اعاجاي-التاي تورابى   ›   اقپارات ايدىنى   ›   ماڭىزدى حابارلار

شينجياڭداعى تۇڭعىش ەتاننان ەتيلەن ءوندىرۋ نىسانىنىڭ ىرگە تاسى قالاندى

جيىنى 9 ميلليارد 50 ميلليون يۋان قارجى قوسىلدى، بۇل — جۇڭگو مۇناي - تابيعي گاز توبى شەكتى سەرىكتەستىگىنىڭ وڭتۇستىك شينجياڭداعى جەكە ءتۇر بويىنشا قارجى قوسقان كولەمى ەڭ ۇلكەن ايىرۋ نىسانى

  شينجياڭ گازەتىنىڭ ءتىلشىسى  ما ينيڭ 4 - ايدىڭ 10 - كۇنى كورلادان حابارلايدى. 4 - ايدىڭ 10 - كۇنى، شينجياڭداعى تۇڭعىش ەتاننان ەتيلەن ءوندىرۋ نىسانى − جۇڭگو مۇناي - تابيعي گاز توبى شەكتى سەرىكتەستىگىنىڭ تارىم ەتاننان ەتيلەن ءوندىرۋ نىسانى كورلا شاڭكۋ جوعارى - جاڭا تەحنيكا اشۋ رايونىنداعى مۇناي، مۇناي حيميا كاسىپ باقشاسىندا ىرگە تاسىن قالادى. بۇل نىسان ورىندالعاننان كەيىن، وڭتۇستىك شينجياڭدا ەتيلەندى باستاماشى جانە جەتەكشى ەتكەن كاسىپ شوعىرىن قالىپتاستىرادى، ول جەرگىلىكتى ورىننىڭ ەكونوميكاسىنىڭ دامۋى مەن جۇمىستاندىرۋىن جەبەۋ جونىنەن ماڭىزدى مانگە يە.

  ”بۇل نىسان تارىم مۇنايلىعىنىڭ مول تابيعي گاز بايلىعى مەن جۇڭگو مۇناي - تابيعي گاز توبى شەكتى سەرىكتەستىگىنىڭ دەربەس مال - مۇلىك ۇقىعىن سۇيەنىش ەتكەن جۇيەلى ەتيلەن وڭدەۋ تەحنولوگيا قۇرىلىسىنىڭ ەلىمىزدەگى تۇڭعىش توپتاعى تازا ەتان شيكىزاتىنان ەتيلەن ءوندىرۋ قۇرىلعىلارىنىڭ ءبىرى، تارىم مۇنايلىعى سەرىكتەستىگىنىڭ جوعارى - تومەنگى اعار ءبىر تۇلعالانعان جوعارى ساپالى دامۋدى جەدەلدەتۋدەگى، وڭتۇستىك شينجياڭ ەكونوميكاسىنىڭ، قوعامىنىڭ دامۋىن جەبەۋدەگى تاعى ءبىر كەلەلى ينجەنەريا. بۇل نىسان ءوز بايلىعىن تياناق ەتىپ، بايلىقتىڭ جوعارى قوسىمشا قۇنىن جان - جاقتى پايدالانۋعا جەتەكشىلىك ەتۋ جانە ەتيلەن ونەركاسىبى سالاسىنىڭ شەتەلدىڭ تەحنيكاسىنا يەك سۇيەۋ مولشەرىن تومەندەتۋ سىندى ەكى بىردەي ۇلگىلىك رولعا يە“، - دەپ تانىستىردى تارىم مۇنايلىعى سەرىكتەستىگىنىڭ ورىنباسار باس ديرەكتورى شۇي ۋىنچيڭ.

  ۇعىسۋعا قاراعاندا، تارىم ەتاننان ەتيلەن ءوندىرۋ نىسانىنا جيىنى 9 ميلليارد 50 ميلليون يۋان قارجى قوسىلعان، ول جۇڭگو مۇناي - تابيعي گاز توبى شەكتى سەرىكتەستىگىنىڭ وسىعان دەيىن وڭتۇستىك شينجياڭدا جەكە ءتۇر بويىنشا قارجى قوسقان كولەمى ەڭ ۇلكەن ايىرۋ نىسانى ەكەن، قۇرىلىس مازمۇنى، باستىسى، جىلىنا 600 مىڭ توننا ەتيلەن ءوندىرۋ قۇرىلعىسىن، جىلىنا 300 مىڭ توننا تۇتاس تىعىزدىقتاعى ەتيلەن ءوندىرۋ قۇرىلعىسىن، جىلىنا 300 مىڭ توننا جوعارى تىعىزدىقتاعى ەتيلەن ءوندىرۋ قۇرىلعىسىن، سونداي - اق سايكەستى الەۋمەتتىك ينجەنەريانى، قوسىمشا ءوندىرىس قۇرىلعىلارىن جانە زاۆودتان سىرتقى قۇرىلىستاردى قامتيدى. نىساننىڭ جۇمىسى 6 - ايدىڭ 1 - كۇنى جاپپاي باستالىپ، 2021 - جىلى 6 - ايدا سالىپ بولۋ جوسپارلانعان، مەجە بويىنشا جىلىنا ءبىر ميلليارد 29 ميلليون يۋان پايدا كىرگىزەدى ەكەن.

  تابيعي گازى ەل ىشىندەگى جالپى ءونىم مولشەرىنىڭ التىدان ءبىرىن ۇستايتىن تارىم مۇنايلىعىنىڭ 2020 - جىلعى ءونىم مولشەرىن 31 ميلليارد تەكشەمەترگە جەتكىزۋ جوسپارلانعان. مۇنىڭ ىشىندە، سالىنىپ بولعان تارىم مۇنايلىعى كوندەنساتتى گاز جەڭىل كومىرسۋتەگىن جىنتىكتەي جيناۋ ينجەنەرياسىنىڭ جىلىنا ءبىر جاقتى ەتەتىن تابيعي گاز مولشەرى 10 ميلليارد تەكشەمەتر، ونان ءار جىلى ايىرىلاتىن 762 مىڭ توننا ەتان ەتاننان ەتيلەن ءوندىرۋ نىسانىن شيكىزاتپەن قامدايدى.

  ۇعىسۋعا قاراعاندا، سۇيىلتىلعان گاز، مۇناي ايىرىندىسى، كومىردەن ەتيلەن ءوندىرۋ سياقتى ءداستۇرلى تەحنولوگيالارمەن سالىستىرعاندا، ەتاننان ەتيلەن ءوندىرۋ ەتيلەن جينالۋ مولشەرى جوعارى، ەنەرگيانى سارىپ ەتۋى تومەن، جۇمىس بارىسى قىسقا، وزىندىك قۇنى تومەن بولۋداي ارتىقشىلىقتارعا يە ەكەن. ”بۇل نىسان تومەن قوسىمشا قۇندىق تابيعي گازدى جوعارى قوسىمشا قۇندىق پوليەتيلەنگە اينالدىرادى، قوسىمشا قۇندى 8 دە 10 ەسەگە دەيىن ارتتىرادى“، - دەدى شۇي ۋىنچيڭ تانىستىرىپ. ەل ءىشى بازارىندا پوليەتيلەن ءونىمى ۇزاق ۋاقىت جەتىسپەۋ، اسىرەسە، PE قۇبىر ماتەريالدارى، سوزبا تالشىق سياقتى جوعارى تىعىزدىقتاعى پوليەتيلەن ونىمدەرىنە دەگەن سۇرانىستىڭ ارتۋى ءبىرشاما تەز، باعاسى ۇزاق ۋاقىت بويى سالىستىرمالى جوعارى بولعاندىقتان، كىرىس كىرگىزۋ قۋاتى ءبىرشاما كۇشتى ايىرۋ تۇرلەرىنىڭ ءبىرى ەسەپتەلەدى. جۇڭگو تابيعي گازىنىڭ جاڭالىق اشۋدان ۇلگى كورسەتۋ نىسانى رەتىندە، ەتاننان ەتيلەن ءوندىرۋ نىسانى سالىنىپ وندىرىسكە قوسىلعاننان كەيىن، تارىم مۇنايلىعىنىڭ 30 ميلليون توننالىق وسىزاماندانعان ءىرى مۇناي - گاز الابى قۇرىلىسىنا جاڭا ونىمدىلىك ارتتىرۋ ءتۇيىنىن جەتىلدىرىپ قانا قالماستان، كاسىپ تىزبەگىنىڭ كەڭەيۋى مەن قۇن تىزبەگى دارەجەسىنىڭ جوعارىلاۋىن دا جۇزەگە اسىرىپ، بايىنعولين موڭعۇل اۆتونوميالى وبلىسىنىڭ مۇناي، مۇناي حيميا كاسىبىن زورايتۋىنا، كۇشەيتۋىنە نەگىز قالاپ، كورلا توقىماشىلىق، كيىم - كەشەك بازارى قۇرىلىسىمەن سايكەستى داميدى.
 

جاۋاپتى رەداكتور: ءاننا اكىمقان قىزى
  • ايماعىمىزدا اۋىل- قىستاقتارعا ءبىر يۋانمەن كوشە اۆتوبۋزى قاتىنادى
  • اعالى - ىنىلەر نان جاۋىپ، بايۋعا ۇمتىلدى
  • شي جينپيڭ استانادا مىندەتتى اعاش ەگۋ قيمىلىنا مىنانى باسا دارىپتەدى
  • 4ـ ايدا دا قار شاڭعى تەبۋگە بولادى