اعاجاي-التاي تورابى   ›   مادەنيەت ارناسى   ›   ونەگە

وتباسى مۇشەلەرىنىڭ كوڭىل كۇيىن كوتەرۋگە كومەكتەسەتىن يدەيالار

  ۋاقىت كاپسۋلاسى

  ءبىر قوراپتى الىپ، وعان وتباسى مۇشەلەرىنەن ءوز ءومىر سالتىن، ادەتىن، ەرەكشەلىگىن كورسەتەتىن زاتتاردى سالۋىن سۇراڭىز. ول قانداي دا ءبىر سۋرەت، جاپسىرما، كىشكەنتاي ويىنشىق، وزىنە جازىلعان حات، سۇيىكتى فيلمدەرىنىڭ نەمەسە اندەرىنىڭ ءتىزىمى جانە ت.ب بولۋى مۇمكىن. قوراپتى كوزگە كورىنبەيتىن جەرگە قويىپ، ونى 10 جىل وتكەن سوڭ بىرگە اشۋعا ءسوز بەرۋگە بولادى.

  فيلمدى تالقىلاۋ

  وتباسى بولىپ جاقسى كورەتىن فيلمدى تاعى ءبىر مارتە كورىپ شىعىڭىزدار. اربىرەۋىڭىز ءوزىڭىزدى ءبىر كەيىپكەردىڭ ورنىنا قويىپ، قاي ارەكەتىن قالاي وزگەرتەتىنىڭىزدى ويلاپ كورىڭىز. سول كەزدە فيلمنىڭ سوڭى قالاي وزگەرەر ەدى؟ سونىمەن قاتار، فيلمنىڭ دىبىسىن ءوشىرىپ تاستاپ، ءار كەيىپكەردى ءبولىپ الىپ، وزدەرىڭىز دىبىستاڭىزدار. كۇلكىلى ءارى كوڭىلدى ديالوگ جاساۋعا تىرىسىڭىزدار.

  قىزىقتى ويىن

  ۇيىڭىزگە جاقىن جەردە ورنالاسقان "بارلىعى 50 تەڭگەدەن" دەگەن سەكىلدى ۇساق-تۇيەك ساتاتىن دۇكەنگە بارىڭىزدار. الدىن الا ءار وتباسى مۇشەسىنە بەلگىلى ءبىر سوما بەرىپ، ساۋدانىڭ تاقىرىبىن ويلاستىرىڭىز. مىسالى، بارلىعى تاماق دايىنداۋعا نەمەسە بولمەنى بەزەندىرۋگە بايلانىستى بولۋىن سۇراڭىز.

  كەسكىن قاراۋ

  بارلىق ادامعا، اسىرەسە، بالالارعا وزدەرىنىڭ كىشكەنتاي كەزىندەگى كەسكىن سۋرەتىن قاراعان ۇنايدى. اتا-اناسىنىڭ ۇيلەنۋ تويىنىڭ كەسكىنى دا بالالارعا قىزىق بولۋى مۇمكىن، ءبىراق ول وتە ۇزاق بولماۋى كەرەك.

  ەرەجەسىز كۇن

  بۇل كۇنى ءبارىبىر ەكى ەرەجە قويىلادى: ءار ارەكەتتىڭ قاۋىپسىز بولۋى شارت جانە باسقالاردىڭ مازاسىن الماۋى كەرەك.

  بىرگە تاماق دايىنداۋ

  بىرگە تاماق دايىنداۋ ـــ وتە قىزىقتى ءىس، ال ەگەر ونى كەسكىنگە ءتۇسىرىپ الساڭىز، ودان دا كوڭىلدىرەك بولادى. كەي سۇيىكتى نەمەسە جاڭا تاعامدى وتباسىمەن بىرگە ءپىسىرۋ پروتسەسىن كەسلىنگە ءتۇسىرىپ كورىڭىز.

  اۋدارما

  اۋدارماشىمەن سويلەسۋ دە كوڭىل كۇيدى كوتەرەدى. بىرىنشىدەن، ول ءسىز جازعان نارسەنى كۇلكىلى اكتسەنتپەن ايتادى. ەكىنشىدەن، ءسوزدى باسقا تىلدە ايتۋعا ۇيرەتەدى.

  العىس ايتۋ

  جاساعان جاقسىلىعى ءۇشىن نە ەش سەبەپسىز-اق العىس ەستۋ كىمنىڭ بولسا دا جانىنا جاعادى. تاماق ىشەتىن ۇستەلگە كىشكەنە قاعاز بەن قالامى بار قۇتى قويىپ قويىڭىز. تاڭعى اس ءىشىپ وتىرىپ، ءار وتباسى مۇشەلەرى كەز كەلگەن وتباسى مۇشەسىنە العىسىن جازۋىن سۇراڭىز. كەيدە ۇمىتىلىپ كەتۋى مۇمكىن، باستىسى، قولى بوس بولعاندا نەمەسە ەسىنە تۇسكەندە جازىپ تۇرسا بولعانى. مىسالى، تۇسكى اس نەمەسە جاقسى كوڭىل كۇي ءۇشىن راقمەت ايتۋ. سودان سوڭ ايىنا ءبىر رەت نەمەسە اپتاسىنا ءبىر رەت سول حاتتاردى بىرگە وقۋعا بولادى.

جاۋاپتى رەداكتور: ءاننا اكىمقان قىزى
  • ۋاڭ ياڭ شينجياڭدا تەكسەرۋ-زەرتتەۋ جۇرگىزدى
  • تاماشا دىر - دۋمانمەن قار ماۋسىمىنا قوش ايتتى
  • الداعى ءۇش كۇندىك اۋا رايىنان الدىن الا مالىمەت
  • شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، ساياسي قاسيەت پەن توڭكەرىستىك رۋحتى ماڭگى ساقتاپ، تانىم مەن ارەكەتتى بىرلىككە كەلتىرىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتەيىك