىپ تۇرۋ كەرەك. سەبەبى ولار بوياۋ قالدىعىن ساقتاپ، كەلەسى قولدانعاندا تەرىگە باكتەريا تاسىمالداۋى مۇمكىن. لاستانعان بوياۋ جاققىشتاردا باكتەريالار جىلدام تارايدى. ال ول ءوز كەزەگىندە تەرىنى ناشارلاتادى.

  سپورتتان سوڭ سۋعا تۇسپەۋ

  جاتتىعۋلاردىڭ دەنساۋلىققا جانە سىرت كەلبەتكە تيگىزەر پايداسى مول. بەلسەندى جاتتىعۋلار كەزىندە اعزاداعا ۋلى زاتتار تەرمەن بىرگە شىعادى. ءبىراق تەر كەۋىپ كەتسە، ول تەرىدەگى ۇساق-تەسىكتەردى توزاڭمەن بىتەپ تاستايدى. سوندىقتان بەلسەندى جاتتىعۋدان سوڭ مىندەتتى تۇردە دۋشقا ءتۇسۋدى ادەتكە اينالدىرعان ءجون.

   اعزا دابىلىن ەلەمەۋ

  اعزا ـــ كىشكەنتاي وزگەرىستەرگە دە اسەر بەرەتىن كۇردەلى جۇيە. ەگەر ول سىزگە بەرگەن بەلگىلەرگە نازار اۋدارماساڭىز، دەنساۋلىعىڭىز سىر بەرۋى ابدەن مۇمكىن. مىسالى، موينىڭىزعا بورتپە شىقسا، ونىڭ نە سەبەپتى شىعۋى مۇمكىن ەكەندىگىن ويلاڭىز. دالادا كوكتەم بولسا، اعزاڭىزعا جەتكىلىكتى تۇردە دارۋمەن بەرىپ جاتسىز با؟ اعزا دابىلدى ءجيى تەرى قۇرعاقتىعى، تىتىركەنۋى، بەزەۋ شىعۋى، قايىزعاقتىڭ پايدا بولۋى نەمەسە تىرناق قابىرشاقتانۋى ارقىلى بەرەدى.

   ىستىق سۋعا ءتۇسۋ

  سۋعا تۇسكەندە ونىڭ ىستىق بولماۋىن قاداعالاڭىز. مىسالى، ىستىق سۋى بار ۆاننا قابىلداۋ تەرىنى "كۇيزەلتەدى". ىستىق سۋعا تۇسسەڭىز، تەرى قىزارىپ، تىتىركەنىپ، يىلگىشتىگىن جوعالتۋى مۇمكىن.

جاۋاپتى رەداكتور: ءاننا اكىمقان قىزى
  • شي جينپيڭ 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ اشىلۋ سالتىنا قاتىناستى ءارى ارقاۋ ءسوز سويلەدى
  • الداعى ءۇش كۇندىك اۋا رايىنان الدىن الا مالىمەت
  • شي جينپيڭ حالىق تەڭىز ارمياسى قۇرىلعاندىعىنىڭ 70 جىلدىعىن قۇتتىقتاۋعا ارنالعان تەڭىزدەگى پارات قيمىلىنا قاتىناستى
  • ”ەرتىس بويىنداعى ءبىرىنشى قىستاق“تىڭ باقىت جىرى