اعاجاي-التاي تورابى   ›   اقپارات ايدىنى   ›   شينجياڭ حابارلارى

جۇمىسقا ورنالاستىرۋدى الدىمەن ويلاستىرۋ ساياساتى جاپپاي رول اتقاردى

− رايونىمىزدىڭ ءبىرىنشى توقسانداعى جۇمىسقا ورنالاستىرۋ جاعدايىنا نازار
شينجياڭ گازەتىنىڭ ءتىلشىسى لي چۇنشيا

  اۆتونوميالى رايوننىڭ داعدىلى اقپار جاريالاۋ ماجىلىسىندە 
 

  - بيىل رايونىمىز ”جۇمىسقا ورنالاستىرۋ ساياساتتارىن تياناقتاندىرۋ“ جىلى قيمىلىن تىڭعىلىقتى ورىستەتىپ، جۇمىسقا ورنالاستىرۋدى ورنىقتىرۋدى جانە كەڭەيتۋدى كوپ جاقتان قاتار ىلگەرىلەتتى.

  - بيىل رايونىمىز نازاردى وڭتۇستىك شينجياڭداعى 22 اۋىر كەدەي اۋدانداعى ارحيۆ تۇرعىزىلىپ، كارتچكا بەرىلگەن كەدەي وتباسىلارىنىڭ ەڭبەككۇشتەرىنە شوعىرلاندىرىپ، شينجياڭدا باسقا جەرگە باسقا كاسىپكە ويىستىرىپ جۇمىسقا ورنالاستىرۋدى، ىشكەرىدەگى شينجياڭعا كومەكتەسەتىن ولكە، قالالارعا ويىستىرىپ جۇمىسقا ورنالاستىرۋدى، قالا - قالاشىقتارعا ويىستىرىپ جۇمىسقا ورنالاستىرۋدى، كاسىپ باقشالارىنا ويىستىرىپ جۇمىسقا ورنالاستىرۋدى، كاسىپورىندارعا ويىستىرىپ جۇمىسقا ورنالاستىرۋدى زور كۇشپەن ىلگەرىلەتتى.

  - بيىلعى قالا - قالاشىقتارداعى جاڭادان ارتقان جۇمىسقا ورنالاسقانداردىڭ ىشىندە، كاسىپورىنداردا 57 مىڭ 700 ادام جۇمىسقا ورنالاستى، مۇنىڭ ىشىندە ورتا، شاعىن، ۇساق كاسىپورىنداردا 53 مىڭ 500 ادام جۇمىسقا ورنالاسىپ، كاسىپورىندا جۇمىسقا ورنالاسقاندار سانىنىڭ %95.69ىن ۇستادى. كاسىپورىنداردا جۇمىسقا ورنالاسقانداردىڭ سانى ۇزدىكسىز ارتىپ، جۇمىسقا قابىلداۋدىڭ ماڭىزدى ارناسىنا اينالدى.
 - بيىل رايونىمىز ساياحات كاسىپتىك باۋلۋدى جەبەۋ جوسپارى سياقتى 4 ارناۋلى ارەكەت جوسپارىن اناعۇرلىم كورنەكتى ورىنعا قويىپ، جۇمىسقا ورنالاستىرۋدى الدىمەن ويلاستىرۋ ساياساتتارىندا جاپپاي كۇش سالادى.

  

  جۇمىسقا ورنالاستىرۋ حالىق تۇرمىسىنىڭ نەگىزى، اۋقاتتاندىرۋدىڭ قاينارى. بيىلعى ۇكىمەت قىزمەتىنەن باياندامادا جۇمىسقا ورنالاستىرۋدى، ءسوزسىز، ماڭداي الدى ورىنعا قويىپ، جۇمىسقا ورنالاستىرۋدى الدىمەن ويلاستىرۋ ساياساتتارىندا جاپپاي كۇش سالۋ كەرەك دەلىندى. ءبىرىنشى توقساندا رايونىمىزداعى جۇمىسقا ورنالاسۋ جاعدايى جالپى تۇلعالىق جاقتان ورنىقتىلىقتى ساقتاۋمەن بىرگە، تاعى قانداي جاڭا ەرەكشەلىكتەر كورسەتتى؟ كەلەسىدەگى جۇمىسقا ورنالاسۋ بەتالىسى قانداي بولادى؟ 4 - ايدىڭ 4 - كۇنى ءتىلشى وسى جونىندە تىلشىلىك جاسادى.

  

  تۇتاس رايونداعى جۇمىسقا ورنالاسۋ جاعدايى
 جالپى تۇلعالىق جاقتان ورنىقتىلىق بارىسىندا جوعارىلاپ، بەلسەندى، جاقسى بەتالىستا بولدى

  قالا - قالاشىقتاردا 153 مىڭ 200 ادام جاڭادان جۇمىسقا ورنالاسىپ، بىلتىرعى سايكەستى مەزگىلدەگىدەن 24 مىڭ 800 ادام كوبەيدى؛ اۋىل - قىستاقتارداعى ارتىق ەڭبەككۇشتەردەن 526 مىڭ 600 ادام - رەت باسقا كاسىپكە ويىسىپ جۇمىسقا ورنالاسىپ، اۋقاتتانىپ، بىلتىرعى سايكەستى مەزگىلدەگىدەن 65 مىڭ 600 ادام - رەت كوبەيدى؛ قالا - قالاشىقتاردا جاڭادان جۇمىسقا ورنالاسقانداردىڭ ىشىندە تۇراقتى جۇمىسقا ورنالاسقاندار 99 مىڭ 300 ادام بولىپ، بىلتىرعى سايكەستى مەزگىلدەگىدەن 20 مىڭ 600 ادام - رەت كوبەيدى... 4 - ايدىڭ 4 - كۇنى اشىلعان اۆتونوميالى رايوننىڭ جۇمىسقا ورنالاستىرۋ ارقىلى حالىققا تيىمدىلىك جەتكىزۋ قىزمەتىنەن اقپار جاريالاۋ ماجىلىسىندە جۇمىسقا ورنالاسۋ كورسەتكىشىنىڭ ولشەمى بولعان سان - سيفرلار رايونىمىزداعى ءبىرىنشى توقسانداعى جۇمىسقا ورنالاسۋ جاعدايىنان جاسالعان ەڭ جاقسى تۇسىنىك بولدى.

  ”ءبىرىنشى توقساندا تۇتاس رايونىمىزداعى جۇمىسقا ورنالاسۋ جاعدايى جالپى تۇلعالىق جاقتان ورنىقتىلىقتى ساقتاپ، تاماشا باستالدى“، - دەدى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى ليۋ جۇنچاڭ، بيىل رايونىمىز ”جۇمىسقا ورنالاستىرۋ ساياساتتارىن تياناقتاندىرۋ جىلى“ قيمىلىن تىڭعىلىقتى ورىستەتىپ، جۇمىسقا ورنالاستىرۋدى ورنىقتىرۋدى جانە كەڭەيتۋدى كوپ جاقتان قاتار ىلگەرىلەتەدى. ءبىر جاعىنان، كەدەيلەردى جۇمىسقا ورنالاستىرۋ ارقىلى سۇيەمەلدەۋ، ”كوكتەم سامالى ارەكەتى“، جوعارى مەكتەپتەردەن وقۋ بىتىرگەن وقۋشىلارعا قىزمەت وتەۋ ارناۋلى ارەكەتى، جۇمىسقا ورنالاسۋعا كومەكتەسۋ ايى ارەكەتى سياقتىلاردى ورىستەتۋ ارقىلى اۋىل - قىستاقتارداعى ارتىق ەڭبەككۇشتەر، جوعارى مەكتەپتەردەن وقۋ بىتىرگەن وقۋشىلار سياقتى ءتۇيىندى شوعىرلى ادامداردى جۇمىسقا ورنالاستىرۋدى تىڭعىلىقتى جاقسى ىستەپ، قالا - قالاشىقتارداعى جۇمىسقا ورنالاسۋى قيىن ادامداردىڭ جۇمىسقا ورنالاسۋىنا كومەكتەسۋدى، سۇيەمەلدەۋدى كۇشەيتەدى. ەندى ءبىر جاعىنان، ساياساتتىق دەمەۋدى كۇشەيتىپ، شارۋاشىلىق قۇرۋداعى كەپىلدىك نەسيەنىڭ جەكەلىك ەڭ جوعارى نەسيە سوماسى مولشەرىن 100 مىڭ يۋاننان 150 مىڭ يۋانعا جوعارىلاتىپ، ەڭبەككۇش شوعىرلى شاعىن، ۇساق كاسىپورىنداردىڭ نەسيە سوما مولشەرىن 2 ميلليون يۋاننان 3 ميلليون يۋانعا جوعارىلاتىپ، شارۋاشىلىق قۇرۋ ارقىلى جۇمىسقا ورنالاستىرۋدى جەتەكتەۋدىڭ ەسەلىك ەففەكتىن ساۋلەلەندىرىپ، ءتىپتى دە كوپ ادامنىڭ جۇمىسقا ورنالاسۋىن جەبەيدى.

