اعاجاي-التاي تورابى   ›   اقپارات ايدىنى   ›   ماڭىزدى حابارلار

شي جينپيڭ جۇڭگو - افريكا زەرتتەۋ ورنى قۇرىلعاندىعىن قۇتتىقتاپ حات جولدادى

  شينحۋا اگەنتتىگىنىڭ 4 - ايدىڭ 9 - كۇنى بەيجيڭنەن بەرگەن حابارى. 4 - ايدىڭ 9 - كۇنى جۇڭگو - افريكا زەرتتەۋ ورنىنىڭ قۇرىلۋ جينالىسى بەيجيڭدە اشىلدى. مەملەكەت ءتوراعاسى شي جينپيڭ قۇتتىقتاۋ حات جولداپ، جۇڭگو - افريكا زەرتتەۋ ورنى قۇرىلعاندىعىن قىزۋ قۇتتىقتايتىندىعىن ءبىلدىردى.

  شي جينپيڭ بىلاي دەپ اتاپ كورسەتتى: قازىر دۇنيە ءجۇزى 100 جىلدا بولماعان زور وزگەرىسكە ءدوپ كەلۋدە، جۇڭگو ەڭ ءىرى وركەندەپ كەلە جاتقان ەل رەتىندە، افريكا وركەندەپ كەلە جاتقان ەلدەر ەڭ شوعىرلى قۇرلىق رەتىندە، ەكى جاق حالىقتارىنىڭ دوستىعى ارىدان جالعاسقان. جاڭا جاعدايدا، جۇڭگو مەن افريكانىڭ ءداستۇرلى دوستىقتى تەرەڭدەتۋى، اۋىس - ءتۇيىستى، سەلبەستىكتى قويۋلاتۋى، وركەنيەتتەردىڭ ءوزارا ۇلگى الۋىن جەبەۋى جۇڭگو مەن افريكا حالىقتارىنا باقىت اكەلىپ قانا قالماستان، دۇنيە ءجۇزىنىڭ بەيبىتشىلىگى مەن دامۋ ىستەرىنە دە اناعۇرلىم زور ۇلەس قوسادى.

  شي جينپيڭ بىلاي دەدى: 2018 - جىلى اشىلعان جۇڭگو - افريكا سەلبەستىك تالقى مىنبەرىنىڭ بەيجيڭ باسشىلار باس قوسۋىندا جۇڭگو مەن افريكا ەكى جاق اناعۇرلىم تىعىز جۇڭگو - افريكا تاعدىرلاس ورتاق تۇلعاسىن ورناتىپ، جۇڭگو - افريكا سەلبەستىگىنىڭ ”8 ءىرى ارەكەتى“ن اتقارۋدى ءبىر اۋىزدان ۇيعاردى. جۇڭگو - افريكا زەرتتەۋ ورنىن قۇرۋ − وسىنىڭ ىشىندەگى گۋمانيتارلىق اۋىس - ءتۇيىس ارەكەتىنىڭ ماڭىزدى شاراسى. جۇڭگو - افريكا زەرتتەۋ ورنىنىڭ جۇڭگو مەن افريكانىڭ ءىلمي پاراسات قامباسى بايلىعىن شوعىرلاندىرىپ، جۇڭگو مەن افريكا حالىقتارىنىڭ ءوزارا تۇسىنىستىگى مەن دوستىعىن كۇشەيتىپ، جۇڭگو مەن افريكانىڭ جانە جۇڭگو مەن افريكانىڭ باسقا دا ءار جاقتارمەن سەلبەستىگى ءۇشىن كوپتىڭ اقىل - پاراساتىن شوعىرلاندىرىپ، ورەلى اقىل - كەڭەس بەرۋى، جۇڭگو مەن افريكا قارىم - قاتىناسىنىڭ دامۋىنا، ادامزاتتىڭ تاعدىرلاس ورتاق تۇلعاسىن قۇرۋعا كۇش قوسۋىن ءۇمىت ەتەمىن.

جاۋاپتى رەداكتور: ءاننا اكىمقان قىزى
  • ايماعىمىزدا اۋىل- قىستاقتارعا ءبىر يۋانمەن كوشە اۆتوبۋزى قاتىنادى
  • اعالى - ىنىلەر نان جاۋىپ، بايۋعا ۇمتىلدى
  • شي جينپيڭ استانادا مىندەتتى اعاش ەگۋ قيمىلىنا مىنانى باسا دارىپتەدى
  • 4ـ ايدا دا قار شاڭعى تەبۋگە بولادى