اعاجاي-التاي تورابى   ›   مادەنيەت ارناسى   ›   ونەگە

ەر ادامدار جارىن قالاي تاڭدايدى؟

  ەر ادامداردىڭ كوپشىلىگى جار تاڭداعاندا ارنايى ءتىزىم جاساپ، ناقتى تالاپتار جايلى اسا ويلانباعانمەن، بەيسانالى تۇردە ءبىرىنشى كەزەكتە، اناسىنا نەمەسە سۇيىكتى ۇستازىنا ۇقسايتىن قىز ىزدەيدى. ماحاببات سىرتقى كەلبەتكە، جاس ايىرماشىلىعىنا نەمەسە اقىلعا قارامايدى. ءار ادام ءارتۇرلى جانە اركىمنىڭ ءوز تالعامى بولعانىمەن، ەر ادامدار جار تاڭداردا ءجيى ءمان بەرەتىن كەي شارتتار بار.

  ءوزىن-ءوزى جاقسى كورۋ

  ەرلەر ءوز-ءوزىن جاقسى كورەتىن، باعالايتىن جانە قۇرمەتتەيتىن ايەلدەردى تاڭدايدى. وزىنە قامقور بولمايتىن ايەل باسقانى دا سۇيە المايدى. مۇنداي ايەلدەر ومىرلىك جارىن، سۇيىكتىسىن ىزدەپ تاپقاندا ءبارى جاقسى بولادى دەپ ويلايدى. ال نەگىزىندە، ولار ەر ادامنىڭ كومەگىمەن وزىنە دەگەن سۇيىسپەنشىلىك جەتىسپەۋىنىڭ ورنىن تولتىرعىسى كەلەدى. الايدا ايەل ءوزىن جاقسى كورمەيىنشە ول ورىندى ماحابباتپەن تولتىرۋ مۇمكىن ەمەس. مۇنداي قارىم-قاتىناس ۇنەمى رەنىشتى، نارازىلىقتى انىقتاۋمەن بولادى. ءوزىن جاقسى كورمەيتىن ايەل ىشىندەگى بارلىق نەگاتيۆتى، بالا كەزىندەگى رەنىشتەرىن (مىسالى، اكەسىنىڭ ماحابباتى جەتىسپەگەن قىز) جانە باسقا دا نارازىلىقتارىن ەر ادامعا جىبەرەدى. سوندىقتان، ءبىرىنشى كەزەكتە ءوزىڭىزدى جاقسى كورۋدى، قۇرمەتتەۋدى ۇيرەنىپ، بولمىسىڭىزدى قابىلداڭىز.

  تابيعيلىق

  ەر ادام ايەلدىڭ ءوزىن-ءوزى جاقسى كورەتىندىگىن ءبىرىنشى كەزدەسكەننەن-اق كورە الادى. ءوزىن جاقسى كورەتىن ايەل بارىنشا تابيعي بولۋعا (مىسالى، ەرنىن ۇلكەيتپەيدى جانە ت.ب) تىرىسادى. مۇنداي ايەل سۇلۋلىقتىڭ تۇراقسىز ەكەنىن جانە اركىمگە سۇلۋلىق وزىنشە ءبىر تۇسىنىك ەكەنىن بىلەدى. ولار قانداي دا ءبىر ستاندارتقا ساي بولۋعا تىرىسپايدى. ولار ءۇشىن ءبىرىنشى كەزەكتە، دەنساۋلىققا، تەرىگە كۇتىم جاساۋ ماڭىزدى جانە ىڭعايلى، وزىنە ۇيلەسەتىن ءستيلدى ۇستانادى.

