اعاجاي-التاي تورابى   ›   مادەنيەت ارناسى   ›   دەنساۋلىق

اق شاش كوبەيمەس ءۇشىن...

  اق شاشتىڭ پايدا بولۋىنان "قۇتىلا المايمىز"، ءتىپتى، جاقسى كۇتىمدەگى ادەمى شاشتىڭ ءوزى جاس ۇلعايا كەلە اق تۇسكە بويالا باستايدى. ءبىراق ءالى جاس بولساڭىز دا، شاشىڭىز اعارا باستاسا، نە ىستەۋ كەرەك؟ اق شاشتان ارىلۋدىڭ نەمەسە ونى جاسىرۋدىڭ بىرنەشە ادىستەرى بار: سالون، بوياۋ نەمەسە تابيعي ادىستەر ارقىلى كۇرەسۋ.

  اق شاش ۇلعايعان جاستىڭ بەلگىسى بولىپ سانالادى. بۇرىن اق شاش 50گە جاقىنداعان ادامداردا بايقالاتىن بولعان. بۇل جاستا بوياعىش پيگمەنتىن جوعالتۋ قالىپتى جاعداي بولىپ تابىلادى، سەبەبى اعزادا قارتايۋىنىڭ تابيعي پروتسەستەرى جۇرەدى. ال سوڭعى جىلدارى ايەلدەر مەن ەركەكتەردىڭ كوپشىلىگى العاشقى اق شاشىن 30عا جەتپەي كورەدى.

  ەگەر ءبىر اق شاشتى جۇلسا، اق شاش كوبەيىپ كەتەدى دەگەن پىكىر بار. بۇل – اڭىز. جۇلىنعان اق شاشتىڭ ورنىنا شىققان شاش اق بولادى، ءبىراق ول ونىڭ سانىنا اسەر ەتپەيدى. ءبىراق اق شاشتى سوندا دا جۇلماعان ءجون، ول شاش ءتۇيىنىن زاقىمداپ، قابىنۋ پروتسەستەرىنە نەمەسە باسقا دا باس تەرىسى ماسەلەرىنە اكەلۋى مۇمكىن. ەگەر ءبىر اق شاشتى كورىپ قالىپ، جۇلعىڭىز كەلىپ كەتسە، قايشىمەن تۇبىنەن قيىپ تاستاڭىز.

  شاش اعارۋىنىڭ نەگىزگى 7 سەبەبى

  شاش تۇسىنە مەلانين دەپ اتالاتىن زات جاۋاپ بەرەدى. ول جەتكىلىكتى مولشەردە وڭدەلمەسە، اق شاش پايدا بولا باستايدى. اق شاشتىڭ پايدا بولۋىنا كوپتەگەن فاكتورلار اسەر ەتەدى، سونىڭ ىشىندە كەڭ تاراعان 7 سەبەبىن ۇسىنامىز:

  1.جاس ەرەكشەلىگى. ول اق شاش پايدا بولۋىنىڭ ەڭ كەڭ تاراعان سەبەبى. اعزا قارتايادى.

  2.گەنەتيكا. تۇقىم قۋالاۋشى فاكتورعا كوپ نارسە بايلانىستى، سونىڭ ىشىندە اق شاشتىڭ قانشالىقتى ەرتە پايدا بولۋىنىڭ دا قاتىسى بار.

  3. كۇيزەلىس. ۋايىمداۋ ــ ونىڭ بارلىعى اعزاعا جانە شاشقا اسەر ەتپەي قويمايدى. كۇيزەلىس كەزىندە قاننىڭ ميكرواينالىمى ناشارلايدى، قان تامىرلارداعى وتتەك مولشەرى ازايادى، سونىڭ سەبەبىنەن باس تەرىسى قينالىپ، اق شاشتار پايدا بولادى.

  4.دارۋمەن جەتىسپەۋشىلىگى. دارۋمەن جەتىسپەۋشىلىگى شاش جاعدايىنا اسەر ەتەدى: ولار ومىرلىك كۇشىن جوعالتادى، سىنعىش بولا تۇسەدى. اعزاعا V12 دارۋمەنى جەتىسپەسە، اق شاش بەلسەندى تۇردە پايدا بولا باستايدى.

  5. اۋرۋ. اق شاشتىڭ ەرتە پايدا بولۋى دەنساۋلىعىڭىزدى تەكسەرتۋگە جەتەلەۋى كەرەك. انەميا، بۇيرەك، جۇرەك، قالقانشا بەز، اسقازان-ىشەك جولى اۋرۋلارى بار ادامداردىڭ شاشتارى ەرتە اۋىرادى.

  6.ءجيى بوياۋ. شاشتى دۇرىس بوياۋ قاجەت. ورگانيكالىق بوياۋ الۋ كەرەك، ايتپەسە، بوياۋدى جۋعان كەزدە جاعىمسىز توسىن سىي كۇتىپ تۇرۋى، ياعني اق شاش پايدا بولۋى مۇمكىن. باس تەرىسىنە نەگاتيۆتى اسەر ەتەتىن حيميالىق كومپونەتتەر بار، سونىڭ اسەرىنەن شاش ءتۇيىنى پيگمەنتىن جوعالتادى. اگرەسسيۆتى بوياۋلاردى ءجيى قولدانساڭىز، اق شاشتىڭ سانى وسە بەرەدى.

   7.سۋىق. سۋىق مەرزىمدە باس كيىم كيمەۋ اق شاش پايدا بولۋىنا ىقپال ەتەدى. سۋىقتان باس تەرىسى ميكرو اينالىمى بۇزىلادى.

جاۋاپتى رەداكتور: ءاننا اكىمقان قىزى
  • شي جينپيڭ 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ اشىلۋ سالتىنا قاتىناستى ءارى ارقاۋ ءسوز سويلەدى
  • الداعى ءۇش كۇندىك اۋا رايىنان الدىن الا مالىمەت
  • شي جينپيڭ حالىق تەڭىز ارمياسى قۇرىلعاندىعىنىڭ 70 جىلدىعىن قۇتتىقتاۋعا ارنالعان تەڭىزدەگى پارات قيمىلىنا قاتىناستى
  • ”ەرتىس بويىنداعى ءبىرىنشى قىستاق“تىڭ باقىت جىرى