اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

التاي كاسىپتىك مامانداردى قىسقى ساياحاتقا تالداۋ جاساۋعا ۇسىنىس ەتتى

قىسقى ساياحاتتىڭ تابىسى كورنەكتى بولسا دا، ماداقتاۋ - سيلاۋ جيىنىنىڭ ورنىنا ءوزىن تەكسەرۋ جيىنىن اشتى

  شينجياڭ گازەتىنىڭ تىلشىلەرى رىن جياڭ، جاڭ تيڭ 3 - ايدىڭ 22 - كۇنى التايدان حابارلايدى. 2018 − 2019 - جىلدىڭ قارلى ماۋسىمىندا التاي ايماعىنىڭ قىسقى ساياحاتى زور ارتۋدى جۇزەگە اسىردى. ءبىراق التاي قورىتىندىلاۋ، ماداقتاۋ - سيلاۋ جيىنىن اشپادى، قايتا 3 - ايدىڭ 20 - كۇنىنەن 21 - كۇنىنە دەيىن ءوزىن تەكسەرۋ جيىنىن اشىپ، ەلىمىز ءىشى - سىرتىنان 100گە جۋىق ماماندى جانە ساياحات سالاسىنداعى قايراتكەردى ”جەتەرسىزدىكتەردى ايتۋ“عا ۇسىنىس ەتتى.

  جاقىنعى جىلداردان بەرى التاي قىسقى ساياحاتتى كۇش سالا دامىتىپ، بەيجيڭ 2 - شەتەل ءتىلى شۋەيۋانىنىڭ جۇڭگو مادەنيەت جانە ساياحات ءىرى ساندى مالىمەت زەرتتەۋ ورنى باعالاپ شىققان ”2018 - جىلى ۇكىمەت ەڭ زور قولداۋ كورسەتكەن ساياحات نىسانالى جەرى قالا تىزىمدىگى“ندە مەملەكەت بويىنشا 3 - ورىندى يەلەدى ءارى جۇڭگو ساياحات زەرتتەۋ ورنى باعالاپ شىققان ”2018 - جىلعى 10 ۇزدىك قار - مۇز ساياحات قالاسى“ قاتارىنا كىردى. 2018 - جىلى 11 - ايدىڭ 1 - كۇنىنەن 2019 - جىلى 3 - ايدىڭ 15 - كۇنىنە دەيىن التاي جالپى 2 ميلليون 782 مىڭ ادام رەت ساياحاتشى قابىلداپ، سايكەس مەزگىلدەگىدەن %63.7 ارتقان؛ ساياحات جالپى تۇتىنۋى 2 ميلليارد 740 ميلليون يۋانعا جەتىپ، سايكەس مەزگىلدەگىدەن %85.3 ارتقان.

  بۇل ءبىر توتەنشە تاماشا ناتيجە، وندا نە ءۇشىن ءوزىن تەكسەرۋ جيىنى اشىلادى؟ ”بەلگىلى ناتيجەگە قول جەتكىزدىك، دەسەدە، ءبىز جۇڭگوداعى ەڭ ۇزدىك ساياحات نىسانالى جەرىن، الەم دەڭگەيىندەگى قار - مۇز سپورت نىسانالى جەرىن قۇرۋ نىساناسىنان الدەقايدا الشاق جاتقانىمىزدى تەرەڭ سەزىندىك. ءوزىن تەكسەرۋ جيىنىن اشۋداعى ماقسات ماسەلەنى نىشان ەتۋدەن جازباي، ماماندارعا تالداۋ جاساتقىزىپ، باعدار بەلگىلەتىپ، التايدىڭ قىسقى ساياحاتتان تىڭ ناتيجە جاراتۋىن ىلگەرىلەتۋ“، - دەدى التاي ايماقتىق پارتكومنىڭ مۇشەسى، اكىمشىلىك مەكەمەسىنىڭ ورىنباسار ءۋاليى ۋاڭ جۇن - ان.

  وسىدان بۇرىن التاي ايماعى قىسقى ساياحاتتا ساقتالعان 7 جاقتاعى نەشە ون ماسەلەنى تاۋىپ، سالالاپ شىقتى. الايدا بۇعان ريزا بولماعان التايدا سىرتتان مامان ۇسىنىس ەتىپ، التاي قىسقى ساياحاتىنىڭ ”ماسەلەلەردى تابۋىنا، ولقىلىقتاردى تولىقتاۋىنا، ءالسىز بۋىنداردى كۇشەيتۋىنە، دامۋدى جەبەۋىنە“ كومەكتەسۋ ويى تۋىندايدى.

