اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

بالىق اۋلاۋعا تيىم سالۋ جونىندە ۇگىت قيمىلى ورىستەتىلدى

  بالىق اۋلاۋعا تيىم سالۋ قىزمەتىن اناعۇرلىم كۇشەيتىپ، جابايى بالىقتى ساتۋ، ساتىپ الۋ، مانەرلەۋ سياقتى زاڭعا قايشى ارەكەتكە قاتاڭ سوققى بەرۋ ءۇشىن، جۋىقتا ايماقتىق اۋىل شارۋاشىلىعى جانە اۋىل-قىستاق مەكەمەسى بالىق شارۋاشىلىعىن باسقارۋ ورتالىق پۋنكتىنىڭ زاڭ اتقارۋشىلارى الۋان ءتۇرلى فورمالار ارقىلى بالىق اۋلاۋعا تيىم سالۋ ۇگىت قيمىلىن، زاڭ اتقارۋ، تەكسەرۋ قىزمەتىن ورىستەتىپ، ايماعىمىزدىڭ بالىق بايلىعى حاۋىپسىزدىگىنە كەپىلدىك ەتتى.

  4-ايدىڭ 8-كۇنى ايماقتىق بالىق شارۋاشىلىعىن باسقارۋ ورتالىق پۋنكتىنىڭ قىزمەتكەرلەرى قابا اۋدانى ساربۇلاق قالاشىعى القابەك قىستاعىنىڭ دۇيسەنبى كۇنگى مەملەكەت تۋىن شىعارۋ ۋاقىتىنان پايدالانىپ شارۋالارعا بالىق اۋلاۋعا تيىم سالۋ جونىندە ۇگىت جۇرگىزدى، سونىمەن بىرگە ۇگىت ماتەريالىن تاراتىپ، شارۋالاردى بالىق بايلىعىن قورعاۋ تانىمىن جوعارلاتۋعا ۇندەدى.

  قابا اۋدانى ساربۇلاق قالاشىعى القابەك قىستاعىنىڭ تۇرعىنى ۇمتىلقان: بۇگىن ايماقتىق بالىق شارۋاشىلىعىن باسقارۋ ورتالىعىنىڭ قىزمەتكەرلەرى مەن قابا اۋداندىق بالىق شارۋاشىلىعىن باسقارۋ پۋنكتىنىڭ قىزمەتكەرلەرى بالىق اۋلاۋعا تيىم سالۋ ۇگىت قيمىلىن ورىستەتىپ، بالىق بايلىعىن قورعاۋدىڭ ماڭىزدىلىعىن تۇسىندىردى، ءبىز بۇدان بىلاي بالىق اۋلاۋعا تيىم جونىندەگى زاڭ- تۇزىمدەرگە سانالىلىقپەن بويسىنىپ، بالىق بايلىعىن قورعاۋعا ءتيىستى ۇلەس قوسامىز.

  ۇگىت قيمىلى اياقتالعاننان كەيىن بالىق شارۋاشىلىعىن باسقارۋ ورتالىعىنىڭ زاڭ اتقارۋشى قىزمەتكەرلەرى قابا اۋدانىنداعى ەرتىس وزەنىنىڭ بويىندا ارالاپ تەكسەرۋ قيمىلىن ورىستەتتى ءارى ەرتىس وزەنى جاعاسىنداعى كونە اۋ جانە باسقادا بالىق اۋلاۋعا قاجەتتى جابدىقتاردى جينادى.

  ايماقتىق بالىق شارۋاشىلىعىن باسقارۋ ورتالىق پۋنكتىنىڭ مەڭگەرۋشىسى جوۋ بو: بالىق اۋلاۋعا تيىم سالۋ جونىندە ۇگىت قيمىلىن ورىستەتۋ ارقىلى بۇقارانى بالىق اۋلاۋعا تيىم سالۋ زاڭ بەلگىلەمەسىنە بويسىنىپ، بالىق بايلىعىن قورعاۋعا ۇلەس قوسۋعا ۇندەدىك، ءبىز الداعى جەردە ارالاپ تەكسەرۋ تەبىنىن ارتتىرىپ، زاڭسىز بالىق اۋلاۋ ارەكەتىنە قاتاڭ سوققى بەرىپ، زاڭسىز بالىق اۋلاۋشىلاردى قاتاڭ ءبىرجايلى ەتەمىز.