  ”شينجياڭنىڭ اۋا رايىنىڭ جىلىنۋىنا ىلەسە، قىرۋار كاسىپورىندار، ينجەنەريا نىساندار جۇمىس مەرزىمىنە ءوتىپ، جۇمىسشى ىستەتۋ سۇرانىسى قاۋىرت ارتىپ، جۇمىسقا ورنالاستىرۋ تەبىندى مەزگىلگە وتەدى“، - دەدى ليۋ جۇنچاڭ، بيىل رايونىمىزداعى جۇمىسقا ورنالاستىرۋ قىزمەتى بەلگىلى قىسىمعا ءدوپ كەلەدى، دەسەدە جالپى تۇلعالىق جاقتان ورنىقتىلىق بارىسىندا جوعارىلاپ، بەلسەندى، جاقسى بەتالىستا بولادى. اۆتونوميالى رايوننىڭ قوعام ورنىقتىلىعىنىڭ پايداسى ۇزدىكسىز كورىلۋىنە ىلەسە، توقىماشىلىق، كيىم - كەشەك، ەلەكتروندىق ونىمدەردى قۇراستىرۋ، ساياحات سياقتى ەڭبەككۇش شوعىرلى كاسىپورىندار مەن ورتا، شاعىن، ۇساق كاسىپورىندار، كاسىپ باقشا رايوندارى، سەرىك زاۆودتار، ”كەدەيلەردى سۇيەمەلدەۋ سەحتارى“ سياقتىلار تەز دامىپ، زور مولشەردەگى جۇمىس ورنىن تۋدىرادى.

  

  نازاردى وڭتۇستىك شينجياڭداعى 22 اۋىر كەدەي اۋداندارعا شوعىرلاندىردى
 كەدەيلەردى جۇمىسقا ورنالاستىرۋ ارقىلى سۇيەمەلدەۋگە جاپپاي كۇش سالدى
 

  4- ايدىڭ 3 - كۇنى اقسۋ شيڭكى كيىم - كەشەك شەكتى سەرىكتەستىگىنىڭ كەدەيلەردى سۇيەمەلدەۋ سەحىندا كەلپىن اۋدانى گەزلىك قالاشىعى تومەنباعىلىق قىستاعىنان كەلگەن كەدەي تۇرعىن امانگۇل مامەت كەزدەمە ءپىشىپ جاتىر. ”مەن بۇل جەردەن تەحنيكا يگەردىم، ايلىق ەڭبەكاقىم 2000 يۋان. جۇبايىم جاقىن ماڭداعى ماي قۇيۋ پۋنكتىندە قىزمەت ىستەيدى، ول ايىنا 2300 يۋان ەڭبەكاقى الادى. ەكەۋىمىز جاقسى ىستەپ، ەرتەرەك كەدەيلىكتەن ارىلۋعا قۇلشىنامىز“، - دەدى امانگۇل نىق سەنىممەن.

