اعاجاي-التاي تورابى   ›   اقپارات ايدىنى   ›   سۋرەتتى حابارلار

لي كىچياڭ بو-اۋ ازيا تالقىسىندا تاقىرىپتىق ٴسوز سويلەدى

   مەملەكەتتىك كەڭەستىڭ زۇڭليى لي كىچياڭ 3-ايدىڭ 28– كۇنى تۇستەن بۇرىن حايناننىڭ بو-اۋ قالاشىعىندا وتكىزىلگەن ازيا تالقىسىنىڭ 2019-جىلدىق ٴماجىلىسىنىڭ اشىلۋ سالتىنا قاتىناستى ٴارى «سايىسقا قول ۇستاسا توتەپ بەرىپ، ورتاق دامۋدى جۇزەگە اسىرايىق» دەگەن تاقىرىپتا نەگىزگى تاقىرىپتىق ٴسوز سويلەدى. 60 نەشە مەملەكەت پەن رايوننان كەلگەن 2 مىڭنان استام ۇكىمەت، ساۋدا، عىلىم سالاسىنىڭ ۋاكىلدەرى ماجىلىسكە قاتىناستى.

  لي كىچياڭ بىلاي دەدى: بو-اۋ ازيا تالقىسى ازياداعى، اۋەلى دۇنيە جۇزىندەگى ىقپالدى جوعارى دەڭگەيدەگى سۇحپات تەكشەسىنە اينالدى. بىلتىر جۇڭگونىڭ مەملەكەت ٴتوراعاسى شي جينپيڭ تالقىنىڭ جىلدىق ماجىلىسىندە نەگىزگى تاقىرىپتىق ٴسوز سويلەدى. بيىلعى جىلدىق ٴماجىلىستىڭ باستى تاقىرىبى-«ورتاق تاعدىر، ورتاق قيمىل، ورتاق دامۋ ». ٴماجىلىستىڭ ازيا مەن دۇنيە ٴجۇزىنىڭ بەيبت دامۋىنا بەلسەندى ۇلەس قوسۋىن ٴۇمىت ەتەمىن. لي كىچياڭ بىلاي دەدى: كەزەكتە حالىقارالىق جاعدايدا كۇردەلى دە تەرەڭ وزگەرىستەر تۋىلۋدا. دۇنيە ٴجۇزى ەكونوميكاسىنىڭ قۇلدىراۋ قىسىمى قاتارلى ورتاق سايىستان ەشقانداي مەملەكەت قاعىس قالا المايدى. ءار قايسى جاقتار ورايدى ورتاق يگەرىپ، سىن-سايىستاردى قارسى الۋ؛ ٴوزارا تيىمدىلىك جەتكىزىپ، سەلبەستىك جاساپ ورتاق يگىلىككە كەنەلۋدىڭ، كوپتەپ يگىلىككە كەنەلۋدىڭ جولىن قاراستىرۋ؛ بىرلەسكەن مەملەكەتتەر ۇيىمىن ۇيتقى ەتكەن حالىقارالىق جۇيەنى، ەرەجەنى نەگىز ەتكەن كوپ جاقتى ساۋدا ٴتۇزىلىسىن قورعاۋ؛ ورتاق دامۋدى قول ۇستاسا جۇزەگە اسىرۋ؛ جەر شارىندىق باسقارۋ جۇيەسى رەفورماسىن بەلسەنە ىلگەرىلەتۋ جانە ونىڭ اناعۇرلىم ٴادىل، ۇيلەسىمدى باعىتقا قاراي دامۋىن جەبەۋ كەرەك.

  لي كىچياڭ مىنالاردى انىق ايتتى: كۇردەلى حالىقارالىق جاعدايدا، ازياداعى ەلدەر تاعدىرلاس-تىنىستاس بولۋ، ورتاق دامۋدى قول ۇستاسا جۇزەگە اسىرۋى كەرەك. ءار قايسى جاقتار بەيبىت دامۋ ۇلى ورتاسىن سەلبەسە قورعاۋ، وڭىرلەردىڭ ٴبىر تۇلعالانۋ دەڭگەيىن جوعارىلاتۋ، جاڭالىق جاراتا دامۋ جاڭا جاعدايىن قالىپتاستىرۋ كەرەك. لي كىچياڭ مىنانى باسا دارىپتەدى: سىرتقا ەسىك اشۋ جۇڭگونىڭ نەگىزگى مەملەكەت ساياساتى. شەتەل ساۋداگەرلەرى قارجى قوسۋ زاڭى جۇڭگونىڭ زاڭمەن باسقارىلاتىن، حالىقارالانعان، ساۋدا ورتاسىن قالىپتاستىرۋداعى ماڭىزدى شاراسى. ٴبىز قاتىستى سايكەستى زاڭ - ەرەجەلەردى جاساۋدى مىقتى يگەرىپ، كەلەر جىلى 1-ايدىڭ 1-كۇنى شەتەل ساۋداگەرلەرى قارجى قوسۋ زاڭىمەن تەڭ قادامدا اتقارامىز. ٴبىز شەتەل قارجىسىنىڭ بازارعا كىرۋىنە رۇقسات ەتۋدى اناعۇرلىم كەڭەيتىپ، بازارعا كىرۋگە رۇقسات ەتۋدەن بۇرىن ازاماتتىق مامىلەگە بەرۋمەن بىرگە، بازارعا كىرۋگە شەكتەۋدى اداقتاۋ ٴتىزىمىن بىرلىكتە باسقارۋ ٴتۇزىمىن جالپى بەتتىك اتقارامىز. ٴبىز فينانس كاسىبى قاتارلى سالالاردا سىرتقا ەسىك اشۋدى ۇزدىكسىز كەڭەيتەمىز. ٴبىز جۇڭگو-شەتەل قارجىلى كاسىپورىندارعا تەڭ مامىلە جاساپ، شەتەل ساۋداگەرلەرىنىڭ زاڭدى ۇقىق-مۇددەسىن شىنايى قورعايمىز. ٴبىز شياڭگاڭ، اۋمىن، تايۋانعا قاراتىلعان قارجى قوسۋ ساياساتىنىڭ ۇلاسپالىلىعىن ساقتاپ، شياڭگاڭ، اۋمىن، تايۋانداردان قارجى قوسقان كاسىپورىنداردىڭ دامۋىن بۇرىنعىداي قولداي بەرەمىز. ٴبىز ساۋدانى قولايلىلاندىرۋ دەڭگەيىن جوعارىلاتۋدى جەدەلدەتەمىز، بيىل كەدەننەن ٴوتۋدىڭ وزىندىك قۇنىن كورنەكتى تومەندەتىپ، كەدەننەن وتكىزۋ ونىمدىلىگىن جوعارىلاتامىز.

  لي كىچياڭ جۇڭگونىڭ ەكونوميكالىق جاعدايىن قىسقاشا تانىستىردى. ول مىنالاردى انىق ايتتى: بيىل جۇڭگو ەكونوميكاسىندا كەيبىر بەلسەندى وزگەرىستەر جارىققا شىقتى، بازاردىڭ مەجەلى مەرزىمى كورنەكتى جاقساردى، سونىمەن بىرگە، تۇراقسىز، ورنىقسىز فاكتورلاردا كوبەيدى. ٴبىز ستراتەگيالىق كۇش مىعىمدىعىن ساقتايمىز، جالپى بەتتىك شىلقىتا سۋارۋ فورماسىنداعى كۇشتى تىتىركەندىرۋ ساياساتىن اتقارمايمىز؛ كورەر كوزگە جايما جاياتىن، دورەكى ارتاتىن كونە سۇردەكپەن جۇرمەيمىز؛ ساياساتتى تياناقتاندىرۋدى كۇشەيتىپ، رەفورما جاساپ، ەسىك اشۋعا، جاڭالىق جاراۋعا سۇيەنۋدەن اۋىتقىمايمىز ؛ باجىنى زور كولەمدە كەمەيتۋ، اقىنى تومەندەتۋ قاتارلى شارالاردى ىسكە اسىرىپ، بازار سۋبيەكتيۆ تۇلعالارىنىڭ ومىرشەڭدىك كۇشىن تاسقىنداتامىز؛ ىشكى دامۋ قوزعاۋشى كۇشىن ارتتىرىپ، باسەڭدەۋ قىسىمىنا توتەپ بەرەمىز؛ ەكونوميكالىق اينالىمنىڭ جالپى تۇلعالىق جاقتان ۇيلەسىمدى ارالىقتا بولۋىن ساقتاپ، جۇڭگو ەكونوميكاسىن جاقسى بەتالىسقا قاراي باياندى دامىتامىز.

  بو-اۋ ازيا تالقىسىنىڭ القا باستىعى پان جي-ۋىن قارسى الۋ ٴسوزىن سويلەدى. لاوستىڭ زۇڭليى تۇڭلۇن، حانگونىڭ زۇڭليى لي لويۋان، ليۋكسەمبۋرگتىڭ باس ٴۋازىرى بەتەل، سان-تومە جانە پرينسيپيدىڭ زۇڭليى راسسۋس جانە ونەركاسىپ-ساۋدا سالاسىنىڭ ۋاكىلدەرى ىلگەرىندى-كەيىندى ارناۋ ٴسوز سويلەدى.

جاۋاپتى رەداكتور: ءاننا اكىمقان قىزى
  • كوكتوعايدان شاڭحاي، قارامايلى، كورلا قاتارلى جەرلەرگە باراتىن ۇشاق بەلەتىنىڭ باعاسى 9 يۋاننان باستاپ ساتىلادى
  • ۋاڭ ياڭ شينجياڭدا تەكسەرۋ-زەرتتەۋ جۇرگىزدى
  • تاماشا دىر - دۋمانمەن قار ماۋسىمىنا قوش ايتتى
  • الداعى ءۇش كۇندىك اۋا رايىنان الدىن الا مالىمەت