اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماعىمىز 2019 ـ جىلعى ورمان،جايلىم ءورتىن ءوشىرۋ مانەۆرىن وتكىزدى

  التاي گازەتىنىڭ ءتىلشىسى ارداق بەيىسقان ۇلى حابارلايدى. ايماعىمىزدىڭ ورماندى،جايلىمدى ورتتەن قورعاۋ ورەسىن جوعارىلاتۋ ماقساتىمەن، 4 ـ ايدىڭ 12 ـ كۇنى تۇستەن بۇرىن ايماعىمىز 2019 ـ جىلعى ورمان، جايلىم ءورتىن ءوشىرۋ مانەۆرىن وتكىزدى. ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى قادەن كابەن ۇلى مانەۆرگە باس قولباسشىلىق ىستەدى.

  ناق مايداندا ۇقساتپالى ورمان ٴورت اپاتى تۋىلىپ، مانەۆر باستالاردان بۇرىن تاڭبالى كولى جاعاسىنداعى «ٴورت جاعدايى» ۇقساتپالى كورىنىسىن ەكولوگيالىق ورمان قورعاۋشىسى كورگەننەن كەيىن ورمان قورعاۋ قىزمەتكەرىنە دەرەۋ مالىمدەدى، مالىمەتتى تاپسىرىپ العاننان كەيىن، شۇعىل اتتانىسقا كەلىپ، ٴورت ٴوشىرۋ قىزمەتكەرلەرى دەرەۋ توپتاسىپ ناق مايدانعا جەتىپ بارىپ، سۋ قاينارىن تاۋىپ، سۋ ناسوسى، جوعارى كەرنەۋلى توك سۋ ناسوسى جانە جەل كۇشىنەن پايدالانىپ ءورت ءوشىرۋ كاسىپتىك قۇرالدارىمەن ءورتتى وشىرۋگە كىرىسىپ، ءورت كولەمىنىڭ ۇلعايۋىنىڭ الدىن الىپ، جارىم ساعاتقا جەتپەيتىن ۋاقىتتا ٴورتتى نەگىزىنەن ءوشىرىپ بولدى.

  سوڭىندا ءورت وشىرۋشىلەر ءورت كەتكەن مايداندى قايتالاي تازالاپ، وت ۇشقىنىنىڭ تۇتانۋىنىڭ الدىن الىپ، مۇقيات تەكسەردى. مانەۆردە ەمدەۋ اترەتى دە ءورت مايدانىندا جارالانعان قىزمەتكەرلەردى قۇتقارۋ، ەمدەۋ جاتتىعۋىن جاسادى.

  قادەن كابەن ۇلى بىلاي دەپ اتاپ كورسەتتى: «ءار دارەجەلى، ءارقايسى تاراۋلار يدەيا مەن ارەكەتتى باس شۋجي شي جينپيڭنىڭ ورتتەن ساقتانۋ جونىندەگى ماڭىزدى نۇسقاۋى بەكىتپە رۋحىنا، ايماقتىق پارتكوم مەن اكىمشىلىك مەكەمەسىنىڭ ورماندى ورتتەن ساقتاۋ قىزمەتىن قورىتىندىلاۋ ورنالاستىرۋىنا بىرلىككە كەلتىرىپ، ورماندى ورتتەن ساقتاۋ ۇگىت تەبىنىن كۇشەيتىپ، ٴار ۇلت بۇقاراسىنا ‹ورماندى ٴوڭىر __ ٴىرى ٴىس، ورتتەن ساقتانۋ __ٴبىرىنشى› دەيتىن يدەيانى بەرىك ورناتىپ، سانالى تۇردە ساقتانىپ، ىرىقتىلىقپەن الدىن الۋ كەرەك».

  قادەن كابەن ۇلى مىنانى تالاپ ەتتى: «وسى جولعى ورماندى ورتتەن ساقتاۋ مانەۆرىن وراي ەتىپ، جاۋاپكەرلىك پەن بورىشتى ونان ارى جوعارىلاتىپ، شىنايى يگەرىپ، ناقتى ىستەپ، جاپا ـ ماشاقاتتان قورىقپاي، اۋىر مىندەتتى ارقالاپ، ورماندى ورتتەن ساقتاۋ قىزمەتىن كۇشەيتىپ، حاۋىپسىز دە جاراسىمدى، ورنىقتى قوعامدىق ورتا قۇرۋ قاجەت».

  وسى رەتكى بىرلەسپە مانەۆردى ايماقتىق شۇعىل جاعدايعا توتەپ بەرۋدى باسقارۋ مەكەمەسى، التاي تاۋ ورمانىن باسقارۋ مەكەمەسىنىڭ ورگانى، سونداي ـ اق ٴارقايسى بولىمشە مەكەمەلەر، ايماقتىق ورماندى ورتتەن ساقتاۋ ۇلكەن اترەتى، التاي ورمان قوعام حاۋىپسىزدىگى بولىمشە مەكەمەسى، ايماقتىق ورمان شارۋاشىلىعى جانە جايلىم مەكەمەسى بىرگە وتكىزدى.

جاۋاپتى رەداكتور: ءاننا اكىمقان قىزى
  • قىزعانىشتان قۇتىلۋ جولدارى
  • ايماعىمىزدا اۋىل- قىستاقتارعا ءبىر يۋانمەن كوشە اۆتوبۋزى قاتىنادى
  • اعالى - ىنىلەر نان جاۋىپ، بايۋعا ۇمتىلدى
  • شي جينپيڭ استانادا مىندەتتى اعاش ەگۋ قيمىلىنا مىنانى باسا دارىپتەدى