  بيىل امانگۇل سياقتى وڭتۇستىك شينجياڭداعى تالاي كەدەي وتباسىلارىنىڭ ەڭبەككۇشتەرى باسقا كاسىپكە ويىسىپ جۇمىسقا ورنالاسىپ، تۇراقتى قىزمەتكە جانە كىرىسكە يە بولىپ، كەدەيلىكتەن ارىلۋعا تولىق ءۇمىتتى بولدى. رايونىمىزدىڭ كەدەيلەردى جۇمىسقا ورنالاستىرۋ ارقىلى سۇيەمەلدەۋدىڭ 3 جىلدىق ارەكەت جوسپارىنا ساي، بيىل وڭتۇستىك شينجياڭداعى 22 اۋىر كەدەي اۋدانداعى ارحيۆ تۇرعىزىلىپ، كارتچكا بەرىلگەن كەدەي وتباسىلارىنىڭ ەڭبەككۇشتەرىنەن 40 مىڭ ادام باسقا كاسىپكە ويىسىپ جۇمىسقا ورنالاسادى. ءبىرىنشى توقساننىڭ اياعىنا دەيىن 18 مىڭ 107 ادام باسقا كاسىپكە ويىسىپ جۇمىسقا ورنالاستىرىلىپ، جىلدىق نىسانا - مىندەتتىڭ %45.27ى ورىندالدى.

  شەبەرلىك بولسا، جۇمىس ورنى قامسىز بولادى. كەدەي وتباسىلارىنداعى ەڭبەككۇشتەردىڭ تۇراقتى جۇمىسقا ورنالاسۋى مەن ۇزاق ۋاقىت جۇمىسقا ورنالاسۋىن جۇزەگە اسىرۋ ءۇشىن رايونىمىز وسى شوعىردى جۇمىسقا ورنالاستىرۋ شەبەرلىگىنە باۋلۋ تەبىنىن ارتتىردى. بيىل ءبىرىنشى توقساندا وڭتۇستىك شينجياڭنىڭ 4 ايماق - وبلىسى 116 مىڭ 800 ادام - رەت ءتۇرلى جۇمىسقا ورنالاستىرۋ شەبەرلىگىنە باۋلۋ ورىستەتتى، مۇنىڭ ىشىندە اۋىل - قىستاقتارداعى ارتىق ەڭبەككۇشتەردى باسقا كاسىپكە ويىستىرىپ جۇمىسقا ورنالاستىرۋ بويىنشا 112 مىڭ 600 ادام - رەت باۋلىدى، كەدەيلىكتەن ارىلماعان ارحيۆ تۇرعىزىلىپ، كارتچكا بەرىلگەن كەدەي وتباسىلارىنداعى ەڭبەككۇشتەردەن 32 مىڭ 100 ادام - رەت باسقا كاسىپكە ويىستىرىپ جۇمىسقا ورنالاستىرۋ بويىنشا باۋلىدى.

  ”كەدەيلەردى جۇمىسقا ورنالاستىرۋ ارقىلى سۇيەمەلدەۋگە جاپپاي كۇش سالامىز“، - دەدى ليۋ جۇنچاڭ، بيىل رايونىمىز نازاردى وڭتۇستىك شينجياڭداعى 22 اۋىر كەدەي اۋدانداعى ارحيۆ تۇرعىزىلىپ، كارتچكا بەرىلگەن كەدەي وتباسىلارىنىڭ ەڭبەككۇشتەرىنە شوعىرلاندىرىپ، شينجياڭدا ءوڭىر اتتاتىپ باسقا كاسىپكە ويىستىرىپ جۇمىسقا ورنالاستىرۋدى، ىشكەرىدەگى شينجياڭعا كومەكتەسەتىن ولكە، قالالارعا ويىستىرىپ جۇمىسقا ورنالاستىرۋدى، قالا - قالاشىقتارعا ويىستىرىپ جۇمىسقا ورنالاستىرۋدى، كاسىپ باقشالارىنا ويىستىرىپ جۇمىسقا ورنالاستىرۋدى، كاسىپورىندارعا ويىستىرىپ جۇمىسقا ورنالاستىرۋدى زور كۇشپەن ىلگەرىلەتەدى، جۇمىسقا ورنالاسۋ قالاۋى، بەلگىلى دەڭگەيدەگى مەملەكەتتە ءبىر تۇتاس قولدانىلاتىن ءتىل - جازۋ ورەسى جانە شەبەرلىك ورەسى بار بارلىق ەڭبەككۇشتى باسقا كاسىپكە ويىستىرۋدان بۇرىنعى نەگىزگى ەڭبەك ساپاسىنا باۋلۋدى جاقسى ىستەپ، باسقا كاسىپكە ويىستىرىپ جۇمىسقا ورنالاستىرۋعا تيىستىلەرىن مۇمكىندىگىنشە باسقا كاسىپكە ويىستىرىپ جۇمىسقا ورنالاستىرادى.

