اعاجاي-التاي تورابى   ›   اقپارات ايدىنى   ›   شينجياڭ حابارلارى

حالىق رازى بولاتىن وقۋ - اعارتۋدى ويداعىداي باسقارايىق

لي پىڭشين حوتان قالاسىندا تەكسەرۋ - زەرتتەۋ جۇرگىزدى

  شينجياڭ گازەتىنىڭ ءتىلشىسى  لي ياڭ 4 - ايدىڭ 4 - كۇنى حوتاننان حابارلايدى. 4 - ايدىڭ 2 - كۇنى تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين حوتان قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ وقۋ - اعارتۋ قىزمەتى جونىندەگى ماڭىزدى بايىمداۋىن مۇقيات ۇيرەنىپ، دايەكتىلەندىرىپ، باس شۋجي شي جينپيڭنىڭ مەكتەپتەردىڭ يدەيا - ساياسي نازاريا ساباعى وقىتۋشىلارىنىڭ اڭگىمە ماجىلىسىندەگى ماڭىزدى ءسوزىنىڭ رۋحىن ۇيرەنىپ، دايەكتىلەندىرىپ، سوتسياليستىك مەكتەپ باسقارۋ بەتالىسىنان جازباي، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، ”تورتكە قىزمەت وتەۋ“ باعىتىنا تاباندى بولىپ، شينجياڭنىڭ بايتاق دالاسىنا تامىر تارتىپ، حالىق رازى بولاتىن وقۋ - اعارتۋدى ويداعىداي جۇرگىزىپ، وتاندى سۇيەتىن، شينجياڭدى سۇيەتىن، جاۋاپكەرشىلىك ارقالاپ، ۇلەس قوساتىن سوتسياليزمنىڭ قۇرىلىسشىلارى مەن ءىزباسارلارىن جەتىلدىرۋگە قۇلشىنۋ كەرەك.

  لي پىڭشين ىلگەرىندى - كەيىندى حوتان قالاسىنداعى لانتيان بالاباقشاسىنا، حوتان كاسىپتىك - تەحنيكالىق شۋەيۋانىنا، حوتان قالالىق 5 - ورتا مەكتەپكە، جۇڭگو كوممۋنيستىك پارتياسى حوتان ايماقتىق كوميتەتىنىڭ پارتيا مەكتەبىنە، شينجياڭ ۇيعۇر شيپاگەرلىگى ارناۋلى تەحنيكۋم مەكتەبىنە، حوتان پەداگوگيكالىق ارناۋلى تەحنيكۋم مەكتەبىنە بارىپ، ساباقحانا، تاجىريبەحانا، اسحانا سياقتىلارعا كىرىپ، وقىتۋشىلارمەن، جۇمىسشى - قىزمەتكەرلەرمەن، ءار ۇلت وقۋشىلارىمەن ىشكەرىلەي اڭگىمەلەسىپ، پارتيا قۇرىلىسى، وقۋ - اعارتۋ، وقىتۋ، وقۋشىلاردى باسقارۋ سياقتى قىزمەتتەر جونىندە جۇمىس باسىندا تەكسەرۋ - زەرتتەۋ جۇرگىزدى.

