اعاجاي-التاي تورابى   ›   مادەنيەت ارناسى   ›   بىلگەنگە مارجان

اشۋدى باسقارۋدىڭ 15 ءادىسى

  اشۋ ـــ قالىپتى سەزىم. ەگەر اشۋ اگرەسسياعا، ەموتسيالىق ىزاعا نەمەسە فيزيكالىق كۇش جۇمساۋعا اكەلسە، ول ماسەلەگە اينالادى. اشۋدى باسقارۋ سول ساتتە ايتقان ءسوزىڭىز نەمەسە جاساعان ءىسىڭىز ءۇشىن وكىنۋگە جول بەرمەيدى. جاعدايىڭىز ناشارلاعانعا دەيىن ءتۇرلى تەحنيكالاردى قولدانىپ كورىڭىز.

  1.ساناۋ ەگەر اشۋلانساڭىز، 10عا نەمەسە 100گە دەيىن ساناڭىز. ەسەپتەۋگە كەتكەن ۋاقىت ىشىندە جۇرەك سوعىسىڭىز باياۋلاپ، اشۋىڭىز ازايا تۇسەدى.

   2.تەرەڭ تىنىس الۋ ءسىز اشۋلانعان كەزدە تىنىس الۋ ءۇستىرتىن بولا ءتۇسىپ، جيىلەنەدى. مۇرىنمەن باياۋ تەرەڭ تىنىس الىپ، اۋىزبەن شىعارىڭىز.

  3.جاياۋ ءجۇرىپ قايتۋ فيزيكالىق جۇكتەمە جۇيكەنى تىنىشتاندىرىپ، اشۋدى ازايتۋعا كومەكتەسەدى. جاياۋ ءجۇرىپ قايتىڭىز نەمەسە ۆەلوسيپەد تەبىڭىز. اياق-قولدىڭ قوزعالۋىنا اكەلەتىن بارلىق نارسە اقىل-ويعا جانە دەنەگە پايداسىن تيگىزەدى.

   4.بۇلشىق ەتتەردى بوساڭسىتۋ بۇلشىق ەتتەردى ۇدەمەلى بوساڭسىتۋ بۇكىل دەنەنى تىرىستىرۋدى قاجەت ەتەدى. ءتۇرلى بۇلشىق ەتتەر توبىن ءبىر-بىردەن باياۋ بوساتىڭىز. جاي تىنىس الىڭىز.

   5. سوزىلۋ باسىڭىزدى جانە يىعىڭىزدى اينالدىرا قوزعاڭىز. ول دەنەنى باقىلاپ، سەزىمدەرىڭىزدى باسقارۋعا كومەكتەسەدى.

   6.الاڭداۋ تىنىش جەر تاۋىپ، كوزىڭىزدى جۇمىڭىز. ءوزىڭىزدى تابيعاتتا نەمەسە سۋ جاعاسىندا وتىرعانداي ەلەستەتىڭىز. ءار بولشەككە ءمان بەرىڭىز. تاۋ قانشالىقتى بيىك؟ سۋدىڭ ءتۇسى قانداي؟ بۇل تاجىريبە تىنىشتالۋىڭىزعا كومەكتەسەدى.

   7.ءان تىڭداۋ تىنىش جەرگە بارىپ نەمەسە دالادا قۇلاققاپ كيىپ الىپ، ءان تىڭداڭىز.

   8. سويلەمەۋ اشۋ ۇستىندە ءتۇرلى نارسە ايتىپ تاستاۋىڭىز مۇمكىن. سوندىقتان وزىڭىزگە دە، باسقاعا دا زيانى تيەدى. ويىڭىزدى جيناقتاپ العانشا سويلەمەڭىز. اشۋ ۇستىندە سويلەمەۋدى ادەتكە اينالدىرىڭىز.

   9. ءۇزىلىس جاساۋ باسقا ادامداردان بولەك وتىرىڭىز. سول كەزدە بولعان جاعدايدى وي ەلەڭىنەن وتكىزە الاسىز.

   10. ارەكەت ەتۋ زيان ەنەرگياڭىزدى قولدانىڭىز. اشۋ ۇستىندەگى ەنەرگياڭىز پايدالى ءارى ءونىمدى نارسەگە كەتسىن.

  11. كۇندەلىك جازۋ دىبىستاپ ايتا المايتىن نارسەڭىزدى جازا الۋىڭىز مۇمكىن. سول ساتتە نە سەزىنگەنىڭىزدى جانە ول جاعدايعا قالاي اسەر بەرگىڭىز كەلگەنىن جازىڭىز.

   12.جىلدام شەشىمىن تابۋ مىسالى، بالاڭىز دوسىنا قوناققا كەتەردە بولمەسىن جيناماي كەتكەنىنە اشۋلانۋىڭىز مۇمكىن. بالالار بولمەسىنىڭ ەسىگىن جاۋىپ قويىڭىز. سەبەبى ونى كورگەن سايىن اشۋعا كەلەسىز. سول سەكىلدى كەز كەلگەن ماسەلەنىڭ ۇقساس شەشىمىن تابىڭىز.

   13. دوسىڭىزبەن سويلەسۋ اشۋىڭىزدى ىشتە ساقتاماڭىز. جاقسى دوسىڭىزبەن سويلەسىڭىز، كەڭەس سۇراڭىز.

   14. كۇلۋ ناشار كوڭىل كۇيگە كۇلكى كەدەرگى بولا الادى. كۇلۋدىڭ ادىستەرىن ىزدەڭىز: بالالارمەن ويناڭىز، كۇلكىلى روليك قاراڭىز.

   15.اشۋىڭىزدى ايتۋ ەگەر جاعدايدى باقىلاي الساڭىز، نە سەزىنىپ تۇرعانىڭىزدى ايتىڭىز. ىزا بولۋ ماسەلەنى شەشپەيدى، ءبىراق سابىرلى ديالوگ اشۋدى السىزدەندىرەدى.

جاۋاپتى رەداكتور: ءاننا اكىمقان قىزى
  • كوكتوعايداعى ۇتىلاپ كۇرەس جاساعان 3 ۇرپاق
  • اسىر سالعان اققۋلار
  • شي جينپيڭ چۇڭچيڭدە تەكسەرىپ-زەرتتەۋ جۇرگىزدى
  • ۇشكول جايلاۋىنىڭ كوكتەمگى كوز تارتارلىق كورىنىسى