اعاجاي-التاي تورابى   ›   مادەنيەت ارناسى   ›   دەنساۋلىق

كوزگە ەرەكشە كۇتىم كەرەك

  كوزگە ەرەكشە كۇتىم كەرەك

  ۇشاق بەلەتى تىم قىمبات بولىپ، بۇگىنگى تاڭدا قۇرعاق كوزدىڭ سيندرومى وزەكتى ماسەلەلەردىڭ ءبىرى بولىپ وتىر. ويتكەنى بۇگىنگى جاستار ءتۇرلى ولشەمدەگى ەكران مەن مونيتور الدىندا ۋاقىتىن كوپ وتكىزەدى. ەرتەرەكتە قۇرعاق كوز سيندرومى ەگدە ادامداردا عانا كەزدەسسە، ولاردىڭ قاتارىن قازىر جاستار ارتتىرۋدا. ەندەشە كوزدىڭ قۇرعاۋى مەن ودان ارىلۋدىڭ جولدارى جونىندە حاباردار بولىپ ءجۇرىڭىز.

  كوزىمىز نەگە قۇرعايدى؟

  وفتالمولوگ ماماندارعا جۇگىنەتىندەردىڭ 40%ى قۇرعاق كوز سيندرومىمەن شاعىمدانادى ەكەن. كوزدىڭ قۇرعاۋىنىڭ نەگىزگى سەبەبى ــ كوز جاسى سۇيىقتىعىن وندىرەتىن جاس بەزدەرىنىڭ ناشارلاۋى، ياعني جاس قابىقشاسى قىزمەتىنىڭ بۇزىلۋى. سونىمەن قاتار A دارۋمەنىنىڭ جەتىسپەۋشىلىگى. ال ەگدە ادامداردا جاستىڭ ءبولىنۋ پروتسەسى باياۋلاعاندىقتان، دەرت ورىن الادى. تاعى ءبىر سەبەبى __ ءۇزىلىسسىز مونيتور الدىندا وتىرۋدان، شاڭ مەن تۇتىننەن (تەمەكى)، گازدان، لينزانى دۇرىس قولدانباعاننان بولادى. جاراقات، كوزگە وتا جاساۋ، ساپاسىز كوسمەتيكا قولدانۋ دا دەرتتىڭ دامۋىنا اسەر ەتەدى.

  كوز جاسىنىڭ قىزمەتى

  كوز قۇرىلىمىندا جاستىڭ اتقاراتىن قىزمەتى وتە ماڭىزدى. الدىمەن ول كوزدىڭ شىنايناسىن، كوزدىڭ شاتىرشا ايناسىن ىلعالداندىرادى. جاراقات العاندا، اۋىرسىنعاندا، ءوزىن جامان سەزىنگەندە كوزدىڭ جاسى كوبىرەك بولىنەدى.

  كوز جاسىنىڭ نەگىزگى ماڭىزدى قىزمەتى:

  كوز قابىرشاعىن ىلعالداندىرادى جانە ولى جاسۋشالاردى جويادى، كوزدىڭ شاتىرشا ايناسىنا قۇنارلى زاتتاردى جەتكىزەدى، كوزدى جۋىپ-شايادى.

  ساقتانۋ كەرەك

  كوزدەگى سۇيىقتىق ازايعاندا كوز كۇيگەندەي اسەردە بولادى، شانشىپ نەمەسە ءبۇرىپ اۋىرادى، قىشيدى، كوز ۇياشىعى قۇرعاعانداي سەزىمدە بولادى. بۇل مازاسىزدىقتى جەل، ءتۇتىن، تەلەديدار كورۋ، مونيتور الدىندا كوپ وتىرۋ، كىتاپ وقۋ ودان سايىن ۋشىقتىرادى. كوزدىڭ كورۋى مۇندايدا تومەندەيدى، كورۋ دالدىگىن جوعالتادى. ەگەر دە دەرتتى دەر كەزىندە ەمدەمەسە، ادام جارىقتان قورقادى، كەشكە قاراي كوزدىڭ كورۋى ناشارلايدى. سونىمەن قاتار، تەلەديدار كورۋى قيىندايدى جانە كومپيۋتەرمەن ۇزاق جۇمىس جاساي المايدى. دەرتتىڭ العاشقى بەلگىلەرى رەتىندە كوزدەن جاس قاتتى اعادى جانە كوز ءوز وڭىنەن ايىرىلىپ، ءتۇسى وڭسىزدەنەدى، اعى قىزارادى.

  الدىن الۋ شارالارى

  • مونيتور الدىندا 5 ساعاتتان ارتىق وتىرماعان دۇرىس نەمەسە ءار 40-45 مينۋت سايىن ءۇزىلىس جاساۋ كەرەك. ۇزىلىستە كوزگە ارنالعان ارنايى جاتتىعۋ جاساعان ءجون.

  •كومپيۋتەرمەن جۇمىس ىستەگەندە نەمەسە كىتاپ وقىعاندا كوزدى ءجيى-ءجيى قاققان دۇرىس. مۇنداي جاتتىعۋدان كوزدىڭ ءىشى ىلعالدانادى جانە تىنىعادى.

  • كوزدى قاتتى ۋقالاۋعا بولمايدى. ول كوزدىڭ جۇقا جاستى قابىقشالارىنا زالال كەلتىرەدى.

  • حيميالىق تىتىركەندىرگىش زاتتار مەن شاڭدى عيماراتتا كوپ وتىرۋعا بولمايدى. ەمدەۋ ءۇشىن بۇگىندە جاساندى جاس كەلتىرەتىن پرەپاراتتار قولدانادى. بۇل البەتتە ءبىراز قالتانى قاعادى. سول سەبەپتى ماماندار كەڭەسىنە جۇگىنە وتىرىپ، حالىقتىق ەمگە جۇگىنگەن ءجون. ولار ەڭ اۋەلى قول جەتىمدى باعادا جانە تەز وڭ ناتيجەسىن كورۋگە بولادى.

  • كوزدىڭ قۇرعاۋ سيندرومى كەزىندە تۇيمەداق پەن قىرمىزى تۇنباسى جاقسى كومەكتەسەدى. تۇنبامەن كوزدى كۇنىنە 4 رەت جۋادى.

  • اقجەلكەك پەن پيازدى بىردەي مولشەردە الىپ، ۇككىشتەن وتكىزەدى. وسى بوتقانى قايناعان سۋمەن ارالاستىرىپ، 15 مينۋت تۇندىرىپ قويادى. تۇنباعا ماقتا تامپوندى باتىرىپ، 2 مينۋت كوزدە ۇستايدى.

جاۋاپتى رەداكتور: ءاننا اكىمقان قىزى
  • چىن چۋانگو اۆتونوميالى رايوننىڭ ۇلتتار ىنتىماعىن بەكەمدەۋ، دامىتۋ اڭگىمە ماجىلىسىندە ۇلتتاردىڭ اناردىڭ دانىندەي تىعىز ۇيىسىپ، ءبىر ءۇيلى جانداي ىنتىماقتاسىپ، ءبىر نيەتپەن جۇڭگو ارمانىن جۇزەگە اسىرۋى كەرەكتىگىن باسا دارىپتەدى
  • ءبىر اپتالىق اۋا رايىنان الدىن الا مالىمەت
  • ايماق كەدەيلەردى سۇيەمەلدەۋ سالاسىنىڭ ساقتىق تاربيەسى ٴماجىلىسىن اشتى
  • (微视频)كوكتەمنىڭ كوگىلدىر قۇستارى