اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

جەمەنەي اۋدانى قويتاس ساياحات-ساۋدا كەڭەسىن وتكىزدى

  ءوز ءتىلشىمىز جۋ داندان حابارلايدى. جەمەنەي اۋدانى ساياحات كاسىبىنىڭ جوعارى ساپادا دامۋىن جەبەۋ، اۋداننىڭ وڭىرلىك ەرەكشەلىكتەگى ساياحات بايلىعى باسىمدىلىعىن تياناق ەتە وتىرىپ، جەمەنەي اۋدانى ساياحات كاسىبىنىڭ كەدەيلىكتەن ارىلۋىن بار كۇشپەن ىلگەرلەتۋ، قويتاس كورىنىس رايونىن وزەك ەتكەن ساياحات كاسىبى ەكولوگيالىق شەڭبەرىن قۇرۋ ماقساتىندا، 4-ايدىڭ 14-كۇنى كەشتە جەمەنەي اۋدانى قويتاس ساياحات-ساۋدا كەڭەسىن وتكىزدى.

  كەڭەستە ارناۋلى قىزمەتكەر قويتاس ساياحات كورىنىس رايونىنىڭ ءتيىمدى ساياساتتارىن تانىستىردى، جەمەنەي مادەنيەت-ساياحات سەرىكتەستىگى ساياحات مەكەمەسىمەن 2019-جىلعى كورىنىس رايونى سيلىقتى ساياحاتشى جەتكىزۋ كەلىسىمىنە قول قويدى، جەمەنەي اۋدانىنداعى مەيمانحانا، قوناق ۇيلەر ساياحات مەكەمەسىمەن ساۋدا كەڭەسىن وتكىزدى ءارى 2019-جىلعى سەلبەستىك كەلىسىمىنە بىرلىكتە قول قويدى، سونداي-اق، قويتاس كورىنىس رايونىنا بارىپ زەرتتەۋ جۇرگىزدى.

  لوۋلان جينجوۋ حالىقارالىق ساياحات قوعامىنىڭ باس مەڭگەرۋشىسى گاۋ جياڭحۇي بىلاي دەدى: «بۇگىن جەمەنەي اۋدانىمەن سەلبەستىك كەلىسىمىنە قول قويدىق، ءبىز جەمەنەي اۋدانىنا ارنايى ەكى ارناۋلى جەلى قۇرماقشىمىز: ءبىرى ـــ قاناس-جەمەنەي اۋدانى اينالمالى جەلىسى، ەندى ءبىرى قارامايلى، ءۇرىمجى، دۋشانزى قاتارلى ەكونوميكاسى ءبىرشاما دامىعان وڭىرلەردى باستى ساياحاتشى قاينارى ەتكەن ارناۋلى جەلى، الدا جەمەنەي اۋدانىنىڭ بايلىق باسىمدىلىعىن ساياحات ونىمىنە اينالدىرىپ، جەمەنەي اۋدانى ەكونوميكاسىنىڭ دامۋىنا نەگىز قالايمىز».

  قازىر جەمەنەي اۋدانى قويتاس كورىنىس رايونىن كەسىپ وتەتىن 219-مەملەكەت جولى تۇتاسىمەن اشىلدى. قوبىقسارى اۋدانىنان قويتاس كورىنىس رايونىنا تەك 70 كيلومەترلىك قاشىقتىقتاعى جول بويىنىڭ كورىنىسى كوركەم، كورىنىس تۇيىندەرى مول، قاتىناسى توتەنشە قولايلى.

  5-ايدىڭ 1-كۇنى قويتاس كورىنىس رايونى رەسىمي اشىلۋ سالتىن وتكىزەدى. قازىر كورىنىس رايونى ونىمدەرىنەن گەولوگيالىق كەرەمەتتىڭ سىرىنا بويلاۋ، ەكولوگيالىق كورىنىس رايونىن فوتوعا ءتۇسىرۋ، جايلاۋدى ات، تۇيەگە ءمىنىپ ساياحاتتاۋ، سونداي-اق جاياۋ نەمەسە ۆەلوسيپەتكە ءمىنىپ ساياحاتتاۋ قاتارلىلار بار.

  جەمەنەي اۋدانى قويتاس مادەنيەت-ساياحات شەكتى جارنا سەرىكتەستىگىنىڭ جورا باستىعى لي حۋا بىلاي دەدى: «قويتاس ساياحات كورىنىس رايونىن مەملەكەت كولەمىندەگى الدىڭعى قاتارداعى، بەلگىلى باسەكەلىك قۋاتى بار مەملەكەتتىك ەكولوگيالىق باقشاسى، مەملەكەتتىك 5A دارەجەلى ساياحات كورىنىس رايونى، قاناس كورىنىس رايونى باستاماشى بولعان التاي ايماقتىق مىڭ شاقىرىمدىق كاريدورى بويىنداعى ماڭىزدى ءتۇيىن ەتىپ قۇرۋمەن بىرگە جەمەنەي اۋدانى شەكاراسىن ەل اتتاپ ساياحاتتاۋداعى ارنا، التاي تاۋىن اينالا جەكە اۆتوكولىك ايداپ ساياحاتتاۋداعى جيناۋ-جونەلتۋ ورتالىعى، حالىقارالىق ساياحات ۇلكەن ارناسىنا اينالدىرامىز».

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى
  • ايماقتىق اۋا رايى ستانسياسى نوسەرلى جاڭبىردان ساقتانۋدىڭ كوك ءتۇستى ساقتىق سيگىنالىن تاراتتى
  • جىل قۇستارى كوكتەم ءسانىن اسىردى
  • قىزعانىشتان قۇتىلۋ جولدارى
  • ايماعىمىزدا اۋىل- قىستاقتارعا ءبىر يۋانمەن كوشە اۆتوبۋزى قاتىنادى