اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

شىڭگىلدە جايىلمعا ءشوپ تۇقىمىن تولىقتاپ شاشۋ جۇمىسى ىستەلدى

  4 -ايدىڭ 12-كۇنى، شىڭگىل اۋدانىنداعىلار كوكتەمگى وڭتايلى ساتتەن ۇتىمدى پايدالانىپ، شاڭقان سايى وڭىرىندە ءشوپ تۇقىمىن ادام كۇشىمەن تولىقتاپ شاشۋ ءتاسىلى ارقىلى تابيعي جايىلىمدى شۇرايلاندىرۋ ينجەنەرياسىن جۇرگىزىپ، جايىلىمداعى وسىمدىك جامىلعىسىن قالپىنا كەلتىرۋ اياق- الىسىن تەزدەتىپ، تابيعي جايىلىمدى شۇرايلاندىرىپ، جايىلىمنىڭ ءوندىرىس قۋاتىن جوعارىلاتۋعا كۇش سالدى.

  ءشوپ ساپاسىنا كەپىلدىك ەتۋ ءۇشىن شىڭگىل اۋداندىق جايىلىم باقىلاپ- باسقارۋ پۋنكىتىنىڭ تەحنيىكتەرى ءشوپ تۇقىمى شاشىلاتىن وڭىرگە بارىپ، تەحنيكالىق جاقتان جەتەكشىلىك ەتىپ، ءشوپ تۇقىمىن ءبىر تۇتاس تاراتىپ، ساپا وتكەلىن مىقتى ۇستادى. بيىل 52 جاستاعى بادىڭساي ءار جىلى جايلاۋعا كوشەردەن بۇرىن ءۇش اي مولشەرىندە وسى ارادا وتىرادى، جايىلىمعا ءشوپ تۇقىمى شاشىلاتىنىن ەستىگەن ول كىسى جينالاتىن جەرگە ەرتە ەگىس ماشيناسىن ايداپ كەلىپ، كوپشىلىكپەن بىرگە ءشوپ تۇقىمىن تولىقتاپ شاشۋ جۇمىسىنا اتسالىستى.

  ارال قالاشىعى باقىت قىستاعىنىڭ تۇرعىنى بادىڭساي: قازىر مەملەكەتىمىز جايىلىمعا ءشوپ تۇقىمىن تەگىن شاشىپ بەرەدى، بۇل جەر ەندى ءتىپتى دە كورىكتەنەتىن بولدى، اۋىلىمىزدىڭ كوركى اسا تۇسەتىن بولدى، ءبىز ەكولوگيالىق ورتانى قورعاۋ ساياساتىن دارىپتەپ، مالدى قورادا باعۋىمىز كەرەك.

  وسى رەت تابيعي جايىلىمعا ءشوپ تۇقىمىن تولىقتاپ شاشىپ، جايىلىمدى شۇرايلاندىرۋ ينجەنەرياسى بويىنشا 30 مىڭ مۋ جەرگە قۋاڭشىلىققا، سۋىققا ءتوزىمدى كەمزال ءشوپ، ءبيدايىق، قىلقانسىز ارپاباس قاتارلى شوپتەردىڭ تۇقىمى تولىقتاپ شاشىلادى، بيىل شىڭگىل اۋدانىندا 3 ميلليون يۋان نىسان قارجىسىنا قول جەتكىزۋ ارقىلى شاڭقان سايى، كۇنگەيتى، جالاڭاش وڭىرىندەگى 50 مىڭ مۋلىق ازعان جايىلىمعا تولىقتاپ ءشوپ ەگىلىپ، 680 وتباسى وسى ينجەنەريانىڭ يگىلىگىن كورەدى، مەجەمەن ءشوپ تۇقىمىن تولىقتاپ شاشۋ مىندەتى 5-ايدىڭ باس شەنىنە دەيىن جاپپاي ورىندالىپ بولادى.

جاۋاپتى رەداكتور: ءاننا اكىمقان قىزى
  • قىزعانىشتان قۇتىلۋ جولدارى
  • ايماعىمىزدا اۋىل- قىستاقتارعا ءبىر يۋانمەن كوشە اۆتوبۋزى قاتىنادى
  • اعالى - ىنىلەر نان جاۋىپ، بايۋعا ۇمتىلدى
  • شي جينپيڭ استانادا مىندەتتى اعاش ەگۋ قيمىلىنا مىنانى باسا دارىپتەدى