اعاجاي-التاي تورابى   ›   اقپارات ايدىنى   ›   احپارات اعىمى

ترامپ يزرايليانىڭ گولان ۇستىرتىنە يەلىك ۇقىعى بار دەپ تانيتىنىن جاريالادى

 شينحۋا اگەنتتىگى، 3 – ايدىڭ 25 – كۇنى، ۋاشينگتون (ءتىلشى: جۋ دۇڭياڭ، ليۋ پينران) ا ق ش پرەزيدەنتى ترامپ 3 – ايدىڭ 25 – كۇنى يزرايليانىڭ گولان ۇستىرتىنە يەلىك ۇقىعى بار دەپ تانيتىنىن جاريالادى. سيريا، رەسەي، اراب ەلدەرى وداعى قاتارلى مەملەكەتتەر مەن ۇيىمدار ىلە – شالا قارسىلىق ءبىلدىرىپ، بۇلاي ىستەۋ سول ءوڭىردىڭ جاعدايىندا جاڭا الاساپىراندىق تۋدىرادى دەپ ەسكەرتتى. 


  ترامپ سول كۇنى ا ق ش – قا ساپارلاي بارعان يزرايليانىڭ پرەمەر – مينيسترى نەتانياحۋمەن اقسارايدا كەڭەس وتكىزدى ءارى حابارلاندىرۋعا قول قويىپ، يزرايليانىڭ گولان ۇسترتىنە يەلىك ۇقىعى بار دەپ تانيتىنىن رەسمي جاريالادى. حابارلاندىرۋدا بىلاي دەلىنگەن: ا ق ش جاقتىڭ مۇنداي بەكىمگە كەلۋىنىڭ سەبەبى — يران مەن حەزبوللا پارتياسى قاتارلى ۇيىمدار سيريانىڭ وڭتۇستىك بولەگىندە ارەكەت جۇرگىزىپ، گولان ءۇستىرتىن يزرايلياعا شابۋىل جاسايتىن ورىنعا اينالدىرۋعا ۇرىنۋدا.
  ترامپ اقپارات قۇرالدارىنا: ا ق ش پەن يزرايليانىڭ قارىم – قاتىناسى بەكەم، مۇنداي بەكىمگە كەلۋدى «بۇرىننان- اق ويلاستىرعان بولاتىنبىز»، — دەدى. نەتانياحۋ: ا ق ش جاقتىڭ بۇل بەكىمى «تاريحي سيپاتتى» ءمان الادى، — دەدى.
  سيريانىڭ سىرتقى ىستەر مينيسترلىگى سول كۇنى مالىمدەمە جاريالاپ، ترامپتىڭ يزرايليانىڭ گولان ۇستىرتىنە يەلىك ۇقىعى بار دەپ تانيتىنىن جاريالاعانىنا باتىل قارسىلىق ءبىلدىرىپ: مۇنداي ارەكەت «سيريانىڭ يەلىك ۇقىعى مەن تەرريتوريا تۇتاستىعىنا اشىقتان – اشىق سۇعاناقتىق جاساعاندىق»، — دەدى.
  ب م ۇ باس حاتشىسى گۋتەرەس مالىمدەمەشىسى ارقىلى مىنانى ءبىلدىردى: گولان ءۇستىرتىنىڭ يەلىك ۇقىق جاعدايى وزگەرمەيدى، ب م ۇ – نىڭ بۇل ماسەلە جونىندەگى ساياساتى حاۋىپسىزدىك كەڭەسىنىڭ قاتىستى قاۋلىلارىندا ايقىندالعان.
  اراب ەلدەرى وداعىنىڭ باس حاتشىسى گايت مالىمدەمە جاريالاپ: ترامپتىڭ مۇنداي ارەكەتى حالىقارالىق زاڭدارعا اشىقتان – اشىق قايشىلىق جاساعاندىق، كۇشكە يە ەمەس. ترامپتىڭ مۇنداي پوزيتسياسى گولان ءۇستىرتىنىڭ شەتەل باسىپ العان سيريانىڭ جەرى ەكەنى سىندى فاكتتى وزگەرتە المايدى، — دەدى.
  رەسەي سىرتقى ىستەر مينيسترلىگىنىڭ مالىمدەمەشىسى زاحاروۆا اقپارات قۇرالدارىنا بىلاي دەگەن: ترامپتىڭ يزريليانىڭ گولان ۇستىرتىنە يەلىك ۇقىعى بار دەپ تانيتىنىن جاريالاۋى حالىقارالىق زاڭنىڭ ولشەمدەرى مەن حاۋىپسىزدىك كەڭەسىنىڭ قاۋلىسىن كاپەرىنە الماعاندىق، بۇلاي ىستەۋ ورتا شىعىس وڭىرىندە جاڭا كەزەكتى ۋشىققان جاعدايدىڭ تۋىلۋىنا اپارىپ سوعۋى مۇمكىن.
  گولان ءۇستىرتى سيريانىڭ باتىس وڭتۇستىك بولەگىندەگى ۇزاققا سوزىلعان تار ءوڭىر. يزرايليا 1967 – جىلى ءۇشىنشى رەتكى ورتا شىعىس سوعىسىندا وسى ءبىر ستراتەگيالىق ماڭىزدى ورىندى باسىپ الىپ، مەڭگەرۋىنە جانە قاراماعىنا الىپ، سيرياعا قايتارىپ بەرۋدەن باس تارتقان. حالىقارالىق قوعام اتالعان ءوڭىردىڭ يزرايليانىڭ تەرريتورياسى ەكەنىن مويىنداماعان. ب م ۇ حاۋىپسىزدىك كەڭەسى 1981 – جىلعى 497 – ءنومىرلى قاۋلىسىندا، يزرايليانىڭ ءوز زاڭىن، باسقارۋ ۇقىعىن جانە اكىمشىلىك قۇرىلىمدارىن گولان ۇستىرتىنە زورلاپ تاڭۋ بەكىمى «بۇكىلدەي كۇشكە يە ەمەس، حالىقارالىق زاڭدىق كۇشكە يە ەمەس» دەپ ايقىن بەلگىلەگەن. (ۋ دانني، ليۋ ياڭ)

جاۋاپتى رەداكتور: ءاننا اكىمقان قىزى
  • ۋاڭ ياڭ شينجياڭدا تەكسەرۋ-زەرتتەۋ جۇرگىزدى
  • تاماشا دىر - دۋمانمەن قار ماۋسىمىنا قوش ايتتى
  • الداعى ءۇش كۇندىك اۋا رايىنان الدىن الا مالىمەت
  • شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، ساياسي قاسيەت پەن توڭكەرىستىك رۋحتى ماڭگى ساقتاپ، تانىم مەن ارەكەتتى بىرلىككە كەلتىرىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتەيىك