اعاجاي-التاي تورابى   ›   اقپارات ايدىنى   ›   سۋرەتتى حابارلار

اعالى - ىنىلەر نان جاۋىپ، بايۋعا ۇمتىلدى

سۋرەتىن ءتۇسىرىپ، حابارىن جازعان ەرىكتى ءتىلشى ليۋ شىحى

  4 - ايدىڭ 4 - كۇنى وركەش التاي قالاسىنداعى ءبىر ەرەن بازارعا نان جەتكىزدى.

  4 - ايدىڭ 4 - كۇنى التاي قالاسى لاستى اۋىلى نوعايتى قىستاعىنىڭ تۇرعىنى وركەش توقتاحۇن ءوزى جاپقان ناندى التاي قالاسىنداعى ءبىر ەرەن بازارعا جەتكىزۋگە اسىقتى.

  وركەش قىستاقتاعى كەدەي وتباسى، 2017 - جىلدىڭ باسىندا، التاي قالالىق اكىمشىلىك زاڭ اتقارۋ مەكەمەسىنىڭ نوعايتى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى شۇي حاي مەن اترەت مۇشەلەرى وركەشتىڭ ۇيىنە جاعداي ۇعىسا كەلگەندە، وركەشتىڭ اعاسى اسقارجان توقتاحۇن اۋلادا نان جاۋىپ جاتقان ەدى. شۇي حاي وركەش وتباسى نان ساتاتىن بولسا، تاماشا ءبىر كىرىس قاينارى بولاتىنى ءشۇباسىز دەپ ويلايدى. وسىنى ويلاعان ول اسقارجانعا 10 نەشە ناندى ارتىق جاپقىزىپ، سول كۇنى تۇستەن كەيىن، وركەشتى ەرتىپ، اۆتوكولىكپەن قالا ىشىندەگى ءاربىر ەرەن بازارعا ساۋدالايدى، سونداي - اق ەرەن بازارداعى جاۋاپتى ادامدى ناننان تاتىپ كورۋگە ۇسىنىس ەتەدى. وسى رەتتە 13 ەرەن بازار ناندى ساتىپ بەرۋگە ماقۇلدىق بەرەدى، سونداي - اق العاشقى قادامدا ساتاتىن مولشەرىن بەلگىلەيدى.

  قىزمەت اترەتى وركەش پەن اعاسىنا جۇمىس ءۇيىن تاۋىپ بەرەدى ءارى ولاردى شيپاحاناعا ەرتىپ بارىپ، دەنساۋلىعىن تەكسەرتىپ، ولاردىڭ دەنساۋلىق كۋالىگىن بىتىرۋىنە كومەكتەسەدى، سونداي - اق قىستاقتا تۇراتىن قىزمەت اترەتىنىڭ قاراجاتىنان 20 مىڭ يۋان شىعارىپ ولارعا قامىر يلەيتىن ماشينا، ۇستەل - ورىندىق، اس تاقتاي قاتارلىلاردى ساتىپ الىپ بەرەدى، ءسويتىپ ناۋايحانا اشىلادى. ناۋايحانانىڭ قالىپتى تيجارات جۇرگىزۋىنە كەپىلدىك ەتۋ ءۇشىن، قىزمەت اترەتى اپتاسىنا از دەگەندە 2 رەت وركەشتىڭ ۇيىنە كەلىپ جاعداي ۇعىسىپ تۇرادى، ساتۋ ارناسىن اناعۇرلىم كەڭەيتە ءتۇسۋ ءۇشىن، قىزمەت اترەتىنىڭ مۇشەلەرى ءتۇرلى تاسىلدەرمەن نان ۇگىتىن جاسايدى.

  وركەش پەن اعاسى ءار كۇنى تاڭعى ساعات 4تەن باستاپ قامىر يلەپ، ونى اشىتىپ، ءيىن قاندىرادى... 9دان 40 مينۋتتا، العاشقى توپتاعى نان سىرتقا جەتكىزىلە باستايدى. وركەش: ”قىزمەت اترەتى ءبىزدى وسىنشاما قولداپ وتىر، ءبىز، ءسوز جوق، جاقسى ىستەيمىز“، - دەدى.

  ءبىر جىلدىق دامۋ ارقىلى وركەشتىڭ ناۋايحاناسى كۇنىنە 600دىڭ اينالاسىندا نان ساتتى، ەڭ كوپ بولعاندا 1000نان اسىپ، ايىنا ورتا ەسەپپەن 20 مىڭ يۋان اينالاسىندا كىرىس كىرگىزدى، ءبىر اۆتوكولىك ساتىپ الىپ، ەرەن بازارلارعا نان جەتكىزدى. قىزمەت اترەتى وركەشتىڭ ناۋايحاناسىن ءوز جەرىندە شارۋاشىلىق قۇرۋدىڭ ۇلگى ءتۇيىنى رەتىندە ۇستاپ، قىستاق تۇرعىندارىن ناۋايحاناعا كەلىپ ەكسكۋرسيالاۋعا، ۇيرەنۋگە ۇيىمداستىردى.
 

  وركەش نان جەتكىزۋ ءۇشىن ارناۋلى ءبىر شاعىن اۆتوكولىك ساتىپ الدى.

  قىزارا پىسكەن تونارداعى نان.

جاۋاپتى رەداكتور: ءاننا اكىمقان قىزى
  • شي جينپيڭ استانادا مىندەتتى اعاش ەگۋ قيمىلىنا مىنانى باسا دارىپتەدى
  • 4ـ ايدا دا قار شاڭعى تەبۋگە بولادى
  • ءبىر اپتالىق اۋا رايىنان الدىن-الا مالىمەت
  • كوكتەم شۋاعى ەستى