اعاجاي-التاي تورابى   ›   حابارلاندىرۋ

اۆتونوميالى رايون بيىل ەمتيحان الىپ، 2747 ۇكىمەت قىزمەتكەرىن اشىق قابىلدايدى

3 - ايدىڭ 25 - كۇنىنەن 31 - كۇنىنە دەيىن تىركەيدى، 4 - ايدىڭ 20 - كۇنى، 21 - كۇنى جازباشا ەمتيحان

  2019 - جىلى اۆتونوميالى رايون ەمتيحان الىپ، قوعامنان 2747 ۇكىمەت قىزمەتكەرىن اشىق قابىلداۋ قىزمەتىن باستاۋدى جوسپارلادى. ەمتيحانعا تىركەلۋ ۋاقىتى 3 - ايدىڭ 25 - كۇنىنەن 3 - ايدىڭ 31 - كۇنىنە دەيىن، جازباشا ەمتيحان ۋاقىتى 4 - ايدىڭ 20 - كۇنى، 21 - كۇنى، 5 - ايدىڭ سوڭىندا جازباشا ەمتيحاننىڭ ناتيجەسى جاريالانادى.

  بيىل رايونىمىز ەمتيحان الىپ، قوعامنان ۇكىمەت قىزمەتكەرىن اشىق قابىلداۋدا نوپوس شەكتەمەسىن لايىقتى كەڭەيتىپ، ازداعان قىزمەت ورنىنا قىزمەتكەردى بۇكىل مەملەكەتتەن قابىلداۋدى جوسپارلادى. ۇكىمەت قىزمەتكەرلەرىن ەمتيحان الىپ قابىلداۋدا نەگىزگى ساتى ءبىرىنشى شەبىنە بەيىمدەلۋ جالعاستىرىلىپ، اۋدان، اۋىل ورگاندارىنا قابىلداۋ جوسپارى جالپى ساننىڭ ٪67ىن يەلەيدى.

  ەمتيحان بەرۋشىلەر ەسكەرۋگە ءتيىستى جايت: ءبىرىنشى، 2019 - جىلى جوعارى مەكتەپ تاۋىساتىن ستۋدەنتتەردىڭ دە ەمتيحانعا تىركەلۋىنە بولادى، ءبىراق تولىمدىلىعىن تەكسەرۋدە قاتىستى ماعلۇمات انىقتاماسىن تاپسىرۋى، سونداي - اق تىركەلگەن قىزمەت ورنى اشىق جاريالانۋدان بۇرىن ماعلۇمات كۋالىگىن كورسەتۋى كەرەك. ەكىنشى، ماماندىقتار مەملەكەتتىڭ وقۋ - اعارتۋ تاراۋلارىنىڭ ءپان - ماماندىق تىزىمىندەگىلەر نەگىز ەتىلەدى، ەمتيحان بەرۋشىلەر ەمتيحانعا تىركەلگەن كەزدە، وقۋ تاۋىسۋ كۋالىگىندە جازىلعان ماماندىعىنىڭ تولىق اتالۋى بويىنشا، مەملەكەتتىڭ وقۋ - اعارتۋ تاراۋلارىنىڭ اسپيرانتتار تىزىمىندەگى، تولىق كۋرس تىزىمىندەگى، ارناۋلى كۋرس تىزىمىندەگى جانە تولىقتاما تىزىمدەگى ماماندىق جانە ماماندىق ءتۇرى تالابىمەن سايكەستىرىپ، ۇكىمەت قىزمەتكەرىن قابىلداۋداعى «قىزمەت ورنى كەستەسىنە» قاراعان سوڭ، ءوز شارت - جاعدايىنا ۇيلەسەتىن قىزمەت ورنىن تاڭداپ تىركەلۋى كەرەك. ءۇشىنشى، ەمتيحان بەرۋشى ەمتيحان بەرۋدى تاڭداعان قىزمەت ورنىن تۇراقتانىپ، جۇيە تىركەلۋدىڭ ءساتتى بولعانىن ەسكەرتكەن سوڭ، قايتا وزگەرتۋگە بولمايدى. جۇيە ءساتتى تىركەلىپ بولعانداردىڭ قايتالاي تىركەلۋىن اۆتوماتتى تۇردە توسادى، ەمتيحان بەرۋشىلەردىڭ ەمتيحان بەرەتىن قىزمەت ورنىن مۇقيات تاڭداۋىن سۇرايمىز. ءتورتىنشى، جاڭادان قابىلدانعان قىزمەتكەرلەر قىزمەتكە قابىلدانۋ راسمياتتارىن ءبىتىرىپ، قىزمەت ورنىنا بارعان سوڭ، تاڭداپ الىنعان ستۋدەنتتەردەن، حالىق ساقشىلارىنان جانە وڭتۇستىك شينجياڭ 4 ايماق - وبلىسىنىڭ اۋىل - قالاشىقتارىنداعى ۇكىمەت قىزمەتكەرلەرىنەن باسقالارىنىڭ بارلىعى وڭتۇستىك شينجياڭداعى 4 ايماق - وبلىستاعى اۋىل - قىستاق بالاباقشالارىنا بارىپ ءبىر جىل وقۋ - اعارتۋعا كومەك بەرۋى كەرەك.

