اعاجاي-التاي تورابى   ›   اقپارات ايدىنى   ›   سۋرەتتى حابارلار

شي جينپيڭ چۇڭچيڭدە تەكسەرىپ-زەرتتەۋ جۇرگىزدى

  باس شۋجي شي جينپيڭ4- ايدىڭ 15 ـ كۇنى چۇڭچيڭگە بارىپ تەكسەرىپ ـ زەرتتەۋ جۇرگىزىپ، كەدەيلىكتەن قۇتىلدىرۋدان قامال الۋ قىزمەتىنىڭ اياق الىسى مەن « ەكىدەن تارىقتىرماۋ،ٴۇشتى قامتاماسىزداندىرۋداعى» كورنەكتى ماسەلەلەردى شەشۋ جاعدايىن ۇعىستى.

  4- ايدىڭ 15 ـ كۇنى تۇستەن كەيىن باس شۋجي شي جينپيڭ چۇڭچيڭ قالاسى شىجۋ تۋجيا ۇلتى اۆتونوميالى اۋدانى جۇڭيي اۋىلدىق باستاۋىش مەكتەپكە بارىپ تەكسەرىپ ـ زەرتتەۋ جۇرگىزىپ، وقىتۋشى ـ وقۋشىلارمەن ىقىلاستى اڭگىمەلەستى. ٴبىر وقىتۋشى باس شۋجيگە ءوزىنىڭ باستاۋىش مەكتەپتى بىتىرگەننەن كەيىن، انا مەكتەبىنە قايتىپ كەلىپ وقىتۋشى بولىپ، 17 جىل قىزمەت ىستەگەنىن ايتتى. باس شۋجي قۋانا قۇپتاپ بىلاي دەدى: وتە جاقسى بولعان ەكەن ! مەن وسى اراعا تامىر تارتقان ٴبىر توپ اۋىل - قىستاق وقىتۋشىلاردىڭ مەملەكەتىمىز ٴۇشىن، مەكەنىمىز ٴۇشىن وسىناۋ ۇزدىك ۇلانداردى تاربيەلەپ جەتىلدىرۋىن ٴۇمىت ەتەمىن. سىزدەردىڭ قىزمەتتەرىڭىزدىڭ ماڭىزى زور.

  وسىدان كەيىن باس شۋجي شي جينپيڭ شىجۋ تۋجيا ۇلتى اۆتونوميالى اۋدانى جۇڭيي اۋىلى حۋاشي قىستاعىنداعى كەدەي وتباسى تان دىڭجوۋدىڭ ۇيىنە باردى. تان دىڭجوۋ كاريا بىلتىر اۋرۋ سەبەبىنەن قايتا كەدەيلەسىپ، كەدەيلەردى سۇيەمەلدەۋ ساياساتى بويىنشا كەدەيلىكتەن بىرتىندەپ قۇتىلىپ، نەگىزگى تۇرمىسى قامتاماسىزداندىرىلدى. باس شۋجي ولارمەن بىرگە كىرىس ەسەبى مەن ەمدەۋ ەسەبىن انىقتادى. ول كاريادان « ەڭ تومەنگى تۇرمىستى قامتاماسىزداندىرۋ كومەك قاراجاتى قانشا ؟ جەردى اينالىمعا سالۋدىڭ ٴبىر جىلدىق كىرىسى قانشا ؟ ەمدەلۋ قاراجاتىنا قانشا اقشا جۇمسالدى ؟ ەسەپتەن كوتەرىلگەنى قانشا بولدى؟ بالالارىڭنىڭ ٴبىر جىلدا بەرەتىن اسىراۋ قاراجاتى قانشا؟» دەگەندەردى سۇراپ ۇعىسقان سوڭ بىلاي دەدى: تاماقتان، كيىمنەن تارىقتىرماۋداي ەكىدەن تارىقتىرماۋدىڭ ورىندالعانىن كورىپ وتىرمىز، بۇل ارادا ەمدەۋ قامسىزداندىرۋى، تۇرعىن ءۇي حاۋىپسىزدىگى دە ىسكە اسىپتى. ءبىزدىڭ ساياساتىمىزدان بۇقارا يگىلىككە كەنەلگەندە عانا ساياساتىمىزدىڭ ناعىز ابزالدىعى ايگىلەنەدى. حۋاشي قىستاعىنىڭ تۇرعىنى، ساقا پارتيا مۇشەسى ما پيچيڭنىڭ ۇيىندە باس شۋجي شي جينپيڭ قىستاق تۇرعىندارىنىڭ ۋاكىلدەرىمەن، كەدەيلەردى سۇيەمەلدەۋ كادرلارىمەن بىرگە اۋلادا وتىرىپ، كەدەيلىكتەن قۇتىلدىرۋدان قامال الۋ جونىندە اڭگىمە قۇردى. شي جينپيڭ بىلاي دەدى: مەن كوپشىلىكتىڭ جاعدايىن ۇعىسۋ ءۇشىن وسى اراعا ارنايى كەلدىم. وسى ءبىر عانا ورىندى كورۋ ءۇشىن ايروپلان، پويەز، اۆتوموبيل سىندى ٴۇش ٴتۇرلى قاتىناس كولىك اۋىستىرىپ سىزدەرگە جەتتىك. ال، ەندەشە، مەنىڭ وسى ءبىر عانا ورىندى كورۋدەگى ماقساتىم نە؟ ول-كەدەيلەردى سۇيەمەلدەۋ قىزمەت جاعدايىن ىشكەرلەي ۇعىسۋ. دوڭگەلەك داۋلەتكە جەتۋـ جەتپەۋدى اۋىلداستاردىڭ تۇرمىسىنان عانا كورۋگە بولادى. مۇنداعى ەڭ ماڭىزدى ءتۇيىن ـ كەدەيلەردى سۇيەمەلدەۋ قىزمەتىنىڭ قالاي ىستەلۋىندە. ال كەدەيلەردى سۇيەمەلدەۋ قىزمەتىندەگى ەڭ نەگىزگى ولشەم-«ەكىدەن تارىقتىرماۋ، ٴۇشتى قامتاماسىزداندىرۋ».