  ءبىر جارىم كۇندىك جيىندا، ەلىمىزدىڭ جەر - جەرىنەن كەلگەن شاڭعى تەبۋ ماماندارىنان، قار - مۇز سپورتشىلارىنان، ساياحات كاسىبى قايراتكەرلەرىنەن جۇزگە تارتا ادام ءبىر اراعا باس قوسىپ، ماسەلەلەردى تەكسەرىپ، انىقتاپ، وعان تالداۋ جاساپ، نازاردى التاي ساياحاتىنىڭ جوعارى ساپالى دامۋىنا شوعىرلاندىرعان ”وي ورتاقتاسۋ“ ورلەۋىن كوتەرىپ، ساياحات ونىمدەرى، نەگىزدىك قۇرىلعى، قىزمەت وتەۋ سياقتى 13 جاققا ساياتىن 284 ۇسىنىستى ورتاعا قويادى.

  ۇسىنىستى تاپسىرىپ العان كەزدە، اۆتونوميالى رايوندىق ساياحات سەرىكتەستىكتەرى قوعامىنىڭ باستىعى ۋ فىڭ ”زەرتتەۋ - تالقى جيىنى“ن ”ءوزىن تەكسەرۋ جيىنى“ دەپ قاتە جازعان بولدى عوي دەپ ويلايدى، قىزمەتكەرلەر وعان پىكىرىن ورتاعا قويىپ، ”بەتكە اياماي باسۋ“عا ارناۋلى ۇسىنىس ەتكەندىگىن ايتادى، ”بۇنى ەستىپ جيىننان زور ءۇمىت كۇتتىم“، - دەيدى ۋ فىڭ. ول بۇعان دەن قويا دايىندىق جاساپ، 4 جاققا ساياتىن ماسەلە تاۋىپ شىعىپ، التاي ايماقتىق پارتكوم مەن ۇكىمەت باسشىلارى، ءارقايسى اۋداننىڭ، قالانىڭ، ءارقايسى ورىننىڭ جاۋاپتىلارى الدىندا 20 نەشە مينۋت سويلەيدى. ”مەن العا قويعان ماسەلەلەر ءبىرشاما وتكىر بولدى، ءسوزدى دە توتە ايتتىم. ايتارىمدى ايتىپ الىپ، ازداپ قوبالجىعانداي بولدىم“، - دەدى ول.

  التاي ايماقتىق پارتكومنىڭ شۋجيى جاڭ يان بىلاي دەدى: ۇسىنىس بەرۋ التاي ساياحاتى جونىنەن العاندا ەڭ جان اشىر قورعاۋ، ەڭ ۇلكەن كومەك سانالادى، ءبىز ۇسىنىس - پىكىرلەردى دەر كەزىندە سالالاپ قورىتىندىلاپ، رەتتەۋ - تۇزەتۋ شارالارىن جاساپ، ”بارلىعىنا جاۋاپ قايتارۋدى، بارلىعىن تياناقتاندىرۋدى“ ورىندايمىز، بۇدان بىلاي تاعى تۇعىر ورناتىپ، مامانداردى التايدىڭ قىسقى ساياحاتى ءۇشىن ۇسىنىس - پىكىر بەرۋگە ۇسىنىس ەتەمىز ءارى مەحانيزم قالىپتاستىرامىز.
 ”بۇگىن ۇسىنىس بەرۋ − قاتەلىكتەردى تۇزەتىپ، ەرتەڭگى كۇنى بۇراڭ جولدى از باسۋ ءۇشىن. بۇل ۇسىنىس - پىكىرلەر التايدىڭ قىسقى ساياحاتىنا عانا باعىتتالىپ قالماستان، شينجياڭنىڭ قىسقى ساياحاتىنىڭ ولقىلىعىن دا تولىقتايدى“، - دەدى اۆتونوميالى رايوندىق مادەنيەت جانە ساياحات مەڭگەرمەسىنىڭ ورىنباسار شارلاۋشىسى ما رۇي.

جاۋاپتى رەداكتور: ءاننا اكىمقان قىزى
  • شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، ساياسي قاسيەت پەن توڭكەرىستىك رۋحتى ماڭگى ساقتاپ، تانىم مەن ارەكەتتى بىرلىككە كەلتىرىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتەيىك
  • لي كىچياڭ زۇڭلي مەملەكەتتىك ەكى ماجىلىسكە تىلشىلىك ىستەگەن جۇڭگولىق، شەتەلدىك تىلشىلەرمەن كەزدەستى ءارى سۇراۋلارىنا جاۋاپ بەردى
  • 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭدە جابىلدى
  • مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى جابىلدى