اعاجاي-التاي تورابى   ›   مادەنيەت ارناسى   ›   بىلگەنگە مارجان

كۇندەلىك جازۋدىڭ 10 پايداسى

  تەحنولوگيانىڭ قارىشتاپ دامىعان زامانىندا قاعاز بەن قالامدى كوپ پايدالانباۋعا تىرىسامىز. الايدا پايداسى مول بولعاندىقتان، بۇرىنعىداي قالا بەرۋى ءتيىس زاتتار بار. ونىڭ ءبىرى - كۇندەلىك جۇرگىزۋ.

  1. ەستەلىك

  كۇيبەن تىرشىلىكپەن ءجۇرىپ ءومىرىڭىزدىڭ ەڭ ماڭىزدى ساتتەرىنىڭ دەتالدارىن ۇمىتاسىز. قانشا تىرىسىپ كورسەڭىز دە، ەسىڭىزگە تۇسىرە الماي قينالاسىز. ال ەستەلىكتەردى قاعاز بەتىنە ءتۇسىرۋ ارقىلى 1،5-2 جىلدان سوڭ كوڭىلىڭىزدى وڭاي كوتەرەسىز.

  2. اناليزدەۋ

  ادام قاعاز بەتىنە تۇسكەن دۇنيەنى ەرىكتى نەمەسە ەرىكسىز مىندەتتى تۇردە اناليزدەيدى. ول ۋاقىت وتە كەلە ءوزىن تانىپ، تۇسىنە باستايدى. ىستەرىن اناليزدەۋ ارقىلى وسىعان ۇقساس قاتەلىكتەردى جىبەرمەۋگە تىرىسادى.

  3. شەشىمدى ىزدەۋ ەسكى جازبالاردى قاراپ وتىرعان كەزدە جاڭا يدەيالار مەن شەشىمدەر پايدا بولۋى مۇمكىن. مۇنىمەن قاتار كۇندەلىك يدەيانى جۇزەگە اسىراتىن ۋاقىت كەلمەيىنشە ونى ساقتاپ قويادى. ەڭ باستىسى قاعازعا جازىلعان دۇنيەنى ءسىز ەش ۋاقىتتا ۇمىتپايسىز. ويىڭىزعا كەلگەن ميلليونداعان يدەيانىڭ ءبىرىن جازىپ قويۋ ارقىلى ءسىز بولاشاققا ءبىر قادام جاسايسىز.

  4. ەموتسيانى شىعارۋ

  قاعازدىڭ ادامنان ايىرماشىلىعى ءسىزدىڭ جاقسى، جامان كوڭىل كۇيىڭىزدى، جىلاعانىڭىزدى نەمەسە قۋانعانىڭىزدى كوتەرەدى. ونى رەنجىتىپ الامىن دەپ قورىقپاساڭىز دا بولادى.

  5. جاقىن ادامدارىمىزبەن ءتىل تابىسۋ

  وزىمىزدەن جاسى كىشى باۋىرلارىمىز بەن سىڭىلدەرىمىزگە اقىل ايتۋ قيىن. ولار ءبىزدىڭ سوزدەرىمىزدى مۇلدەم دەرلىك قابىلداماي قويۋى مۇمكىن. وسىنداي جاعدايدا ولارعا كۇندەلىگىڭىزدى وقۋعا بەرىڭىز، ساباق الادى.

  6. شەشىم قابىلداپ ۇيرەنەسىز

مەكتەپتە تاپسىرمانى جازىپ ورىندايتىندىعىمىزدىڭ ءبىر پايداسى وسى. جاۋاپ الۋ ءۇشىن ونى ەڭ ءبىرىنشى قاعاز بەتىنە تۇسىرەمىز، ارتىنشا اناليزدەپ شەشىمىن تابامىز. كۇندەلىكپەن دە ءدال وسىلاي. ول دا قيىن-قىستاۋ كەزەڭدە بىرنەشە نۇسقانى كوز الدىمىزعا ءتىزىپ، دۇرىسىن تاڭداۋعا كومەكتەسەدى.

  7. ءوزىمىزدى سىرتتاي باقىلاۋعا

  "مەن مۇنى، راسىمەن دە، جارتى جىل بۇرىن جازدىم با؟ قىزىق، مەن وسىنشاما اقىماق بولعانمىن با؟" سىندى ساۋالدار تۋىنداۋى مۇمكىن.

  8. ويدى جەتكىزىپ ۇيرەنۋ

  تەزيستى، ناقتى جانە تاقىرىپقا ساي... بۇل جازۋشىلىق قاسيەتتى ارتتىرىپ قانا قويماي، نازارىڭىزدى ەڭ ماڭىزدى زاتتارعا اۋدارۋعا كومەكتەسەدى.

  9. تىرمانى باسپاۋ

  ماسساعان مەن، راسىمەن دە، باقىتىمدى جولىقتىردىم با دەپ ويلاعانىڭىزدا، ءالى دە ءومىردىڭ كەزەكتى ساباعى ەكەنىنە كوز جەتكىزۋىڭىز مۇمكىن. ارينە، جازعاننان بارلىعى تۇزەلىپ كەتەدى دەپ ايتۋ قيىن، الايدا وسى جاعداي ءتورتىنشى رەت قايتالانعان كەزدە دۇرىس شەشىم قابىلداۋىڭىز دا عاجاپ ەمەس.

  10. ماقساتىڭىز ويىڭىزدا ءجۇرسىن

  ماقساتتارىڭىزدى كۇندەلىگىڭىزدىڭ ءبىرىنشى بەتىنە جازىپ قويىڭىز. ءار كەز قايتالاپ وقىعان سايىن نە ءۇشىن ءومىر ءسۇرىپ جۇرگەندىگىڭىزدى تۇسىنەتىن بولاسىز.

جاۋاپتى رەداكتور: ءاننا اكىمقان قىزى
  • ءبىر اپتالىق اۋا رايىنان الدىن الا مالىمەت
  • ايماق كەدەيلەردى سۇيەمەلدەۋ سالاسىنىڭ ساقتىق تاربيەسى ٴماجىلىسىن اشتى
  • (微视频)كوكتەمنىڭ كوگىلدىر قۇستارى
  • 31-كۇنى تاۋلى رايونداردا از مولشەردە جاڭبىر جاۋىپ سوڭى جاڭىر ارالاس قار نەمەسە قارعا اينالادى