  4-ايدىڭ 10-كۇنى بۋىرشىن اۋداندىق اۋىل شارۋاشىلىعى جانە اۋىل-قىستاق مەكەمەسىنىڭ زاڭ اتقارۋشى قىزمەتكەرلەرى ۇگىت ماتەريالىن تاراتۋ، بالىق اۋلاۋعا تيىم سالۋ بىلىمدەرىن تۇسىندىرۋ سياقتى تاسىلدەردى قولدانىپ، قالىڭ حالىق بۇقاراسىنا بالىق اۋلاۋعا تيىم سالۋ بىلىمدەرىن ۇگىتتەدى. ءارى 30 نەشە اسحانانىڭ قوجايىندارىمەن بالىق اۋلاۋعا تيىم سالۋ ۋادە حاتىنا قول قويىستى، زاڭ اتقارۋشى قىزمەتكەرلەر وسى جولعى ۇگىت قيمىلىن ورىستەتۋ ارقىلى بۇقارانىڭ بالىق بايلىعىن قورعاۋ ساناسىن جوعارىلاتىپ، تاماشا قوعامدىق ونىمدىلىككە قول جەتكىزدى.

  بۋىرشىن اۋدانىنداعى اسحانانىڭ قوجايىنى دۋ يوۋ: بۇگىن ۇگىت قيمىلىنا قاتىناسىپ، بالىق اۋلاۋعا تيىم سالۋ بىلىمدەرىن ۇيرەندىم، بالىق اۋلاۋعا تيىم سالۋ ۇرپاقتارعا پايدالى ءىس ەسەپتەلەدى، سوندىقتان كوپشىلىك بەلسەنە اتتانىسقا كەلىپ، جابايى بالىق ساتۋ ارەكەتىنە قارسى تۇرىپ، بالىق بايلىعىن قورعاۋعا ۇلەس قوسۋلارى كەرەك.

  بۋىرشىن اۋدانىنداعى اسحانانىڭ قوجايىنى ماليڭ: مۇنان بىلاي جابايى بالىق ساتۋعا تيىم سالىپ زاڭ بويىنشا تيجارات جۇرگىزەمىز.

  ەرتىس وزەنى الابىنداعى سۋ ايدىنىنىڭ ەكولوگيالىق ورتاسى وزگەشە بولعاندىقتان الابۇعا، نالىم بالىعى، الاشورتان سياقتى 30 نەشە ءتۇرلى سۋىق سۋ بالىعى تىرشىلىك ەتەدى. جاقىنعى جىلداردان بەرى بالىق اۋلاۋعا تيىم سالۋ مەزگىلىندە، وزەنگە بالىق شاباعىن قويا بەرۋ، بالىق شارۋاشىلىعى زاڭىنىڭ اتقارىلۋىن كۇشەيتۋ سياقتى تاسىلدەردىڭ ارقاسىندا تابان بالىق، سازان، شورتان سياقتى بالىق بايلىعى ويداعىداي قورعالىپ جانە ودان ۇيلەسىمدى پايدالانىلىپ، ەرتىس وزەنىندەگى بالىق بايلىعىنىڭ باياندى دامۋى ءونىمدى جەبەلدى.

جاۋاپتى رەداكتور: ءاننا اكىمقان قىزى
  • قىزعانىشتان قۇتىلۋ جولدارى
  • ايماعىمىزدا اۋىل- قىستاقتارعا ءبىر يۋانمەن كوشە اۆتوبۋزى قاتىنادى
  • اعالى - ىنىلەر نان جاۋىپ، بايۋعا ۇمتىلدى
  • شي جينپيڭ استانادا مىندەتتى اعاش ەگۋ قيمىلىنا مىنانى باسا دارىپتەدى