اعاجاي-التاي تورابى   ›   اقپارات ايدىنى   ›   سۋرەتتى حابارلار

ايماق كەدەيلەردى سۇيەمەلدەۋ سالاسىنىڭ ساقتىق تاربيەسى ٴماجىلىسىن اشتى

ستيلى تاماشا، سالتى پاك تاماشا ساياسي ەكولوگيا ارقىلى كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزەيىك

  التاي گازەتىنىڭ ٴتىلشىسى جىڭ ميڭ حابارلايدى. 3 ـ ايدىڭ 28 ـ كۇنى ايماعىمىز كەدەيلەردى سۇيەمەلدەۋ سالاسىنىڭ ساقتىق تاربيەسى ٴماجىلىسىن اشتى. ٴماجىلىستىڭ باستى مىندەتى: اۆتونوميالى رايوندىق پارتكومنىڭ، اۆتونوميالى رايوندىق ٴتارتىپ تەكسەرۋ كوميتەتىنىڭ، باقىلاۋ ـ تەكسەرۋ كوميتەتىنىڭ تالاپتارىن دايەكتىلەندىرىپ، تياناقتاندىرىپ، كەدەيلەردى سۇيەمەلدەۋ سالاسىنداعى تيپتىك دەلولاردى بورشالاپ، ساقتىق تاربيەسىن ورىستەتىپ، دەلو ارقىلى رەتكە سالۋ قىزمەتىن جەبەپ، ايماعىمىزداعى پارتيالى كادرلاردى تەرەڭ ساقتىق تاربيە قابىلداپ، مۇقيات ويلانىپ، ساباق قابىلداۋعا باستاپ، وسى تەكتەس ماسەلەلەردىڭ قايتا تۋىلماۋىنا كەپىلدىك ەتىپ، ستيلى تاماشا، سالتى پاك تاماشا ساياسي ەكولوگيا ارقىلى كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، التايدىڭ قوعام ورنىقتىلىعى مەن باياندى تىنىشتىعىنىڭ بۇقارالىق نەگىزىن قالاۋ.

  ايماقتىق پارتكومنىڭ شۋجيى جاڭ يان ماجىلىسكە قاتىناستى ٴارى ٴسوز سويلەدى، ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ٴۋاليى قادەن كابەن ۇلى ٴماجىلىستى باسقاردى، ايماقتىق پارتكومنىڭ مۇشەسى، ايماقتىق ٴتارتىپ تەكسەرۋ كوميتەتىنىڭ شۋجيى، باقىلاۋ ـ تەكسەرۋ كوميتەتىنىڭ مەڭگەرۋشىسى ياڭ ۋىنگۋاڭ تاياۋ جىلدان بەرى ايماعىمىزدىڭ كەدەيلەردى سۇيەمەلدەۋ سالاسىنداعى بەلگىلەمەگە، زاڭعا قايشى تيپتىك دەلولاردى حابارلاندىردى ٴارى ودان ساباق قابىلداۋعا ەسكەرتتى.

  ماجىلىستە مىنالار اتاپ كورسەتىلدى: ماسەلە بەتالىسىندا تاباندى بولىپ، ىشكەرىلەي وي جۇگىرتىپ، ٴوزىن ـ ٴوزى تەكسەرىپ، ساياسي تانىمدى اناعۇرلىم كۇشەيتىپ، ساياسي تۇرعىنى جوعارىلاتۋ كەرەك. ايماعىمىزدىڭ پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ كۇرەسىنىڭ جاعدايى ٴالى دە قاتاڭ دا كۇردەلى ەكەنىن، اسىرەسە، كەدەيلەردى سۇيەمەلدەۋ سالاسىندا بەلگىلەمەگە، زاڭعا قايشى ماسەلەلەر مەن فورماشىلدىق تورەشىلدىك قاتارلى «ٴتورت بۇرىس ستيل»، «ٴتورت تەرىس پيعىل» ماسەلەسى ٴالى قايتا ـ قايتا تۋىلىپ وتىرعانىن، بۇلار نەگىزىنەن ساياسي جاۋاپكەرشىلىكتى تياناقتاندىرۋ دارمەنسىز بولۋ، كادرلار ستيلى قاتاڭ بولماۋ، شىنايى بولماۋ، نىسان قارجىسىن باسقارۋ قالايماقان بولۋ، باقىلاۋ ـ باسقارۋ كەڭ، بوس بولۋ قاتارلى جاقتاردا ساقتالىپ وتىرعانىن سەرگەكتىكپەن تاني ٴبىلۋ كەرەك. ايماقتىق ٴتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى دەلولاردىڭ جول كارتاسىن، قۇرىلىس جۇرگىزۋ كارتاسىن جاساپ، كادرلارعا ساقتىق تاربيەسىن بەرۋ كەرەك، اۋدانداردىڭ (قالا، كورىنىس رايونى) نەگىزگى باسشىلارى، ٴارقايسى فۋنكتسيالىق تاراۋلار قايىرىلا قاراۋ قيمىلىن ورىستەتىپ، «ٴتورتتى تىكەلەي باسقارماۋدى» سىلتاۋ ەتىپ، جاۋاپكەرشىلىكتى باسقاعا يتەرمەلەۋگە، جاۋاپكەرشىلىكتەن تايساقتاۋعا بولمايدى. ٴار دارەجەلى پارتيالى باسشى كادرلار ٴداستۇرلى وي جەلىگە بۇرىلىس جاساپ، وڭتۇستىك شينجياڭنىڭ كەدەيلىكتەن ارىلتۋدان قامال الۋ بارىسىنداعى دالمە ـ ٴدال بولۋ رۋحى مەن دالمە ـ ٴدال قىزمەت ٴتاسىلىن ۇيرەنۋ كەرەك. كوزسىزدىكپەن نىسان تۇراقتاندىرۋعا، كوزسىزدىكپەن نىسان قاراستىرۋعا، كوزسىزدىكپەن ينجەنەريا جۇرگىزۋگە، مەملەكەتتىڭ ساياساتىنان پايدالانىپ، وزىنە اتاق ـ ابىروي اكەلۋگە بولمايدى. پارتيانى باسقارۋ، پارتيانى جونگە سالۋدى ساياسي جاۋاپكەرشىلىك رەتىندە ۇستىگە الىپ، مىقتى يگەرىپ، ارەكەت بارىسىندا باتىلدىقپەن، تاباندىلىقپەن تياناقتاندىرۋ كەرەك.

  ماجىلىستە مىنالار باسا دارىپتەلدى: بورىشتى باتىلدىقپەن ارقالاۋدى كۇشەيتىپ، كەدەيلەردى سۇيەمەلدەۋ سالاسىنىڭ پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ كۇرەسىن باتىلدىقپەن، تاباندىلىقپەن ىلگەرىلەتۋ كەرەك. كەدەيلىكتەن ارىلتۋدان قامال الۋ شايقاسى «ۋاقىتتى كەرى شەگىندىرىپ ەسەپتەۋ» ساتىسىنا ٴوتتى، كوز الدا، التاي ايماعىنىڭ كەدەيلىكتەن ارىلتۋدان قامال الۋدا قول جەتكىزگەن تابىستاردى بەكەمدەۋدىڭ، كەدەيلىك قامىتىن قايتا كيۋدەن ساقتانۋدىڭ جانە ەگىنشى ـ مالشىلاردىڭ كىرىسىن ورنىقتى ارتتىرۋ مەحانيزمىن قۇرۋدىڭ مىندەتى ٴالى دە ەرەكشە جاپالى. ٴار دارەجەلى ٴتارتىپ تەكسەرۋ، باقىلاۋ ـ تەكسەرۋ ورگاندارى باقىلاۋ ـ تەكسەرۋ رولىن ويداعىداي ساۋلەلەندىرىپ، الدە قاشان تۋىلعان شىرىكتەسۋ جايتتەرى مەن شىرىكتەسۋ ماسەلەسىن تەكسەرۋمەن بىرگە، شىرىكتەسۋدەن ساقتانۋدىڭ مەحانيزمىن قۇرۋ جاعىندا كۇش سالۋ كەرەك.

  ٴبىرىنشى، پارتيانىڭ ساياسي قۇرىلىسىن مىزعىماستان مىقتى يگەرۋ كەرەك. ٴار دارەجەلى پارتيا ۇيىمدارى، پارتيالى كادرلار باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارى مەن پارتيا ورتالىق كوميتەتىنىڭ كەدەيلىكتەن ارىلتۋ جونىندەگى شەشىمدەرى مەن ورنالاستىرۋىن مۇقيات ۇيرەنىپ، ەگىنشى ـ مالشىلاردىڭ ٴوندىرىستى دامىتۋ جولىن كەڭەيتۋ، ٴوندىرىس تەحنولوگياسىن قايتكەندە كۇشەيتۋ قاتارلى ماسەلەلەرگە مۇقيات زەرتتەۋ جۇرگىزۋ كەرەك. ٴار دارەجەلى ٴتارتىپ تەكسەرۋ، باقىلاۋ ـ تەكسەرۋ ورگاندارى باقىلاۋ، تەكسەرۋدى كۇشەيتىپ، «سارى تاقتايشا» ەسكەرتۋ بەرۋ ٴتۇزىمىن قۇرىپ، ٴار دارەجەلى پارتيا ۇيىمدارىنىڭ كەدەيلىكتەن ارىلتۋدان قامال الۋدىڭ ساياسي جاۋاپكەرشىلىگىن سانالىلىقپەن ادا ەتۋىن، پارتيا ـ ۇكىمەتتىڭ ٴبىرىنشى باسشىلارى ٴبىرىنشى جاۋاپتى ادام بولۋىن ىلگەرىلەتۋ كەرەك.

  ەكىنشى، پارتيانى باسقارۋ، پارتيانى جونگە سالۋدىڭ ساياسي جاۋاپكەرشىلىگىن شىنايى ارقالاۋ كەرەك. باس شۋجي شي جينپيڭنىڭ «پارتيانى جاپپاي قاتاڭ جونگە سالۋ ماڭگى جۇرىلەدى» دەگەن ماڭىزدى نۇسقاۋىن مۇقيات دايەكتىلەندىرىپ، تياناقتاندىرىپ، پارتيانى قاتاڭ باسقارىپ، جونگە سالۋ كەرەك. كەدەيلىكتەن ارىلتۋدان قامال الۋ بارىسىندا ٴارقايسى اۋىلدىڭ (قالاشىق، فەرما) پارتكوم شۋجيلارى جانە ٴارقايسى اۋىلدىڭ (قالاشىق، فەرما) باستىقتارى «ٴتۇيىندى از ساندى» اراسىنداعى ٴتۇيىندى بۋىن بولۋداي رولدارىن باتىلدىقپەن ويداعىداي ساۋلەلەندىرىپ، ىرىقتىلىق تانىمىن كۇشەيتىپ، قىزمەت قابىلەتىن ارتتىرىپ، ساياسي تۇرعىنى جوعارىلاتىپ، بۇقارا ٴۇشىن قىزمەت وتەپ، پارتيانى باسقارۋ، پارتيانى جونگە سالۋدىڭ ساياسي جاۋاپكەرشىلىگىن شىنايى ارقالاپ، مىقتى يگەرىپ، باسشىلىق جاۋاپكەرشىلىكتى، ۇلگى كورسەتۋ جاۋاپكەرشىلىگىن، باقىلاۋ ـ باسقارۋ جاۋاپكەرشىلىگىن ۇستىنە الۋلارى كەرەك.

  ٴۇشىنشى، بۇقارانىڭ ٴتول مۇددەسىن باتىلدىقپەن ويداعىداي قورعاۋ كەرەك. حالىقتى وزەك ەتكەن دامۋ يدەياسىندا باستان ـ اقىر تاباندى بولىپ، «ۇلتتار ىنتىماعىنىڭ بەرەكەلى شاڭىراعى»، بۇقارالىق قىزمەت، نەگىزگى ساتىعا بارىپ تەكسەرۋ ـ زەرتتەۋ جۇرگىزۋ قاتارلى تاسىلدەردەن پايدالانىپ، ەگىنشى ـ مالشى بۇقاراسىنىڭ ٴوندىرىس ـ تۇرمىس احۋالىن جان ـ جاقتىلى ۇعىسىپ، ولاردى قام ـ قايعىدان ارىلتۋ كەرەك. العىس ايتۋ تاربيەسى مەن «بەستى شىنايى مويىنداۋ» تاربيەسىن كۇشەيتىپ، بۇقارانى شىنايى سەزىممەن پارتيانىڭ مەيىرىنە العىس ايتىپ، پارتيانىڭ سوزىنە قۇلاق اسىپ، پارتياعا ىلەسۋگە باستاۋ كەرەك. مەملەكەتتە ٴبىر تۇتاس قولدانىلاتىن ٴتىل ـ جازۋ تاربيەسىنىڭ كادەگە جاراۋىن، ٴونىمدى بولۋىن ىلگەرىلەتۋ جاعىنا كۇش سالىپ، ٴوزارا ٴتىل ۇيرەنۋ ارقىلى ۇلتتار ىنتىماعىن كۇشەيتىپ، ٴتىل ۇيرەنۋگە بولعان بەلسەندىلىك پەن ىرىقتىلىقتى كۇشەيتۋ كەرەك. قاتىناس تاراۋلارى جانە ٴارقايسى اۋدان (قالا، كورىنىس رايونى) قىستاقتان اۋىل ـ قالاشىققا، اۋدانعا دەيىنگى الەۋمەتتىك قاتىناس كولىك ماسەلەسىنە جەدەل زەرتتەۋ جۇرگىزىپ، شەشىپ، ەگىنشى ـ مالشىلاردىڭ قالاعا بارۋى قيىن بولۋ، قىمبات بولۋ ماسەلەسىن شىنايى شەشۋ كەرەك.

  ٴتورتىنشى، ستيلى شىنايى بولماۋ دەرتىن باتىلدىقپەن رەتكە سالىپ وڭاۋ كەرەك. ٴار دارەجەلى تاراۋلار ايماعىمىزدىڭ كەدەيلىكتەن ارىلتۋدان قامال الۋدىڭ تابىستارىن بەكەمدەۋدىڭ، كەدەيلىك قامىتىن قايتا كيۋدەن ساقتانۋ قىزمەت جوباسىنىڭ تالابىن مۇقيات تياناقتاندىرىپ، ٴبىر كادر ٴبىر كەدەي وتباسىن كوتەرەگە الۋداي ۇزاق مەرزىمدى سۇيەمەلدەۋ مەحانيزمىن بەلسەنە تياناقتاندىرىپ، بۇقاراعا ينفورماتسيا جەتكىزۋشىلەردەن، ساياساتتى ۇگىتتەۋشىلەردەن جانە حالىق جاعدايىن ۇعىسۋشىلاردان بولۋ كەرەك. ٴار دارەجەلى پارتيا ۇيىمدارى جانە ٴتارتىپ تەكسەرۋ، باقىلاۋ ـ تەكسەرۋ ورگاندارى «10 كەرەك، 10قاتاڭ تيىم» تالابىن قاتاڭ تياناقتاندىرىپ، تەكسەرۋ ـ زەرتتەۋ تاسىلىنە بۇرىلىس جاساپ، قىزمەتتىڭ ونىمدىلىگىنە ٴمان بەرىپ، ٴتۇرلى شارا ارقىلى ناقتى جاعدايدى يگەرۋ كەرەك.