  ”ءبىز باسقا كاسىپكە ويىستىرىپ جۇمىسقا ورنالاستىرىلعان ادامدارعا قامقورلىق جاساۋدى، كوڭىل ءبولۋدى دە كۇشەيتىپ، ولاردىڭ ءىس جۇزىندىك قيىنشىلىقتارى مەن ماسەلەلەرىن شەشۋىنە كومەكتەسىپ، كاسىپورىندارعا جەدەل ۇيلەستىرىپ، سول جەرگە ورنىقتىرىپ، باسقا كاسىپكە ويىستىرىپ جۇمىسقا ورنالاستىرۋدىڭ ورنىقتىلىعىن جوعارىلاتامىز“، - دەدى ليۋ جۇنچاڭ.
 

  قالا - قالاشىقتارداعى جاڭادان جۇمىسقا ورنالاسقاندار
 ورتا، شاعىن، ۇساق كاسىپورىنداردا جۇمىسقا ورنالاسقانداردىڭ سانى كاسىپورىنداردا جۇمىسقا ورنالاسقاندار سانىنىڭ 95.69%ىن ۇستادى

  ”سەرىكتەستىگىمىز جاقىندا جاڭادان ون نەشە ادام قابىلدادى، ولاردىڭ اراسىندا تازالىق جۇمىسشىسى، اماندىق قورعاۋشى، سۋ - توك جولىن رەمونتتاۋشى قاتارلىلار بار. بيىلعى ۇكىمەت قىزمەتىنەن باياندامادا اۋىل - قىستاقتارداعى كەدەيلەردى، قالا - قالاشىقتارداعى جۇمىسسىزدىققا تىركەلۋى جارىم جىلدان اسقان ادامداردى جۇمىسقا قابىلداپ ىستەتكەن ءتۇرلى كاسىپورىندار 3 جىل ىشىندە سالىق اقىسىن تومەندەتۋدەن، كەشىرۋدەن يگىلىكتەنەدى دەلىندى. ”قازىر پارتيانىڭ ساياساتى جاقسى، كاسىپورنىمىز دا كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋگە ۇلەس قوسۋ كەرەك“، - دەدى 4 - ايدىڭ 4 - كۇنى شينجياڭ دىيۇي جياشياڭ قوجالىق قىزمەت وتەۋ شەكتى سەرىكتەستىگىنىڭ زاڭدىق ۋاكىلى چىن جاۋلۇڭ تىلشىگە.

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا قاراعاندا، بيىل ءبىرىنشى توقسانداعى قالا - قالاشىقتارداعى جاڭادان ارتقان جۇمىسقا ورنالاسقانداردىڭ ىشىندە كاسىپورىنداردا 55 مىڭ 700 ادام جۇمىسقا ورنالاسقان، بۇل بىلتىرعى سايكەستى مەزگىلدەگىدەن 10 مىڭ 700 ادام ارتىق، مۇنىڭ ىشىندە ورتا، شاعىن، ۇساق كاسىپورىنداردا 53 مىڭ 300 ادام جۇمىسقا ورنالاسىپ، كاسىپورىندا جۇمىسقا ورنالاسقاندار سانىنىڭ %95.69ىن ۇستاعان. كاسىپورىنداردا جۇمىسقا ورنالاسقانداردىڭ سانى ۇزدىكسىز ارتىپ، جۇمىسقا قابىلداۋدىڭ ماڭىزدى ارناسىنا اينالدى.

