اعاجاي-التاي تورابى   ›   مادەنيەت ارناسى   ›   ونەگە

ءسىزدى اقىلدى ەتەتىن ادەتتەر

  اقىلدى بولعان جاقسى، ءبىراق ول ءبىر ساعاتتا قول جەتكىزەتىن نارسە ەمەس. كەي ادامداردىڭ جولى بولىپ، دانىشپان بولىپ تۋىلادى. ءبىراق كوپتەگەن ءبىلىمدى ءارى دارىندى ادامدار پايدالى ادەتتەرى ارقىلى وي-ورىستەرىن دامىتادى. اقىل جيناۋعا كومەكتەسەتىن 10 ادەتتى ۇسىنامىز.

   1.سۇراق قويىڭىز. سىزگە ايتقان نارسەنىڭ بارىنە بىردەي سەنىپ، كەلىسە بەرمەڭىز: سۇراڭىز، عالامتوردان ىزدەڭىز.

  2.كوپ وقىڭىز. كىتاپتار، جۋرنالدار جانە سايتتارداعى جاقسى مازمۇنداردى وقىڭىز. كۇندەلىكتى كىتاپ وقۋ كەستەسىن ساقتاڭىز. عالىمدار اقپارات جاقسى مەڭگەرىلۋى ءۇشىن تاڭەرتەڭ وقۋدى ۇسىنادى.

  3.اقىلدى ادامدارمەن ارالاسىڭىز. ولاردىڭ سىزدەن اقىلدىراق بولۋى مىندەتتى ەمەس، باستىسى ولاردا تالقىلاۋعا بولاتىن قىزىقتى زاتتارى بولادى. زياتكەرلەر ءوز ميلارىن نەمەن قورەكتەندىرەتىنىن بىلەدى، سوندىقتان ولارمەن ارالاسقان پايدالى. ولاردىڭ وقۋ ءستيلىن ۇيرەنەسىز.

   4.اقىل-ويىڭىزدى عانا ەمەس، دەنەڭىزدى دە جاتتىقتىرىڭىز. اقىل-پاراساتىڭىزدى دامىتۋدى ويلاعاندا دۇرىس تاماقتانۋ مەن جاتتىعۋلار تۋرالى ۇمىتپاڭىز. مي مەن دەنە ءارقاشان تىعىز بايلانىستا.

  5.جاڭا يدەيالار ويلاپ تابىڭىز. ويىڭىزعا كەلگەن يدەيالاردى جازىپ نەمەسە سالىپ ءجۇرىڭىز. شىعارماشىلىق جاڭاشا ويلاۋعا شابىتتاندىرادى. ءوز يدەيالارىڭىزدى ءاردايىم تەكسەرىپ، رەداكتسيالاڭىز.

   6.كۇندەلىك جازىڭىز. اقىلدىراق بولۋدىڭ تاعى ءبىر ءادىسى ـــ جەكە تاجىريبەڭىزدەن ساباق الۋ. زەرتتەۋلەر بويىنشا، كۇندە بىرنەشە مينۋتىڭىزدى بولعان جاعدايدى نەمەسە ويدى جازۋعا ارناۋ مي كۇشىن ارتتىرادى ەكەن.

   7.تەلەديداردى وقۋعا اۋىستىرىڭىز. بوس ۋاقىتىڭىزدى الەۋمەتتىك جەلىگە نەمەسە بىتپەيتىن سەريالدارعا ارناعانشا پايدالى نارسەمەن اينالىسىڭىز. عالامتوردا ميدى دامىتۋعا ارنالعان وقىتۋ قۇرالدارى تولىپ جاتىر. تالعامىڭىزعا قاراي كۋرس، ساباق، تەست، باعدارلاما جانە دامىتۋشى تاجىريبە تاڭداي الاسىز.

   8.بىلىمىڭىزبەن ءبولىسىڭىز. جاڭا نارسەنى ۇيرەنۋ ءسوزسىز اقىل-پاراساتتى دامىتادى، ال بىلگەنىڭىزبەن ءبولىسۋ پايدالى.

   9. جاڭا ءبىلىمىڭىزدى قولدانىڭىز. ەگەر ءبىلىمدى تاجىريبەدە قولدانۋ ويىڭىزدا بولماسا، ونى ۇيرەنۋدىڭ قاجەتى جوق. اقىلدى ادامدار العان ءبىلىمىن تابىس ءۇشىن عانا قولدانبايدى.

   10. ويلانۋعا ۋاقىت ءبولىڭىز. ادامنىڭ كوڭىلى ءبىر نارسەدەن ەكىنشىسىنە جىلدام اۋىسادى. كەيدە ءتىپتى، كەلىپ تۇسكەن اقپاراتتىڭ شىنايى ءمانىن ءتۇسىنىپ ۇلگەرمەيدى. العان ءبىلىمدى ويلاۋعا ءۇزىلىس الىپ ۇيرەنىڭىز.

جاۋاپتى رەداكتور: ءاننا اكىمقان قىزى
  • شي جينپيڭ چۇڭچيڭدە تەكسەرىپ-زەرتتەۋ جۇرگىزدى
  • ۇشكول جايلاۋىنىڭ كوكتەمگى كوز تارتارلىق كورىنىسى
  • ايماقتىق اۋا رايى ستانسياسى نوسەرلى جاڭبىردان ساقتانۋدىڭ كوك ءتۇستى ساقتىق سيگىنالىن تاراتتى
  • جىل قۇستارى كوكتەم ءسانىن اسىردى