اعاجاي-التاي تورابى   ›   اقپارات ايدىنى   ›   سۋرەتتى حابارلار

ايماعىمىزدا اۋىل- قىستاقتارعا ءبىر يۋانمەن كوشە اۆتوبۋزى قاتىنادى

  بيىل 4- ايدان باستاپ ايماعىمىز ورتالىقتىڭ «قاتىناس ارقىلى كەدەيلەردى سۇيەمەلدەۋ»، «قاتىناس ارقىلى حالىقتى اۋقاتتاندىرۋ، حالىققا پايدا جەتكىزۋ ينجەنەرياسىن» بەلسەنە دايەكتى تياناقتاندىرىپ، اۋىل- قىستاق قاتىناسىنداعى «ەڭ سوڭعى ءبىر شاقىرىمداعى» بوگەتتەردى كۇش سالا ارىلتىپ، قالا- اۋىلدارداعى كوشە اۆتوبۋزىن جوعارى ولشەممەن ىلگەرىلەتىپ، قالا- اۋىلدارداعى كوشە اۆتوبۋزىن ءبىر تۇلعالاندىرۋدى جۇزەگە اسىرىپ، اۋىل- قىستاقتاعى بۇقارانىڭ قالا تۇرعىندارىمەن ۇقساس الەۋمەتتىك قاتىناس جاعىندا حالىققا پايدا جەتكىزۋ ساياساتىنان، قىزمەت وتەۋدەن يگىلىكتەنۋىنە ءتيىمدى شارت- جاعداي ازىرلەدى.

  بۋىرشىن اۋدانى شۇڭقىر قالاشىعى كۇنتۋعان قىستاعىنىڭ تۇرعىنى نۋقيا بۇگىن ۇيىنىڭ الدىنان كوشە اۆتوبۋزىنا وتىرعانىنا ايىرىقشا قۋاندى، قاتىناس جاعىندا بۇنداي ءتيىمدى شارت- جاعداي ازىرلەنەتىنىن ول كىسى بۇرىن ويلاپ كورمەگەن ەدى.

  شۇڭقىر قالاشىعى كۇنتۋعان قىستاعىنىڭ تۇرعىنى نۋقيا: ءبىر يۋان تولەپ كوشە اۆتوبۋزىنا وتىرا الاتىن بولدىق، وتە قولايلى بولدى، قاتتى قۋانىشتامىن.

  شىڭگىل اۋدانى شاعانعول اۋىلىنىڭ تۇرعىنى لين جىحۋا قالا- اۋىل اراسىنا العاش قاتىناعان كوشە اۆتوبۋزىنا تۇڭعىش وتىرعان جولاۋشىلاردىڭ ءبىرى بولدى.

  شاعانعول اۋىلىنىڭ تۇرعىنى لين جىحۋا: بۇرىن اۋدانعا بارۋ ءۇشىن 20 يۋان تولەيتىنىبىز، قازىر ءبىر يۋانمەن باراتىن بولدىق، ۇكىمەتتىڭ ءتيىمدى ساياساتىنا راحىمەت، بۇقاراعا شىنايى پايدا جەتكىزدى.

  شىڭگىل اۋدانىندا ءتورت كوشە اۆتوبۋز جەلىسى اشىلدى، بۇل اۋدانداعى بەس قالاشىق ءۇش اۋىل، 51 اكىمشىلىك قىستاقتاعى 40 مىڭنان استام ەگىنشى- مالشى بۇقاراسىنا شىنايى پايدا جەتكىزدى.

  شىڭگىل اۋداندىق قاتىناس- تاسىمال ىستەرىن باسقارۋ مەكەمەسى پارتگرۋپپاسىنىڭ شۋجيى سۇڭ شاۋفىڭ: اۋىلدارعا كوشە اۆتوبۋزىنىڭ قاتىناۋى شىڭگىل اۋدان ورتالىعىنان شەتكەرى- شالعاي اۋىل- قىستاقتارداعى شارۋالاردىڭ اۋدانعا كەلىپ جۇمىس ىستەپ كىرىستەرىن ارتتىرۋىنا ءتيىمدى شارت- جاعداي ازىرلەدى.

  كوكتوعاي اۋدانىندا قالا- اۋىلداعى كوشە اۆتوبۋزىن ءبىر تۇلعالاندىرۋ، ءبىر يۋانمەن كوشە اۆتوبۋزىنا وتىرۋ سىندى تيىمدى ساياسات بويىنشا العاش توپتا 7 كوشە اۆتوبۋز جەلىسى اشىلىپ، بۇل 8 اۋىل- قالاشىقتاعى، 35 قىستاق پەن الەۋمەتتىك اۋماقتاعى 70 مىڭنان استام شارۋاعا پايدا جەتكىزدى. كوكتوعاي قالاشىعىنىڭ تۇرعىنى ياڭ شينشيانىڭ ءۇيى كوكتوعاي اۋدان ورتالىعىنان 50 نەشە كيلومەتر شالعايدا، ساۋدا ىستەيتىن ول ۇنەمى اۋدانعا باراتىن، كوشە اۆتوبۋزىنىڭ قاتىناۋى ونىڭ اۋدانعا بارۋىنا وتە قولايلى بولدى.

  كوكتوعاي قالاشىعىنىڭ تۇرعىنى ياڭ شينشيا: بۇرىن اۋدانعا بارۋ ءۇشىن 25 يۋان تولەيتىنبىز، قازىر ءبىر يۋانمەن باراتىن بولدى، كوشە اۆتوبۋزى قولايلى بولۋمەن بىرگە اقشامىزدا ۇنەمدەلدى.