  بەسىنشى، شىرىكتەسۋدى جازالاۋدىڭ تەگەۋرىندى كۇيىن باستان ـ اقىر ساقتاۋ كەرەك. پارتيالى كادرلار، اسىرەسە، باسشى كادرلار زاڭعا، تارتىپكە قۇرمەت ەتىپ، بەلگىلەمەگە، قاعيداعا بويسۇنىپ، ٴتارتىپ، زاڭ، قاعيدا بويىنشا ٴىس ٴبىتىرۋ كەرەك. شارلاپ تەكسەرۋدى، ارالاپ تەكسەرۋدى، ٴتارتىپ تەكسەرۋ، باقىلاۋ ـ تەكسەرۋدى جانە بۇقارالىق قىزمەتكە قۋزاپ جەتەكشىلىك ەتۋدى ٴبىر تۇتاس جوسپارلاپ ىلگەرىلەتىپ، كوزەۋلى ەمدەۋگە، دالمە ـ ٴدال جازالاۋعا تاباندى بولىپ، ٴتۇيىندى كورنەكتىلەندىرىپ، ساقتالۋ مولشەرىن ٴتۇيىندى ازايتىپ، ارتۋ مولشەرىن مۇلدە تەجەۋ كەرەك. كەدەيلەردى سۇيەمەلدەۋ سالاسىنداعى قياناتشىلدىقپەن يەمدەنىپ الۋ، باسقاعا ىستەتۋ، ۇستاپ قالۋ، جاسىرىن ٴبولىسىپ الۋ، جالعان مالىمدەپ الداپ الۋ قاتارلى ارەكەتتەردى باتىل تەكسەرىپ ٴبىر جايلى ەتىپ، نەگىزگى ساتى كادرلارىنىڭ جەۋ، الۋ، القىمداۋ، سۇراۋ، تۋىس ـ تۋعاندارىن، دوس ـ جاراندارىن الدىمەن ەسكەرۋ قاتارلى ماسەلەلەرىن باتىلدىقپەن تەكسەرىپ ٴبىر جايلى ەتىپ، سەمسەردى سەرت ۇستاپ، پارمەندى سەس قالىپتاستىرۋعا كەپىلدىك ەتۋ كەرەك.

  التىنشى، ٴتۇزىمدى كەمەلدەندىرىپ، بوستىق قالدىرماۋ كەرەك. قازىر اتقارىلىپ وتىرعان ٴتۇرلى ٴتۇزىمدى باتىلدىقپەن اتقارىپ، بايقالعان ماسەلەلەر جونىندە سايكەستى تۇزىمدەردى اتقارۋدا ەسكەرۋسىز قالدىرۋ، مەڭگەرە الماۋعا قاتىستى بۋرىنداردى انىق تەكسەرۋ كەرەك. ٴار دارەجەلى باسشى كادرلار دەموكراتيالىق ورتالىقتاندىرۋ ٴتۇزىمىن باستاماشىلدىقپەن ويداعىداي دايەكتىلەندىرىپ، تياناقتاندىرىپ، باسشىلىق القانىڭ كەڭەس ٴتارتىبىن قاتاڭ اتقارىپ، «كەلەلى ىستەرگە شەشىم جاساۋ، ٴتۇيىندى كادرلاردى قىزمەتكە تاعايىنداۋ جانە قىزمەتتەن بوساتۋ، ماڭىزدى نىسانداردى ورنالاستىرۋ، قوماقتى قارجىنى پايدالانۋ» سىندى اقىلداسىپ ۇيعارىم جاساۋ مەحانيزمىن تياناقتاندىرىپ، «ٴتورتتى تىكەلەي باسقارماۋ» ٴتۇزىمىن ويداعىداي دايەكتىلەندىرىپ، تياناقتاندىرىپ، زەيىن ـ زەرنى شوعىرلاندىرا وتىرىپ، باقىلاۋ ـ باسقارۋدى مىقتى يگەرىپ، شىرىكتەسۋدەن ساقتانۋ كەرەك.

