اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

مالدارعا «جارىق شاعىلىستىرعىش تاسپا» تاعىلدى

  ءوز ءتىلشىمىز قۇرمانگۇل جەڭىسبەك قىزى حابارلايدى. تاياۋدا، ءتىلىشمىز ەگىن-مال شاراۋاشىلىق وڭىرىندە تىلشىلىك جاساپ جۇرگەن كەزدە، ەگىنشى-مالشى قاۋىمىنىڭ بازارادان «جارىق شاعىلىستىرعىش تاسپا» ساتىپ الىپ، سيىر، قويلارعا تاعىپ جاتقانىن بايقايدى.

  التاي قالاسى قىزىلتاس قالاشىعى بىتەۋىرگە قىستاعىنىڭ قىستاق تۇرعىنى باقىتبەك قابدۋالي ۇلىنىڭ وتباسى جاقىن ارادا كوكتەۋلىككە كوشبەكشى. 4-ايدىڭ 10-كۇنى، باقىتبەك ۇيىندەگى سيىر، قويلارىنا «جارىق شاعىلىستىرعىش تاسپا» تاعۋ ءۇشىن، بىرنەشە كورشىسىن ەرتىپ كەلىپ قاربالاستىقا ءتۇستى.

  باقىتبەك قابدۋالي ۇلى تىلشىگە بىلاي دەدى: «قازىر، موتوتسيكل ايداپ تاۋعا شىعاتىن ادامداردىڭ سانى ءبىرشاما كوپ، ەگەر بىرەۋ-مىرەۋ تۇندە كولىكتى قاتتى ايدايتىن بولسا، جول بويىنداعى مالدى وڭاي بايقاي المايدى. قازىر، مالدارعا جارىق شاعىلىستىرعىش تاسپا تاعىلعاندىقتان تۇندە اۆتوكولىكتىڭ شىراعى تاسپاعا ءتۇسىپ جارقىراپ، جۇرگىنشىلەر جولدا وزگە زاتتىڭ بار-جوقتىعىن بىردەن بايقايدى. جارىق شاعىلىستىرعىش تاسپانىڭ تاعىلۋى ءبىر جاعىنان، جۇرگىنشىلەردىڭ حاۋىپسىزدىگىنە كەپىلدىك ەتىلسە، ەندى ءبىر جاعىنان، مالداردىڭ اماندىعىن قورعاۋعا بولادى، ءبىر وقپەن ەكى قوياندى اتقان دەگەن وسى».

  سيىر مەن قويعا «جارىق شاعىلىستىرعىش بەلدەۋىن» تاعۋ ارقىلى جول قاتىناستىڭ حاۋىپسىزدىگىنە، ىركىلىسسىزدىگىنە كەپىلدىك ەتىلۋمەن بىرگە، كوشى-قون مەزگىلىندەگى قاتىناس شىرعالاڭى تۋىلۋدان ءونىمدى ساقتانۋعا، ءارى مالدىڭ كولىككە سوعىلۋىنان تۋىلاتىن ەكونوميكالىق زياندى بەلگىلى دارەجەدە ازايتۋعا بولادى.

  «بىتەۋىرگە قىستاعى بولسا مالشىلىق قىستاق، بيىل بۇكىل قىستاق بويىنشا 83 وتباسى جايلاۋعا كوشەدى، قىستاقتا جيىنى 1300 باس سيىر، 3900 تۇياق قوي بار. ەگىنشى-مالشىلاردىڭ حاۋىپسىزدىك ساناسى تومەن بولعاندىقتان، قاتىناس شىرعالاڭى وڭاي تۋىلادى، سوندىقتان ‹جارىق شاعىلىستىرعىش تاسپا› بۇقاراعا توتەنشە قولايلىق الا كەلدى. جۋىقتان بەرى، ءبىز قىستاق تۇرعىندارىنا ‹جارىق شاعىلىستىرعىش تاسپانىڭ› پايدالىعىن بار كۇشپەن ۇگىتتەۋمەن بىرگە، بۇكىل قىستاقتاعى بۇقارانى وزدەرىنىڭ جانە مالدىڭ حاۋىپسىزدىگى ءۇشىن ارەكەت جاساۋعا، حاۋىپىسز دە ءتارتىپتى كوشى-قون ورتاسىن بىرگە جۇزەگە اسىرۋعا ۇندەپ كەلەمىز»،-دەدى قىزىلتاس قالاشىعى بىتەۋىرگە قىستاعىنىڭ ياچەيكا شۋجيى ارمان قۋماليا ۇلى.

جاۋاپتى رەداكتور: ءاننا اكىمقان قىزى
  • ايماعىمىزدا اۋىل- قىستاقتارعا ءبىر يۋانمەن كوشە اۆتوبۋزى قاتىنادى
  • اعالى - ىنىلەر نان جاۋىپ، بايۋعا ۇمتىلدى
  • شي جينپيڭ استانادا مىندەتتى اعاش ەگۋ قيمىلىنا مىنانى باسا دارىپتەدى
  • 4ـ ايدا دا قار شاڭعى تەبۋگە بولادى