  لي پىڭشين بىلاي دەپ اتاپ كورسەتتى: وقۋ - اعارتۋ − شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ تەتىگى، جۇرت تىلەگىن ۇيىستىرۋدى، ادامشىلىقتى كەمەلدەندىرۋدى، ادام كۇشىن اشۋدى، دارىندى جەتىلدىرۋدى، حالىقتى باقىتقا كەنەلتۋدى قىزمەت نىساناسى ەتىپ، حوتاننىڭ وقۋ - اعارتۋىن ويداعىداي جۇرگىزۋ كەرەك. باس شۋجي شي جينپيڭنىڭ مەكتەپتەردىڭ يدەيا - ساياسي نازاريا ساباعى وقىتۋشىلارىنىڭ اڭگىمە ماجىلىسىندەگى ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن بۇلجىماي تياناقتاندىرىپ، جوعارى، ورتا، باستاۋىش مەكتەپتەردىڭ، بالاباقشانىڭ ءبىر تۇلعالانعان ءمورال تاربيەسى جۇيەسى قۇرىلىسىن تىڭعىلىقتى ىلگەرىلەتىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن جەتىلدىرۋ كەرەك. ورتا، باستاۋىش مەكتەپتەردىڭ وقۋ - اعارتۋ، وقىتۋ ورەسىن كوتەرىپ، مەملەكەتتە ءبىر تۇتاس قولدانىلاتىن ءتىل - جازۋ تاربيەسىن ويداعىداي يگەرىپ، ماتەماتيكا، فيزيكا، حيميا قاتارلى پاندەردەگى ولقىلىقتارىن تولىقتاۋ كەرەك. جوعارى دارەجەلى وقۋ - اعارتۋدا، كاسىپتىك وقۋ - اعارتۋدا حوتاننىڭ كاسىپ سالاسىنداعى باۋلۋ جانە قوعامدىق دامۋىنىڭ ءىس جۇزىندىك جاعدايىن تياناق ەتىپ، كوپ تۇرلىلەنگەن دارىندىلاردى جەتىلدىرىپ، تەحنيكالىق شەبەرلىكتى جالعاستىرىپ، جۇمىستانۋدى، شارۋاشىلىق قۇرۋدى جەبەپ، بالالاردىڭ ۇيرەنۋ ارقىلى يدەياسىنىڭ وسۋىنە، شەبەرلىگىنىڭ شىڭالۋىنا، مەملەكەتتە ءبىر تۇتاس قولدانىلاتىن ءتىل - جازۋ ورەسىنىڭ جوعارىلاۋىنا مۇمكىندىك جاساپ، ەسەيىپ - ەرجەتۋىنە، دارىندى بولۋىنا، شارۋاشىلىق قۇرۋىنا. جۇمىستانۋىنا بەرىك نەگىز قالاۋ كەرەك. بالاباقشا تاربيەسىندە وقۋ - اعارتۋ زاڭدىلىعى مەن بوبەكتەردىڭ ءوسىپ - جەتىلۋ زاڭدىلىعىنا قۇرمەت ەتىپ، بوبەكتەردىڭ ويىن ويناۋ، قيمىلداۋ بارىسىندا زەيىن - زەردەسىنىڭ اشىلۋىنا، اقاۋسىز ءوسىپ - جەتىلۋىنە مۇمكىندىك جاساپ، بالاباقشانىڭ ”باستاۋىش مەكتەپ ءتۇسىن الۋ“ نىسايىن باتىل تۇزەتۋ كەرەك. وقىتۋشىلار قوسىنى قۇرىلىسىن، اسىرەسە، وقىتۋشىلىق ءمورال، وقىتۋشىلىق ستيل قۇرىلىسىن ويداعىداي يگەرىپ، وقىتۋشى دارىندىلاردى ەنگىزۋدىڭ جانە ولاردى ىستەتۋدىڭ جاڭا ۇلگىسى جونىندە ىزدەنىس جاساپ، جاڭالىق اشىپ، ساياسي ساپاسى شىڭدالعان، كاسىپتىك قابىلەتى مىعىم، ادام تاربيەلەۋ ورەسى ەرەك، شەكارا وڭىردە تامىر تارتۋعا بەل بۋعان جوعارى ساپالى وقىتۋشىلار قوسىنىن جەتىلدىرۋگە قۇلشىنۋ كەرەك. وقۋشىلاردىڭ تاربيەلەۋىن باسقارۋدى، وقىتۋشىلاردىڭ وقىتۋىن باسقارۋدى، مەكتەپتىڭ ارتقى شەبىن باسقارۋدى جانە مەكتەپ اۋلاسىنىڭ ورنىقتىلىعىن ءبىر تۇتاس ويداعىداي يگەرىپ، اسىرەسە، وقىتۋشى - وقۋشىلاردىڭ حاۋىپسىزدىگىن ءبىرىنشى ورىنعا قويىپ، جاۋاپكەرشىلىكتى تياناقتاندىرىپ، ساقتىق دابىلىن ۇدايى قاعىپ، مەكتەپتىڭ ازىق - تۇلىك حاۋىپسىزدىگىن باسقارۋدى كۇشەيتىپ، وقۋشىلاردىڭ حاۋىپسىز، ءنارلى، اقاۋسىز تاماقتانۋىنا مۇمكىندىك جاساۋ كەرەك.

  لي پىڭشين بىلاي دەپ باسا دارىپتەدى: پارتيانىڭ وقۋ - اعارتۋ قىزمەتىنە جاپپاي باسشىلىعىنا مىزعىماي تاباندى بولىپ جانە ونى كۇشەيتىپ، ساياسي قۇرىلىستى قاشاندا ماڭداي الدى ورىنعا قويىپ، پارتكوم باسشىلىعىنداعى مەكتەپ باستىعى جاۋاپتى بولۋ ءتۇزىمىن جاپپاي تياناقتاندىرىپ، ءار دارەجەلى، ءار ءتۇرلى مەكتەپتىڭ پارتيا قۇرىلىسى قىزمەتىن كۇشەيتىپ، پارتيا تۋىن قاشاندا وقۋ - اعارتۋ شەبىندە اسقاق جەلبىرەتۋ كەرەك.

 

جاۋاپتى رەداكتور: ءاننا اكىمقان قىزى
  • چىن چۋانگو اۆتونوميالى رايوننىڭ ۇلتتار ىنتىماعىن بەكەمدەۋ، دامىتۋ اڭگىمە ماجىلىسىندە ۇلتتاردىڭ اناردىڭ دانىندەي تىعىز ۇيىسىپ، ءبىر ءۇيلى جانداي ىنتىماقتاسىپ، ءبىر نيەتپەن جۇڭگو ارمانىن جۇزەگە اسىرۋى كەرەكتىگىن باسا دارىپتەدى
  • ءبىر اپتالىق اۋا رايىنان الدىن الا مالىمەت
  • ايماق كەدەيلەردى سۇيەمەلدەۋ سالاسىنىڭ ساقتىق تاربيەسى ٴماجىلىسىن اشتى
  • (微视频)كوكتەمنىڭ كوگىلدىر قۇستارى