  التاي قالاسىندا قالا- اۋىلداعى كوشە اۆتوبۋزدارىن ءبىر تۇلعالاندىرۋ ساياساتى بويىنشا قاتىناعان كوشە اۆتوبۋز جەلىلەرى ايىرىم- ايىرىم مەملەكەت جولى مەن ولكە جولىنىڭ تارماق جەلىسىنە ورنالاستىرىلىپ، مەكتەپ، ەمحانا، اۋىل- قىستاقتاعى ساياحات تۇيىندەرىن، كەدەي قىستاقتاردى باسىپ ءوتىپ، توڭىرەكتەگى 73 قىستاق پەن قالا- اۋىلداعى 125 مىڭنان استام تۇرعىنعا شىنايى پايدا جەتكىزدى. كوشە اۆتوبۋزىنىڭ قاتىناۋى قالا- اۋىلداردىڭ اراسىن جاقىنداتىپ قانا قالماستان، شەتكەرى- شالعاي كەدەي اۋىل- قالاشىقتارداعى بۇقارانىڭ سىرتقا شىعۋى قيىن بولۋ، قاتىناس اقىسى قىمبات بولۋ ماسەلەسىن شەشۋگە سەپتىگىن تيگىزدى.

  التاي قالاسىنداعى «ليجۇڭ» كوشە اۆتوبۋز شەكتى سەرىكتەستىگىنىڭ ورىنباسار باس ديرەكتورى ساۋ شيا: اۋىل- قىستاقتارعا كوشە اۆتوبۋزىنىڭ قاتىناۋى 7 اۋىل- قالاشىق پەن قىستاقتاعى تۇرعىنداردىڭ قاتىناس شارت- جاعدايىن جاقسارتتى، قالاعا كەلىپ جۇمىس ىستەيتىن جۇمىسشى- قىزمەتشىلەرگە ءتيىمدى شارت- جاعداي ازىرلەدى، قالا- اۋىلداعى كوشە اۆتوبۋزىن ءبىر تۇلعالاندىرۋ قالا- اۋىلدى ءبىر تۇلعالاندىرۋ ءىسىن جەبەيتىنىنە سەنەمىن.

  قازىرگە دەيىن ايماعىمىزداعى التى اۋدان مەن ءبىر قالادا قالا- اۋىلداردا ءبىر يۋانمەن قاتىنايتىن كوشە اۆتوبۋزى قاتىنادى. قاتىناس ارقىلى كەدەيلەردى سۇيەمەلدەۋ ساياساتى بويىنشا 42 كوشە اۆتوبۋزى ىسكە قوسىلىپ، 29 كوشە اۆتوبۋز جەلىسى اشىلدى، قاتىناس ارقىلى كەدەيلەردى سۇيەمەلدەۋ ساياساتى بويىنشا 43 اۋىل- قالاشىققا، 320 مىڭ ەگىنشى- مالشىعا پايدا جەتكىزىلدى. ۇكىمەت قازىنادان ارناۋلى قوسىمشا قاراجات بەرۋ، ۇكىمەت قىزمەت وتەۋدى ساتىپ الۋ، جانارماي قوسىمشا قاراجاتىن بەيىمدەۋ، قاتىناس جەلىلەرىن يكەمدى ۇشتاستىرۋ قاتارلى ءونىمدى تاسىلدەر ارقىلى وسى ءبىر يگىلىكتى ينجەنەريانى اتقارىپ، قاتىناس- تاسىمال جاعىندا كەدەيلەردى شىنايى سۇيەمەلدەۋ، شىنايى كەدەيلەردى سۇيەمەلدەۋ تالابىن ورىندادى.

  ايماقتىق قاتىناس- تاسىمال ىستەرىن باسقارۋ مەكەمەسى جولاۋشى تاسىمال ءىسىن باسقارۋ ءبولىمىنىڭ باستىعى جاڭ فىڭ: ايماقتىق پارتكوم ورتالىقتىڭ قاتىناس ارقىلى كەدەيلەردى سۇيەمەلدەۋ، حالىقتى اۋقاتتاندىرۋ، حالىققا پايدا جەتكىزۋ ينجەنەرياسىن تياناقتاندىردى، سونىمەن قاتارى قالا- اۋىلدا ءبىر يۋانمەن قاتىنايتىن كوشە اۆتوبۋزىن قاتىناتۋ جونىندە ناقتى ورنالاستىرۋ جاسادى، وسى رەت قالا- اۋىلداردا ءبىر يۋانمەن كوشە اۆتوبۋزى قاتىناتىپ، كەدەيلەردى سۇيەمەلدەۋدەگى ەڭ سوڭعى ءبىر شاقىرىم ماسەلەسى شەشىلدى، شەتكەرى- شالعاي اۋىل- قىستاقتارداعى بۇقارانىڭ قاتىناس شارت- جاعدايى بارىنشا جاقساردى.

جاۋاپتى رەداكتور: ءاننا اكىمقان قىزى
  • اعالى - ىنىلەر نان جاۋىپ، بايۋعا ۇمتىلدى
  • شي جينپيڭ استانادا مىندەتتى اعاش ەگۋ قيمىلىنا مىنانى باسا دارىپتەدى
  • 4ـ ايدا دا قار شاڭعى تەبۋگە بولادى
  • ءبىر اپتالىق اۋا رايىنان الدىن-الا مالىمەت