اعاجاي-التاي تورابى   ›   زاڭ-تارازى   ›   عىلىمي ماقالالار

بولشەكتەۋشىلىككە قارسى تۇرۋ كۇرەسىنە بەلسەندىلىكپەن ات سالىسامىن

شەريا اۋداندىق پارتكومنىڭ تۇراقتى مۇشەسى، ورىنباسار اكىم يلھام يمام

  جاڭا جۇڭگو قۇرىلعاننان بەرى، اسىرەسە، پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىندا، تيانشاننىڭ وڭتۇستىگى مەن سولتۇستىگىندە وراسان زور وزگەرىستەر تۋىلدى، ءار ۇلت حالقى جاراسىمدى، باقىتتى، ىرعىن، قامسىز تۇرمىس كەشىردى. نەگىزدىك قۇرىلعىلار قۇرىلىسى، ەمدەۋ، وقۋ - اعارتۋ، زەينەتكەرلىك سياقتى ءتۇرلى ىستەر قارىشتاپ دامىپ، حالىققا ءتيىمدى ءتۇرلى شارالاردان ءار ۇلت بۇقاراسى يگىلىكتەندى، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەكارا وڭىرگە كوڭىل بولگەندىگىنىڭ، قامقورلىعىنىڭ ارقاسى. ۇلى پارتيا مەن ۇلى وتانىمىز بولماسا، شينجياڭنىڭ دامۋى مەن گۇلدەنۋى بولماس ەدى، ءار ۇلت حالقىنىڭ باقىتتى تۇرمىسى دا بولماس ەدى، مەنىڭ جەكە باسىمنىڭ ەسەيىپ - ەرجەتۋى، العا باسۋى ءتىپتى بولماس ەدى.

  ايتسە دە، ”ءۇش ءتۇرلى كۇش“ ۇلتتار ىنتىماعىن، قوعام ورنىقتىلىعىن بۇلدىرۋگە، شينجياڭداعى ءار ۇلت حالقىنىڭ باقىتتى تۇرمىسىن بۇلدىرۋگە ۇرىندى، ولاردىڭ وتاندى بولشەكتەۋ جات نيەتى ايپاراداي اشىلدى. ولار ۇشقارى يدەيانى دىنمەن ماتاستىرىپ، دىنگە سەنەتىن بۇقارامەن ماتاستىرىپ، قوعامدىق تۇرمىسپەن ماتاستىرىپ، بارلىق زايىرلى مادەنيەتتى تەرىستەپ جانە شەتكە قاعىپ، ”مۇسىلمانشا“ ۇعىمىن اسىرەلەپ، تەلەۆيزور كورۋگە، راديو تىڭداۋعا، گازەت - جۋرنال وقۋعا بولمايدى دەپ داۋرىعىپ، ادامداردى ءان ايتۋدان، ءبي بيلەۋدەن شەكتەپ، ايەلدەردى نيقاپ - بۋرقا كيۋگە ماجبۇرلەدى؛ شينجياڭداعى ءار ۇلت بىرگە جاراتقان الۋان ءتۇرلى، شۇعىلالى ءداستۇرلى مادەنيەتتى كاپەرىنە الماي، جۇڭحۋا مادەنيەتى مەن شينجياڭداعى ءار ۇلت مادەنيەتىنىڭ بايلانىسىن ۇزۋگە ۇرىندى. بۇعان شينجياڭداعى ءار ۇلت حالقى استە كونبەيدى، باتىل قارسى تۇرادى، ”ءۇش ءتۇرلى كۇش“تىڭ سۇرقيا قاسكۇنەمدىگى ماڭگى ىسكە اسپايدى.

  ءبىز ءار ۇلت بۇقاراسىن ماركسيزمدىك ”بەس كوزقاراس“تى بەرىك ورناتىپ، ”بەستى شىنايى مويىنداۋ“دى ۇزدىكسىز كۇشەيتىپ، ءدىني ۇشقارى يدەيانىڭ سىنالاپ كىرۋىنە جانە ازدىرۋىنا جۇرەكتىلىكپەن قارسى تۇرۋعا، ”ءۇش ءتۇرلى كۇش“پەن شەك - شەكارانى ايىرۋعا جانە وعان قارسى باتىل كۇرەسۋگە جەتەكتەۋىمىز كەرەك. يدەيانى ازات ەتىپ، دۇرىس پەن بۇرىستى اجىراتىپ، وزاتتاردان ۇيرەنىپ، كوزقاراستا بۇرىلىس جاساپ، توقىراۋمەن ءوزىن تۇسايتىن، ناداندىق، بىلىمسىزدىك، كونەشىلدىك سىندى ەسكى سالت، كونە جول - جوسىندى بۇزىپ، كىشكەنە ىستەردەن، ءاربىر ادامنان باستاپ ىستەپ، وسى زامانعى، وركەنيەتتى، اقاۋسىز تۇرمىس تاسىلىنە تالپىنىپ، باقىتتى دا كوركەم جاڭا تۇرمىستى قۇلشىنا جاراتۋىمىز كەرەك.

  ءبىز پارتيالى كادرلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانامىزدى قارۋلاندىرىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتياعا ادال بولۋىمىز، وتانعا ادال بولۋىمىز، حالىققا ادال بولۋىمىز، ”ءۇش ءتۇرلى كۇش“كە، ”ەكىبەتكەيلەر“گە قارسى باتىل كۇرەس جاساپ، ءار ۇلت بۇقاراسىن بولشەكتەۋشىلىككە قارسى تۇرۋ كۇرەسىنە بەلسەندىلىكپەن ات سالىسۋعا ىنتىماقتاستىرىپ جانە باستاپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن ۇلەس قوسۋىمىز كەرەك.
 

جاۋاپتى رەداكتور: ءاننا اكىمقان قىزى
  • ءبىر اپتالىق اۋا رايىنان الدىن الا مالىمەت
  • ايماق كەدەيلەردى سۇيەمەلدەۋ سالاسىنىڭ ساقتىق تاربيەسى ٴماجىلىسىن اشتى
  • (微视频)كوكتەمنىڭ كوگىلدىر قۇستارى
  • 31-كۇنى تاۋلى رايونداردا از مولشەردە جاڭبىر جاۋىپ سوڭى جاڭىر ارالاس قار نەمەسە قارعا اينالادى