اعاجاي-التاي تورابى   ›   مادەنيەت ارناسى   ›   بىلگەنگە مارجان

ۇيدە وسىرۋگە بولمايتىن 10 گۇل

  

ءۇي گۇلدەرى تازا اۋا مەن ادامعا ەرەكشە كوڭىل-كۇي سىيلايدى. سونىمەن قاتار ۇيىڭىزگە ادەمىلىكتى دە الىپ كەلەدى. الايدا بولمە گۇلىن ءوسىرۋدى جانى سۇيەتىن ارۋلارىمىز دەنساۋلىققا زياندى بولمە گۇلدەرىن دە بىلە جۇرگەنى ابزال. ەندەشە نازارلارىڭىزعا ۇيدە وسىرۋگە بولمايتىن 10 گۇلدى ۇسىنامىز.

  پەرسيدتىك تەڭبىلگۇل (پەرسيدسكي تسيكلامەن)

  

تەڭبىلگۇل ۇيقى كەزىندە بويداعى قورقىنىش پەن جامان دۇنيەلەردەن ارىلتۋعا كومەكتەسەدى جانە ونى جاتىن بولمەدەگى كەرەۋەتتىڭ باسىنا قويۋ كەرەك. تەڭبىلگۇلدىڭ بۇل ەرەكشە قاسيەتىنە ەشقانداي داۋ ايتا المايمىز. دەگەنمەن، ونىڭ ۋلى قاسيەتتەرى دە بار ەكەنىن ەسكەرۋ قاجەت. گايموريتپەن اۋىراتىندارعا تەڭبىلگۇل تامىرىنىڭ شىرىنىن مۇرىنعا تامىزۋدى ۇسىنادى. الايدا مۇنى مۇلدە جاساماعان دۇرىس. سەبەبى، تەمپەراتۋرا كوتەرىلىپ، تاماق اۋرۋىمەن قوسا تىنىس الۋىڭىز قيىنداي ءتۇسۋى مۇمكىن. ەڭ ۋلى دەپ ەسەپتەلگەن تۇسى – جاڭا سىعىلعان تامىر شىرىنى تەرىنىڭ تىتىركەنۋى مەن قابىنۋىن تۋدىرتادى.

  اماريليس اقجيدەگى (اماريليس بەللادوننا)

  اقجيدەك گۇلى – مەديتسينا مەن كوسمەتيكادا قولدانىلاتىن ۋلى وسىمدىكتەر قاتارىنا كىرەدى. سەبەبى گۇلدىڭ بادانالارى ۋلى بولىپ كەلەدى. ەگەر كەنەتتەن وسىمدىك ساباعى سىنىپ، ودان ءسۇت شىرىنى پايدا بولسا، ونى قولمەن ۇستاماعانىڭىز ابزال. ۇستاعان جاعدايدا قولىڭىزدى مۇقيات جۋىپ، كوزىڭىزگە قولىڭىزدى تيگىزبەڭىز.

  ديففەنباحيا

  بۇل گۇل بولمەدەگى اۋانىڭ حيميالىق قۇرامىن جاقسارتۋعا قابىلەتتى. الايدا ونى جاتىن بولمەگە قويۋعا بولمايدى. سەبەبى، وسىمدىك شىرىنى ۋلى، اسىرەسە ساباقتارى. ول اس قورىتۋ مەن تىنىس الۋدىڭ ەلەۋلى ءبىر بۇزىلۋىن تۋدىرۋى مۇمكىن. سونىمەن قاتار بەت نەمەسە قول تەرىسىنە تيگەن جاعدايدا كۇيىك تۋدىرۋى مۇمكىن. ەگەر دە بۇل گۇل ۇيىڭىزدە بولسا، ونى قولعاپپەن ۇستاپ، ساقتىق شارالارىن ۇمىتپاڭىز. سونىمەن قاتار بۇگىندە بالاباقشالاردا ديففەنباحيانى وسىرۋگە تىيىم سالىنعان.

  قازتاماق (گەران)

  قازتاماق گۇلىنىڭ كوپشىلىگىمىز شيپالى ەمدىك قاسيەتتەرىن عانا بىلەمىز. قازتاماق فيتونتسيد دەپ اتالاتىن ەرەكشە زات بولەدى. ول اۋاعا دەزينفەكتسيا جاساپ، جۇيكە جۇيەنى تىنىشتاندىرادى جانە تىنىش ۇيقىمەن قامتاماسىز ەتەدى. بۇل وسىمدىك ۇيقىسىزدىقپەن اۋىراتىن ادامدارعا جاقسى كومەكتەسەدى. سونىمەن قاتار وتيت پەن انگينا كەزىندە اۋىرسىنۋدى باسادى. دەگەنمەن، گەران ءيىسى دەمىكپە مەن اللەرگيالىق رەاكتسيانى تۋدىرۋى مۇمكىن. ونىڭ ءيىسى وتكىر بولعاندىقتان، كوپتەگەن جاندىكتەردى جولاتپايدى. سوندىقتان جاتىن بولمەدەگى توسەككە جاقىن قويماعان ءجون جانە قازتاماق (ۋلى بولمە گۇلدەرىنىڭ ءبىرى رەتىندە) جۇكتى ايەلدەرگە، قانداعى قانت مولشەرى تومەن ادامدارعا، كىشكەنتاي بالالارعا كەرى اسەرى

  كاكتۋس كاكتۋس

  گۇلى ۋلى گۇلدەر قاتارىنا جاتپايدى. بىراق كاكتۋستاردىڭ كەيبىر تۇرلەرى، مىسالى، تريحوتسەرەۋس قۇرامىندا ورتالىق جۇيكە جۇيەسىنىڭ سال اۋرۋىن تۋدىرۋى مۇمكىن گالليۋتسينوگەندەر بار. ولاردىڭ اسەرى لسد ەسىرتكىسىنىڭ اسەرىنە ۇقساس.

  سۇتتىگەن (مولوچاي)

  سۇتتىگەندى مەكتەپ سىنىپتارىنداعى تەرەزەدەن ءجيى كورۋگە بولادى. سۇتتىگەننىڭ كاكتۋستارعا ۇقسايتىن ءتۇرى مەن ەۋروفوبيا تۇرلەرى شىن مانىندە ۋلى بولىپ كەلەدى. ساباعى سىنعاندا شىعاتىن ءسۇتتى شىرىنىن اۋىزعا سالىپ ءدامىن كورۋگە بولمايدى. ول جۇرەك اينۋى مەن ديارەياعا، باس اينالۋعا الىپ كەلەدى. سونىمەن قاتار ءسۇتتى شىرىن تەرىنى كۇيدىرۋى ءمۇمىن.

  جولاقتى الوە

  نەگىزىنەن الوە تۇرلەرىنىڭ كوپشىلىگى ەمدىك قاسيەتى بار جانە ولاردى ۇيدە ەمدەۋ قۇرالى رەتىندە ءجيى قولدانادى. الايدا جولاقتى الوە وتە قاۋىپتى گۇلدەر قاتارىندا. ونى ەمدىك ماقساتتا پايدالانۋعا بولمايدى. ول جۇكتى ايەلدەردىڭ تۇسىك تاستاۋىنا سەبەپ بولۋى مۇمكىن.

  جاپونگۇل (گورتەنزيا)

 

  جاپون گۇلىن كوپتەگەن ساياجايلاردان كەزدەستىرۋگە بولادى. الايدا گۇلدىڭ بارلىق بولىكتەرىندە ۋ بار. ەگەر كەزدەيسوق اعزاعا گۇلدىڭ شىرىنى تۇسسە، تەرىنىڭ قىشۋى، اسقازاننىڭ اۋىرسىنۋىن، جۇرەك اينۋ سەكىلدى كەرى بەلگىلەر بولۋى مۇمكىن. سونىمەن قاتار بۇلشىق ەت جۇمىسىن ناشارلاتادى.

  قۇبىلمالى اگلاونەما

  وسىمدىكتىڭ شىرىنى مەن جيدەكتەرى ۋلى بولىپ كەلەدى. شىرىن اۋىز جانە تاماق ايماعىندا ءىسىنۋ مەن اۋىرسىنۋ سەزىمىن تۋدىرادى. سونىمەن قاتار گۇلدىڭ شىرىنىن كوزگە تيگىزۋدەن ساق بولۋ كەرەك.

  ەسىڭىزدە بولسىن، ۇيىڭىزدە كىشكەنتاي بالالار نەمەسە ءۇي جانۋارلارى (اسىرەسە مىسىقتار) بولسا، جوعارىداعى گۇلدەردى وسىرمەگەنىڭىز ابزال. ەگەر دە ۇيىڭىزدە مۇنداي گۇلدەر بولىپ، كەزدەيسوق جاعدايدا ساباعى سىنسا، ساباعىنان بولىنگەن اق شىرىندى قولمەن ۇستاۋشى بولماڭىز. اتالمىش گۇلدەردىڭ بارلىعى قاۋىپتى دەپ سانالعانىمەن، ولاردىڭ پايدالى دا تۇستارى بار.

جاۋاپتى رەداكتور: ءاننا اكىمقان قىزى
  • چىن چۋانگو اۆتونوميالى رايوننىڭ ۇلتتار ىنتىماعىن بەكەمدەۋ، دامىتۋ اڭگىمە ماجىلىسىندە ۇلتتاردىڭ اناردىڭ دانىندەي تىعىز ۇيىسىپ، ءبىر ءۇيلى جانداي ىنتىماقتاسىپ، ءبىر نيەتپەن جۇڭگو ارمانىن جۇزەگە اسىرۋى كەرەكتىگىن باسا دارىپتەدى
  • ءبىر اپتالىق اۋا رايىنان الدىن الا مالىمەت
  • ايماق كەدەيلەردى سۇيەمەلدەۋ سالاسىنىڭ ساقتىق تاربيەسى ٴماجىلىسىن اشتى
  • (微视频)كوكتەمنىڭ كوگىلدىر قۇستارى