اعاجاي-التاي تورابى   ›   مادەنيەت ارناسى   ›   ونەگە

تارتىمدى ادامداردىڭ قاعيدالارى

  كەيبىر ادامداردىڭ قالتاسىندا قىرۋار قارجىسى بولماسا دا، ءارقاشان اينالاسىنا قۋانىش سىيلاپ جۇرەدى. ويتكەنى ولاردىڭ جان دۇنيەلەرى وتە باي. ولار قانداي جەردە بولسا دا ءوز-وزدەرىن قالاي ۇستاۋ كەرەكتىگىن بىلەدى. ونداي ادامدارعا ەشتەڭە دالەلدەۋدىڭ قاجەتى جوق. ولار وزدەرىنە سەنىمدى ءارى بەلگىلى ءبىر تارتىپپەن ءومىر سۇرەدى ەكەن. ءبىز بۇل جازبامىزدا جۇرەگىڭىزدى بىردەن جاۋلاپ الاتىن جارقىن جانداردىڭ ومىرلىك ۇستانىمدارى مەن قاعيدالارىنا توقتالىپ وتكىمىز كەلىپ وتىر.

  1. ولار بارىنە بىردەي سىيلاستىقپەن قارايدى. ولارعا كىممەن سويلەسىپ تۇرعانى ەمەس، قالاي سويلەسىپ تۇرعانى ماڭىزدى. الدارىندا باستىعى تۇرسا دا، قاراپايىم قىزمەتشى تۇرسا دا وتە سىپايى سويلەسەسدى. ولار وزدەرىن ەشكىمنەن ارتىق سانامايدى. تەك اڭگىمە بارىسىندا ادەپتى، ءتارتىپتى جانە جىلى ءجۇزدى بولۋى كەرەكتىگىن جەتە تۇسىنەدى.

  2. ولار بوس اڭگىمەنى ۇناتپايدى. ون كۇنانىڭ توعىزى تىلدەن ەكەنىن جاقسى بىلەتىن شىعارسىزدار. ولار بۇل اتالى سوزگە كوپ ءمان بەرەدى. سوندىقتان بوس سويلەپ، قادىر-قاسيەتىن قاشىرعاندى ۇناتپايدى. كەرىسىنشە قىزىقتى اڭگىمەلەرىمەن، ۇتىمدى جاۋاپتارىمەن سويلەسىپ وتىرعان ادامدارىنا ەرەكشە اسەر قالدىرادى. «جاقسىلارمەن وتكىزگەن جارتى ساعات، جاماننىڭ ءوتىپ كەتكەن عۇمىرىنداي» دەگەن ءسوز وسىنداي ادامدارعا ايتىلعان.

  3. ولار قورشاعان ورتاسىمەن وتە تىعىز قارىم-قاتىناس ورناتادى. مۇنداي ادامداردى وزدەرىنەن بۇرىن اينالاسىنداعىلارى قىزىقتىرادى. سول سەبەپتى ولار ۋاقىتتارىنىڭ كوپ بولىگىن دوستارىنا، تۋما-تۋىستارىنا ارنايدى. ولارمەن سويلەسۋ بارىسىندا اڭگىمەگە كەدەرگى كەلتىرەتىن ۇيالى تەلەفون، پلانشەت سەكىلدى زاتتاردى وزدەرىنەن الىسقا قويادى. ونىڭ ءوزى اڭگىمەلەسۋشىگە سىي-قۇرمەت دەپ بىلەدى.

  4.ولار وزگەلەرگە قاتتى ۇناۋعا تىرىسپايدى. وزدەرى تۋرالى وزگەلەرگە ماقتاۋلار ايتىپ، وزدەرىن تىم جوعارى ۇستاعاندى ۇناتپايدى. ءتىپتى وندايدى ولار ويلارىنا دا المايدى.

  5. ولار بەلگىلى ءبىر فاكت پەن پىكىردىڭ ايىرماشىلىعىن كورە الادى. بۇل ادامدار داۋ-داماي، ۇرىس-كەرىس كەزىندە ءوز-وزدەرىن وتە سابىرلى ۇستايدى. ولار وزدەرىنىڭ ويلارىن ايتۋدان ەش قورىقپايدى. الايدا ول تەك وزىندىك پىكىرى ەكەنىن ەسكە سالادى. الەمدە كوپتەگەن اقىلدى ادام بار. اركىمنىڭ ءوز ويى بار ەكەنىن ۇمىتپاۋ كەرەك.

  6. ولار شىنايى. ولار بارلىق جەردە دە بىردەي. ەشقاشان ەكىجۇزدىلىككە سالىنبايدى. سوندىقتان مۇنداي جانداردىڭ جاقىن جولداستارى دا كوپ بولادى.

  7. ولار تەك قانا شىندىقپەن ءومىر سۇرەدى. ءاردايىم اقيقاتپەن ءومىر ءسۇرۋ وڭاي ەمەس. ول ءۇشىن بىرەۋلەر تۋرالى دۇرىس پىكىر ايتىپ، جالپى قاي جەردە نە ايتۋ كەرەكتىگىن ءبىلۋ كەرەك. ال بۇرىس پىكىر باقىتقا باستار جول ەمەس.

  8. ولار كۇلىمدەيدى. ەگەر قاسىڭىزداعى ادامنىڭ كوڭىلىن باۋراپ العىڭىز كەلسە، جاي عانا ك ۇلىمدەڭىز. ول مىندەتتى تۇردە سىزگە جىميىپ جاۋابىن قايتارادى.

  9.ولار ءارقاشان ادەمى كورىنۋگە تىرىسادى. مۇنداي ادامدار سىرت كوز سىنشى ەكەنىن قايدا جۇرسە دە ەسكەرىپ جۇرەدى. مىسالى، قوناق كەلەر كەزدە ءۇيدى قالاي جيناستىرىپ قويۋ كەرەكتىگىنە دەيىن ءمان بەرەدى. ويتكەنى ول دەگەنىمىز قوناققا دەگەن قۇرمەت.

  10.ولار ءومىردى سۇيەدى. ولاردىڭ ەشقاشان ءىشى پىسپايدى. ويتكەنى ولار ءومىردى شىن مانىندە دە سۇيەدى. ارينە ولاردىڭ دا باسىنا نەبىر اۋىرتپاشىلىقتار تۇسەدى، ءبىراق ولار قايعى كەلسە قارسى تۇرىپ، ونى جاي عانا ۋاقىتشا قيىندىقتار دەپ تۇسىنەدى. سونىمەن قاتار بۇگىن ەرتەڭگى كۇننەن الدەقايدا جاقسى وتەتىنىنە سەنەدى.

جاۋاپتى رەداكتور: ءاننا اكىمقان قىزى
  • چىن چۋانگو اۆتونوميالى رايوننىڭ ۇلتتار ىنتىماعىن بەكەمدەۋ، دامىتۋ اڭگىمە ماجىلىسىندە ۇلتتاردىڭ اناردىڭ دانىندەي تىعىز ۇيىسىپ، ءبىر ءۇيلى جانداي ىنتىماقتاسىپ، ءبىر نيەتپەن جۇڭگو ارمانىن جۇزەگە اسىرۋى كەرەكتىگىن باسا دارىپتەدى
  • ءبىر اپتالىق اۋا رايىنان الدىن الا مالىمەت
  • ايماق كەدەيلەردى سۇيەمەلدەۋ سالاسىنىڭ ساقتىق تاربيەسى ٴماجىلىسىن اشتى
  • (微视频)كوكتەمنىڭ كوگىلدىر قۇستارى