اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

التاي قالاسى موتوتسيكل مەن ولشەمنەن اسقان ەلەكترلى اۆتوكولىككە ارناۋلى وڭاۋ قيمىلىن ورىستەتتى

  ءوز ءتىلشىمىز جۋ داندان حابارلايدى. التاي قالاسىنان 68 كيلومەتر قاشىقتىقتاعى الاعاق قالاشىعى جىلجىمالى جان سانى شوعىرلى ورنالاسقان، 10 مىڭنان استام جان سانى بار كولەمدى قالاشىق. كوكتەم ماۋسىمى كەلىسىمەن الاعاق قالاشىعى جەرگىلىكتى تۇرعىندارىنىڭ باستى قاتىناس قۇرالى موتوتسيكل بولاتىندىقتان، بۇل جەر موتوتسيكل مەن ولشەمنەن اسقان ەلەكترلى اۆتوكولىكتى ارناۋلى رەتتەپ، وڭايتىن ءتۇيىندى رايون سانالادى.

  جاقىنعى كۇندەردەن بەرى، التاي قالالىق قوعام حاۋىپسىزدىك مەكەمەسى قاتىناس ساقشى ۇلكەن اترەتىنە قاراستى الاعاق ورتا اترەتى الاعاق قالاشىعى ۇكىمەتىمەن بىرلەسىپ، موتوتسيكل، ولشەمنەن اسقان ەلەكترلى اۆتوكولىككە ارناۋلى رەتتەۋ، وڭاۋ قيمىلىن ورىستەتىپ، حاۋىپسىز، مادەنيەتتى، رەتتى جول قاتىناس ورتاسىن شىنايى ورناتۋعا كۇش سالدى.

  وڭاۋ، رەتتەۋ قيمىلى مەزگىلىندە قىزمەت اتقارۋشىلار ماڭىزدى جول بولەكتەرىندەگى شارلاۋ تەبىنىن كۇشەيتىپ، جەرگىلىكتى ءوڭىردىڭ جول قاتىناس ەرەكشەلىگىنە قاراي عىلىمي ورنالاستىرۋ جاساپ، موتوتسيكل، ولشەمنەن اسقان ەلەكترلى اۆتوكولىك ايداۋشىلاردىڭ حاۋىپسىز باس كيىم كيمەۋ، تىزگىنشى كۋالىگى جوق بولۋ، ماشينا ءنومىرى جوق بولۋ، ماس بولىپ كولىك جۇرگىزۋ قاتارلى زاڭعا قايشى ارەكەتتەرىنە قاتاڭ تەكسەرۋ، قاتاڭ شارا قولدانۋ، قاتاڭ جازالاۋ جۇرگىزىپ، تىزگىنشى كۋالىگى جوق، ماشينا ءنومىرى جوق موتوتسيكل، ولشەمنەن اسقان ەلەكترلى اۆتوكولىكتى قولدا ۇستاپ قالدى.

  الاعاق قالاشىعى مەن 217-مەملەكەت جولىنىڭ تۇيىلىسىندە التاي قالالىق قوعام حاۋىپسىزدىك مەكەمەسى قاتىناس ۇلكەن اترەتىنە قاراستى الاعاق ورتا اترەتىندە قىزمەت اتقاراتىن قانات جولدا كەتىپ بارا جاتقان ەلەكترلى اۆتوكولىكپەن شاعىن تۇرپاتتى موتوتسيكىلدى توقتاتىپ تەكسەرۋ الىپ باردى، تەكسەرۋدەن كەيىن موتوتسيكلدىڭ تىزگىنشى كۋالىگىنىڭ جوق ەكەنىن بايقايدى ءارى قاتىستى بەلگىلەمەلەرگە ساي موتوتسيكلدى قولدا الىپ قالادى، سونداي-اق شوفەردى وزدىگىنەن ورتا اترەتكە بارىپ جازالاۋ قابىلداۋعا بۇيىرادى.

  قانات بىلاي دەدى: «بۇنداي تىزگىنشى كۋالىگى مەن اۆتوكولىك ءنومىرى جوق موتوتسيكل توتەنشە حاۋىپتى، بۇلايشا كولىك ايداۋ ءوزىنىڭ جانە وزگەرلەردىڭ ومىرىنە بولعان ۇلكەن جاۋاپكەرسىزدىك سانالادى، بارلىق شوفەر جولداستارعا حاۋىپسىز كولىك ايداۋدى ەسكەرتەمىز».

  زاڭعا قايشى كولىك ايداۋشىلارعا قاتىناس ساقشى اترەتىندەگىلەر «بەتپە-بەت» ۇگىت-يدەيا قىزمەتىن ورىستەتتى، بۇندا شوفەرلەرگە موتوتسيكل مەن ەلەكترلى اۆتوكولىكتى زاڭعا قايشى ايداۋدىڭ الا كەلەتىن زيانىنىڭ قانشالىق اۋىر ەكەنىن ءتۇسىندىردى ءارى ولارعا جول-قاتىناس ءتۇزىمىن باتىل اتقارىپ، مادەنيەتتى، حاۋىپسىز كولىك جۇرگىزۋدى، مادەنيەتتى جول-قاتىناس تانىمىن ورناتۋدى جانە جوعارىلاتۋدى ەسكەرتتى.

  ۇعىسۋعا قاراعاندا، بۇل جولعى وڭا قيمىلىندا التاي قالالىق قاتىناس ساقشى اترەتى جيىنى 200 قاتىناس ساقشىسىن، 25 ساقشى ماشيناسىن اتتانىسقا كەلتىرىپ، 130دان استام موتوتسيكل، ەلەكترلى اۆتوكولىكتىڭ زاڭعا قايشى ارەكەتىن تەكسەرىپ انىقتاپ، موتوتسيكل مەن ەلەكترلى اۆتوكولىكتىڭ جول-قاتىناس ەرەجەسىنە قايشى كەلۋ ارەكەتتەرىن ءونىمدى تىزگىندەپ، پارمەندى سوققى بەردى، سونداي-اق، التاي قالاسىنىڭ حاۋىپسىز، مادەنيەتتى جول-قاتىناس ورتاسىنىڭ قالىپتاسۋىنا بەرىك نەگىز قالادى.

جاۋاپتى رەداكتور: ءاننا اكىمقان قىزى
  • ايماعىمىزدا اۋىل- قىستاقتارعا ءبىر يۋانمەن كوشە اۆتوبۋزى قاتىنادى
  • اعالى - ىنىلەر نان جاۋىپ، بايۋعا ۇمتىلدى
  • شي جينپيڭ استانادا مىندەتتى اعاش ەگۋ قيمىلىنا مىنانى باسا دارىپتەدى
  • 4ـ ايدا دا قار شاڭعى تەبۋگە بولادى