اعاجاي-التاي تورابى   ›   مادەنيەت ارناسى   ›   بىلگەنگە مارجان

وتىرىك ايتۋدى قالاي قويۋعا بولادى؟

  ءسىز وتىرىك ايتاسىز با؟ ەگەر «ءيا» دەپ مويىنداساڭىز جەتىستىككە جەتۋگە مۇمكىندىگىڭىز الدەقايدا زور. ويتكەنى ەڭ اۋىر وتىرىكتەر «مەن وتىرىك ايتپايمىن» دەگەننەن باستالادى. وتىرىكتى سەرىك ەتۋدەن شارشاساڭىز، مىنا كەڭەستەردى قولدانىپ كورىڭىز.

  1.سەبەبىن انىقتاڭىز: وتىرىك ايتۋدى قاشان جانە نە سەبەپتى باستاعانىڭىزدى ەسىڭىزگە ءتۇسىرىڭىز. وتىرىك – تاۋەلدىلىككە الىپ كەلەتىن اۋرۋ ءتۇرى. ەگەر اسقىنىپ كەتسە، ونىمەن كۇرەسۋ قيىنداي تۇسپەك. ەگەر جالعىز قولىڭىزدان كەلمەسە، دوستارىڭىز بەن وتباسىڭىزدىڭ كومەگىنە سۇيەنىڭىز.

  2. وتىرىكتىڭ اقىرى قانداي بولاتىنىن ەستەن شىعارماڭىز: «وتىرىكتىڭ قۇيرىعى ءبىر-اق تۇتام». وتىرىك قارىم-قاتىناستاردى وڭاي بۇزاتىن، سەنىمنىڭ قابىرعاسىنا زالال تيگىزەتىن پايداسىز قاسيەت. ءار ۋاقىت وتىرىك نەگە الىپ كەلەتىنىن ەسىڭىزگە سالىپ وتىرىڭىز. ەگەر بويىڭىزداعى ۇياتتىڭ كۇشى باسىم بولسا، ءسوزسىز جەڭەسىز.

  3. وتىرىكتى مويىنداڭىز: ءوزىڭىزدىڭ وتىرىك ايتىپ تۇرعان ءساتىڭىزدى سەزگەن بويدا وعان سەبەپ ىزدەپ، اقتالۋعا تىرىسپاڭىز. مويىنداڭىز. وزىڭىزگە دەگەن ادىلەتتىلىگىڭىز جويىلعان سايىن، وتىرىك ايىرىلماس جولداسىڭىزعا اينالادى.

  4.مۇمكىن ەمەس دۇنيەگە ۋادە بەرمەڭىز: قولىڭىزدان كەلمەسە شىندىقتى ايتىڭىز. بوس ۋادەمەن ءۇمىتتىڭ وتىن جاعىپ قوياتىڭىزدى ەستەن شىعارماڭىز. ءسىزدىڭ بوس ءسوزىڭىز بىرەۋلەر ءۇشىن ماڭىزدى بولۋى ابدەن مۇمكىن.

  5.ءوزىڭىزدىڭ قۇنىڭىزدى ءبىلىڭىز: وزىڭىزگە دەگە سەنىمسىزدىكتىڭ كەسىرىنەن وتىرىك ايتۋىڭىز ابدەن مۇمكىن. سوندىقتان ءوزىڭىزدىڭ قانداي ادام ەكەنىڭىزگە زەرتتەۋ جۇرگىزىڭىز. دوستارىڭىز بەن باۋىرلارىڭىزدان ءوزىڭىز تۋرالى سۇراڭىز. جامان قاسيەتتەرىڭىزبەن كۇرەسۋدى باستاعانىڭىز ءجون.

جاۋاپتى رەداكتور: ءاننا اكىمقان قىزى
  • ايماعىمىزدا اۋىل- قىستاقتارعا ءبىر يۋانمەن كوشە اۆتوبۋزى قاتىنادى
  • اعالى - ىنىلەر نان جاۋىپ، بايۋعا ۇمتىلدى
  • شي جينپيڭ استانادا مىندەتتى اعاش ەگۋ قيمىلىنا مىنانى باسا دارىپتەدى
  • 4ـ ايدا دا قار شاڭعى تەبۋگە بولادى