  باس شۋجي شي جينپيڭ: كوپشىلىكتىڭ ىشەر اس، كيەر كيىمنەن تارىقپاعانىن، وقۋ-اعارتۋ، ەمدەۋ، تۇرعىن ٴۇي حاۋىپسىزدىگى بارعان سايىن قامتاماسىزداندىرىلا تۇسكەنىن كورىپ كوڭىلىم جاي تاپقانداي بولدى-،دەدى. ول كوپشىلىككە مىنانى قاداعالاپ ايتتى: باقىت كۇرەسپەن كەلەدى. پارتيانىڭ ساياساتى ابزال ەكەن، ەندەشە، قۇلشىنا العا ۇمتىلۋ كەرەك. بۇگىن سىزدەردى كورگەنىمە، كەيبىر ٴىس جۇزىندىك جاعدايلاردى كورگەنىمە قاتتى قۋانىشتامىن. قىزمەتتەر وتە تەبىندى ىستەلىپ جاتىپتى، كۇتىپ وتىراتىن، يەك سۇيەيتىن، سۇراناتىن جاعداي مۇنداي شىنىندا جوق ەكەن. باقىت كۇرەسپەن كەلەدى. سىزدەر بارلىقتارىڭىز ايانباي كۇرەس جاساپ جاتىرسىزدار، بۇل وتە تاماشا جاعداي!

  قىستاق تۇرعىندارى شاپالاق سوعىپ قۇپتادى ءارى: باس شۋجي الاڭسىز بولىڭىز ! دەپ جاۋاپ بەردى.

  4- ايدىڭ 16 ـ كۇنى تۇستەن كەيىن چۇڭچيڭدە قىزمەت تەكسەرىپ جاتقان باس شۋجي شي جينپيڭ «ەكىدەن تارىقتىرماۋ، ٴۇشتى قامتاماسىزداندىرۋداعى» كورنەكتى ماسەلەلەردى شەشۋ اڭگىمە ٴماجىلىسىن باسقارىپ اشتى ٴارى ماڭىزدى ٴسوز سويلەدى. قاتىستى ولكە، اۆتونوميالى رايون، توتە قاراستى قالالاردىڭ پارتكوم شۋجيلەرى، چۇڭچيڭ قالاسىنا قاراستى اۋدان، اۋىل ـ قىستاق كادرلارىنىڭ ۋاكىلدەرى جانە ورتالىقتاعى قاتىستى تاراۋلارداعى نەگىزگى جاۋاپتى جولداستار قاتىستى جاعدايلاردان دوكلات جاسادى.

جاۋاپتى رەداكتور: ءاننا اكىمقان قىزى
  • ۇشكول جايلاۋىنىڭ كوكتەمگى كوز تارتارلىق كورىنىسى
  • ايماقتىق اۋا رايى ستانسياسى نوسەرلى جاڭبىردان ساقتانۋدىڭ كوك ءتۇستى ساقتىق سيگىنالىن تاراتتى
  • جىل قۇستارى كوكتەم ءسانىن اسىردى
  • قىزعانىشتان قۇتىلۋ جولدارى