  ”ساياساتتاردى تياناقتاندىرۋدى ويداعىداي يگەرىپ، كاسىپورىنداردىڭ ءتۇرلى ءتيىمدى ساياساتتاردان دەر كەزىندە يگىلىكتەنۋىنە مۇمكىندىك جاسايمىز“، - دەدى ليۋ جۇنچاڭ، بيىل رايونىمىز جۇمىسسىزدىق قامسىزداندىرۋى ارقىلى كاسىپورىنداردىڭ جۇمىس ورىندارىن ورنىقتىرۋىنا كومەكتەسۋدىڭ ”قورعاۋ ارەكەتى“ن ۇزدىكسىز اتقارىپ، زاڭ بويىنشا قامسىزداندىرۋعا قاتىناسىپ، اقى تاپسىرىپ، قىزمەتكەرلەرىن قىسقارتپاعان، از قىسقارتقان كاسىپورىندارعا كاسىپورىننىڭ ءىس جۇزىندىك تاپسىرعان جۇمىسسىزدىق قامسىزداندىرۋ اقىسىنىڭ %50ى بويىنشا (وڭتۇستىك شينجياڭنىڭ 4 ايماق - وبلىسىندا %60كە جوعارىلاتىلادى) قىزمەت ورنىن ورنىقتىرۋ جاردەماقىسىن بەرىپ، كاسىپورىنداردىڭ اينالىم وزىندىك قۇنىن تومەندەتىپ، جۇمىس ورىندارىن ورنىقتىرادى. 2 - ايدىڭ اياعىنا دەيىن تۇتاس رايونىمىزدا 53 كاسىپورىن جۇمىس ورىندارىن ورنىقتىرۋ جاردەماقىسىنان يگىلىكتەندى، جاردەماقى قاراجاتى 5 ميلليون 572 مىڭ يۋانعا جەتىپ، 10 مىڭ 600 كاسىپورىن قىزمەتكەرى تيىمدىلىككە كەنەلدى.
 

  ساياحات كاسىبى ارقىلى جەبەۋ
 بيىل جاڭادان 40 مىڭ ادام جۇمىسقا ورنالاستىرىلادى

  ساياحات كاسىبى ارقىلى جۇمىسقا ورنالاستىرۋدى جەبەۋ رايونىمىزدىڭ بيىلعى جۇمىسقا ورنالاستىرۋدى جەبەۋ قىزمەتىنىڭ جاڭا ارتۋ ءتۇيىنى. «شينجياڭ ۇيعۇر اۆتونوميالى رايونىنىڭ ساياحات كاسىبى ارقىلى جۇمىسقا ورنالاستىرۋدى جەبەۋدىڭ 3 جىلدىق ارەكەت جوسپارى (2018 − 2020 - جىل)» رايونىمىز 3 جىلدا ساياحات كاسىبىندە جاڭادان 100 مىڭ ادامدى جۇمىسقا ورنالاستىراتىندىعىن ايقىندادى. بيىل رايونىمىز ساياحات كاسىبىندە جاڭادان 40 مىڭ ادامدى جۇمىسقا ورنالاستىرادى.

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا قاراعاندا، ءبىرىنشى توقساندا رايونىمىزدىڭ ساياحات كاسىبى ”جەتى ءبىر توپ“ ارناسى ارقىلى 8387 ادامدى جاڭادان جۇمىسقا ورنالاستىرعان، مۇنىڭ ىشىندە جاتاق، اس - سۋ سياقتى ساياحاتتىق قىزمەت وتەۋ كاسىپورىندارى 3771 ادامدى جۇمىسقا قابىلداعان، ساياحاتتىق قاتىناس كاسىپورىندارى، ساياحاتتىق تيجارات كاسىپورىندارى، ساياحات كورىنىس رايوندارىن باسقارۋ كاسىپورىندارى 1783 ادامدى جۇمىسقا قابىلداعان، مۇنان سىرت، كەيبىر ادامدار اۋىل - قىستاق ساياحاتىن دامىتۋ، ساياحات مادەنيەتى نىساندارى، شاعىن، ۇساق شارۋاشىلىق قۇرۋ سياقتىلار ارقىلى جۇمىسقا ورنالاسقان.