  ىشكى سۇلۋلىق پەن ۇيلەسىمدىلىك

  باقىت – ادامنىڭ ىشكى جان دۇنيەسى، ادانىڭ ءوز-وزىمەن ۇيلەسىمدىلىكتە بولۋى. ارينە، بۇل قالاي بولسا سولاي كيىنىپ، سىرتقى كەلبەتكە تىپتەن ءمان بەرمەۋ كەرەك دەگەن ءسوز ەمەس. ادامنىڭ ىشكى جان دۇنيەسى ادەمى بولسا، ول ادام سىرتتاي دا ۇقىپتى، ىڭعايلى ءارى جاراسىمدى كيىنىپ جۇرەدى.

  اينالاداعىلارمەن جاقسى قارىم-قاتىناستا بولۋ

  ەر ادام ايەلدىڭ اينالاسىنداعى ادامدارىمەن جانە ءوزىنىڭ اتا-اناسىمەن، دوستارىمەن قارىم-قاتىناسىنا ءمان بەرەدى. سەبەبى ول ءوز جاقىندارىن سىيلامايتىن، جانى اشىمايتىن ايەل ونىڭ دا جاقىندارىنا سولاي قارايتىندىعىن تۇسىنەدى. جاقىندارى مەن سۇيىكتىسى بىردەن ءتىل تابىسىپ كەتسە، ەر ادامعا ودان ارتىق ەشتەڭە كەرەك ەمەس.

  تىڭداي ءبىلۋ

  كەز كەلگەن ادامعا ءوزىن تىڭداي بىلەتىن اداممەن سويلەسكەن ۇنايدى. ال ەرلى-زايىپتىلار اراسىندا ءبىر-ءبىرىن تىڭداي الۋى، ءبىر-ءبىرىنىڭ ماسەلەسىنە نەمقۇرايلى قاراماۋى وتە ماڭىزدى. سوندىقتان ەر ادام ايەل تاڭداۋدا ءوزىن تىڭداي الاتىندىعىنا، ءسوزىن بولمەيتىندىگىنە جانە كەڭەسىنە قۇلاق تۇرەتىندىگىنە ءمان بەرەدى.

  تاماق پىسىرە ءبىلۋ

  كوپتەگەن ەرلەر ءۇشىن ايەلدىڭ تاماق پىسىرە ءبىلۋى ــ باقىتتى وتباسىنىڭ مىندەتتى شارتىنىڭ ءبىرى. الايدا، ايەلى تاماق پىسىرە الماسا دا باقىتتى ءومىر ءسۇرىپ جۇرگەن وتباسىلار بار. ەرلەر ايەلدىڭ ءدامدى تاماعىن وزدەرىنە دەگەن ماحابباتى رەتىندە قابىلدايدى. ونىڭ ناقتى نەمەن بايلانىستى ەكەنى بەلگىسىز، ءبىراق بالاسى ءوسۋ ءۇشىن جانە مىقتى بولۋ ءۇشىن اناسى ءدامدى تاماقتار بەرىپ، ءوز قامقورى مەن سۇيىسپەنشىلىگىن سولاي كورسەتۋىمەن بايلانىستى بولۋى مۇمكىن. سوندىقتان ايەلدىڭ سۇيىكتىسىنە ءدامدى تاماق پىسىرگىسى كەلۋى ماڭىزدى پارامەتر.

  ەر ادام باستىسى، جان دۇنيەسىنە جاقىن، كوزقاراستارى ۇقسايتىن، ءاردايىم جانىندا جۇرۋگە دايىن، ءوزىن سەزەتىن ايەل تاڭدايدى.

جاۋاپتى رەداكتور: ءاننا اكىمقان قىزى
  • ايماعىمىزدا اۋىل- قىستاقتارعا ءبىر يۋانمەن كوشە اۆتوبۋزى قاتىنادى
  • اعالى - ىنىلەر نان جاۋىپ، بايۋعا ۇمتىلدى
  • شي جينپيڭ استانادا مىندەتتى اعاش ەگۋ قيمىلىنا مىنانى باسا دارىپتەدى
  • 4ـ ايدا دا قار شاڭعى تەبۋگە بولادى