  اۆتونوميالى رايوننىڭ ۇكىمەت قىزمەتكەرلەرىن باسقارۋ تاراۋىنىڭ قاتىستى جاۋاپتىسى مىنانى ءبىلدىردى: ەمتيحان الۋ، قابىلداۋ قىزمەتىنە قاتىناساتىن ەمتيحان الۋشىلاردىڭ نەمەسە قىزمەتكەرلەردىڭ ەمتيحان بەرۋشىلەرمەن تۋىستىق قارىم - قاتىناسى، سونداي - اق ەمتيحانعا ىقپال جاسايتىن باسقا دا مۇددەلىك قارىم - قاتىناسى بارلارىنا ۇكىمەت جۇمىسى بويىنشا تايساپ تۇرۋ قاتاڭ اتقارىلادى. سونىمەن بىرگە، ۇكىمەت قىزمەتكەرلەرىن باسقارۋ تاراۋى ينتەرنەتتى باقىلاۋ - باسقارۋ تاراۋلارىمەن بىرلەسىپ، كەيبىر قوعامدىق قۇرىلىمداردىڭ ەمتيحان تۋرالى راستالماعان ينفورماتسيالاردى كەلسە - كەلمەس تاراتۋى، ەمتيحان تارتىبىنە ىقپال جاساۋى، ەمتيحان بەرۋشىلەردىڭ ۇقىق - مۇددەسىن زيانداۋ سياقتى جاعدايلاردى تازالايدى جانە ولارعا سوققى بەرەدى.

  اۆتونوميالى رايوننىڭ ۇكىمەت قىزمەتكەرلەرىن باسقارۋ تاراۋى مىنانى قاتاڭ ەسكەرتەدى: بۇل رەتكى ەمتيحاندا پىسىقتاۋعا پايدالانىلاتىن كىتاپ كورسەتىلمەيدى، ۇكىمەت قىزمەتكەرىن قابىلداۋ ەمتيحانىنىڭ پىسىقتاۋ كلاستارىن نەمەسە كۋرستارىن اشپايدى، سونداي - اق وندايدى وتكىزۋدى ەشقانداي قۇرىلىمعا تاپسىرمايدى. قازىر قوعامدا وتكىزىلىپ جاتقان ۇكىمەت قىزمەتكەرلەرىن قابىلداۋ ەمتيحانى كۋرستارىنىڭ جانە تاراتىلعان باسىلىمداردىڭ بارلىعى وسى رەتكى ەمتيحانمەن قاتىسسىز. ەمتيحان بەرۋشىلەردىڭ ساقتىقتى كۇشەيتىپ، ءوز مۇددەسىنىڭ زياندالۋىنان ساقتانۋىن ەسكەرتەمىز.
 ەمتيحان الىپ قىزمەتكەر قابىلداۋ تۋرالى حابارلاندىرۋ مەن قىزمەت ورىندارىنىڭ ناقتى ءمان - جايىن شينجياڭ پارتيا قۇرىلسى سايتىنان (http://www.xjkunlun.cn)، شينجياڭ ادام كۇشى بايلىعى جانە قوعامدىق قامتاماسىز ەتۋ مەڭگەرمەسىنىڭ سايتىنان(http://www.xjrs.gov.cn)، شينجياڭ كادرلار ەمتيحانى ورتالىعى سايتىنان (http://www.xjrsks.com.cn) قاراۋعا بولادى.

جاۋاپتى رەداكتور: ءاننا اكىمقان قىزى
  • ۋاڭ ياڭ شينجياڭدا تەكسەرۋ-زەرتتەۋ جۇرگىزدى
  • تاماشا دىر - دۋمانمەن قار ماۋسىمىنا قوش ايتتى
  • الداعى ءۇش كۇندىك اۋا رايىنان الدىن الا مالىمەت
  • شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، ساياسي قاسيەت پەن توڭكەرىستىك رۋحتى ماڭگى ساقتاپ، تانىم مەن ارەكەتتى بىرلىككە كەلتىرىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتەيىك