اعاجاي-التاي تورابى   ›   اقپارات ايدىنى   ›   ماڭىزدى حابارلار

ولقىلىقتاردى تولىقتاۋدى جەدەلدەتىپ، ساياحات كاسىبىنىڭ جوعارى ساپالى دامۋىن ۇزدىكسىز ىلگەرىلەتەيىك

اۆتونوميالى رايون ساياحات كاسىبىن دامىتۋ باسشىلىق گرۋپپاسىنىڭ ءماجىلىسىن اشتى

  شينجياڭ گازەتىنىڭ ءتىلشىسى جاڭ يانفاڭ 4 - ايدىڭ 10 - كۇنى ۇرىمجىدەن حابارلايدى. 4 - ايدىڭ 10 - كۇنى تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوننىڭ ساياحات كاسىبىن دامىتۋ باسشىلىق گرۋپپاسىنىڭ ءماجىلىسىن باسقارىپ اشىپ، 1 - توقسانداعى ساياحات قىزمەتى جاعدايىنان بەرگەن مالىمەتتى تىڭداپ، 2020 - جىلعى رايونىمىزدىڭ ساياحات كاسىبىنىڭ دامۋ نىساناسىن ارقاۋ ەتىپ، ساياحات كاسىبىنىڭ دامۋىنا تۇساۋ بولعان ”ءۇشتىڭ قيىن بولۋى، ءبىردىڭ ىركىلىسسىز بولماۋى“ (دارەتكە وتىرۋ قيىن، اۆتوكولىك توقتاتۋ قيىن، ماي قۇيۋ قيىن، حابارلاسۋ سيگنالىنىڭ ىركىلىسسىز بولماۋى) ماسەلەسىن شەشۋدى اقىلداسىپ، ساياحات كاسىبىنىڭ جوعارى ساپالى دامۋىن ۇزدىكسىز ىلگەرىلەتتى.

  ءماجىلىس مىنالاردى اتاپ كورسەتتى: بىلتىر اۆتونوميالى رايون ساياحات كاسىبىن دامىتۋ جينالىسىن اشقاننان بەرى جەر - جەر، تاراۋلار ىرىقتى تۇردە ىسكەرلىك كورسەتىپ، ”ءۇشتىڭ قيىن بولۋى، ءبىردىڭ ىركىلىسسىز بولماۋى“ ماسەلەسى العاشقى ادىمدا شەشىلىپ، ساياحات بويىنشا قىزمەت وتەۋ ورتاسى جاقسارۋدا. بيىل 1 - توقساندا تۇتاس رايونىمىز 21 ميلليون 395 مىڭ 200 ادام - رەت ساياحاتشى قابىلداپ، سايكەس مەزگىلدەگىدەن %67.31 ارتىپ، ساياحات كاسىبى ءساتتى باستامانى جۇزەگە اسىردى.

  ءماجىلىس مىنالاردى باسا دارىپتەدى: ماسەلەنى باعدار ەتۋگە تاباندى بولىپ، نازاردى كورنەكتى ماسەلەلەرگە شوعىرلاندىرىپ، ىرىقتى تۇردە قىزمەت وتەپ، ىرىقتى تۇردە جوبالاپ، ولقىلىقتاردى تولىقتاۋدى جەدەلدەتىپ، ”ءۇشتىڭ قيىن بولۋى، ءبىردىڭ ىركىلىسسىز بولماۋى“ ماسەلەسىن شىن مانىندە شەشۋ كەرەك. ”دارەتحانا توڭكەرىسى“ن بار كۇشپەن ىلگەرىلەتىپ، كورىنىس وڭىرلەرىندە، سونداي - اق جول جيەگىندە دارەتحانا از بولۋ، ورنى شەتكەرى بولۋ، ادامنىڭ كوپ بولۋى، قاتارعا ءتىزىلۋ سياقتى ماسەلەلەردى شىن مانىندە شەشىپ، ساياحات دارەتحانالارىنىڭ ”تازا دا ءيىسسىز، تەگىن پايدالانىلۋ، باسقارۋى ءونىمدى“ بولۋىن ورىنداۋ؛ ءتۇيىندى كورىنىس وڭىرلەرىندە (ءتۇيىن) ۋاقىتشا اۆتوتۇراقتاردى كوبەيتىپ قۇرىپ، اۆتوكولىك توقتاتۋ قيىن بولۋ ماسەلەسىن بىرتىندەپ تۇبىرىنەن شەشۋ؛ ساياحات كورىنىس وڭىرلەرى جەلىسىندەگى ماي قۇيۋ پۋنكتتەرىن ۇيلەسىمدى، سايكەستى، جاڭادان كوبەيتىپ، جاڭالاپ، ماي قۇيۋ پۋنكتتەرىنىڭ سايكەستى قىزمەت وتەۋ قۇرىلعىلارىن كەمەلدەندىرۋ؛ سىمسىز توردىڭ قامتىمىن جەدەل ىلگەرىلەتىپ، ساياحات كورىنىس ءوڭىرى، اۋىل - قىستاق ساياحات ءتۇيىنى سياقتى تاعان بەكەتتەردى ۇيلەسىمدى ورنالاستىرىپ، ”سانى جەتكىلىكتى، ورنالاسۋى ۇيلەسىمدى، سيگنال ىركىلىسسىز بولۋ“ىن جۇزەگە اسىرۋ كەرەك.

  شوكىرات زاكىر مىنالاردى تالاپ ەتتى: جەر - جەر، تاراۋلار نازاردى باس نىساناعا شوعىرلاندىرىپ، ەكولوگيالىق وركەنيەت قۇرىلىسىن، حاۋىپسىزدىك جانە قىزمەت وتەۋ، قامتاماسىزداندىرۋ قىزمەتىن كورنەكتى تۇردە مىقتى يگەرۋ كەرەك. جاسىل دامۋدىڭ ساياحات كاسىبىنىڭ جوعارى ساپالى دامۋىنا جەتەكشىلىك ەتۋىنە تاباندى بولىپ، اقاۋسىز، ءتارتىپتى ساياحات بازارى ءتارتىبىن قالىپتاستىرۋ؛ ”ءۇشتىڭ قيىن بولۋى، ءبىردىڭ ىركىلىسسىز بولماۋى“ ماسەلەسىن شەشۋدى تۇتقا ەتىپ، ساياحات حاۋىپسىزدىگىن قامتاماسىز ەتۋ مەحانيزمىن جانە شۇعىل جاعدايعا توتەپ بەرۋدەگى قۇتقارۋ - كومەك بەرۋ جۇيەسىن، ت.ب ورناتىپ، كەمەلدەندىرىپ، ساياحاتشىلاردىڭ باس اماندىعىن، مال - مۇلىك حاۋىپسىزدىگىن شىنايى قامتاماسىز ەتۋ؛ جالپىلىق زاڭ اتقارۋ مەحانيزمىن ۇزدىكسىز كەمەلدەندىرىپ، ساياحات تۇتىنۋىنىڭ تۇتاس بارىسىنىڭ، تۇتاس بۋىنىنىڭ حاۋىپسىزدىگىن جانە بازاردى باقىلاپ باسقارۋدى اتقارىپ، ساياحاتتىڭ اناعۇرلىم حاۋىپسىز، اناعۇرلىم ءتارتىپتى، اناعۇرلىم قولايلى، اناعۇرلىم جايلى بولۋىنا مۇمكىندىك جاساۋ كەرەك. بيڭتۋان مەن جەرگىلىكتى ورىن ساياحات بازارىنان تەڭ يگىلىكتەنىپ، كورىنىس وڭىرىنەن تەڭ يگىلىكتەنىپ، قورشاعان ورتادان تەڭ يگىلىكتەنىپ، ورايدان تەڭ يگىلىكتەنىپ، ساياحات كاسىبىن كۇش بىرىكتىرە وتىرىپ زورايتۋ، كۇشەيتۋ كەرەك.

  ءماجىلىس مىنالاردى تالاپ ەتتى: جەر - جەر، تاراۋلار، ورىندار ”ءۇشتىڭ قيىن بولۋى، ءبىردىڭ ىركىلىسسىز بولماۋى“ ماسەلەسىنە باسا ءمان بەرىپ، جاۋاپكەرشىلىكتى ناقتىلاندىرىپ، سايكەسىپ، تارتىپپەن ىلگەرىلەتىپ، تياناقتاندىرۋدى مىقتى يگەرىپ، رايونىمىزدىڭ ساياحات كاسىبىنىڭ جوعارى ساپالى دامۋىن ىلگەرىلەتۋگە، ساياحات بايلىعىنداعى ءىرى رايوننان ساياحات ەكونوميكاسىنداعى قۋاتتى رايونعا قادام تاستاۋىن جۇزەگە اسىرۋعا تىڭ ۇلەس قوسۋ كەرەك.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز، اۆتونوميالى رايوننىڭ ورىنباسار ءتوراعاسى جاروللا يسامدين ماجىلىسكە قاتىناستى.



 

جاۋاپتى رەداكتور: ءاننا اكىمقان قىزى
  • ايماعىمىزدا اۋىل- قىستاقتارعا ءبىر يۋانمەن كوشە اۆتوبۋزى قاتىنادى
  • اعالى - ىنىلەر نان جاۋىپ، بايۋعا ۇمتىلدى
  • شي جينپيڭ استانادا مىندەتتى اعاش ەگۋ قيمىلىنا مىنانى باسا دارىپتەدى
  • 4ـ ايدا دا قار شاڭعى تەبۋگە بولادى