  ماجىلىستە مىنالار تالاپ ەتىلدى: قاتاڭ باسقارۋدىڭ ٴوزى دەگەنىمىز قامقورلىق دەگەندە تاباندى بولىپ، ساقتىق تاربيەسىن، دەلو ارقىلى رەتكە سالۋدى جەبەۋ ٴتۇزىمىن ۇنەمىلەندىرۋ كەرەك. ٴار دارەجەلى باسشى كادرلار ۇلگىلىك رولدى ويداعىداي ساۋلەلەندىرىپ، ساقتىق تاربيەنى باستاماشىلىقپەن قابىلداپ، سىن ـ جانە ٴوز ـ وزىنە سىندى باستاماشىلدىقپەن ورىستەتىپ، باسشىلىق القا مۇشەلەرى «ٴبىر قىزمەت ورنىندا قوس جاۋاپكەرشىلىك بولۋدى» ويداعىداي تياناقتاندىرۋ كەرەك. ٴار دارەجەلى پارتيا ۇيىمدارى ٴتارتىپ تاربيەسىن كۇشەيتىپ، ماڭىنداعى ىستەر ارقىلى ماڭىنداعى ادامداردى تاربيەلەۋدە تاباندى بولىپ، ٴادىس ـ تاسىلدە جاڭالىق اشۋ ارقىلى ساقتىق تاربيەنىڭ ونىمدىلىگىن كۇشەيتۋ كەرەك. راي قالىپتاستىرۋعا ٴمان بەرىپ، ٴتۇرلى اقپارات دانەكەرلەرىنەن ويداعىداي پايدالانىپ، ساقتىق تاربيەسىنە بولعان شەشىم ورنالاستىرۋدى، اياق الىس احۋالىن، قول جەتكىزگەن تابىستاردى، تاماشا تاجىريبەلەرمەن ادىستەردى كۇش سالا ۇگىتتەپ، ٴار ۇلت كادر ـ بۇقاراسىن كۇش ـ قۋاتتى كەدەيلىكتەن ارىلتۋدان قامال الۋ شايقاسىنىڭ جەڭسىنە قول جەتكىزۋگە، ورنىقتى، دامۋ جاعدايىن قورعاۋعا شوعىرلاندىرۋعا باستاپ، تاماشا قوعامدىق راي قالىپتاستىرۋ كەرەك.

  ماجىلىستە مىنالار باسا دارىپتەلدى: اۋداندار (قالا، كورىنىس رايونى)، تاراۋلار (ورىن) ورتالىقتىڭ 6 ـ ارالاپ تەكسەرۋ گرۋپپاسىنىڭ كەدەيلىكتەن ارىلتۋدان قامال الۋ قىزمەتىن ارناۋلى ارالاپ تەكسەرۋىندە اڭىس ەتكەن پىكىرلەرىن رەتكە سالىپ تۇزەتۋ، تياناقتاندىرۋدى قاز ـ قالپىندا ويداعىداي يگەرىپ، ونى «ەكىنى قورعاۋدى» ورىنداۋداي وسكەلەڭدىلىكپەن تانىپ، باس نىساناسى تياناقتاندىرۋ مەن كەدەيلىكتەن ارىلتۋدان قامال الۋدا ساقتالعان ماسەلەلەردى رەتكە سالىپ تۇزەتۋدى جوعارى دەڭگەيدە ۇشتاستىرىپ، ەكى قولدا دا يگەرىپ، قوس ناتيجەگە قول جەتكىزۋ كەرەك. باسقارما دارەجەلى باسشى جولداستار رەتكە سالىپ تۇزەتۋ قىزمەتىن ورنالاستىرۋدى كۇشەيتۋى، ايماقتىق، اۋداندىق ٴتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى جانە ۇيىمداستىرۋ تاراۋى رەتكە سالىپ تۇزەتۋ، تياناقتاندىرۋ احۋالىنا وكشەلەي باقىلاپ ـ تەكسەرىپ جۇرگىزىپ، ارەكەتى باياۋ بولۋ، جالعان رەتكە سالىپ تۇزەتۋ، ٴىس تىندىرماۋ، بەتالدى ىستەۋ قاتارلى جايىتتەردىڭ جاۋاپكەرشىلىگىن قاتاڭ قۋزاستىرىپ، ٴبىر جايلى ەتۋ كەرەك.

  ٴماجىلىس تەلەۆيزور ـ تەلەفون ٴماجىلىسى فورماسىندا اۋداندارعا (قالا، كورىنىس رايونى) اۋىلدارعا (قالاشىق، فەرما) دەيىن اشىلدى. ايماقتىق ٴتورت باسشىلىق القانىڭ باسشىلارىنان زىڭ شۋلا، باقىت ينايات ۇلى، دوۋ جاۋحۇي، لي بيڭ، سۇن ليجۇن، گۇلنۇر نۇرعالي قىزى، چىن بو، جۋ شين، ما شۋەلياڭ، ۋاڭ جۇن ـ ان، لان شىڭشين قاتارلىلار، ايماقتىق ورتا دارەجەلى حالىق سوتىنىڭ، ىلە قازاق اۆتونوميالى وبلىستىق حالىق پروكۋراتۋراسى التاي بولىمشە پروكۋراتۋراسىنىڭ نەگىزگى جاۋاپتىلارى؛ ايماقتىق پارتكومنىڭ بولىمدەرىنىڭ، كوميتەتتەرىنىڭ، كەڭسەلەرىنىڭ، ايماققا توتە قاراستى تارۋلاردىڭ (ورىن)، ٴارقايسى كاسىپورىنداردىڭ، ٴىسورىندارىنىڭ، التايدا تۇراتىن مەكەمەلەردىڭ پارتيا، اكىمشىلىگىنىڭ نەگىزگى جاۋاپتىلارى؛ ايماقتىق ٴتارتىپ تەكسەرۋ كوميتەتى، باقىلاۋ ـ تەكسەرۋ كوميتەتىنىڭ باسشىلىق القاسىنىڭ مۇشەلەرى، ايماقتىق ٴتارتىپ تەكسەرۋ كوميتەتىنىڭ بولىمدەرىنىڭ، جىبەرىلگەن ٴتارتىپ تەكسەرۋ، باقىلاۋ ـ تەكسەرۋ گرۋپپالارىنىڭ، ايماقتىق پارتكوم ارالاپ تەكسەرۋ كەڭسەسىنىڭ، سونداي ـ اق ارالاپ تەكسەرۋ گرۋپپاسىنىڭ بارلىق كادرلارى نەگىزگى ٴماجىلىس مايدانىندا ماجىلىسكە قاتىناستى.

جاۋاپتى رەداكتور: ءاننا اكىمقان قىزى
  • (微视频)كوكتەمنىڭ كوگىلدىر قۇستارى
  • 31-كۇنى تاۋلى رايونداردا از مولشەردە جاڭبىر جاۋىپ سوڭى جاڭىر ارالاس قار نەمەسە قارعا اينالادى
  • لي كىچياڭ بو-اۋ ازيا تالقىسىندا تاقىرىپتىق ٴسوز سويلەدى
  • كوكتوعايدان شاڭحاي، قارامايلى، كورلا قاتارلى جەرلەرگە باراتىن ۇشاق بەلەتىنىڭ باعاسى 9 يۋاننان باستاپ ساتىلادى