  ليۋ جۇنچاڭ بىلاي دەدى: بيىل رايونىمىز ساياحات كاسىبىنە باۋلۋدى جەبەۋ جوسپارى، تەحنيكالىق مەكتەپتەردىڭ ساياحات شەبەرلىگىنە دارىندى باۋلۋ جوسپارى، ساياحاتتىق شاعىن، ۇساق شارۋاشىلىق قۇرۋعا كومەكتەسۋ جوسپارى، ساياحات دارىندىلارىنا جۇمىسقا ورنالاسۋدان قىزمەت وتەۋ جوسپارى سىندى 4 ارناۋلى ارەكەت جوسپارىن اتقارىپ، ساياحات كاسبى ارقىلى جۇمىسقا ورنالاسۋعا دەم بەرۋدى ىشكەرىلەي جەبەيدى. بۇل ارناۋلى ارەكەتتەردىڭ مازمۇنى مىنالاردى قامتيدى: بيىل 12 ەرەكشە ساياحات الەۋمەتتىك ناقتى باۋلۋ بازاسىن جانە 10 شەبەر ۇستازدار شەبەرحاناسىن سالىپ، تەحنيكالىق مەكتەپتەردە 100 ساياحات كاسىبى وقىتۋشىلارىن باۋلۋ، تەحنيكالىق مەكتەپتەر جاڭادان 5000 ساياحات ماماندىعى وقۋشىسىن قابىلداۋ، ساياحات قىسقا مەرزىمدىك شەبەرلىككە 10 مىڭ ادام - رەت باۋلۋدى ورىستەتۋ جوسپارعا الىندى. ساياحاتتىق شاعىن، ۇساق شارۋاشىلىق قۇرۋعا قولداۋ كورسەتۋدە جەر - جەر ءىس جۇزىندىكتەرىنە نەگىزدەلىپ، الەۋمەتتىك اۋماقتاردىڭ جۇمىسقا ورنالاسۋعا كومەكتەسۋ قاراجاتىنان پايدالانىپ جىلجىمالى زات ساتۋ قۇرىلعى - جابدىقتارىن ءبىر تۇتاس ساتىپ الىپ، قالا - قالاشىقتارداعى جۇمىسقا ورنالاسۋ قيىنشىلىعى بار ادامدار مەن اۋىل - قىستاقتارداعى ارحيۆ تۇرعىزىلىپ، كارتچكا بەرىلگەن كەدەي وتباسىلارىنداعى ەڭبەككۇشتەرگە قولداۋ كورسەتىپ، جايما تۇيىندەرىن قۇرۋ، ساياحاتتىق ەستەلىك بۇيىمدارىن، ۇلتتىق ەرەكشە قولونەر بۇيىمدارىن، جەرگىلىكتى ەرەكشە ونىمدەردى ساتۋ سياقتىلار ارقىلى جۇمىسقا ورنالاستىرادى.
 

جاۋاپتى رەداكتور: ءاننا اكىمقان قىزى
  • چىن چۋانگو اۆتونوميالى رايوننىڭ ۇلتتار ىنتىماعىن بەكەمدەۋ، دامىتۋ اڭگىمە ماجىلىسىندە ۇلتتاردىڭ اناردىڭ دانىندەي تىعىز ۇيىسىپ، ءبىر ءۇيلى جانداي ىنتىماقتاسىپ، ءبىر نيەتپەن جۇڭگو ارمانىن جۇزەگە اسىرۋى كەرەكتىگىن باسا دارىپتەدى
  • ءبىر اپتالىق اۋا رايىنان الدىن الا مالىمەت
  • ايماق كەدەيلەردى سۇيەمەلدەۋ سالاسىنىڭ ساقتىق تاربيەسى ٴماجىلىسىن اشتى
  • (微视频)كوكتەمنىڭ كوگىلدىر قۇستارى